كيف تعرفت على لقمة طيبة ؟


         وصفة : منى                 2010/11/21                 112 تعليقات
كيف تعرفت على لقمة طيبة ؟

منور الموقع باحلى و اغلى عيلة , يا ترى كيف اتعرفت على لقمة طيبة ؟

  • وصفات تانية ممكن تعجبك


التعليقات

  1. أريج الزهور 21 November 2010

    السلام عليكم أخت منى:
    كل عام و انتم بخير و ينعاد العيد عليكم و علينا بالصحة و العافية….
    حبيت الفكرة كتير
    أول شي بدي أشكركم عالوصفات اللي كتير زاكية و اللي الحمدلله دايما بتزبط
    اتعرفت على موقعكم و انا عم ببحث عن وصفة لورق العنب على الجوجل وطلعلي موقعكم و صرت افتح من وصفة لوصفة و أعجبت بطرق التحضير و خصوصا اني اخصائية تغذية :roll
    و مباشرة أضفت الموقع عالقائمة المفضلة عندي :grin :grin
    وصرت أجرب بهالوصفات الزاكية وزوجي مبسوط منها كتييييييير و بس :p

  2. هادينة 21 November 2010

    السلام عليكم منى
    كل عام ونتي وكل الصبايا الحلوات بالموقع بألف خير
    انا اتعرفت عالموقع عن طريق الجوجل كنت عابدور على وصفة الفريكة وطلع معي الموقع صرت قلب فيه وكتير فرحت وقت اللي عرفته سوري وبالاخص حلبي وضفته عندي عالممفضلة وصرت اتابعه دايما واجرب وصفات :)

  3. غيث 21 November 2010

    السلام عليكم كل عام والجميع بخير كيفك منى والاخوات اشتقنا لكم وين هالغطة كل يوم بفوت كذا مرة عالموقع لأشوف اش اخباركم والله بقي بالي عندكم الحمد لله انو الجميع بخير انا حبيت اعيد عالجميع وسبق واني اخبرتكم اني تعرفت على الموقع عن طريق زوجة اخي ام عبادة الله يجزيها ويجزيكم الخيروكتير انبسطت به وانو منطقي وطبخاته منفنفة وكلها من ناس مذوقة وفنانة بالطبخ شكرا لجميع الاخوات اللطيفات في الموقع وشكرا لمنى وجهودها العظيمة لنجاح موقعها وقد نجح وبجدارة وامتياز والحمد لله :)

  4. ام خليل 21 November 2010

    السلام عليكم
    من غوغل كنت عما شوف طريقة راس لعبد وكنت على موقع تاني انتو مشاركين مدري باي اكلة بس نسيتها ام عجبني اسم موقع لقمة طيب بلشت على بحر لقمة طيبةمن غير مجاملة والله في اشيا كتير مفيدةومتوفرة بالبيت نادرة ماحس انه شي بدي ياه حتى جيبه من براوطريقة سلق لحمة مع باقة عطرية كتير بتجنن وزوجي حتى عاجبته مع انه زوجي مابحب يغيرفي لاكل هل متعودال انه ياكله بس هي لاكلة وهل عماساويهن من لموقع ما عما اسمع اي تعليق منه وحمد لله سامحوني على اطالة بس عنجد موقع روعـــــــــــــــةشكراالك وكل مشتركاتوكل عام وانتو جميعا بالف خير ونعمةوينعاد عليكن يارب
    صديقتكن
    ;) :zzz

  5. 7ayah 21 November 2010

    اممممممممم :roll
    هلأ حسب زاكرتي المتواضعة إلي لا يـُعتـَمَد عليها أبداً :grin كنت عم دوّر على طريقة عجينة البيتزا
    وكنت بوقتا عروس جديدة .. مو كتير كتير .. كان صارلي تقريباً شي 10 شهور أو أكتر شوي :zzz
    و شفت رابط من موقع لقمة طيبة .. بس ما بعرف ليش بوقتا ما قرأتو و ما عملت بيتزا .. حفظتو عندي بالمفضلة و تركتو شي اسبوعين و بعدين رديت قررت أعمل بيتزا و فتحت المواقع الي عندي و شفت موقع لقمة طيبة .. و بلشت اقرأ ..و كتير شدّتني الردود و التعليقات و حبيت الجو إلي فيـّا .. و من وقتا سجلت بالموقع و لزقت فيه و ما بقى فارقو أبداً :grin
    و توتة توتة .. خلصت الحدوتة :zzz

    7ayah Dayyen

  6. نادين 21 November 2010

    مرحبا منوشه
    كل عام وانتي بالف خير يارب
    والله انا وصلت لهون عن طريق رنا خانوم ما غيرها
    كنت متزوجه جديد ودوخانه شو بدي اطبخ …عطتني هي الموقع وقالتلي جرب منو لانو كل الاكلات مضمونه يسلمي ايديكي يارب وايدين الصبايا والله يعطيكم الف عااافيه

  7. kafkof 21 November 2010

    كل عام و انتم بخير
    بالنسبة لي تعرفت على الموقع ايضا عن طريق غوغل كنت عم دور على وصفة مربى قشر البرتقال و الحمد لله جربتها و كانت ناجحة .
    جربت كتير وصفات واخرها هالعيد عملت كرابيج حلب
    بنفس المقادير و لاقت الاعجاب من جميع الضيوف
    الحقيقة اني كنت استمتع بالردود و لكن هي اول مرة بشارك معاكم و ان شاء الله اشارككم ببعض من وصفاتي
    شكرا على الموقع الرائع و كل عام و انتو بخير :)

  8. بسبوسة 21 November 2010

    انا يا ستي اتعرفت على هالموقع عن طريق جارتي كنت كل ما اروح لعندها الاقيها عاملة اكلة اطيب من اللي قبلها وتعرفي كل مرة اسالها وتقلي انه جابتها من موقع لقمة طيبة مرة على مرة قلت لا خلص بدي ادور عليه واتطلع عليه وهداك يوم وهادا يوم وماعدت تركته ولقيته بالغربة لقيه .. عنجد شكرا كتير

  9. اماني 21 November 2010

    كل عام وجميع اخواتي بالموقع بالف خير والله اناتعرفت على الموقع عن طريق بنت خالتي العزيزة رولا هي من صاحبات الاخت منى ومن وقتاواناعندي هل الموقع من المواقع المفضلة

  10. SimSim76 21 November 2010

    اهلين منمون واخيراً عملت اشتراك بموقعك دايما بفوت ضيفة هلأ صرت من أهل البيت :)

    أنا عرفت الموقع من منتدى لك :zzz

  11. رنا 21 November 2010

    احم احم …اجا دوري
    ياستي احلى صدفة انه اجتمعت فيكي وتعرفت عليكي عن جد منى انا كتير حبيتك …حبيتك قبل ماشوفك ووقت شفتك حبيتك اكتر …وكل مابتذكرك بدعيلك بالخير …ع فكرة اليوم تعشينا افخاذ الدجاج ودعيتلك بالخير على هالاكل الي بيبيض الوش ;)
    منجي لشلون عرفت الموقع …ببساطة وبدون شوفة حال انا انسانة مثقفة جدا جدا جدا جدا جدا هههههههه وعلى طول بقرأ المجلات …بالصدفة كنت عم اتصفح مجلة زهرة الخليج وفاتحة على صفحة التعارف بالايميلات وهيك شي …كنت جاية عالغربة جديد ومابعرف حدا قلت يابنت تعرفي ع كم شخص قصدي شخصااية ولو الكترونيا …وقتها مالقيت ولا حدا اتعرف عليه لانه وقت شفت اسم الموقع وكاتبين انه موقع حلبي اصيل تركت المجلة وفووورا عالكومبيوتر …كان مميز اسمه ال تو ام اي بسهووولة بينحفظ …ولما بتتعرف على صاحبة وسرعة ردووودها بتحسيها معك وقت الزنقات بيعلق الموقع بالبال وبصير صعب ينتسى …لقمة طيبة متل مية الشام الي بيدوقها مرة لابد يرجع للشام ويدوقها مرة تانية :zzz

  12. رنا 21 November 2010

    نسيت قلك كل عام وانتي بالف خير بمناسبة عيد الاضحى المبارك …وبدي قلك كمان انه قبل العيد بيومين تخرجت من الجامعة الحمد لله …وانا هلأ حامل في شهري الثاني بالولد الثالث ادعيلي الله ييسر اموري لانه عيلتي كبرت ;) اخر الاسبوع عاملة جمعة لكل حدا وعدته بحلوان التخرج وياريتني بسوريا لتنوروني كلياتكن …بس بدي اسألك شو اعمل اكلات خرج هيك مناسبة ؟؟؟المعازيم حوالي 15 شخصاية ومع اهل البيت منصير عشرين تقريبا

  13. أماني 21 November 2010

    السلام عليكم ورحمة الله وبركاته
    أناأول مرة بتعرف عالموقع وكان عن طريق وحدة رفيقتي

  14. ام رضا 21 November 2010

    انامن سنة اتزوجت عالغربة وما بعرف اطبخ نهائيا :p يعني بس نظري :grin ووقت العملي طلعت ما بعرف شي وعملت بحث بالغوغل ولما لقيت لقمة طيبة طار عقلي انو الموقع بالاساس بيعتمد عالاكلات الحلبية يعني متل اكلات ماما وانبسطت كتير وبس كل عام وانتو بخير

  15. omtasneem 21 November 2010

    السلام عليكم ورحمة الله وبركاته. كل عام وانتوا بخير جميعا اتعرفت عل الموقع من رفيقة عزيزة وغالية الله يذكرا بالخير ام عبادة كنت وقتا مابعرف شي عن الطبخ بمساعدة الموقع هلأ صرت يشهدوا بعزايمي شكرا لالك كتير ويجزيك الخير :)

  16. أم عمر 21 November 2010

    كل عام و أنتو بألف خير. كنت عم اعمل بحث على متبل الشوندر وطلع معي موقع لقمة طيبة اول مرة و بعدها مرة تانية كنت عم ابحث عن شغلة تانية ورد طلع معي و من وقتها و صار موقعي المفضل.كنت قبلو افتح مواقع كتير و جرب منها بس بعد ما عرفت لقمة طيبة ما عاد فتحت شي تاني.شكرا كتير ع هالموقع الرائع و جزاكم الله خيرا

  17. karamela 21 November 2010

    السلام على كل الصبايا الحلوين
    والله خجلت من حالي قال انا اللي اقترحت الموضوع وشوفوا تعليقي اجا بعد كم تعليق :roll
    هاد دليل اخت منى قديش الكل مشتاقلك
    اما انا ابوس روحها وج وقفا لاكلة يخنة البازلاء اللي كانت السبب باني اتعرف على هالموقع الروعة وصاحبته الاروع
    كنت عم دور عنا بغوغل وطلعلي هالموقع الروعة اللي خلاني كب كل مواقع الطبخ من بعده وخلاني قول انت وبس يا جميل
    وانا تقريبا كل يوم بنيم العيال وابو العيال وبسهر انا وياه لوحدينا ;) عن جد ما عم امزح :grin
    الله يخليلي هالموقع الحلو وصاحبته العسل ولايحرمنا منن

  18. gsm 21 November 2010

    السلام عليكم ورحمة الله بالاول كل عام وإنتي والصبايا بالف خير وينعاد عليكم بالصحة والعافية
    يا ستي نجي للمفيد انا تعرفت على الموقع لما كنت عروس وما صرلي شي شهرين اول اقل متزوجة وقتها كنت عم احكي مع مرت أخي على النت وهية كمان عايشة بغربة متلي وصرت اسألها على كل شغلة بالطبخ قام الله يجزيها الخير بعتتلي اللينك تبع الموقع وقالتلي هادا الموقع اكله كله حلبي وكل الأكلات يللي جربتها زبطت معي ومن يوميتها وانا صار هل الموقع يوميا لازم أدخله مباشرة بس ما افتح كمبيوتري يعني فيكي تقولي مع تشيكي على الإيميل تبعي وكل ما بجرب اكلة من الموقع وشو بتطلع روعة بدعيلك من جوات قلبي وعلى هل السيرة يا ستي اليوم كان عندي عزيمة كبيرة وكنت عاملة كذا صنف من الأكلات يللي بالموقع والحمد لله كلن زبطوا وما احلاهن شي بشهي وبيبيض الوش يسلموا إيديك يارب
    صرت هلق كل وحدة تحكي معي من رفقاتي وتسألني على وصفة معينة (بإعتبار صرت معلمة من ورا هل الموقع ) :grin :grin :grin فورا ببعتلها اللينك خصوصي إنو اغلب رفقاتي كمان عايشين بغربة كل وحدة فيهن ببلد وقارة الله وكيلك :grin
    وكيير عم يستفيدوا من هل الموقع الحمد لله
    طول عليك كتيير يمكن بس والله كتيير مشتاقتلك ومشتاقة لكل الصبايا وللمة الحلوة

  19. Iman 21 November 2010

    اهلين منى و الجميع. كل عام و انتم يخير جميعا. تعرفت على الموقع طبعا مثل الاغلبيه عن طريق الصدفه. كنت عم بدور على مواقع طبخ عربيه و طلبتا من اختي يللي ساكنه بعمان. فبعتتلي كام موقع و كتير انبسطت فيهم. وحبيت اتعرف على مواقع عربيه اكثر لاني كتير بحب اتقان الحلو العربي و الوصفات القديمه. فطلع لي اسم موقع لقمه طيبه مش عارفه وين و عجبني الاسم حسيت انو كوول. هههه هيك يعني مش رسمي. و كتيير انبسطت انو سوري لانو قريب من الاكل يللي ربيت عليه وهو الاكل اللبناني. و تغلبت اولها لانو كان يطلع معي لغه غريبه و بعدين اعرفت كيف احوله للعربي. و من وقتا كتييييييير اتعلقت فيه. يعني هيك بحسه كتير قريب من حياتي و متل عاداتنا مش زي مواقع تانيه كتير فيها اكل طيب بس كتير ابعاد العادات عنا. منى بتجنن ما شاء الله بحب كتير شخصيتها و روحها الحلوه. و فعلا صار فيه رابط وعلاقه جميله بين اغلب الاخوات. و كتير ممتع قرائه الردود. يعني كله على بعضه غير شكل. :zzz

  20. wesamnet 21 November 2010

    أنا وسام محمود و كان لي نصيب و شرف كبير في تجربة مجموعة من وصفاتك التي لاقت إستحسان و سؤال الأصدقاء و الأقارب عنها
    و تعرفت على موقعك عن طريق موقع (مطبخ لك) حيث كنت مشرفة في أحد أقسام الطبخ
    أتمنى لك المزيد من التقدم و الإزدهار

  21. omislam 21 November 2010

    السلام عليكم
    انا كمان تعرفت على الموقع عن طريق googleمن شي شهر ونص تقريبا وكان اول موضوع عن بوفيه فطور سوري والصورة ومكوناتها كان شي رائع شدتني كتير ولما تصفحت الموقع شفته غني كتير بوصفات رائعة واهم شي انه سوري حلبي زائد انو اله نكهة خاصة لانكم مع كل وصفة بتحطو سر الطبخة واللي احيانا كتير بيكون اهم معلومة لنجاح الوصفة
    الله يجزيكم كل خير على مجهودكم
    وتوته توته خلصت الحدوته حلوة والا؟؟؟؟؟؟؟ :grin 8)

  22. tala11 22 November 2010

    السلام عليكم ورحمة الله وبركات
    اما انا فبحب التجديد كتيروبحب جرب
    احيانا كنت بدي اعمل طبخة فبروح عانت دغري وبدور وبتطلع الاكلة الي بدي اياها وباكتر من موقع وسبحان الله المقادير اللي بتناسبني بتطلع من لقمة طيبة فبسجلها بالمفكرة وبعتمدها وبرجع لاكلة تانية وبتطلع خيار لقمة طيبة الافضل ومرة رجعت عالمفكرة وعم شوف الاكلات وشفتلكن شغلة غريبة كتييييييييييييير :EEK :EEK :X :X
    كل الاكلات مكتوب تحتا موقع لقمة طيبة!!!!!!!!
    وقلت بعقلي هاد هو الموقع اللي لازم اعتمدو
    والله وفقني الحمد لله بهالاختيار
    وهي قصتي باختصار :P :P :P
    قال ابن القيم”النية الصالحه والهمة العاليه نفس تضيئ وهمة تتوقد” :)

  23. larooo 22 November 2010

    كل عاااااااااام والجميع بألف خير يارب
    حالي متل حال كتير من الاخوات كمان اتجوزت وطلعت عالغربة وطبعاا ماكان الي علاقة بالطبخ سابقا
    :grin
    مابتذكر على اي اكلة كنت عم دور ..بس لفتلي نظري بالموقع لونه ..كتييير حلو ومشرق ..وضليت فترة اتصفحه بدون تجريب وبدون اشتراك وبعدين قويت قلبي وبلشت جرب وطلع شي فخم جداا ..ولما حبيت ردود منى وتفاعل المشتركات مع بعض تشجعت واشتركت ..والحمدلله كلو تمام ;)

  24. Noora 22 November 2010

    كل عام والأخت منى والجميع بألف ألف خير كل عام وموقع لقمة طيبة أحلى موقع بالعالم
    أنا بالنسبة ألي كنت عم دور على وصفة مربى الكرز عالغوغل وقلب من موقع لموقع وكل واحد يحكي شكل والحقيقة فتل راسي وما عدت أعرف مين طريقته صح لحد ما الله هداني لهل موقع والي عجبني فيه أنو الأكلات المعروفة بين الناس لقيتها فيه أما باقي المواقع فيها أكلات بعمري مو سامعة بأسمائها ومكوناتها يالطيف ألطف بدها معجم يترجم.واللي عجبني بهل موقع عدا عن كونه سوري أنه في شخص مسؤول عنه وموثوق فيه وهو مدام منى الله يخليها وممكن نتحاور معها ونسألها عن أي شي.وبصراحة اليوم يلي مابدخل فيه على موقع لقمة طيبة مابعده من عمري .بعتذر لأني طولت عليكم بس من كتر محبتي لمنى والموقع

  25. haya 22 November 2010

    السلام عليكم ورحمة الله وبركاته
    كل عام وانت بخير اخت منى وجميع المشتركات بخير وينعاد علينا وعليكم وعلى الجميع بالخير
    انا تعرفت على الموقع عن طريق صديقة الي هي اللي قالت لي عنه وعن وصفة جاتو التفاح بالصوص الذهبي وكثير حبيت الموقع وعجبتني وصفاته ولقيتها كثير مهضومة ولذيذة وسهلة
    بتمنى لك النجاح يا اخت منى ومزيد من التقدم

  26. ام عون 22 November 2010

    كل عام والامه الاسلاميه بالف خير وينعاد على منى والاخوات بالصحه والعافيه ;) انا اتعرفت على الموقع بالصدفه من القوقل كنت بدي وصفة البسبوسه :eek واكتر شى جذبني اسلوب منى الرائع وعندها فن التعامل و الذوق 8)

  27. منال 22 November 2010

    السلام عليكم هلق دخلت وشفت الموضوع الحلووقلت لازم شارك اولا كل عام والجميع بخير اعاد الله جميع حجاج بيت الله بالسلامة الى ذويهم يا ستي عرفت الموقع من اختي الي اسمها متلك منى ومتزوجة واحد حلبي كيف عرفته ما بعرف بس دلتني وشفته وعجبني كتير واعتمدته في قائمة المفضلة عندي وصار المرجع الاساسي عندي لكل طبخة جديدة او مقادير لطبخة بعرفها وكل شيجربته طلع كتير ظريف هدا غير الدعاية والاعلان للموقع ههههه لانو كل ما عجبتون طبخة ىبقلن من موقع منى وكل ما بدنا نساوي طبخة جديدة بقلن بسلشوف لقمة طيبة شو كاتبة منى عنها وهيك ان شاءالله بيضل منور الموقع

  28. laraye 22 November 2010

    السلام عليكم جميعا
    واول شي كل عام وكل وحدة من بيناتكن بخير وصحة وسلامة وانشالله ينعاد علينا بالخير و البركة.
    منى …. حبيبتي واختي في الله …(انا هيك بعتبرك) بعرف انو عاتبة علي … لانو صرلي فترة غاطة بس سبحان الله عندي كان شوية ظروف و الحمدلله هلء كل شي تمام غير انو مشغولة بالدراسة.
    انا اتعرفت عالموقع لانو باول ال 2009 كنت مخطوبة و امي مسافرة وكنت اطبخ واجرب على ابي … فكنت عمدور على كوسا بلبن او المخلوطة نسيت يالضبط شي وحدة منن … فلاقيت الموقع من غوغل والحمدلله اني لاقيتو وكسبت صحبتك
    :)
    منى ابوسك لا تعتبي علي وامانة اذا لزمك شي من هون (امريكا) قوليلي انشالله رح انزل عن قريب اذا الله يسر و.. والله انا لسى ع وعدي مشان الاكل الايطالي … سلمي ع اية و سيما كتير.

  29. lolli 22 November 2010

    انا كتير مبسوطة اني اتعرفت ع هالموقع الرائع
    انا متزوجة عالغربة من شي 3 سنين وما بعرف اعمل الا كاتو و مسكين زوجي شو اتحمل مني :upset
    ومن فترة شهرين دورت بـ google ع وصفة مربى القرعة و هو الموقع الوحيد اللي لقيت فيه الوصفة و في موقع تاني و تالت عاملين عن الموضوع كوبي المهم اللي لفتلي نظري هو الاهتمام بالتفاصيل الصغيرة وهالشي بيوفر فرص اكتر لنجاح الاكلة
    و بعد كم يوم دورت ع وصفة الكارنيارك كمان بالصدفة كان الموقع الاول :grin اللي طلعلي بغوغل
    و من يومتها كل ما بدخل عالنت بطلطل عليه عالسريع و غالبا بدون تعليقات لانه وقتي مضغوط
    و من قلبي الله يعطيكم العافية عالمجهود الرائع

  30. بشرى 22 November 2010

    السلام عليكم منونة وعلى كل الصبايا الحلوين اللي معنا , وكل عام وإنتو بألف ألف خير وإن شاء الله سنة الجاية على عرفات يارب لكل مشتهي ..

    يا ستي أنا تعرفت على الموقع عن طريق عمو غووغل لماكنت عم دور على أكلة المعجوقة لانو هي الأكلة ما عملناها بالبيت قبل هالمرة وكان صرلي شي سنة وشوي متزوجة ” عأساس خبيرة ” :grin

    ولما عرفت صاحبة الموقع اللي هيه انتي منمونة الحلوة طار عقلي فيه أكتر وأكتر وصار موقعي اليومي :zzz

    أكتر شي انبسطتت لما تعرفت من خلاله على نادين ورنا اللي هنن بالأساس رفقاتي بالجامعة وما كنا منعرف بعض شخصي :roll

    مافي كلام بيعبر عن مدى امتناني الكبير إلك ولكل صبية ردت وفادت بأي موضوع .. :)

  31. سمسمة 23 November 2010

    مرحبا منى ان شاء الله كل سنة وأنت سالمة
    ياستي أنا أتعرفت عليك من عالم حواء وبعدها لحقتك على منتدى لك وبعدين أتعرفت على موقعك وعلقت فيه وصار مرجعي الأول والأخير

  32. لارا مينا 23 November 2010

    أنا كتبت قبل كيف تعرفت على الموقع , والإعادة فيها إفادة.

    نفس الحلوات إلي سبقوني تعرفت عليه عن طريق جدو جوجل :grin

    لقيت وصفة ضمن مكوناتها عصير الحصرم وماعرفته طبعا, رجعت عملت بحث عنه فطلعلي الموقع , وأذكر كان الوقت متأخر أساسا, وضليت أتنقل من صفحة لصفحة لحد وجه الفجر , ومن هذيك الليلة أضفته في المفضلة عندي وما صرت أنقطع عنه أبدا , لأسباب كثيرة أهمها ترتيب الموقع وألوانه , لأن باقي المواقع تسبب لي صداع جامد .

    وكمان من يومها ماعاد جربت شيء من النت غيره وأيضا صرت مقلة جدا جدا من التجريب من الكتب او الـ tv أو حتى من زميلاتي في العمل , يعني الموقع بيغني عن كل شيء , وكمان من يومها لحد الحين صار أغلب أكلنا حلبي وسوري وانا سعودية بالأساس :grin

    يعني الموقع غير ثقافتنا الغذائية , لأن فيه تنوع أكثر وأنابحب التنويع .

    طولت عليكم

    باي :zzz

  33. لارا مينا 23 November 2010

    ألف مبروك التخرج وعقبالي بإذن الله , والله يسهل أمورك حملك على خير إن شاء الله ,

    حبيت خبرك إني عملت التورتة تبعك وطلعت ميه ميه الله يسلم دياتك وميرررررررررررررسي كثير

    ومن العايدين.

  34. hajar 23 November 2010

    مسا الخير منى كيفك كل عام وانتي بألف خير يارب والله يخليلنا اياكي وهالموقع الرائع انا اتعرفت عالموقع من الجوجل و اول وصفة جربتها كانت شاورما الدجاج تقريبا صرت مجربة اكتر وصفات الموقع وكلها طيبة وبتجنننننن يشهد ربي انو بدعيلك على طول بكل خير وبعدها صار من المواقع المفضلة عندي الي بتصفحها كل يوم

  35. رنا 23 November 2010

    عن جد احسن شغلة انه تعرفتي علينا انا وندوش ….دمعت عيوني من الفرحة :sigh طول عمري مفكرة حالي عنصر هدام بالمجتمع …طلع في حدا متشرف بهالمعرفة ههههه :grin
    ياستي وانا كمان تشرفت كتير كتير بمعرفتك وعن جد صرتي صديقة قريبة كتير بفضل الفسفس افندي

  36. ام رومل 23 November 2010

    السلام عليكموكل عام وانتي بخير وكل بنات الموقع
    وحج مبرور للي الله كتبلو حجه هالسنه
    انا تعرفت عالموقع من غوغل عم ادور على راس العبد وشفتو عجبتني طريقه المقادير وتنفيذ الطبخات بدون تعقيد وتكلف الله يعطيكي العافيه بس انا عتبانه السنه
    مافي ولا بوفيه اشبك متكاسله يللا شدي الهمه بالتوفيق

  37. om nabeel 24 November 2010

    انا شفت الوقع عن طريق غوغل
    كنت عم دور على طريقة الحبوب
    وعملتيها وحبيتها كتير
    وسجلت معكم وخاصة انه صاحبة اموقع حلبيية
    (عنصرية) :upset :eek :roll :grin
    الى الامام وان شاء الله من حسن الى أحسن

  38. عطاء 25 November 2010

    السلام عليكم
    كيف حال الجميع –عيد سعيد مبارك على الجميع
    وتقبل الله طاعتكم
    انا تعرفت على الموقع مثل اغلب اخواتي في الموقع كنت ابحث عن وصفه اعتقد كانت كاتو اوبسكويت وفوقعت على لقمه طيبه –صارحه بهرتني الوصفات واكثر ما شد انتباهي هو السفر والبوفيهات الراقيه المرتبه ان شاء الله تسلمين والله يحفظ لك الاحباب جميعا

  39. رنا 27 November 2010

    شكرا الك عالمباركة اللطيفة وصحتين على قلبك عالتورتة …بس ممكن اعرف ايا وحدة جربتي :p

  40. mayada 28 November 2010

    السلام عليكم كيفك يا شيف منى بل فعل بيلبقليك هل تسمية ياستي انا تعرفت عل موقع كمان من جوووووجل لما شفت هل موقع مابتصدقوا طارعقلي من فرح صرت كل يوم مثل فرد الصلاة افتح نت لقمة طيبة صباحا وظهرا ومساءاالله يعطيكي مليون عافية والى الامام دوما ياست الستات يا منى الله يوفقك سلام ميادة

  41. منى 1 December 2010

    هلا ميس :)
    شكرا الك حبيتي , و انا ممنونة جوجل لن عرفتني على هيك اخوات
    انا بعرف انك بتكوني موجودة و مو ضروري التعليق المهم ان تبقي دوما هون

    نورتي :zzz

  42. Mays 1 December 2010

    كيفك منى و كل عام و إنت بخير إلك و لكل الصبايا بالموقع :)

    أنا تعرفت على الموقع عن طريق الجوووووجل ، كنت عم دور على وصفة الكعك المالح( الكعك المدور اللي منعمله بالعيد) و لقيت هالموقع الرائع و كانت أحلى صدفة لإني صرت فوت عليه بشكل شبه يومي و اعتمد عليه بكتير أكلات و أفكار حتى لو كنت ما بعلق بشكل دائم.
    الشكر إلك و لكل القائمين على هالموقع الحلو و المميز و الله يعطيك ألف عافية :zzz

  43. farah 1 December 2010

    يسعد صباحكم وايامكم يا عزيزتي منى انا تعرفت عالموقع من صديقة عزيزة وغالية دلتني عليه وخبرتني ان صاحبته ظريفة كتير ويمكن حلبية :zzz
    وبالفعل صدقت طلعتي حلبية واظرف من المتوقع وموقعك فيه احساس دافي بيشعر الواحد بدفئ العيلة من خلاله
    ربي يكرمك ويوفقك لترتقي فيه لأفضل المواقع وتحققي كل طموحك من خلاله

  44. ream 1 December 2010

    السلام عليكم
    أنا تعرفت عالموقع الأكتر من رائع عن طريق رفيقتي Laraye وتعلمت منه كتير وصفات رائعة وبتمنى لصاحبة الموقع دوام النجاح والتوفيق

  45. منى 2 December 2010

    هلا اريج الزهور :)
    نورتي مية هلا فيك , انا مبسوطة ان الموقع عجبك و خصوصا انك خبيرة تغذية ;)

    صحتين و الف هنا على البك و الب ابو الشباب , و ما دامك اخصائية معناها ان شاء الله ما في وزن زيادة مع الاكلات الطيبة ;)

  46. أريج الزهور 6 December 2010

    تسلمي أخت منى، و ان شالله بشارككم بوصفات صحيةو طيبة و سعراتها قليلة
    و من حسن حظي اني اتعرفت على الموقع و على الناس الطيبة متلكم :)

  47. نوراقطر 12 December 2010

    اول شي بدي سلم على ست الكل منى واخواتي الاعضاءالموقع انا ياست منى سورية واول ماتزوجت سافرت قطر ولسوء حظي ماكنت بعرف اطبخ والاحلى اني كنت عاملة دفتر للطبخ ونسيتو بسورية بس لحسن حظي كنت عم دور بالنت على اكلة يالنجي وشفت الموقع وطار عقلي حسيت الله بحبني وعوضني عن مليون دفتر وخاصة انو الطبخ من أنامل حلبية لان امي حلبيةومادقت اطيب من الاكل الحلبي اسفة طولت عليكي 8) :p

  48. ام احمد الغالي 14 December 2010

    كل عام وانتي والجميع بالف خير وينعاد عليكي وعلى عيلتك كل سنة احسن واحسن يارب
    انا تعرفت على الموقع عن طريق حبيتي ورفيقتي ومرت اخوي ((بشرى )) كنت عم اسالها عن اكلات ودلتني ع الموقع
    بس بدي اسالك عن شغله بيصير غير اسمي(( المعرف )) حابة غيرة بيصير؟؟ ولا نوووو
    الله يجزيكي كل خير اخت منى

  49. zena al afandi 14 December 2010

    mar7aba……ana daife jdeede houn ma sarly zaman ..ana 3ayshe bi SWITHERLAND bi GENEVA ou ba7eb el tabekh kteer kteer ya3nymen hewayaty…ou et3arafet 3ala hal mawke3 el ra2e3 men RANA darwish men el FACEBOOK ou kanet 3amle aklat mashallah ou katbe esem el mawke3….ana kteer khajlane la2eno ma3 3andy computer byktoub 3araby bas enshallah r7 ajeeb ma3i men Aleppo el marra el jaye…any way enshallah yekoun ketabty wad7a ou te2balouny zmele ma3koun bel tabekh ou enshallah 3an 2areeb r7 ab3atlek MADAM Mona kam wasfe jedeed enshallah…..salamy lal jamee3

  50. منى 15 December 2010

    هلا زينة :)
    شرفتينا و نورتي الموقع بين خواتك و اهلك و ما دامك من طرف رنوشعناها انت من عضان الرقبة :)

    هلا انا فهمت عليك , مع اني شفت صعوبة شوي , بس ما في حل , يلا ان شاء الله بتنحل المشكلة قريب

    رح استنى وصفات جديدة منك , و مية هلا مرة تالتةو رابعة

  51. منى 15 December 2010

    هلا ام احمد :)
    و انت بخير انت و احمد و بقية العيلة كلهم واحد واحد

    اي اكيد فيك , يا ريت تبعتيلي عن طريق اتصل بنا لحتى غيره متل ما بتحبي , او خبريني هون عن المعرف الجديد ;)

  52. رنا 15 December 2010

    اهلا وسهلا ب زينة خانم …ياستي حبيت رحب فيكي بعد الاذن من منى لانه بعتبر هالموقع بيتي واعز :grin :grin
    مية السلامة فيكي يازينة وانشالله تشوفي على وشنا احلى الطبخات …وتزودينا باطباق جديدة …مية هلا ;)
    كل اللي من طرفي من عضام الرقبة …شو هالدلال يامنى ..الله يخليلي ياكي اخت عزيزة وغالية يارب …وانا كل يوم بدك شي عشرة عالموقع بس ماحدا بيسجل بياخدو الي بدن ياه وبيمشو بس يلا كله خير وحسب الوقت والفضى ;) سلام منى

  53. رنا 15 December 2010

    مرحبا منى …ياستي فاقس كيفي هاليومين على الكب كيك …بس عم حب جربه بالكريما يعني غطيه بالكريما …ومن فترة شفت رفيقتي عاملته وطالعة اشكاله بتجنن …كريما ملوونة بس مو اللون الي لفت نظري …لفتت نظري الكريما انه ماسكة حالها وبتساعد بالتزيين اكتر من الشانتييه والكريم الفريش …هل الكريم الفريش كتير حبيت طعمه بس ماعم يطلع معي متل الغيمة هيك متماسك …عم يطلع شوي مريق وعم خاف اذا زودت الخفق ترجع الكريما زبدة ..قرأت عن كريما اسمها الفروستينغ وهي يلي بيستعملوها بالكب كيك …هلأ الطريقة الي شفتها عبارة عن زبدة وسكر بودرة تقريبا ست ملاعق زبدة على كاستين سكر ….انا تخيلتها رح تطلع حلااوتها قوية كتير وقلت بسألك اذا مجربتيها قبل مااتورط

  54. أم المنذر 15 December 2010

    اولا كل سنة والاخوات جميعا بألف خير وخاصة أختنا منى انا تعرفت علموقع بالصدفة وانا عبدور شلون بتنطبخ رزو كماية انا بعرف شلون بتنطبخ بس قلت ياترى في حدا بيطبخا غيراللي بعرفوا وهيك طلعلي موقعك وفعلا اعجبت كتير فيو واستفدت كتير وخاصة انا بالسعودية واحتاج بعض الاشياء اللي تنقصني شكرآ شكرآمن كل قلبي والى المزيد من التقدم والازدهار يامنى وبتمنى تردي على تعليقي منشان احس انو نحن متواصلين وهدا اللي عجبني كمان التواصل بين الاخوات وكأنو أسرة واحدة شي رائع وآسفة طولت عليكي

  55. منى 16 December 2010

    رنوش في كتير هيك و انا ما بزعل , كل الي بيحب الطبخ اله محل بيناتنا و لو من بعيد :zzz

    هي كريمة الزبدة , و انا بستعمل 125 غ زبدة مقدار 250 غ من السكر البودرة مع ملعقة كبيرة كريم فريش , طيبة كتير و شغل الغراند او حانا بس تقيلة ;)

  56. رنا 18 December 2010

    ممممممواضح من كمية الزبدة الي فيها …وانا بصورة عامة ماكتير بحب الكريما الثقيلة …بس هي عم تعجبني للتزيين .بتعرفي بجرب طريقتك بمقدرا صغير وبشوف
    انا قريت عالنت انه في وحدة عانت من نفس مشكلتي بالتزيين بالكريما وانه بتسيح معها ومابيطلعلها اشكال ..كاتبة انه سألت شيف وعطاها السر انه بس ماوصلت الكريما الفريش لكثافتها بتضيف لكل كأس كريم فريش ملعقة كبيرة جيلي شفاف مذوبة بملعقتين ماء ..بس طبعا الجيلي لازم يكون بارد بتحطه فوق الكريما وبنخفق اكتر لبين ماتشد معها ..وقال وقتها الكريما مابتفكر ترجع زبدة ابدا …بقا لنشوف شو بجرب …يلا طولت عليكي سلام ;)

  57. منى 19 December 2010

    فكرة كمان , سبحان الله الطبخ علم عن جد و ما بيخلص ;)

    جربي و خبريني يا جميل:)

  58. منى 20 December 2010

    هلا ام المنذر :)
    نورتي و شرفتي و هلا انا بموت على الرز و كماية و هلا صرت حبها اكتر و اكتر ;)

    متل ما لتي احلى الشي هون اللمة و اطيب الشي الاكلات , مية هلا فيك ببيتك النتي

  59. منى 20 December 2010

    هلا هادينة :)
    و انت بخير ان شاء الله و ينعاد علينا و قلوبنا انضف و اقرب من رب العالمين :)

    هلا فيك و صحتين و عافية على كل شي جربتيه

  60. NOUR27703 20 December 2010

    السلام عليكم جميعا
    يمكن المشاركة متاخرة بس احيان عم يتعطل الموقع وعم تعدي ايام انسى افتحوا اما انو كيف تعرفت على الموقع عن طري الاخت ام رومل هيي اللي نصحتني جرب وصفاتو وفعلا بشكرها على هالنصيحه لانو مافي وصفه جربتها الا عجبت العيله وصاروا ريطلبوها بارك الله فيكي اخت منى والى الامام دائما
    ملاحظة :ام رومل بتصير اخت زوجي تسلملي عينها

  61. منى 20 December 2010

    الف الف صحة و هنا على قلبك و قلب العيلة و انا ممنونة ام رومل على الدعاية الطيبة ;)

    بتشرفي و بتوري على طول

  62. منى 20 December 2010

    هلا غيوثة :)
    و عليكم السلام و رحمة الله و بركاته حبيبتي , الغطة على خير ان شاء الله
    شكرا كتير الك حبيبتي على كلامك و زووءك الي بتخجليني فيه دوما , ربي يديم المعروف و المحبة دوما :)

  63. omislam 25 December 2010

    مرجبا اخت رنا عفوا اذا عم بتدخل بس مشان الكريمة حبيت خبك اني مرة جربت ضيف ملعقة بودرة جيلي على الكريمة الفريش بعد ماخفقتها مشان احصل على لون مختلف بس للاسف انو الكريمة فورا رجعت سايلة وقد ماخفقت فيها ماعاد تجمد
    بس يمكن الطريقة اللي قلتي عليها تكون مختلفة لانك بتدوبي الجيلي وبعدها بتضيفيه
    بس حبيت خبرك على تجربتي لانو انا كمان الكريمة معي مابتكون جامدة بالطريقة اللي تساعد على التزيين بشكل منيح فإذا وصلتي لشي ياريت تفيدينا وآسفة على الاطالة

  64. Jassy 25 December 2010

    السلام عليكم ورحمة الله وبركاته

    امبارح رجعت من الإجازة يلي قضيتها بسوريا، واليوم أول موقع بفتحو -حتى قبل إيميلي- هو هون :grin تشوف كيف الصبايا والستات وشو في شي جديد.

    شكراً منى للمرة المليون للوصفات والمواضيع الحلوة كمان.
    أول مرة كنت عم جوجل على (فاصولية بزيت) وهالحكي كان من شي سنتين أو أكتر، طبعا غير أن أخدتها من هون وطبقتها دغري وطلعت بتغرف القلب، ما قدرت بعدين بعد عن الكومبيوتر وانا اقرأ وانتقل من وصفة لوصفة. الشي يلي شدني أكتر الشي بالموقع طبعا أولاً انه حلبي 8) يا خيتو غير شكل .. وطبعا أهم ميزة فيه ويلي بتخليه فعلا يختلف عن كلللل المواقع التانية هو أن الوصفات مجربة، وأن فيك تتواصلي مع الطباخة وتطرحي الأسئلة،.. هالشي بيفتقر كل مواقع الستات التانية، وبيعطي جدية للموقع، يعني بيخليه علمي موسوعي مو بس هيك : هات إيدك والحقني.

    بحب بس حط كمان تعليق صغير لأهل حلب أن : ياااااه شو صارت حلوة ! وتزبيطة عدادات التكاسي والرقابة عليهم عن جد عن جد عطت طابع بيجنن لحلب نسبةً للمحافظات التانية. وحركة الباصات وشكلها حلت أزمة مرور -لاحظتها من 4 سنين كانت تطالع الروح- عن جد هنيئاً لإلكم. وعقبال ما يتخلصوا من الزبالة بالشوارع والكياس النايلون الطايرة :sigh .

    مع التحية :)

    والسلام عليكم ورحمة الله

  65. منى 25 December 2010

    ايييه على راسي لك خيت , و انا عم قول ليش كانت منورة :zzz

    الحمد لله على السلامة , ان شاء الله اهلك كلهن كانوا بخير
    متل ما قلتي حلب عم تتغير و كتير عم يصير فيها تحسينات , بس ان شاء الله مو بس بالظاهر , بالمضمون كمان ;)

    في هلا حملة كبيرة للنضافة بكل سوريا , بس يا ريت تجيب نتيجة لان هادا شي اساسي و مهم

    صحة وهنا على كل شي جربتيه و كان يممي , و ان شاء الله تجربي كمان و يطلعوا كلهم على زووءك ;)

  66. رنا 27 December 2010

    عزيزتي لاتعتذري للتدخل بالمرة لانه الموضوع ماله خالص ابدا ….واصلا نحنا هون لنتعلم من بعض ونستفيد وكل وحدة فينا تخبر تجربتها للتانية
    انا خبرت منى على قصة الكريما بس انا ماجربت انا قرأت الوصفة في احد المنتديات وهون الطريقة اذا بتحبي تشوفيها على هذا الرابطull]null[/URL][URL=http://forum.hawaaworld.com/showthread.php?t=851933]طريقة خفق الكريما هنا[/URL]

  67. mayada 27 December 2010

    مرحبا عزيزتي منى كيف صحتك ان شاء الله تكوني انتي والعائلة الكريمة بخير لو تكرمتي علي ممكن تعطيني وصفة الكنافة المفروكة كيف بتنعمل وشو نوع القشطة لانو انتي بتعرفي بشيكاغو مافي قيمق وميلزي منو لو فتللت اميركا ما بلاقي وشكرا سلف ميادة سلام

  68. أم المنذر 28 December 2010

    كيفك منى بتسلم عليكي رفيئتك نوار عك عم أحكيلا علموقع وذكرتلا اسمك قالتلي يي هي رفيئتي كنا بالجامعة سوا سلميلي عليها هي تزوجت على أبو ظبي 2007وصار عندا صبي وانا بكون مرت خالاوالتئينا من اسبوعين بحلب هي نازلة اجازة شي شهر وانا نزلت من السعودية شي اسبوع المهم وصلت السلام والسلام امانة وصل ياقمر :zzz اكيد الى اللقاء عزيزتي

  69. منى 28 December 2010

    هلا ام اسلام :)
    بالعكس ممنوتك كتير للمعلومات الي اضفتيها , متل ما قالت رنون , هون بساط احمدي و ايا شي بتحبي تعلمينا اياه نحنا اكتر من ممنونين :zzz

    شكرا رنون للرابط , رايحة ااقراه ;)

  70. منى 28 December 2010

    هلا ميادة :)
    تكرم عيونك حبيبتي , من فترة كنت عند ستي و صورتها بالخطوات المفصلة و هي عم تحضر الكنافة المفروكة :zzz

    بنزلها ان شاء الله

  71. حمودي 31 December 2010

    صرااااااحه حبيت الموقع كتير والمدام منى اكثر

    لانه الكل يكتب خبرته والاشياء الي طلعت معه والي ماطلعت وكل الواحد يستفيد من خبره التاني وهذا شي حلو قليل تحصليه في المواقع التانيه وكمان الكل يبادر لعمل وتجربه الوصفات
    روووووووووووووووووعه
    …………
    وانا تعرفت عليه عن طريق احدا الاخوات في منتدى لك
    ………..
    مع خالص حبي واحتراااااااامي للجميع
    Ahmed

  72. omislam 31 December 2010

    شكرا الك اخت منى واخت رنا ع التشجيع والله يقدرنا نفيد ونستفيد بكل شي
    ومشان الكريمة انا فعلا حابة اوصل لكريمة تكون جيدة للتزين يعني مابتدوب بسرعة وبنفس الوقت تكون طعمتها طيبة وصارلي فترة وانا عم دور بالنت ولسه ماتوصلت لشي بس اتوصل لشي وجربه بخبركم
    شكرا على الرابط الآن رح افتحه

  73. إسراء 9 January 2011

    مرحبا للجميع
    وسلام خاص لست منى ست الكل
    تعرفت ع الموقع عن طريق جوجل كان اختي بدها مقادير عجينة البيتزا و صار شغلي الشاغل فوت واتصفح وطبق بهالوصفات وصار اسم الموقع بالعيلة معروف كتير وكأنو صديق حميم للعائلة وصار دفتر الطبخ اللي عندي كبير وفيه وصفات كتيرررررر من موقع لقمة عن جد بشكرك كتير ست منى على هالموقع الرائع حاولت فوت على غير مواقع للطبخ بس لقيت هاد أروء شي هونيك عجقة وشي فايت ببعضو هون كللو مقسم ومنسق وروااااااء واهم الشي الطبخ حلبي على أصوله خيييييييييت وشغلة تانية منكتب السؤال منلاقي الرد تاني يوم جد الله يعطيكي العافية عم تتعبي كتير بهالموقع بس والله بدعيلك من كل قلبي الله يحرسك ويحميكي وينولك مراد قلبك يااااارب ……. وشكرا …..اسراء

  74. مياسة 17 January 2011

    السلام عليكم
    انا تعرفت من فترة عالموقع عن طريق الجوجل كنت عم دور عوصفة لكاتو بالموز و جربتها
    و طللع الكاتو روعة
    صرت مجربة كتير اكلات و كلو عم يطلع طيب و عن طريقك يا مدام منى صرت افهم اشياء بالطبخ ما كنت افهمها او ماكان عندي عنها فكرة
    بشكرك كتير يامدام منى عتميزك يللي بحسو ما بس بالطبخ كمان بروحك و شخصيتك

  75. كنودة 18 January 2011

    مرحبا يا صبايا
    وسلام خاص للست منى
    انا تعرفت عالموقع عن طريق احدى صديقاتي و هالحكي من شي سنتين و نص
    و بوقتا الي شجعني فوت عالموقع حكي رفيقتي
    انو صاحبة الموقع من عنا من حلب و لهيك
    ما بتلاقي اشياء غريبة بوصفاتا ما عنا منا بالسوق
    و كمان مقادير اكلاتا دقيقة يعني مو متل
    وصفات امي و حماتي (بتحطي شوية كذا و كمشة كذا و اتورة كذا)ههههه

    بس كعضوة بالموقع صرلي شي سنة
    ومن يومين كانت اول مشاركة الي بأكلة شرحات المايونيز
    وشكرا
    كندة

  76. ocean7 20 January 2011

    اما انا تعرفت عالموقع لما كنت بمواقع طبخ و لقيتا كلها خليجية و اشتهيت شهوة الاقي موقع سوري و كتبت عالجوجل اكلات سورية و طلعلي موقعكم و علقت فيه و الحقيقة فانه رائع جدا جدا و سهل وواضح و ما بيضيع الشخص فيه

  77. bobo84 21 January 2011

    السلام عليكم اناكنت عم اعمل بحث عن وصفة لعش البلبل(اللي هو بلحمة وطحينة مش الحلو العربي)فبالصدفة فتح هالموقع المميز يللي فيه أكلاتنا اللي نحنا متعودين عليها وكتير عم نفتقدها هون بالغربة وأنا المشكلة عندي أنو حتى لما بتصل مثلا على سوريا مشان أسأل عن أكلة معينة بيعطوني مقادير تقريبية متل لما سألت حماتي عن السمبوسك الكتيير بتعملو طيب فهي بتعتمد على مهارتها وخبرتها الطويلة فهيك ما كنت أستفيد شي بس هالموقع في مقادير محددة عم نعتمد عليها وبإذن الله عم تطلع الوصفات تحفة وشغل معلمين فشكرا للقمة طيبة ولست منى اللي عم تعطينا من وقتا وخبرتا ومعرفتا والله يجزيها كل خير :roll

  78. رغد غسان علاء الدين 27 January 2011

    يسعد أوقاتكن..

    مع إنو أنا بعرف صاحبة الموقع وهيي بتكون كنة جارة أهلي :zzz (( دختو ولا لسه))

    وبالدرجة الأولى هيي أخت بالله قريبة من القلب..أسمع من ماماتي أو من هون وهون إنو بتحب تجرب طبخات وهيك..وما خطر عبالي قصة النت..ومرة كنت راجعة مع رفيقتي غادة رفاعي الله يجزيها الخير حكت غنو عندها رفيقة اسمها منى صابوني وعندها موقع طبخ واشترت كاميرا كرمال الصور..ولما حكت اسم الموقع حكيتو ببالي وأول ما جيت عالبيت دورت عليه وسجلت فيه..ومن هنا نستنتج إنو بني آدم لو بيعرف بني آدم..ممكن يدلو عليه بني آدم تالت :grin

    وانشالهل بتدوم هالصحبة وكتير مبسوطة أنا معكون..

  79. منى 27 January 2011

    :grin :grin :grin

    عن جد رغودة حلب كلها بتعرف بعضها بس يقعدوا و يحكوا كلمتين ;)

    نورتي و شرفتي دوما

  80. مريانا 31 January 2011

    كيفك مدام منى
    انا تعرفت عالموقع من صديقتي رغد
    كل ماعملت اكلة بتقول من موقع لقمة طيبة
    وانا عرسي قريب لازم طور حالي
    جزاكم الله خيرا جميعا

  81. ورد 24 February 2011

    انا كمان اتعرفت عالموقع عن طريق الجوجل وبما اني مبتدئة بالطبخ بدور كنت كتير على شي موقع يكون فعلا قريب لاكلنا واول مادخلت بالصدفه عالموقع قريت وصفات الست منى ولما شفتا حلبية قلت اووووه عز الطلب بما اني كمان من حلب وانا عرفت هالموقع من السنة الماضيه بس ماكنت مشتركه فيه كنت اقرا الوصفات ويسلمو ايديكي ياست منى وانشالله هالموقع يظل من حسن الى احسن وفي تقدم دوما ……. :zzz :zzz :zzz

  82. abir5 25 March 2011

    مساء الورد والياسمين لأحلى ست منى بهينيكي على هالموقع الروعة وقد ما بشكرك مابعطيكي حقك لأنك بوصفاتك الطيبة خدمتيني خدمة العمر صرت اطبخ وانا واثقة بأنه الطبق حينال الأعجاب بكل تأكيدوصار موقع لقمة طيبة دليلي في جميع الاطباق بلا استثناء ولازم أتصفحه كل يوم لشوف شو الجديد أتعرفت على موقعك عن طريق صديقة الي انا جربت كثير من وصفات الموقع ولله الحمد ظبطت ونالت الاعجاب هدا طبعا من فضل رب العالمين وفضلك يا عزيزتي ومن يومها موقع لقمة طيبة صديقي الصدوق اللي ما بقدر استغني عنه ولا عن صاحبته اللي بدعي لربي يعطيها الصحة والعافية على هالخدمة الرائعة ولك جزيييييييييل الشكر

  83. samira78 21 April 2011

    مساء الأنوار اخت منى و جزاك الله كل الخير على هذا الموقع القيم و الذي اصبح لي كمرجع للكثير من الوصفات المبدعة و المبتكرة المشروحة بشكل مفصل كما لم تبخلي علينا بأسرار مطبخك الخاص المحصلة بسنين خبرتك بهذا المجال .
    انا عن نفسي اكتشفت هاذا الموقع عن طريق منتدى لك بالصدفة كنت ابحث عن وصفة الكبة و لمحت اعلانك عن فتح موقع خاص بك ففتحت الرابط و من يومها بد
    ات تجاربي مع اطايب لقمة طيبة و هو صراحة من المواقع النادرة ان لم يكن الوحيد المتخصص بفن المطبخ الشامي الحلبي اتمنى لك كل التوفيق اختى منى و المزيد من العطاء. :)

  84. أم ريماس 12 May 2011

    السلام عليكم سيدة منى أنا اتعرفت عالموقع من شي شهر تقريبآ كنت مشتهية على حلويات جوز الهند الحلبية وكنت عم بدور عالجوجل عليها ومن أحلى الصدف أني لاقيت هالموقع اللي اتعرفت فيه كل الأكلات اللي بتخطر ببالي واللي بشتهي عليها وما بعرف شلون أعملها الله يجزيكي الخير على كل الأكلات وكل الوصفات اللي عم تنقليها بكل صدق وأمانة وصار هالموقع اللي متل شط الأمان بهالغربة :)

  85. fatema birakdar 1 June 2011

    السلام عليكم ست منى
    بصراحة موقع كتير رائع وقيم ومدهشششششششش :eek
    انا اتعرفت عليه عن طريق الفيس بوك وبعدين دخلت على الموقع واندهشت بالوصفات الموجوده فيه

    عن جد شي كتير راقي وحلو :zzz

    الله يوفقك لكل خير :)

  86. umtareq 27 July 2011

    السلام عليكم ست منى,
    انا صراحة اتعرفت عالموقع بالصدفة.كنت عم دور على وصفة الكرابيج اللي بموت فيها انا و اولادي ومابعرف طريقتها. وطرت من الفرح يوم لقيتها.هلا انا الي تقريبا لازقة بالاب توب من شي اسبوع بهالموقع الرووووعة اللي بيتميز بروح حلوة و مودة غير عادية بيفتقدها الواحد بالغربة من كل الأخوات المشتركات ومنك شخصيا.
    المهم انو الموقع انقذني انقاذ غير عادي بالوصفات والتنويع اللي فيه خصوصا انا بجدة وعندي ضيوف من سوريا حاليا.
    dear mrs. mona, thanks a lot, u really saved my life :zzz

  87. هنود 19 November 2012

    السلام عليكم ست منى,
    انا تعرفت على موقعك من خلال جوجل لاني حابي اتعلم الطبخ حتى زوجي ينبسط فيي ويشوف حالو فيي,لانو دايما بحكي ما اشطر اللي عامل هالاكلة يا ريت تصيري متلهم,وان شاء الله عن طريق موقعك بصير احسن طباخة :zzz

  88. ام محمدبوضخر الكويت 14 February 2013

    السلام عليكم تعرفت على الموقع المتميز جدا من خلال جوجل ومن خلال عملي الاطباق الوصفات الموجوده عندكم حبت طريقكم و خاصه ان الاكل متنوع و سهل عمله و معظم عناصر الطبق سهل توفيره وشرحك للطبق واضح و الله يعطيك العافيه و تكوني انت و اهل سوريا بخير و سلامه

    • Mona 24 February 2013

      و عليكم السلام ام صخر , شكرا كتير حبيبة قلبي , مية هلا فيك منورة و ان شاء الله تبقي انت و كل اهلك بالف صحة و خير

  89. رنا 15 February 2013

    مبروك الاطلالة الجديدة بس الحقيقة ما عم اعرف دور عالاشيا يللي بدي ياها
    محتاجة وصفة مربى القرع او اليقطين
    الشاشة ما عم تطلع كاملة

    • Mona 24 February 2013

      هلا رنون , التصميم لسى مو جاهز , كم يوم و بيكون تمام و بيصير كلو اوضح
      هي الوصفة الي بدك ياها

      http://l2ma.com/?p=469

      • مجهول 27 February 2013

        موقع رايق

        • Mona 27 February 2013

          هلا فيك أخي احمد

  90. رنيم 16 February 2013

    هاي منى اانا كتير مبسوطة لانو تعرفت عليكي وخصوصا انو انا ما كنت عرف اطبخ بالمرة يعني فيكي تقولي تعلمت الطبخ من عندك وبس شكرا كتير على معلوماتك بس كأنو الموقع متغير شكلو وماعم اقدر دور على الأكلات القديمة بتمنى يكون سهل الموقع الجديد

    • Mona 24 February 2013

      هلا رنيم حبيبة قلبي , مية هلا فيك , عوافي و الف الف صحة
      الموقع هلا عاملين عليه تجديد , كم يوم و بيزبط و بيصير حلو و سهل ان شاء الله

  91. احمد حلفاوى 27 February 2013

    كنت اريد وصف البيزا ودخلت على hao123.ar وقلت لها ما هو اشهرموقع للاكلات قال l2ma.com وهكذا تعرفت على لقمه طيبه

    • Mona 27 February 2013

      هلا فيك اخي , منور

  92. رشا 14 March 2013

    اروع اروع اروع ,,موقع للطعام …الله يعطيك العافية ويجزيك الخير , فعلا كل شي على اصوله….بتمنالك التوفيق والنجاح والسعادة والصحة الدائمة….

    • Mona 17 March 2013

      شكرا على زوءك رشا , الله يخليلي ياكي على هل الدعوة الحلوة الكريمة , ان شاء الله انت كمان

  93. وعود الخير 24 March 2013

    عرفت الموقع من بدايته
    وعن طريق الغالية منى
    حين كانت عضوة نشيطة ومن أنشط العضوات في أحد المنتديات وهو منتدى Lakii

    حيث ما زالت حتى الآن اطباقها هناك تحظى بشعبية وقبول لدى العضوات الجديدات قبل القديمات

    ربنا يوفقك يا منى ويكون موقع لقمة طيبة في مصاف المواقع العالمية في الطهي

  94. Candle hope 16 January 2014

    اولا ً بدي اشكرك ع الوصفات الحلوه

    بصراحه ……………….

    أخي الكبير بيحب الطبخ

    وكنت دايما اشوفو يفوت ع الموقع هاد

    فطلعت الفكره ببالي ادخل واشوفو

    بس بجد موقع بيجنن فيه كل شي بتحتاجو

    واكتر حاجه عجبتني بصراحه انو لو عندي

    سؤال بطرحو بلاقي رد مو متل باقي المواقع

    الاولى اللي فتت عليها

    بس بجد تسلمي كتير كتير ع المنتدى والوصفات

    وكل شي تسلم ايدك

    * __ ^

    • منى 24 January 2014

      شكرا كتير الك لهل الرد الحلو و شكرا لاخوك الي جابك لعنا :)

      منورين و الله

  95. لميا 30 January 2014

    شكراا كثير لك اختي منى على وصفاتك المميزة انت مبدعة :)

    تعرفت على الموقع عن طريق منتدى لك من 3 سنوات او اكثر ماشاء الله

    اتمنى لك التوفيق والمزيد من العطاء واسال الله ان يفرج هم سوريا يارب

    • منى 1 February 2014

      شكراً لميا الك لكل كلامك الحلو , مشرفة الموقع و منورتيه يا قمر

      أمين , قريب يا رب

  96. سارة 2 February 2014

    تعرفت ع موقع عن طريق قول كنت ببحث عن وصفه ثوميه بدون بيض

  97. sarahh 29 June 2014

    تعرفت عالموقع عن طريق الصدفة لما شفت البنات عم يحكو عن الاكلات السورية اللي عاصولها و حبيتو كتير و راسا سجلت فيه و عم دور بكل الوصفات :)
    يعطيكي الف عافية ست منى عهالموقع المميز

    • منى 29 June 2014

      مية السلامة نورتي و شرفتي :)

  98. Rasha 27 October 2014

    تعرفت بالصدفة عالفيسبوك على شخصية منى الرائعة بكل مجالات الحياة و صرنا أصدقاء
    حبيت فيها أم , مبدعة , قارئة , مصورة صاحبة حس عالي بكل شي و إذ بشوف مرة أنها منزلة بوست أكل و عم تحكي أنه موجود على لقمة طيبة
    لط و طلعت أحلى شيف
    تشرفت بمعرفتك ست منى و الله يزيدك تألق

    • منى 27 October 2014

      يا رشا هل الكلام بيعنيلي كتير ، ان شا الله كون انا هيك و الشرف الي فعلا

  99. Manal 2 September 2015

    لو سمحتو كيف أسجل بموقع لقمة طيبة لأني اعشق الموقع وما عم اعرف أسجل فيو

    • منى 4 September 2015

      انت فيه منال :)
      شرفتي ونورتي ياااعسل

تقييم الوصفة
عاديةقد أحضرهاجيدةممتازةأكثر من رائعة (1 votes, average: 2.00 out of 5)