لازانيا الرز


         وصفة : منى                 2009/04/01                 12 تعليقات
لازانيا الرز



2 كوب رز
رطل لحمة مفرومة
4 كوب ماء
2 ملعقة كبيرة زيت (( أنا استعملت زيت زيتون ))
بصلة متوسطة مفرومة ناعما أو مبشورة
4 حبات كبيرة طماطم مطحونة
2 ملعقة كبيرة صلصة طماطم
3 كوب بيشاميل بالطريقة الأصلية أو بيشاميل خفيف السعرات الحرارية
كوب جبنة موزاريلا مبشورة أو أي جبنة مبشورة
نصف كوب جبنة بارمزان مبشورة أو أي جبنة مبشورة
نصف ملعقة صغيرة فلفل اسود
ملعقة صغيرة أوريغانو مجفف
ملعقة صغيرة ريحان مجفف
ملح


• يغسل الرز و ينقع ل نصف ساعة

• في وعاء سخني الماء و أضيفي القليل من الملح ثم أضيفي الرز بعد تصفيته من ماء النقع و اتركيه يغلي ل 5 دقائق

• غطي الوعاء و اطبخي الرز على نار هادئة لـ 15-20 دقيقة .

• أثناء ذلك سخني في وعاء ملعقتين من الزيت ثم أضيفي البصل المفروم و حركيه حتى يذبل و يصبح ذهبي اللون ثم أضيفي اللحم المفروم و البهارات و الملح و استمري في التحريك حتى ينضج و يجف مرقه .

• أضيفي الطماطم المطحونة و صلصة الطماطم و اطبخي ل 10-12 دقيقة أو حتى تتسبك الصلصة .
في صينية فرن وزعي كوب من البيشاميل ثم ثلث كمية الأرز ثم نصف كمية الجبن المبشور ثم نصف اللحم المفروم و كرري .

• وزعي الكوب المتبقي من البيشاميل على السطح و انثري عليها الجبن المبشور ثم اخبزيها في فرن محمى مسبقا على 180 درجة و اتركيها تنضج ل 30- 35 دقيقة أو حتى يكتمل نضجها بعدها شغلي المروحة من فوق عشان تتحمر و تفضلوا بسم الله .


ملاحظات :


• يمكنك التحكم في كمية الجبنة حسب الرغبة

• إن لم يتوفر الاوريغانو أو الريحان معا يمكن استعمال احدهما

• أنا كتير بحب الزعتر الناشف لهيك بعد ما تسبكت الصلصة بعدتها عن النار و ضفتلها كمان شوي .
  • وصفات تانية ممكن تعجبك


التعليقات

  1. منى 1 April 2009

    سلم دياتك سارونات على هيك وصفة طيبة , يا ترى الاسم مناسب لان انت مو باعته اسم للوصفة ..

    الرز رز طويل و الا قصير , سلم دياتك مرة تانية و الف شكر الك للوصفات السهلة و الطيبة

  2. haya 1 April 2009

    تسلم ايديك يا اخت سارونات على الوصفةشكلها كثير طيبة ان شاءالله راح جربهاهاليومين ومثل ما سألتك اخت منى شو نوعية الرز لأنك مو كاتبة شو النوع وشكرا لك مرة ثانية وان شاءالله نرى لك المزيد من الوصفات

  3. سارونات 1 April 2009

    السلام عليكم و رحمة الله و بركاته

    و دياتك اختي منى

    اكيد الاسم المناسب يخليلي ياكي اختي منى

    منال العالم استخدمت رز الوليمةاللي بعتقد حبته طويلة اما انا فاستخدمت رز قصير الحبة و طلع تمام

    ان شاء الله تجربيها اختي منى انت و كل الاخوات بالموقع و تطلع على ذوقكم

    بالتوفيق
    سلام

  4. سارونات 2 April 2009

    السلام عليكم و رحمة الله و بركاته

    اهلا و سهلا اختي هيا فرحت كتير انك راح تجربيها قريبا و ان شاء الله تطلع متل ما بدك ياها و احسن لا تنسي تخبريني بالنتيجة و جواب الرز متل ما قلت لاختي منى منال العالم استعملت رز الوليمة اللي بعتقد حبته طويله بس انا استعملت رز قصير الحبة و طلع تمام

    بالتوفيق
    سلام

  5. غيث 5 April 2009

    الله يعطيك العافية سارونات شي حلو والله اكيد على التجريب وهي رح اصفها على دور الوصفات اللي رح اجربها لاننا نحب هيك نوع من الاكلات يسلم ايديك على افادتنا

  6. haya 6 April 2009

    مرحبا اخت سارونات انا جربت الوصفة مثل ما قلت لك والحمدلله كثير كانت زاكية وزوجي والاولاد حبوها كثير كثير سلم ايديك يارب

  7. سارونات 6 April 2009

    السلام عليكم و رحمة الله و بركاته

    اهلا و سهلا اختي غيث كتير فرحت ان الوصفة عجبتك و راح تجربيها و ان شاء الله تطلع متل ما بدك ياها و احسن و لا تنسي تخبرينا بالنتيجة

    بالتوفيق
    سلام

  8. nijmeh 7 April 2009

    شكرا على هذه الوجبه الطيبه لقد جربتها وهي فعلا طيبه :)

  9. سارونات 7 April 2009

    السلام عليكم و رحمة الله و بركاته

    مرحبتين اختي هيا شو هاليوم الحلو فرحت كتير انك جربتيها والحمد لله عجبتك انت و زوجك و الاولاد الله يحفظكم لبعض و يجمعكم بالجنة كمان

    بالتوفيق

    سلام

  10. سارونات 7 April 2009

    السلام عليكم و رحمة الله و بركاته

    اهلا و سهلا بك اختي نجمة فرحت كتير انك جربتيها و عجبتك و ربنا ينجح كل وصفاتك و وصفات كل الاخوات

    بالتوفيق
    سلام

  11. غيث 18 April 2009

    الله يسلم هالايدين يا رب عملت هالاكلة اليوم وكتير حبيناها حتى مقاديرها مظبوطة كتير ما شاء الله عليك شكرا سارونات والله يجزيك الخير بانتظار اكلات طيبة منك كمان وشكرا لمنى اللي اختارت اسم مناسب ماشاء الله عليها كمان بتحط كل شي مناسب بالمكان المناسب الله يجزيها الخيروالفضل لها بتعريف بعضنا بهيك اكلات لذيذة متلها وشكرا للجميع بالموقع الاكتر من رائع

  12. سارونات 20 April 2009

    السلام عليكم و رحمة الله و بركاته

    و ايديك و الله كتير فرحت بردك و بانك جربتيها و عجبتك و شكرا على الدعوة و الك مثلها و احسن :)

    بالتوفيق
    سلام

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)