لحمة بالفرن


         وصفة : منى                 2008/06/14                 20 تعليقات

آخر تصويت


آخر تعليق

لحمة بالفرن





كيلو باذنجان من النوع الكبير المدعبل
2 كيلو كوسا
4 كيلو بندورة
3 - 4 حبة كبيرة بصل
3 – 4 حبة كبيرة فليلفة حمراء ( يمكن استعمال الفليفلة الخضراء و لكن الفليلفة الحمراء ستعطينا لون أشهى )
ملعقة صغيرة بهار مشكل أو أكثر حسب الرغبة
ملح
القليل من الفليلفة الحمراء الناعمة
كيلو و نصف لحمة مفرومة ناعماً
دهنة أو سمنة ( أو زيت زيتون ! )





• يقشر الباذنجان و يفرم لمكعبات , يقشر البصل و يفرم ناعماً , , تقشر البندورة و تفرم ناعماً .


• تفرم الكوسا لمكعبات متوسطة كتلك الظاهرة بالصورة ( لا أرق و لا أسمك ) , تزال بذور الفليلفة و تفرم لمكعبات متوسطة .


• توضع الخضار في صينية ألمنيوم كبيرة و توضع اللحمة و البهارات على الوجه ثم تقلب مع الخضار بلطف باستخدام اليد حتى تمتزج الخضار و اللحمة جيداً .


• ترتب قطع الدهنة أو السمنة على وجه الصينية ثم توضع في الطبقة السفلى للفرن على الصاج بشكل مباشر و تخبز على أعلى حرارة لمدة ساعتين تقريباً أو حتى تجف المرق و يتحمر وجه الخضار نوعاً ما , لا تحرك اللحمة بالفرن في الساعة الأولى و بعدها تقلب بلطف كل ربع ساعة كي تبقى الخضار محافظة على شكلها .

• قبل النضج بربع ساعة تقريباً يرش الملح فوق الخضار و ترجع للفرن حتى تجف مرق الخضار تماماً , لا يضاف الملح قبل هذه المرحلة لأنه سيدع الخضار تخرج مرقها فتفقد شكلها و تأخذ وقت أطول في النضج .

• يقدم الكواج مع الخبز العربي أو الخبز العربي المحمص و مع الفجل و الفليلفة , و يمكن أن تقدم مع الأرز و لكن مع الخبز أطيب و ألذ .



  • وصفات تانية ممكن تعجبك


التعليقات

  1. غيث 14 June 2008

    الله شو منظرها حلو وبيفتح النفس الله يعطيك العافيةوالله ذكرتيني فيها وهلا موسم الخضار الطازجة رح اجربها بطريقتك بالزيت الزيتون لاني انا ما بطبخ بالدهنة ابدا وقليل بالسمنة بس بالمازولا لذلك طريقتك مفيدة كمان شكرا لك بتعرفي هون بالسعودية سألوني عن الكواج فقلت لهم ما بعرفه مالي خبر هو نفسه اللحمة بفرن شكرا لك على هالمعلومات الحلوة اللي نجهلها احياناوهي من اسرار نجاح موقعكم اضافة للصدق بالوصفات المجربة فعلابدون اي تعفيس بالمقادير او الطريقةالله يجزيك الخير يا رب

  2. غيث 14 June 2008

    عفوا صحيح نسيت اقلك اخت منى بأنه احيانا بيحطو فيها تفاح قصيري وهو تفاح صغير وله طعمة حامضة لذيذة وفي ناس كمان بتحط لها كرز بس انا ما جربتها هيك بصراحة لذلك ما بعرف كيف بتطلع بس بالتفاح لذيذة كمان وشكرا لكم مرة تانية

  3. Iman 14 June 2008

    يا سلام عا هلاطبخه الحلوه و الانيقه الوانها كتير حلوه خرج طبق جانبي عالسفره يسلموا ايديكي و ايدين ستك يا رب

  4. WAFAA 15 June 2008

    شكلها كثير طيبة

    بدي اسال انو الخضروات مابتحترق لمدة ساعتين بالفرن ؟؟ وانو اكيد مابنضيف مي للخضروات لحتى تستوى ؟؟

    كم هي كمية زيت الزيتون ؟؟

  5. منى 15 June 2008

    هلا غيث :)
    الكواج بيضيفوله بطاطا كمان كتير بيعملوه بهل الطريقة , بس انا لما جربتها ما كتير حبيتها , يمكن لان متعودة على هل الطعمة ;)

    من اسرار نجاح الموقع هو وجود أعضاء متلك و متل بقية الخوات , يلي لما بيجربوا شي بيحكوا , أو لما بيمروا و عندهم اضافة بيحكوا , مو بيقروا و بيمشوا :zzz , الشكر الك غيث على هل الثقة الغالية , و كمان على الاضافة اللذيذة

  6. منى 15 June 2008

    هلا امونة :)

    لا حبيبتي هي مو طبق جاانبي , هي طبق رئيسي و و محرز كتير

    الله يخليك و يخليلك حبابك , نورتي :)

  7. منى 15 June 2008

    هلا وفاء :)

    ما بتحترق و على ضمانتي , اوعى تضيفي الها مي , لان الخضار فيها مي كتير كتير رح تطالعا و تعطي نكهتها للطبق :zzz

    طبعا لو عاملة كمية ااقل رح تاخد معك وقت ااقل , المهم تنتبهي عليها و ما تحركيها كتير باول الطبخ

    الزيت حسب ما بتفضلي كمية الدهون بالأكل , يعني متل طبخك المعتاد :grin

    هلا وفا نورتي و الله

  8. ام نور 16 June 2008

    يم يم :p على هالكواج شو طيب اليوم جربتو ولا اطيب اخد معي ساعة بالفرن يمكن لان عملت نصف الكمية وشو لقيتا صحية وخفيفة سلم دياتك يا قمر

  9. منى 17 June 2008

    هنا و عوافي يا رب ام نور , و هنا كمان على قلوب الصغانين الحلويين .. كتير انبسطت انها عجبتك :zzz

  10. أحمد الله 20 June 2008

    الله يعطيك العافيةاخت منى على الطبخات الشهية و الله شي بيرفع الراس :p
    خاصة نحن المغتربين كتير استفدنا من وصفاتك الشهية 8)

    لاحظت انك كتير بتهتمي بكيمة و نوعية الدهون بالطبخ يا ريت لو تختاريلنا وصفات صحية بتناسب الحمية و الريجيم من مطبخا الشامي العريق

    تقبلي تقديري و احترامي

  11. منى 21 June 2008

    هلا فيك أخي أحمد , نور الموقع فيك و يتواجدك أخي الكريم و الله يردكم لسوريا سالمين و غانمين ان شاء الله ..

    مطبخنا نوعا ما يقدر الدهن و الدسم بالاكل بس بنفس الوقت فيه كتير وصفات صحية , و هل الشي بينطبق على اغلب وصفات زيت الزيتون و و ان شاء الله رح نزل وصفات متنوعةخفيفة و صحية بهل الصيفية إذا الله راد..

    مشكور اخي للتواجد , مية أهلا و سهلا :)

  12. نهال صبري 24 June 2008

    أستطيع تصور طعمها اللذيذ لأننا بنعمل أكلة مشابهة اسمها رغيف حواوشي :grin ..بيكون فيهارغيف الخبز محشي باللحم المفروم مع البصل و الطماطم و أضيف له الفلفل الأخضر و يسوى بالفرن في ورق قصدير ثم ينزع الورق و يترك الرغيف ليحمر وجهه، لكن هالوصفة باين عليها أفيد لوجود كثير من الخضار ، بجربها في أقرب فرصة إن شاء الله .

  13. linda 24 June 2008

    انا هاد النوع من الاكل المفضل عندي
    بحب الخضرا كتير
    صرلي اسبوع خربانة الكي بورد تبعي بس عم فوت و شوف الوصفات
    ان شالله رح اعملها يا بكرة يا بعد بكرة لاني اشتريت الخضرا اللازمة و حطيتا بالبراد

    يعطيكي الف عافية منى

  14. منى 24 June 2008

    هلا نهولة :)

    شو هل الاكلة شي بيشهي كتير , يا ترى الخبز عربي عادي ؟

    ان شاء الله تجربيها و تكون على زووءك و لا تنسي تبوسيلي البيبي ;)

  15. منى 24 June 2008

    هلا لنوشة :)
    ان شاء الله تجربيها و تكون على زووءك و سلامتها لكيبوردك , هيك بتخرب و بتبعدك عنا :roll

    الله يعافي يا قمر انت و لا تنسي تخبريني شو بيصير معك , و اذا عاملة نص الكمية رح تاخد معك وقت أأقل

  16. آرام 28 June 2009

    مرحبا أخت منى .. اللحمة بالفرن من الأكلات المفضلة عندي منذ الطفولة، لا أمل منها أبداً .. بس لما شفت وصفتها بالموقع كأني تعلمتها من جديد، وكانت ثاني وصفة أجربها من الموقع بعد المكسيكانو .. وصرت عاملها كذا مرة آخرها أول البارحة الجمعة .. صرت أعملها على طريقتك وبنفس المكونات والنسب (بس ربع الكمية، والصراحة حتى الآن ما جربتها بزيت الزيتون بدل الدهنة بس ناوي أجربها شي مرة) .. صارت تطلع معي أطيب وأحلى بكتير بفضل ملاحظاتك الثمينة .. الملاحظة الأولى عدم تحريكها في الساعة الأولى .. والملاحظة الذهبية الثانية إضافة الملح بآخر ربع ساعة .. يعني ملاحظات بسيطة بس بتعطي فرق واضح بالنتيجة .. ويمكن هل الوصفة تحديداً خلتني أتعلق بالموقع منذ البداية وصار عندي ثقة كبيرة فيك وبفنك وذوقك وأمانتك في شرح الوصفات .. ألف شكر إلك أختي.

  17. منى 28 June 2009

    هلا اخي ارام , ريتو ربي صحة و عافية و هنا , اكيد لازم تقلل الكمية , لان الكمية الي بعملها كبيرة ما شاء الله لا قوة الا بالله لحتى تكفي العيلة .
    الشكر الك اخي و لردك و لثقتك في , و اتمنى ان تجرب كمان وصفات و يطلعوا متل ما بتحب , و كمان بحب شجعك تجرب اللحمة بالفرن بزيت الزيتون لأن رح تعجبك .. تقريباً أنا متأكدة

  18. إسراء 9 January 2011

    مرحبا للجميع وتحياتي الحارة لست منى يخليلنا ياكي انتي وموقعك وطبخاتك
    سؤال عن الكواج فينا نحط حبيتين بطاطا بس يكونوا الفرم ناعمة ؟؟؟؟؟؟ لانو هي طريقة امي … ومقدار البندورة فيها كتير بدي خفف شوي منها شو رايك ؟

  19. منى 10 January 2011

    اي فينا نحط بطاطا , مرة جربتها و كانت طيبة , بس انا حبيتها من دونها اكتر يمكن لان معودة هيك عليها

    كمية البندورة مناسبة للوصفة , بس اكيد فيك تقلليها اذا جابة , جربي و شوفي ;)

  20. شفاء 15 September 2011

    فعلاا يامنى طريقتك بالكواج فظيعة
    ما اتوقعت انه هالشغلات البسيطة ممكن تفرق
    يعني انك تأخري الملح
    وانه ما انغطيها
    با اختصاااار أكلاتك لا يُعلى عليها
    وقد مالواحد اتشكرك مابوفيك حقك
    فمالنا غير الدعاء
    وتأكدي تمامااني بدعيلك بكل لقمة باكلها
    الله يفرجها على بلادنا ويبعد عنها كل مكروه
    ويحفظكم ويعينكم

تقييم الوصفة
عاديةقد أحضرهاجيدةممتازةأكثر من رائعة (1 votes, average: 1.00 out of 5)