مخلل الخس


         وصفة : منى                 2009/06/08                 18 تعليقات
مخلل الخس

·          تغسل الخسات و تقسم كل واحدة الى نصفين بشكل عمودي , ينظف ما بين الأوراق بشكل جيد لتخلص من كل الأتربة الموجودة .

·          تغسل حبات الحمص و توضع في قاع مرطبان بلوري كبير ثم ترتب الخسات في المرطبان مع حبات الثوم و الفلفل الحرّ .

·          يحرك مزيج التخليل حتى يذوب الملح ثم يصب فوق الخس بحيث يغمره بشكل كامل و يغطى الوجه بكيس صغير نايلون لمنع ظهور أجزاء من الخس

·          يترك المخلل لمدة ثلاث أو أربع أيام في مكان دافئ حتى ينضج ثم يحفظ في البراد .




7 – 8 خس من الحجم الصغير
6 حبة ثوم مقشر
حبة فليلفة حمراء حرّة ( اختياري )
حفنة من حبوب الحمص الجافة

مزيج التخليل :

كوب خل
نصف كوب ملح صخري خشن
ليتر و نصف ماء
ملعقة كبيرة سكر
نصف ملعقة كبيرة فليفلة حمراء ناعمة
ربع ملعقة صغيرة كزبرة مطحونة





• تغسل الخسات و تقسم كل واحدة الى نصفين بشكل عمودي , ينظف ما بين الأوراق بشكل جيد لتخلص من كل الأتربة الموجودة .

• تغسل حبات الحمص و توضع في قاع مرطبان بلوري كبير ثم ترتب الخسات في المرطبان مع حبات الثوم و الفلفل الحرّ .

• يحرك مزيج التخليل حتى يذوب الملح ثم يصب فوق الخس بحيث يغمره بشكل كامل و يغطى الوجه بكيس صغير نايلون لمنع ظهور أجزاء من الخس

• يترك المخلل لمدة ثلاث أو أربع أيام في مكان دافئ حتى ينضج ثم يحفظ في البراد .
  • وصفات تانية ممكن تعجبك


التعليقات

  1. Iman 8 June 2009

    اهلين منى. شو هالقصه الحلوه و هالرحله اللي احلى? شكرا كتير انك اخدتينا معك و ما نسيتينا الله يرضى عليكي. الف الحمدالله على السلامه و كتير انبسطنا انك رحتى و غيرتي هوا. ان شاء الله دائما بالك رايق و ديما مبسوطه حبيبتي. اسمالله شو هالمناظر الحلوه? يعني كانو رحنا معك. اول مره بسمع عن مخلل الخس. تسلم ايديكي عالوصفه. طبعا راح اجربه. قبل يومين عملت مخلل الحصرم. اول مره بعمله ما بعرف كيف راح يطلع. و شكرا مره تانيه على ازلاغيط الحلوين. والله ما بكي شي هيك شطره بالزلاغيط هههه الله يفرحك دايما يا منى يخليلك كل احبابك.

    كل الحب :zzz

  2. ميساء 8 June 2009

    عزيزتي منى عم قول لحالي وينها ميمو يا ترى وين غاطة الحمد لله عالسلامة انشا الله دائما بالهنا والمسرات ومتل ما قلتي سبحان رب العالمين جلت قدرته قديش خالق جمال بالكون ونحنا بلادنا الله يحميها ما في أجمل منها وكمان مخلل الخس ما في أطيب منو أنا حماتي بتعملو وبيطلع معها بيجنن يسلمو عالوصفة منى اشتقنالك :zzz :zzz

  3. لموسي 8 June 2009

    الله يغطيك العافيه مافي احلى من السفر الصيف الماضي رحنا تركيا وتحديدا منطقه اسمها حيدر نبي واوزنجول والله قلت لزوجي معقول نحن بالدنيا ام بالجنه شيء يفوق الخيال الله يجمعنا بالفردوس نحن ومن نحب
    اما مخلل الخس آآآآآآآآآآآه كانت امي الله يرحمها معلمه بالمخلالات طعمه تحت اسناني الهي يسلم دياتك

  4. dado 8 June 2009

    الحمدلله عالسلامة منوش..
    عم قول انا إك غاطة كم يوم.. شغلتيلنا بالنا عليكي.
    والله البحر ما في أحلى منه.. وما في متله بيريح الأعصاب.
    وكتير منيح اللي صحتلكن الروحة هلأ قبل الشوب والزحمة.
    تتهني إنتي وعيلتك يارب.
    عجبتني فكرة مخلل الخس.. أول مرة بسمع فيها وعالتجريب القريب انشالله.
    أنا بموت عالمخللات بشكل عام.. بس هون ما بتلتقى.. والخضرة يلي بتتخللغالية كتير لأنها مستوردة ومو إنتاج بريطاني.. أما الخس أهلية بمحلية.. رح حضر الوصفة بأقرب وقت ان الله راد وخبرك.
    شكرا إلك ولحماتك :)

  5. wedadswed 8 June 2009

    أول شي الحمدلله على السلامة وتنعاد عليكن بالخير والصحة والله يديم الفرح على الجميع :عزيزتي أنا بعمل مخلل الخس من زمان كتير بس ما بحط حمص ولا خل والتوم بدقو ناعم قبل ما حطو بيطلع بيجنن وبينضرب فيه المتل من كتر مو طيب بس ما بكتر مشان هيك ما بعرف إذا مع خل أحسن أو بدون خل أحسن لأن الخل بظن بيخلي يطول بس الزبدة الله يسلم هالإيدين يا رب ويجعلون عباب الكعبة يا رب .

  6. تورتاية بالكريز 8 June 2009

    حمدا لله على السلااااااامة ياقمر اجازة سعيدة افتقدناكي كتير والله كل يوم بطل ع الموقع وبحس غيابك
    الله يديم عليكم النعمة يارب رائعة الصور ماشاء الله تبارك الله وحلو الانسان يجدد طاقته ونشاطه بعد عام طويل من اتعب والمذاكرة مع الاولاد وشدة الاعصاب وعقبال كل سنة يارب وانتم باتم صحة وحال
    عن الوصفة اول مرة اسمع بتخليل الخس وان شاء الله اجربه باذن الله تسلم ايدك حبيبة قلبي نورتي موقعك من جديد وبانتظار وصفاتك الحلوة

  7. منى 9 June 2009

    هلا أمونة :)
    و انت كمان حبيبتي ,ربي دايما مبسوطة و بصحة و بلمة العيلة كلها حواليكي و تشوفيهم بعيونك متل ما بتحبي و احسن ان شاء الله في الدنيا و الاخرة
    شو مخلل الحصرم , فرقع الحمض بتمي بس من الاسم , ان شاء الله يطلع طيب و تخبرينا شو بيصير معك و اتمنى انك تجربي هل المخلل و يكون على زووءك :zzz
    قولي بالزلاغيط ما بني شي , بس بالهناهين مو كتير تشدي ايدك , بس هون طلعوا عضلاتي لأن كتابة و بس :grin

  8. منى 9 June 2009

    هلا ميوسة :)
    تشتاقلك العافية و الصحة يا قمر . و متل ما قلتي بلادنا حلوة بس بدها اهتمام و عناية اكتر لحتى يبين جمالها
    الله يسلم ديات حماتك و هلا فيك تجربي انت و تعمليه مفاجاة , شو رايك :zzz

  9. منى 9 June 2009

    هلا لموسة :)
    ااااممين يا حق انت و نحنا و كل الغوالي
    الله يرحم ماماتك و تكون في الجنة و يرحمنا اذا ما صرنا متلها , و الله ما في اطيب من طبخ الامهات ;)

  10. رنا 9 June 2009

    شو هادا ياعيني ياعيني خليتيني حس حالي بسوريا :sigh وللاسف السنة لافي سوريا ولا في لاذقية …لانه السنة مالي نازلة بسبب الولادة :sigh يلا الحمد لله على كل شي والله يهنيكن ببلادنا يارب والله يرجعنا سالمين …
    يسلم ايديكي منى كتير طيب مخلل الخس خصوصي مع الشوكي …والحمد لله على سلامتك بس ماقلتيلنا شلون اسعار الشاليهات السنة :grin

  11. منى 9 June 2009

    هلا دالو :)
    سلامة بالك , كان لازم خبرك قبل ما سافر , معك حق , يلا الجايات اكتر من الرايحات
    و الله اشتهيتك معي , و انت واحدة من الي خطروا على بالي لمن اتمشيت لوحدي بالليل على الشط :zzz

    ان شاء الله تجربي هل المخللات و تكون على زووءك , انا متلك بحب المخلل كتير , بس لسا بنتي جودي بتموت عليه , اتصوري قال على كبرها بدها تخترع مسكة بنكهة المخلل , شو هل اصحاب المعامل المتخلفين و لا واحد خطر بباله يعمل هيك نكهة :grin
    و من يوميين عم تستأذني لتنقع مسكة مع المخلل , لحتى تاخد من نكهته و تبقى دايما الطعمة بتمها :grin

  12. منى 9 June 2009

    هلا وداد :)
    الله يسلمك و يحفظك , و الف شكر الك لأنك كتبتي طريقتك ;)
    التوم انا ما بدقه لحتى يعطي طعمة بس تكون خفيفة و الحمص لحتى يبقى المخلل مقرمش , اما عدم اضافة الخل فهي شغلة جديدة , و اتوقع بيطلع طيب كتير , ان شاء الله بجربه شي مرة على طريقتك

    الف الف شكر الك للدعوة , هي اول مرة حدا بيدعيلي هيك دعوة غالية , ربي جمعا أختي و عاجلا غير اجل يا حق :sigh

  13. منى 9 June 2009

    هلا ام ياسمين :)
    سالت عليك العافية و الخير دايما .
    و الله ما في احلى منها و انبسطنا كتير بلمة الاهل و الجو الحلو و اشتهيتكم معي ;)

    ان شاء الله تجربيه و تحبيه و انا بانتظار رايك يا قمر ;)

  14. منى 9 June 2009

    هلا رنونة :)
    المهم انك تقومي بالسلامة انت و البي بي و لحقانة على سوريا و الاذقية و كل هل القصص ;)
    ربي يرجعك سالمة و غانمة انت و كل مشتهي و ربي يقومك بخير انت و الكتكوت

    الشاليهات متل عادتها , بس نحنا لحقنا التخفيضان لان لسا الموسم ما بدي متل العادة و اخدنا بالشاطئ الازرق دوبلكس لان كانت معي بنت احماي بسعر معقول نوعاً ما :)

  15. freesoul 9 June 2009

    يا عيني ياعيني على هالمخلل
    انا عم قول لحالي وين غاطة منى صارلها شي اسبوع . ياستي تتهني انتي وعيلتك والطريق على اللددقية ما في احلى منو خصوصا لمن بتعدي على جسر سد بللوران شي متل الخيال حتى انو صوروا كم مسلسل بها المنطقة .ان شاء الله بس انزل على حلب حنروح على اللدقية.هلق صحي انا ساكنة بجدة , بس بحرنا المتوسط غييييررر. ريحة البحر ولونه ورمله الاصفر متل الذهب تحت الشمس شي بيشهى.انا عم اتغزل لأنو كتير مشتاقة.البحر الاحمر بجده سمكه كتير طيب بس ريحته مع هالشوبات مو ظريفة ولونه مقتم بسبب غاباته المرجانية وما في رمل اغلبه صخر .يلا ان شاء الله حانزل بعد شي شهر واروح على اللادقيةمع العيلة
    يا ستى ذكرتيني بمخلل الخس يللي كنت اكله بحلب جنب مجدرة البرغل يللا كمان باكله لمن انزل . يسلمو هالايادي

  16. منى 10 June 2009

    هلا ام جود :)
    و الله كلامك مزبوط و لازم الواحد فينا يعرف كل مناطق بلدوا لان في كتير من هل المناطق متل الاميرة النائمة , بدها بس يجي الامير لحتى تظهر مفاتنها و حسنها
    ان شاء الله ترجعي سالمة و غانمة و قريب و تعملي كل الي نفسك فيه و ربي يسلم هل الديات الي كتبت و ردت ;)

  17. semo 16 June 2009

    الحمد لله على السلامة
    ومبسوطة انك انبسطتي باللادقية
    وعقبالي ماروح عبلدي وروح سيرانات بسوريا
    وهالمخللات الطيبات خرج الواحد ياخدون معو على هيك رحلات
    يسلمو هالايدين يارب

  18. منى 16 June 2009

    هلا سيمو :)
    الله يسلمك و يحفظك , اشتهيت كل الحبايب معي ;)
    ان شاء الله بترجعي سالمة و غانمة على سوريا و تعملي مشاوير متل ما بتحبي و اكتر , الله يسلمك و يحفظك و يخليك سيمو

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)