مشاط


         وصفة : نسرين رحال                 2015/01/05                 5 تعليقات
مشاط

مييييييين بحبه متلي؟! مشاط

-المقادير:

راس زهره (قرنبيط) صغير الى متوسط الحجم
4 بيضات
ضمة بقدونس كبيره الحجم مفرومه
ملعقه صغيره بايكربونات
ملعقه صغيره بهارات مشكله
ملعقه صغيره كمون
بصله مفرومه
3 سن توم مفروم
ملح و فلفل اسود حسب الرغبه
ملعقتين او تلات كبار طحين
ربع كوب ماء.
-طريقة التحضير :

نسلق نقطع راس الزهر الى زهور او اجزاء متوسطه و نسلقها في الماء مع ملعقه صغيره كمون و ملح حتى تطرى لكن لا نهريها حتى تحافظ على شكلها نوعا ما,, نصفيها من الماء و نتركها جانبا. في وعاء نخفق البيض بالشوكه و نضيف البصل و التوم و البهارات و الملح و الفلفل و الكمون و البيكربونات ونخلطهم , نضيف الزهره و الطحين و الماء و نحرك بالملعقه حتى نحصل على قوام شبيه بخليط الفلافل . في مقلاه غميقه نضع زيت نباتي و نحميه على نار عاليه ثم بالملعقه ناخذ كميه من الخليط و نقليها بالزيت و نخفف النار تحته و يقلب على الوجهين حتى يستوي و ياخذ شكل قرص و نكمل قلي كل الكميه . و يقدم ساخنا مع سلطه الخيار واللبن او المخلالات
  • وصفات تانية ممكن تعجبك


التعليقات

  1. منى 5 January 2015

    و لا أطيب من هيك نيسو
    ما بتتخيلي اديه انا مبسوطة بالوصفات الفلسطينية الي عبتشاركي فيها ، حقيقة أغنيتي الموقع و زينتيه :)

    • نسرين 13 January 2015

      حبيبتي منى انا الاسعد بمشاركتي بهل الموقع الحلو

  2. ام محمد 9 January 2015

    يسلموا دياتك هاي من اطيب الاكلات ودائما بعملها مع الرمانية بس من كثر ما بتغلب بقليها صرت اعلمها قرص كبير بمقلاي تيفال او بالفرن بصينية وبقطعها صحية اكثر اذا بتحبي تخففي من الزيت والقلي ومشكورين على هالاكلات الطيبة

    • منى 12 January 2015

      شكرا ام محمد ع الاضافة ، فكرة حلوة و بتسهل :)

    • نسرين 13 January 2015

      الف صحه و هنا ام محمد

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)