مكدوس الشوكي


         وصفة : منى                 2007/03/22                 4 تعليقات
مكدوس الشوكي

مكدوس الشوكي واحدة من الوصفات الي لازم حضرها كل ربيع و هو مو كتير معروف , بس اول مرة تحضريه , و بعدها لا تدوقيه رح تصيري تستني كل ربيع لحتى تحضري و تستمتعي بهل الطعة الطيبة .
مشكلته انو ما فيكي تحضري كمية كبيرة منه , لان بعد ما يحمض معك بس اسبوعيين تلاتة لحتى تاكلوه , بعددها بيتغير لونه و طعمته .
في طريقة تانية لتحضير المكدوس , طريقة بتشبه طريقة مكدوس البانجان العادي بدي استعجل لحتى ااقدر ضيفها هل السنة ان شا الله
بالصحة و الهنا

-المقادير:

10 حبة شوكي مقشرة
2 حبة ليمون حامض معصورة
2 – 3 فص ثوم مفروم
ملح خشن
زيت الزيتون حسب الحاجة
- طريقة التحضير :

1- يعصر الليمون و يخلط مع الثوم و الملح .
2- تقشر حبات الشوكي حبة حبة , تقطع كل حبة إلى أنصاف أو أرباع حسب الذوق و توضع مباشرة في التتبيلة كي تحافظ على لونها المشرق .
3- يوضع الشوكي في وعاء مغطى و يترك بالمزيج مدة 24 ساعة في البراد , مع التحريك من وقت لأخر حتى يتشرب من التتبيلة و يتنكه بها .
4- بعد مرور الـ 24 ساعة يوضع الشوكي في مصفاة كي يتخلص من عصير الليمون , و تبعد شرحات الثوم أيضاً .
5 - يرتب الشوكي في مرطبان زجاج و يغمر بالزيت ثم يترك لمدة اسبوع .
6 - بعد مرور الأسبوع أصبح الشوكي جاهزاً , يقدم كطبق مقبلات أو على العشاء و ممكن أن يؤكل بالخبز العربي .

التعليقات

  1. سلاف 10 November 2008

    يعطيكي العافيه منى اليوم لنتبهت على وصفة مكدوس الشوكي ولا مره دقتها عم فكر ساويه بس بدي اسألك الشوكي اللي عندي مفرز بتعرفي هلأ مافي شوكي بصير ساويه ولا ماعاد يصير لازم استنى للموسم القادم ؟؟؟؟ :?

  2. منى 10 November 2008

    هلا سلاف :)
    جربيه لان بيجنن بس ما بيصير المفرز :roll لازم تستني لموسمه و بوقتها رح نزله مصور اذا الله راد

  3. ream 20 May 2011

    يعطيكي العافية منى-أنا سمعانة بهالوصفة وبقولو انه طيبة لذلك تشجعت وجربته وهو بالزيت وما دقته-التزمت بالوصفة تمام بس حسيته كتير قاسي ومارح يستوي وخصوصا انه بدون سلق

    • منى 10 May 2014

      هلا حبيبتي :)
      ما بده سلق , و هو رح يبقى فيو شوية قساوة , بس هيك أصوله , ان شا الله بتحبيه

تقييم الوصفة
عاديةقد أحضرهاجيدةممتازةأكثر من رائعة (2 votes, average: 5.00 out of 5)