مكدوس الفلفل


         وصفة : منى                 2011/05/24                 10 تعليقات
مكدوس الفلفل

لعشاق الفلفل هادا الصنف رح يرضيكم ويعجبكم جدا وحيطّعم أي أكلة تحطيه جنبها
الزيت الي رح ننقع فيه الفلفل رح ياخذ كل النكهة وبكدا تقدري تستخدميه كمان بأكتر من طريقة , يعني ممكن تضيفيه للبنة أو تقلي فيه البيض او تعجني فيه المعجنات الي بتتناسب حشوتها مع نكهة الفلفل والي يدوقها يحتار من فين طالعة النكهة الحارة وهو مو شايف قدامو فلفل !

الصورة بتوضح الفرق في اللون في الفلفل بعد ماتمر 10 أيام ويطرى ويتشبع بالزيت والزيت بيتشبع من الفلفل كمان





نصف كيلو فلفل
ملعقة كبيرة مملوءة ملح
كمية من زيت الزيتون
نصف رأس توم مقشر ومفروم






• نقطع الفلفل شرايح ونضعه في مصفاة ونرشه بالملح و نتركه في التلاجة 24 ساعة كي يتم التخلص من كل الماء ولا يتأثر الزيت .

• بعد ما يتصفى الفلفل نخلطه بالتوم ونضعه في برطمان و نغمره بالزيت ونحاول بالملعقة كبس الفلفل ونضغطه .

• ننتظر 10 أيام وبعدها يكون جاهز للأكل , هذه الكمية تكفي برطمان مقاس وسط .
  • وصفات تانية ممكن تعجبك


التعليقات

  1. منى 24 May 2011

    تسلم ايديكي انا حضرته السنة الماضية و كان بياخد العقل , كله على بعضه سهل و لذيذ :)

    شكرا للوصفة حبيبتي

  2. غيث 24 May 2011

    يعطيك الف عافية ان شاء الله رح اجربهالان زوجي بيحب هيك نكهات :)

  3. Pro rawan 25 May 2011

    الله يسلمك مدام منى .. صحييح سهل كتير كتير :grin
    العفو :]

    ،
    غيوثة:

    الله يعافيك حبيبتي :roll
    وان شالله حايعجب زوجك كتيير … انا كل ما أدوق أحد منو بيطلب مني برطمان .. وكل ما طالت المدة صار يمييي اكتر   :zzz

  4. ahoude 26 May 2011

    السلام عليكم ورحمة الله وبركاته
    انا حبيت اتعرف على هالموقع الحلو واتعرف على السيدة منى مع كل الاحترام والحب وشكرا للتواصل
    انا عهد عمقى من حلب
    :)

  5. مزهرة 26 May 2011

    من مكوناتها الظاهر طيبه كتير وكمان مادام الست منى جربتهاخلاص يبقى طيبه كتير

  6. أم ريماس 27 May 2011

    السلام عليكم يسلمو على الوصفة اللذيذة أنا وزوجي كتير بنحب المكدوس الحار بس ياترى بيكفي 24 ساعة لتروح المي من الفلفل ولا بيختلف من فلفل للتاني وشغلة تانية الفليفلة الحمرا نفس الشي كمان لأني كتير بحب الحمرا وربي يجزيكم الخير

  7. larooo 27 May 2011

    شكلو مغري .. هلأ الفيلفلة حرة ؟؟ وهل بأثر عالزيت اذا كانت حرة ؟ يعني اذا بدي استخدمه متل ماعم تقولي بوصفات تانية
    الله يعطيكي العافية :)

  8. linda 28 May 2011

    انا جربتها كمان السنة الماضية و طلعت بتجنن و احيانا بضيف على الفلفل الحر قطع جزر صغيرة او بندورة خضرا بدون بذور
    مشان تعتدل طعمة الحر شوي

  9. Pro rawan 29 May 2011

    مزهرة :

    اكيييد رح تعجبك … ومدام منى زوقها بالأكل مايختلف عليه اتنين8)

    ام ريماس :

    وعليكم السلام ورحمة الله وبركاته :)
    ايوا بتكفي … وبالنسبة للفليفلة الحمرا ماعرفت قصدك ايت الحار ولا البارد .. احنا الحار بنسميه فلفل سواء احمر او اخضر والبارد بنسميه فليفلة او فلفل رومي احمر او اخضر  :zzz

  10. Pro rawan 29 May 2011

    لارو :

    اهلين … ايوا الفلفل حار واوريدي حيكون الزيت بيحرق 8)
    ممكن تشيلي بذور الفلفل البيضا وبكدا حيحرق بس شويا .. يعني على حسب زوقك  :)
    الله يعافيك ويخليك  ;)

    لندا :

    يميي اكيد بيطلع كمان حلو :zzz
    انا صحبتي بتشوي فلفل رومي ملون وبتقطعو مكعبات وتكبسوا بالزيت وبعدين بتقطع جبنة بيضا وبتخلط معها الفلفل بتقولي بيطلع مررة حلو … يعني أطلقي العنان لخيالك  ;)

تقييم الوصفة
عاديةقد أحضرهاجيدةممتازةأكثر من رائعة (3 votes, average: 3.00 out of 5)