سلطة الأفوكادو و الفيتا 
تشكن اسكالوب
· تحضر العجينة , توضع الخميرة و ملعقة من السكر في وعاء , يضاف نصف كوب من الماء الحار و تحرك حتى تذوب حبيبات الخميرة , يغطى الوعاء حتى ينتفخ و تظهر رغوة على وجهه و يتضاعف حجمه لمدة عشر دقائق تقريباً .
· في وعاء كبير يدعك الطحين و الملح و باقي السكر و السمنة مع مزيج الخميرة , يضاف باقي الماء الحار بالتدريج و تدعك العجينة باليد حتى تصبح طرية و ناعمة ثم تغطى و تترك لترتاح و تختمر لمدة ساعتين أو ثلاث ساعات تقريباً أو حتى يتضاعف حجمها.
· أثناء تخمير العجينة تحضر حشوة اللحمة و الخضار : يفرم البصل و البندورة و البقدونس و الفليفلة و النعناع فرماً ناعماً جداً أو تفرم في محضرة الطعام ثم يوضع مزيج الخضار في مصفاة و يضغط عليه بلطف ثم يترك حتى يجف منه مرق الخضار تماماً .
· تدعك اللحمة مع البهارات و الملح و مزيج الخضار المصفى و معجون البندورة و الصنوبر و تعجن جيداً ثم تغطى و تترك في البراد لتتمازج النكهات جيداً , يضاف المزيد من البهارات بعد تذوق العجينة للتأكد من جودة النكهة .
· تحضر الحشوة البلدية : يفرم البصل ناعماَ جداً ثم يدعك مع اللحمة و البهارات و الملح و الصنوبر و يضاف نصف دبس الرمان ثم تذاق الحشوة و يضاف المزيد من دبس الرمان حسب الذوق , ثم تغطى و توضع في البراد .
· يحمى الفرن لدرجة حرارة 200 – 220 درجة مئوية , تقطع العجينة إلى 24 كرة و ترق على سطح مرشوش بالطحين إلى دوائر رقيقة مع الانتباه كي لا تتمزق أثناء الرق .
· تصف الأقراص على صينية كبيرة غير لاصقة و تغطى بطبقة رقيقة من الحشوة المجهزة ثم تفرد الحشوة بأطراف الأصابع و تضغط الحشوة بالعجين حتى تلتصق بالعجين و تخبز على مراحل في الفرن الحامي .
· يقدم اللحم بعجين ساخناً مع اللبن العيران و السلطات المختلفة و المخلات .
العجينة :
5 كوب طحين
4 ملعقة كبيرة سمنة ( أكثر من نصف كوب بقليل )
ملعقة كبيرة خميرة
ملعقة صغيرة و نصف ملح
2 ملعقة كبيرة و نصف سكر
كوب و نصف ماء حار ( أو أكثر حسب الحاجة )
لحم بالعجين عنتابلي :
نصف كيلو لحمة غنم مدهنة قليلاً
2 حبة كبيرة بصل ( اختياري )
2 حبة متوسطة فليلفة حمراء
4 فص ثوم
3 حبة كبيرة بندورة
باقة بقدونس
2 ملعقة كبيرة نعناع مفروم طازج
نصف ملعقة كبيرة بهار مشكل
2 ملعقة كبيرة معجون البندورة
2 ملعقة صغيرة فليلفة حمراء ناعمة
ملعقة صغيرة ملح
ربع كوب صنوبر
لحم بعجين بلدي :
نصف كيلو لحمة غنم مدهنة قليلاً
2 حبة كبيرة بصل
نصف كوب دبس رمان ( أكثر أو أقل حسب الذوق )
نصف ملعقة كبيرة بهارات مشكلة
ربع كوب صنوبر
ملح
• تحضر العجينة , توضع الخميرة و ملعقة من السكر في وعاء , يضاف نصف كوب من الماء الحار و تحرك حتى تذوب حبيبات الخميرة , يغطى الوعاء حتى ينتفخ و تظهر رغوة على وجهه و يتضاعف حجمه لمدة عشر دقائق تقريباً .
• في وعاء كبير يدعك الطحين و الملح و باقي السكر و السمنة مع مزيج الخميرة , يضاف باقي الماء الحار بالتدريج و تدعك العجينة باليد حتى تصبح طرية و ناعمة ثم تغطى و تترك لترتاح و تختمر لمدة ساعتين أو ثلاث ساعات تقريباً أو حتى يتضاعف حجمها.
• أثناء تخمير العجينة تحضر حشوة اللحمة و الخضار : يفرم البصل و البندورة و البقدونس و الفليفلة و النعناع فرماً ناعماً جداً أو تفرم في محضرة الطعام ثم يوضع مزيج الخضار في مصفاة و يضغط عليه بلطف ثم يترك حتى يجف منه مرق الخضار تماماً .
• تدعك اللحمة مع البهارات و الملح و مزيج الخضار المصفى و معجون البندورة و الصنوبر و تعجن جيداً ثم تغطى و تترك في البراد لتتمازج النكهات جيداً , يضاف المزيد من البهارات بعد تذوق العجينة للتأكد من جودة النكهة .
• تحضر الحشوة البلدية : يفرم البصل ناعماَ جداً ثم يدعك مع اللحمة و البهارات و الملح و الصنوبر و يضاف نصف دبس الرمان ثم تذاق الحشوة و يضاف المزيد من دبس الرمان حسب الذوق , ثم تغطى و توضع في البراد .
• يحمى الفرن لدرجة حرارة 200 – 220 درجة مئوية , تقطع العجينة إلى 24 كرة و ترق على سطح مرشوش بالطحين إلى دوائر رقيقة مع الانتباه كي لا تتمزق أثناء الرق .
• تصف الأقراص على صينية كبيرة غير لاصقة و تغطى بطبقة رقيقة من الحشوة المجهزة ثم تفرد الحشوة بأطراف الأصابع و تضغط الحشوة بالعجين حتى تلتصق بالعجين و تخبز على مراحل في الفرن الحامي .
• يقدم اللحم بعجين ساخناً مع اللبن العيران و السلطات المختلفة و المخلات .
السلام عليكم ورحمة الله وبركاته،
الأخت منى..
شكرا جزيلا على هذا الموقع الرائع..
من زمان وأنا متابعة لموقعك..
والبارحة جربت هذه الوصفةبالحسوة البلدية طلعت كتير طيبة وبتشبه كتير أكلة معروفة عنا(بالقلمون ودمشق)هي الصفيحة..
أمي كانت تعملهابالبيت بس بعدين صارت تعمل الحشوة وتبعتها لعند الفران..
ولما قرأت إنو العجينة اللي بتعمليها حضرتك هي بنفس طريقة الفران قررت جربها..
ضفت مع الحشوة بندورة مفرومة ناعمة، طلعت كتير طيبة وعجبتو لزوجي كتير..
أنا طولت كتير مو هيك!!
عندي كم وصفة رح حاول ابعتلك ياهن للموقع عن قريب إن شاء الله.
بالعكس أخت أزهار
كتير انبسطت بردك , بالفعل متل ما قلتي هل الوصفة قريبة للصفيحة , بس أظن أن الصفيحة بتكون أسمك شوي و إلا أنا غلطانة :roll
أختي أنا كنت أحضر الوصفة بخميرة , و مرة سألت الفران فقال لي لأ ان هذه العجينة بالذات ما بدها خميرة فصرت هيك أعملها ..
بس على فكرة في أخوات في منتدى لك جربوا الوصفة و خبرتني أكتر من واحدة أنها طلعت بالخميرة أطيب :roll
ان شاء الله عوافي و هنا و صحة يا رب على قلبك و قلب زوجك ..
و أنا بانتظار وصفاتك , لا تنسي
اخت منى عش البلبل التي قصدتها الحشوة بيحطوا فيا طحينة ودبس رمان وبصل ولحمة بس المقادير بالظبط ما عندي فكرة بس بشوف الاخوات الحلبيات هون بيعملوا ولا اروع والعجينة بتطلع مورقة بيعملوا عا يدون خصوصي لا هالاكلة عم لبكك معي عاكل حال رح اسال شي اخت وخبرك لان ما جربت اعملا ولا مرة
أختي ام نور نحنا منعمل عش البلبل بالطريقة الي قلت لك عليها, يعني بالعجينة الجاهزة و من دون طحينة ..
بس في أخت من حماة جربت وصفة اللحم بعجين و خبرتني انهم بحماة بيضيفوا مع الحشوة طحينة ..
يا ريت ام نور لو تعلميني الطريقة الي عم تقولي عليها و كيف ممكن تنعمل العجينة بكون ليك ممنونة
تكرم عيونك رح اتعلما انشالله واعطيكي الطريقة كتير بيعملوا بالمناسبات وبتطلع طيبة بس لا زور صاحبتي لان انا ساكنة بمنطقة بعيدة ساعتين عن كل صاحباتي الشاطرين بالاكل
الله يعطيك ألف عافية مقدما ام نور
عزبتك معي
, عم استنى الوصفة اذا الله راد
تسلم دياتك اخت منى :zzz يعني نفس طريقتنا بفلسطين لكن احنا بنسميها صفيحه :grin
البارحة جربت اللحم بعجين وكان طيب ولذيذ ،لكن العجينة كانت سميكة شوي وما ارتقت معي منيح .
وهي صورة لتطبيقي للوصفة:[img][IMG]http://i286.photobucket.com/albums/ll120/hodaleman/002.jpg[/IMG][/img]
يا ربي صحة و هنا و عوافي على قلبك
شي بيشهي كتير
يمكن الخميرة مو كتير منيحة :roll
مسا الخيرات و الليرات
نحنا بحلب ما في شي اسمه صفيحة عندنا , كله لحم بعجين و هي نفسها وصفة الصفيحة 
مساء الخير أختي منى : هل هذه هي وصفة الصفيحة ؟؟ ولك كل الشكر ؟
والله يا منى انا فتحت الصفحه وانا شميت ريحة اللحم بعجين
ممممممممممم شي بيشهي
يسلم دياتك يارب
الله يسلمك ام احمد و ان شاء الله شي مرة تجربيه و يكون يممي
تسلم دياتك انت كتير حليتيلي مشكلة بهاالموقع الحلو بالذات احنا بالغربة ومافي حدا نسألوا عن اكلات حلب الغالية الله يجزيك الخير يارب
فكرة حلوة كتير إنو ينعمل بالبيت .. أنا عم جيبو معي من حلب وفرزو وطالعو وقت الحاجة بس ما كتير عم حبو .. حطيتو على لائحة التجريب ان شاء الله
يسلم دياتك يارب :p
الله يسلمك بشورة
ان شاء الله تجربيه و يطلع متل ما بتحبي
السلام عليكم
أختي منى هلأ بدي أسألك يعني اذا بدي أجرب اللحم بعجين و اذا زبط معي رح أكون كتيييييييييييييير مبسوطة بس أحط خميرة ولا لأ برأيك انت؟
لأنك حاطة الخميرة بالمقادير و بعدين عبتقولي انك ما عبتعملي بالخميرة
ههههههههه أنا كرارة ما هيك :zzz
يلا سلام
لا بالعكس
انا اتعلمتها من ابو اللحم بعجين من دون خميرة , و نزلتها بالاول بنفس الطريقة , بس بالتجربة شفت ان بالخميرة احسن , لهيك في شوية لت و عجن بالردود , الطريقة اي كاتبتها هي الي معتمدتها , و انت فيك تحضريها كيف ما بتحبي
رح أحضرها طبعا بطريقتك يا قمر :zzz
و ان شا الله تنجح معي بس بدي أسألك معجون البندورة نفس ماء البندورة؟؟؟؟
و اذا ما بدي أفرم الخضار بمحضرة الطعام بيمشي الحال و لا لأ؟
و آخر سؤال هلأ مشتهية كتير أعرف طريقة تحضير رقائق برك الجبنة بالبيت اذا بتعرفي كيف؟؟؟؟
معجون البندورة هو دبس البندورة الي منشتريه من السوق لان نسبة الحموضة فيه اخف .
فيكي تفرمي الخضار بمحضرة الطعام , و رح نزل البرك اذا ربنا راد
يا الله شأد أنا فرحانة فيك
يسلمو عالأجوبة بس دبس البندورة ما بنقدر نبدله بشي تاني بدون ما يتغير الطعم؟؟؟؟؟ :roll
خلص اذا مو متوفر بلاه , بتزبط كمان , بس لما بيتوفر اكيد بيطلع اطيب :zzz
و انا كمان فرحانة بهل الطلة , نورتي اختي
يا منى الحلوة الأمورة اكيد جننتك و ين ما بتروحي بتشوفيني و أكيد هلأ صرتي هيك
بدي أسألك شو نوع الطحين ؟؟؟ و شو هي البهارا ت المشكلة
طيب اذا ما صرتي هيك
اذا ممكن تجاوبيني لأني رح أعمل اللحم بعجين هالليومين :zzz
الله يسامحك , معناها لسا ما بتعرفيني منيح , انا رب العالمين سخرني لخدمة الناس الطيبة :zzz
الطحين الي استعمله هو الطحين العادي مو طحين الكاتو . و البهارات هي الدقة الحلبية الي منشتريها من المدينة
انت أحلى منوووووووووووووووووش
أنا ولا مرة ما اشتريت من هالبهارات
اذا ضروري مشان الطعم رح أوصي ماما؟؟
يا باتل :roll
لكن شو بتستعملي للطبخ ؟؟
لازما و حتما و لا بد يكونوا في المطبخ , م بس لهل الوصفة , كل الطبخ ببهارتنا غير شكل
هههههههههههههههههههههههههههههههههههههههه
ضليت ساعة و أنا أفك الشيفرة بالأخير طلعت يا باطل :p
ههههههههههههههه
هلأ طبعا عندي مجموعة بهارات و منستعملها بالطبخ بس كل نوع لوحده(كمون.بهار.كزبرة.فليفلة.نعناع….
انت هدول قصدك و لا قصدك أنواع محددة و مخلوطة آسفة لأني عبكتر الأسئلة بس من عمرنا منستعمل هالبهارات و بيطلع الأكل كتير طيب
يعني مو معقول ما منحط شي للأكل أبدا :grin
يا ستي شايفة البهار , هو داااا
نحنا منقول عليه بهار و هو بالحقيقة 7 بهارات
عبتمزحي :eek ههههههههههههههههههه
هلأ هاد سبع بهارات امممممممم
معناها اختصاص حلب بس ما ؟
و انا دائما بسأل نفسي هادا بهار أبيض و لا بهار أسود و لا اشو بالضبط؟؟؟
هلأ مو اذا حطينا بعلبة شفافة بعد فترة بتبقع؟؟؟
و على صفحة مخلل الخيار يا حلو
تمام هادا هو , هو بهار حلو و فلفل اسود و ورق غار و زنجبيل و حب هال و جوزة الطيب و قرفة , بنسب معينة
لاحقتك , دقيقة لجيب الباشاية
:grin
يعطيك العافيه منى
عن جد بتشهي , الله لا يحرمك الأجر
ان شاء الله بجربها قريب
لو تسمحي بدي أشارك معكم بوصفاتي
لكن ما اعرف من وين أبدأ ؟
ان شاء الله تجربيها و تحبيها و تكون يمييي
ممكن تبعتي الوصفات عن طريق اتصل بنا و انا ان شاء الله رح انشرها باسمك :zzz
حطي للحشو البلدي لبن زبادي بتطلع اطيب
السلام عليكم ورحمة الله
منى منى منى :zzz طبعاً كالعادة حاكتبلك: من زمان بدي جرب هالوصفة. لك يا عيييييين عاللحم بعجين ما أطيبو.
وكالعادة رح اكتب: ما توقعتو ينجح كل هالقد :grin .. خاصة الحشوة العينتابية، طلعت تماما متل الجاهزة بالطعم، بس التانية مدري كيف طلعت، طعمة البصل المقرمش وهيك، وما طلع لونها أسوووود متل العادة. بس طيبة وجوزي حب الحشوة البلدية آل لأنه ما بيعرف العينتابية (طبعا كل شي ما بيعرفو ما حيحبو ههههه). وآل هنة بالشام كمان عندون لحم بعجين :roll وهي غير الصفيحة.
عملت نص الكمية، بس ما عرفت أديه لازم تطول بالفرن فشي خليتو 15 دقليلة، شي 10 شي 13 .. لأن ما عرفت حدد جاهزية اللحمة. والعجينة طلعت كتير حلو العامل معها، بس طلعت بتقرمش ومو متل الجاهز.
طبعا هديك أني وي بدها الفرن الخاص …
بس طيييييبة
بس روح لعند أهلي عروسيا أكييييد رح اعملون ياها ورح ينبسطوا لأن أكيد صرلون زمان ما آكلينها :zzz :zzz :zzz واليوم عم جاكر ماما عالماسنجر فيها :grin 8)
شكرا مجددا
كلك ذوق.
مع التحية
والسلام عليكم ورحمة الله
تسلم ايديكي اخت منى بصراحة انا بالسعودية وكتير مشتهيه عليه وانشالله رح اجربه
بس ععندي كم سؤال ياريت تجاوبيني عليهن
1لازم ادهن الصينية شي قبل ماصف عليها العجينة.
2كمان بدي اسأل بماانو العجينة الها خميرة مارح تنفش بالفرن وتبطل رقيقة؟؟؟
3السؤال الاخير انشالله ماكون طولت عليكي بس كيف بدي اعرف انو استويت يعني اديش اتركها بالفرن
وشكرا كتيييييييييييييير :zzz