تشيز كيك بصوص الفريز


         وصفة : منى                 2008/02/18                 9 تعليقات
تشيز كيك بصوص الفريز

·          يطحن البسكويت و يعجن مع الزبدة و ترص في قاع قالب دائري يفك جانبياً (لجمالية التقديم) ثم يوضع في البراد لربع ساعة تقريباً حتى تتصلب .

·          تخفق الكريما و الماء جيداً ثم نضيف لها جبنة الكيري و علبة القشطة و علبة جيليه موز (بدون ماء فقط البودرة) و عصير الليمون و السكر , تخلط جبداً ثم نضعها فوق الطبقة الاولى و ترجع للبراد مرة أخرى لحوالي الساعتين حتى تتماسك جيداً .

·          للطبقة الأخيرة إما نذوب ملعقتين من جيليه الفريز بالقليل من الماء الساخن ثم نضعها فوق زبدية صغيرة من مربى الفريز حتى تختلط جيداً و نصبها فوق الطبقة الثانية  .

·          او ملعقتين جيليه كرز تذوب في ماء ساخن ونخلطها مع زبدية صغيرة من مربى الكرز ونصبها فوق الطبقة الثانية (حسب الرغبة) مع مراعاة ترتيب حبات الكرز او الفريز الموجودة في المربى بحيث تتوزع بشكل شبه متساو قدر الإمكان على كامل سطح القالب و ترجع للبراد مرة أخيرة لثاني يوم.




الطبقة الاولى:

2 باكيت بسكويت سادة
نصف باكيت زبدة

الطبقة الثانية :
نصف باكيت كريما
نصف كأس ماء
10 قطع جبنة كيري
علبة قشطة نستلة
علبة جيليه موز (بدون مائه فقط البودرة)
عصير نصف ليمونة
فنجان قهوة سكر

الطبقة الثالثة:
أما
2 ملعقة كبيرة جيليه الفريز
زبدية صغيرة من مربى الفريز
أو
2 ملعقة كبيرة جيليه كرز
زبدية صغيرة من مربى الكرز





• يطحن البسكويت و يعجن مع الزبدة و ترص في قاع قالب دائري يفك جانبياً (لجمالية التقديم) ثم يوضع في البراد لربع ساعة تقريباً حتى تتصلب .

• تخفق الكريما و الماء جيداً ثم نضيف لها جبنة الكيري و علبة القشطة و علبة جيليه موز (بدون ماء فقط البودرة) و عصير الليمون و السكر , تخلط جبداً ثم نضعها فوق الطبقة الاولى و ترجع للبراد مرة أخرى لحوالي الساعتين حتى تتماسك جيداً .

• للطبقة الأخيرة إما نذوب ملعقتين من جيليه الفريز بالقليل من الماء الساخن ثم نضعها فوق زبدية صغيرة من مربى الفريز حتى تختلط جيداً و نصبها فوق الطبقة الثانية .

• او ملعقتين جيليه كرز تذوب في ماء ساخن ونخلطها مع زبدية صغيرة من مربى الكرز ونصبها فوق الطبقة الثانية (حسب الرغبة) مع مراعاة ترتيب حبات الكرز او الفريز الموجودة في المربى بحيث تتوزع بشكل شبه متساو قدر الإمكان على كامل سطح القالب و ترجع للبراد مرة أخيرة لثاني يوم.
  • وصفات تانية ممكن تعجبك


التعليقات

  1. منى 18 February 2008

    هلا نورا :)
    هيئتي لازم أعمل سطو مسلح على دفتر وصفااتك :grin , سبحان الله هل الوصفةنفس وصفتي تقريباً بس أنا بعد ما بعجن البسكويت بالزبدة بحطها بالفرن شي عشر دقايق .., و جيلي الي بحطه مع الكريما بدوب بشي معلقتين تلاتة مي سخنة قبل اضافته و أخر شي بخلط الكريما مع الحليب عوض المي :)

    تسلم دياتك نورا , و بس بدي خبرك ان أنا هل الاسبوع كله تقريبا كان غداي من الجزر بالزيت , و جوزي من كتر ما عم يجب جزر للبيت قال لي شوبكم صاايرين أرانب :grin

  2. نورا 18 February 2008

    ألف الف صحة وهنا على قلبك وقلب اللي بتحبيهم يا رب…
    يا ستي انا متلك بعشق اكلات الزيت وإن كان جوزي ما بيفضلهم كتير وبيعتبرهم نقرشات وليست وجبة غداء رسمية…على كل ماما ملكة اكلات الزيت ورح سربلك كم وصفة من عندها…
    انا بعرف طريقة تشيز كيك بيفوت بالفرن بس ما جربتها ولا مرة وبعتبر طريقتي سهلة جداً جداً ومضمونة النجاح مو ما فيها لا فرن ولا حرارة (شغل هات إيدك ولحقني ;) .. على كل إن شاء الله تجربيها وتحبيها…
    اليوم كان غدائي كودو إذا ما عندك طريقته لحتى ابعثلك.. كتير سهلة وطيبة…

  3. منى 18 February 2008

    مممممممم عم استنى الوصفات نورا , مع وصفة الكودو أكيد ;)

    و أنا كمان حوزي متل حكاية جوزك , هل الاكلات بيعتبرها من المقبلات و أنا هل الاكلات من كتر مو بحبها بفطر و بتغدى و بتعشى منها ما عندي ماااانع :grin و الله وكيلك يا نورا , بس الكلام بيناتنا 8) اليوم على الفطور أكلتلي صحن صغير منها , لك أنا كيف ما خطر ببالي جرب هيك أكله مع ان غرامي الجزر ..

    و هل الوصفة تبعة التشيز كيك علمتني ياها واحدة من قرايبني جوزي , و من وقتها صرت بحضرها كل ما بيكون جاي على بالي حلى سهل و طيب و منظره حلو ;)

  4. رندوش 9 March 2008

    مشكوره عزيزتي وصفتك كتير شهيه

  5. رنا 12 August 2008

    طيب بس سؤال ممكن اعرف كمية البسكويت بالغرام وكمية الزبدة لانه جربته هديك المرة قام كانه كترت زبدة ..قام كتير مسك وماعاد تقطع منيح يعني البسكويت ضرب كتير بالصحن ومدري شو صرله ..ياريت تفيدوني
    وشغلة كمان ..هلأ البسكويت مع الزبدة مارح تتغر طعمته اذا حطيته بالفرن ..واي اطيب بالفرن ولا بالبراد؟؟معلش عذبتك معه بس عندي بكرا تحدي التشيز كيك بعد محاولات سلفتي الخمسة الفاشلين :upset بقا جيت انا اعمل معلميات ;) ناطرة جوابك

  6. منى 13 August 2008

    هلا رنونة :)

    هلأ الوصفة ما الي مجربتها , بس ممكن اساعدك .. البسكويت كل غلبة 100 غ و نصف باكيت زبدة بيساوي 100 غ

    أنا بخبز دايماالبسكويت بالفرن , بحس انه بينقسم اسهل و بتصير طعمته اطيب بس الطريقتين مظبوطات ;)

  7. رنا 14 August 2008

    انا عملت التسيز كيك متل الوصفة ولهلأ كل شي تمام والقالب بالبراد بس في شغلة انه الطبقة التانية ماطلعت بيضا متل مو لازم طلعت صفرا ويمكن من جيلي الموز ..بس بالصورة طالع ابيض ياترى انا عملت شي غلط

  8. منى 14 August 2008

    لا أكيد أختي ما في غلط , اللون في الصورة أبيض لان الجيليه ورق مو بودرة و هو الجيليه الي ما اله لون و لا طعم بس بيعطي قوام مناسب ;)

  9. laimuna 12 May 2011

    وصفة بتشهي والله ..وحابة كتير جربها بس عندي سؤال ؟؟..ماعرفت أديه بتقصدي بنصف باكيت كريمة يعني ظرفين من دريم ويب ؟؟ ولا نصف باكيت من كريمة دانيا ؟؟ وبما اني مابحب الموز فيي استبدله بورق جيلاتين عادي ياترى كم رح تكون كمية ورق الجيلاتين ..آسفة على الازعاج بأسئلتي بس كتير حابة جرب هالوصفة لأن صرلي فترة بجرب بوصفات تشيز كيك ولحد هلأ ماعجبتني ولا وصفة …

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)