براونيز بكريما الخمس دقايق السرية
· تخلط اللحمة الهبرة المفرومة بالبهارات وتدعك جيداً .
· تبلل اليدان بالماء البارد ثم تشكل اللحمة بهيئة أقراص مثل أقرص الهمبرغر و توضع الأقراص على صينية مغطاة بكيس نايلون كي لا تلتصق , تمزج مكونات الصلصة بشكل جيد .
· تسخن مقلاة تيفال و تقلى فيها الأقراص بالقليل من السمنة أو الزيت و تقلب على الطرفين حتى تنضج الأقراص ثم تقطع الأقراص إلى قطع صغير .
· ترش الأقراص الساخنة بنصف الصلصة و يوضع باقي الصلصة في طبق صغير عميق .
· تقدم أقراص النعناع ساخنة مع الخبز العربي و مع الباقي من الصلصة .
كيلو لحمة غنم هبرة مدقوقة
رشة فلفل أسود
رشة قرفة
نصف ملعقة صغيرة بهار مشكل
ملعقة صغيرة فليفلة حمراء ناعمة
2 ملعقة كبيرة نعناع مجفف
الصلصة :
2 ليمونة معصرة
كوب زيت زيتون
4 – 5 فص ثوم مفروم
القليل من الملح
• تخلط اللحمة الهبرة المفرومة بالبهارات وتدعك جيداً .
• تبلل اليدان بالماء البارد ثم تشكل اللحمة بهيئة أقراص مثل أقرص الهمبرغر و توضع الأقراص على صينية مغطاة بكيس نايلون كي لا تلتصق , تمزج مكونات الصلصة بشكل جيد .
• تسخن مقلاة تيفال و تقلى فيها الأقراص بالقليل من السمنة أو الزيت و تقلب على الطرفين حتى تنضج الأقراص ثم تقطع الأقراص إلى قطع صغير .
• ترش الأقراص الساخنة بنصف الصلصة و يوضع باقي الصلصة في طبق صغير عميق .
• تقدم أقراص النعناع ساخنة مع الخبز العربي و مع الباقي من الصلصة .
ياي عن جد انتي خطيرة حتى أقراص النعناع كتبتيها
هي طيبة كتير وخصوصا يللي ما لو قابلية على الأكل الله يعطيك العافية
مممم , بتجنن , هي انا بموووت عليها بكل الاوقات
امممممممممم ما أطيبها و خصوصي من عند سيرجية اممممممممممممممممممممممممم
فشر :grin
ما اطيبها من عند لقمة طيبة
السلام عليكم ورحمة الله
هي الأكلة ما كنا ناكلها غير لما بابا بسوريا بيطلبها بالمطاعم
لذلك ما كتير هيك بتذكرها ……. بس قلت بما أن زايد عندي لحمة هبرة من الكبة، أجربها.
ياي طيبة كتير كتير والنعنع اللي فيها جاية تشكيلتو حلوة مع اللحمة.
يله عقبال ما لاقي وشنة بالإمارات واعمل الأكلة الحلبية الأحية الشهيرة لحمة بكرز :grin مدري ليه تذكرتها.
الله يجزيكِ الخير منوش خانم
والسلام عليكم
و عليكم السلام يا حلو
الف صحة و هنا على البك و تعيشي و تتذكري احبابك ان شاء الله
مممم , لازم تعزميني على اللحمة بكرز لاني بموت فيها , يلا رح استنى الاخبار ان شاء الله :zzz
السلام عليكم لما شفت االموقع مفتوح افرحت كتير كتير يا حبت عيني والحمدلله علي سلامتك ابق طمنيني عليك بدعلكوا بكل صلواتي يا رب ينصركوا
شكرا على الوصفة الي مبينة ظريفة. أمي بزماناتها دارسة بجامعة بحلب، و من ذكرياتها هنيك هي الأقراص. أبدا ماني آكلتها و حابة جربها.
هلا سؤال صغير وصفه طويل. أنا لاحظت انه الأوربيين الهمبرغر تبعهم بيطلع طري و مستوي بنفس الوقت، و نحنا لما بنعمله بالبيت بيطلع طيب بس في شوية نشاف. المهم سألت عن السر و قيل لي انه ما بيخلطوا الملح مع خلطة اللحمة، وبيحاولوا ما يفعسوا اللحمة كتير و هنن عم يشكلوها. و بعدين أثناء القلي أو الشوي بيحطوا الملح على أول وجه، بعدين لما يقلبوا على تاني وجه. شو رأيك بهالاقتراح قولتك بيمشي الحال؟ و هل عندك اقتراحات اخرى مشان أقراص الهبرغر أو النعنع ما تطلع ناشفة؟
ان شاء الله بتجربيها و بتطلع يممم , رح استنى رايك حبيبتي
لحمة الهمبرغر اول الشي لازم تكون فيها نسبة الدهن من 15 – 20 بالمية من اللحم الهبر , تاني شي هلا متعلمة شغلة جديدة عم يطلع فيها خيلة و هي اني بتبل اللحم المقطع مكعبات بالملح و الفلفل الاسود و صلصة الوسترشاير و بخليه بالبراد كم ساعة و بعدها بطحنه بماكينة فرم اللحم و بعدها بجمعهن على بعض من دون دعك ابدا و بشكل فيهن اقراص و بعدها بشويهن و برجع بتبلهن بملح و فلفل اسود , خيلة
اما اقراص النعناع فغير قوام و اصولهن انو يكونوا متماسكين على بعض بس مو ناشفين , و غرقانين بنكهة الليمون و زيت الزيتون
هلا وضحت الفكرة، شكرا كتير كتير.
جوزي ما كتير صحبة مع التوم، لشوف شلون أموه الوضع. ما بعتقد بيزبط بدون توم، بس يمكن خفف شوي.
فيكي تخففيه كتير , انا اهلي ما بيحبوا التوم لهيك ما بيحطوه ابدا مع الليمون , و انت اذا بدك اعملي هيك