براونيز بكريما الخمس دقايق السرية
· تمزج مقادير الصلصة جيداً في مرطبان صغير ثم تترك الصلصة مدة ساعة كي تتمازج النكهات و يهز المرطبان عدة مرات في هذه الأثناء .
· يقطع الخيار و البندورة و البصل لمكعبات صغيرة ثم يمزج الكل و تسكب الخضار في طبق التقديم .
· تصف الخضار و أنواع الجبنة التي اخترتها لتزيين الوجه بشكل خطوط على وجه السلطة ثم توضع في البراد حتى وقت التقديم , عند التقديم يوزع الصوص فوق السلطة و تقدم مع المزيد من الصلصة لمن يرغب .
4 حبة بندورة
3 حبة خيار
بضع أوراق من الخس
بصلة حمراء صغيرة ( اختياري )
مقادير التتبيلة :
5 ملعقة كبيرة زيت الزيتون
نصف ملعقة صغيرة كمون
نصف ملعقة صغيرة فليلفة حمراء ناعمة
ملح
4 ملعقة كبيرة عصير ليمون
ملعقة كبيرة خل أحمر
نصف ملعقة صغيرة خردل
و يمكن استبدال عصير الليمون و الخل بعصير الحصرم
للتزيين :
اختاري ما يعجبك أو ما يتوفر عندك من المقادير التالية
ذرة مسلوقة
جزر مفروم ناعم
ملفوف مفروم ناعم
فجل مبشور أو مقطع شرائح
جبنة صفراء مبشورة أو مقطعة مكعبات
جبنة بيضاء مبشورة أو مقطعة مكعبات
بندورة مفرومة ناعمة
عطون منذوع البذور و مقطع شرائح
زيتون منزوع البذور و مقطع شرائح
فليلفة حمراء مفرومة ناعم
خيار مفروم ناعم
فاصوليا خضراء مسلوقة حتى تطرى و مقطعة لقطع صغيرة
بيض مسلوق و مقطع أرباع
مرتديلا مقطعة مكعبات
بقلة منزوعة عن العود
زعتر أخضر
• تمزج مقادير الصلصة جيداً في مرطبان صغير ثم تترك الصلصة مدة ساعة كي تتمازج النكهات و يهز المرطبان عدة مرات في هذه الأثناء .
• يقطع الخيار و البندورة و البصل لمكعبات صغيرة ثم يمزج الكل و تسكب الخضار في طبق التقديم .
• تصف الخضار و أنواع الجبنة التي اخترتها لتزيين الوجه بشكل خطوط على وجه السلطة ثم توضع في البراد حتى وقت التقديم , عند التقديم يوزع الصوص فوق السلطة و تقدم مع المزيد من الصلصة لمن يرغب .
يا سلام
انا لو بضلني عايشة على السطات طول عمري ما بقول لاءءء
ما في اطيب من السطلة
و خاصة ازا حدا محضرلي ياها وانا قاعدة على الرف ههههههههههههه
بس ولا بالاحلام
انا بقوم متل العروس الشاطرة وبعمل لحالي
يسلموووو
تقبشيني انت و خفة دمك , الله يرحم ايام لما كان حدا يحضرلنا الاكل و نحنا متل الحلوين بس نقعد على الطاولة و إذا قمنا بعدها و أخدنا صحنا معنا بكون الله يرضى علينا :grin
اههههههههههه يا ميمو (هادا الدلع)
زكرتيني بما مضى امي الله يخليها بتحب تعمل اكل كتير و ما كنت ساعدها ابدا بالعزايم و ازا قالتلي جلي عني ازعل
الله يسامحني بس
مشان هيك طلعت فاشلة
و بس صرت حب الشغل واتعلم لقيت حالي بعيدة عنها هيي ببلد و انا ببلد و عينك تشوف اول سنة طبخ الي منيح يلي جوزي ما صار معو تسمم ههههه
والله بزعل عليه
عندي كم سؤال منى لو سمحتي
شو يعني عصعوص و موزات انا بسمع فيهون بس ما بعرف اي جزء من الخاروف هني
كمان جوزي جايب شوال بطاطا و وبصل كتير كبير
كيف بدي خزنهون مشان ما يخربوا لانو البطاط دغري بتصير عندي خضرا و بتمرمر و البصل بيعفن
مع اني بحطون بعيد عن الشمس والرطوبة
و جزاك الله خيرا
شكرا كتير يا منى الله يوفقك وينولك كل يلي ببالك
مية السلامة يا عسل تسلمي على الدعوة الحلوة
و ان شاء الله انت بالمثل يا رب
طبعاً السلطات أكتر شي بنتفنن فيه على السفرة لأنها الطبق يلي بحبه كل يلي بالبيت كبير وصغير
وهي فكرة جديدة ورائعة طبعاً لأنها من منونة الغالية
ربي يسلم ايديكي :grin
هلا دمدومة
ان شاء الله يصحلك تجربيها و انا متاكدة انك رح تحبيها
لا تنسي تخبريني
مرحبا مرة تانية اليوم
كمان كانت هي الوصفة من التحف الجميلة يلي زينت سفرتي مبارح وبيضت وجهي..
بعد ما حضرتها ضليت اتفرج فيها واستخسرت إنو تتاكل وتنتزع..
بس وحياة الله كنت عم بدعيلك من كل قلبي إنو الله يعطيكي مقابل كل لقمة هنية أكلتها أنا أو أي حدا ببيتي من وقت ما تعرفت عليكي مليون حسنة وتبقى بصحة وعافية دائماً إنت وعيلتك وأحبابك
خليلي قلبك و عيونك يا دالو على هل الدعوة الحلوة و الله و الله يمكن اغلى دعوة اندعتلي من زمان :zzz
ان شاء الله انت كمان الك متلها انت و كل الغاليين عليك و تبقى دايما بصحة و عافية و الف الف هنا على السلطة , ان شاء الله تكوني اكلتي عني شي مية لقمة :grin
ما شاء الله تسلم ايدينك حبيبتي في الله .. طبق مميز غني بالألوان والأهم غني بالفيتامينات
جاري التطبيق في أسرع وقت
هلا جمان
ان شاء الله اذا جربتيه بيعجبك و بيعجب كل عيلتك و لا تنسي تخبريني :zzz
ما شاء الله لا قوة الا بالله ….
السلام عليكم ورحمة الله
من زمان بشوفها بالموقع خصوصي بالعزايم تبعاتك :grin .. بس ما جربتها إلا من أسبوع، وصرت اعملها كل يومين تلاتة، وكل مرة جوزي ما بيسخى يبلش فيها ويخربها :grin .
ما بفهم بالخل :roll يعني تقليلي أحمر، أبيض، أصفر، خل رز .. ما بحب جيب من كل وحدة قنينة كبيرة وما استخدمها غير قليل … ما بعرف يمكن بس تكبر عيلتي وصير اطبخ كميات :grin .. لذلك حطيت خل البلزاميك اللي بحبو كتير وبيناسب كل الأذواق :p
هلئ عن جد طعمة كل خل من هدول بيختلفوا ؟ :roll
شكرا الله يجزيك الخير منى
والسلام عليكم
أول ما فتت عالموقع و شفت هالسلطة من كم يوم الت يعني لازم جربا على أد مو شكلا رائع و بصراحة عملتا مرتين من 4 أيام لهلأ لما اجاني ضيوف و كانت النتيجة كتير حلوة و كتير حبوها حتى صاروا يقولولي حرام ناكلا و ننزع شكلا…
تسلم ايديكي عهالوصفة الحلوة :grin
شكلها روعة بس عندي سؤال ما هو العطون
هلا ليندا
أول الشي , فرطيلي قلبي من الضحك , و الله مو بس جوزك
الله يعين كل الجواز على عروساتهم شو بيعملوا فيهم
بس الواحدة فينا لازم تغلط لحتى تتعلم و لحتى تركز معها الطبخة
زكرتيني باول طبخة طبختها لجوزي , كانت يا ثلاااام …
هلأ نجي للأسئلة :
العصعوص هو أخر العمود الفقري للخروف و اللحمة الموزات هي لحمة العضل
البصل بتحطيه في مصفاية مغطاية بورق الجرايد لحتى يدخل الهواء بين حبات البصل و الجرايد بتمتص اي رطوبة
أما البطاطا فما الها حل غير انك تفرزي قسم منها .
بتقطعي الكمية الي بدك اياها لأصابع و بعدها بتغلي مي مع خل و بس ما غلت تمام المي بتطبي البطاطا و بتخليها 5 دقايق
بعدها بتصفيها كتير منيح و بتحطيها على منشفة مطبخ نضيفة لحتى تنشف و بعدها بتفرزيها..
لما بتلزمك بتطالعي كيس صغير من البطاطا من الفريزر و بتخليه شي ربع ساعة برة و بترجعي بتنشفيه من المي و بعدها بتقليه بزيت غميق و حامي و لما بطالعي البطاطا بترشيها بالملح
و صحة و عوافي يا رب
العطون هو الزيتون الاسود
هلا lilithia
منورة الموقع يا جميل و الف صحة و عافية على البك و الب الضيوف , الحمد لله انها عجبتك و عجبتهم ..
مية هلا
و عليكم السلام و رحمة الله و بركاته ياسمين
وين غاطة , صار الك زمااان مو باينة , ان شاء الله امورك و عيلتك كلها بخير
مو مهم النوعية , المهم انو يكون بيعجبك و الطعم بيفرق كتير و بشكل واضح , مو انو بده معلمية
صحتين و مية هنا يا قمر , مبسوطة كتير انك جربتيها , عوافي