براونيز بكريما الخمس دقايق السرية
من موسوعة حلب المقارنة قال خير الدين الأسدي ” المامونية حلوى من سميد وسمن وسكر ونعتقد هي ليست نسبة للخليفة العباسي لان حياته مفصلة لدينا ، نعم ابدعها حلبي ويغلب ان يكون من سوق السقطيةواسم المبدع مأمون ونسبت اليه ..يقيني ان لافطور اذكى واطيب من صحن مامونية مع القشطة والشعيبية بجانبها صحن الجبن العزازي “
-المقادير:
2 كوب صغير سكر ( حسب الذوق )
4 كوب صغير ماء
2 ملعقة كبيرة سمنة بلدية او بقرية
كوب صغير سميد
ملعقة صغيرة ماء زهر
للتقديم :
قشطة طازجة أو جبنة
قرفة ناعمة للزينة
2 كوب صغير سكر ( حسب الذوق )
4 كوب صغير ماء
2 ملعقة كبيرة سمنة بلدية او بقرية
كوب صغير سميد
ملعقة صغيرة ماء زهر
للتقديم :
قشطة طازجة أو جبنة
قرفة ناعمة للزينة
.
-طريقة التحضير:
• يوضع الماء و السكر على النار و يترك المزيج حتى يغلي و يذوب السكر تماماً .
• في هذا الوقت توضع السمنة و السميد على نار هادئة و يقلب الكل حتى يشقر السميد من دون أن يتغير لونه , يضاف مزيج الماء و السكر و يغطى الوعاء و تترك على النار الهادئة بضع دقائق حتى تشتد قليلاً .
• تبعد المامونية عن النار و يضاف ماء الزهر و تترك مغطاة لمدة 10 دقائق , سيزداد سمك المامونية .
• أصبحت المامونية جاهزة , تسكب في طبق التقديم , توضع فوقها القشطة أو تقدم مع الجبنة و ترش القرفة و تقدم ساخنة مع الخبز العربي .
تنويعات :
يمكن تقديم المامونية مع الجبنة المحلاة , تستخدم الجبنة العكاوي المنقوعة بالماء حتى تفقد كل ملوحتها ثم تقطع إلى شرائح سميكة و بعد أن تنضج المامونية و يضاف لها ماء الزهر تضاف شرائح الجبنة و يغطى القدر و تترك حتى تذوب الجبنة ثم تسكب و يرش الوجه بالقرفة و تقدم مع الخبز العربي .
• يوضع الماء و السكر على النار و يترك المزيج حتى يغلي و يذوب السكر تماماً .
• في هذا الوقت توضع السمنة و السميد على نار هادئة و يقلب الكل حتى يشقر السميد من دون أن يتغير لونه , يضاف مزيج الماء و السكر و يغطى الوعاء و تترك على النار الهادئة بضع دقائق حتى تشتد قليلاً .
• تبعد المامونية عن النار و يضاف ماء الزهر و تترك مغطاة لمدة 10 دقائق , سيزداد سمك المامونية .
• أصبحت المامونية جاهزة , تسكب في طبق التقديم , توضع فوقها القشطة أو تقدم مع الجبنة و ترش القرفة و تقدم ساخنة مع الخبز العربي .
تنويعات :
يمكن تقديم المامونية مع الجبنة المحلاة , تستخدم الجبنة العكاوي المنقوعة بالماء حتى تفقد كل ملوحتها ثم تقطع إلى شرائح سميكة و بعد أن تنضج المامونية و يضاف لها ماء الزهر تضاف شرائح الجبنة و يغطى القدر و تترك حتى تذوب الجبنة ثم تسكب و يرش الوجه بالقرفة و تقدم مع الخبز العربي .
-
وصفات تانية ممكن تعجبك
(5 votes, average: 4.00 out of 5)
كانو رفقات اخي من حلب دائما يحكو عن هل الاكلة و مرة عزموه عليها
بس انا ما بعرف طعمها
ان شالله بجربها شي يوم
انا كتير مبسوطة اني عم اتعلم منك شغلات جديدة وطيبة
:zzz
هلا ليندا
هي كتير طيبة و اكيد رح تعجبك باذن الله , هي طريقة ستي , و هي الله يخليلي ياها منفنفة و ما في أطيب من أكلها
و انا مبسوطة فيك كتير و بوجودك معي 8)
نورتي
تسلمين على هالحلا الطيب
الله يسلمك بلسم
و الشكر ليك على تواجدك الطيب في الموقع
نيال عيلتك علي ماشاء الله انا كتير بحب هل الاكلة وخصوصا اذا على وشا قشطة بس للاسف ما بعرف اعملا نهائيا حماتي الله يجزيها الخير بتبعتلي من حلب الممونية وانا بغليها بس بالمي :grin بس ان شاء الله رح جرب اعملا ويارب تنجح
اول مرة اضوقها في حلب من سنتين كنا راجعين من لبنان علىاساس ليلة مرور ولما تذوقناها في بوفيه الفطور اخرنا سفرتنا ثلاثة ايام تجولنا في الاسواق الشعبيه غرامي وتمتعنا باطيب اكل
هلا أم دانية
, أنا بحبها أكتر الشي مع الجبنة العكاوي , يممي ..
و الله مو مستاهلة من حلب لألمانيا اي شغلتها ااقل من 5 دقايق ,. الله يخليلنا هل الأمهات و الحموات شو تعبوا معنا لحتى صار عندنا شوية من خبرتهم
هلا منونة
نورت حلب بأحلى و أغلى ضيفة من السعودية , ان شاء الله تكون منعادة و تنبسطي بزيارة حلب و سوريا
يسلمووووو الايادى
يعطيك العافية …
هلا فطوم
نور الموقع فيك و بتواجدك و ربي يسلمك و يخليك
فعلاً طيبة كتيييييييييييير نحن بالشام منقول عنها حلاوة بسميد والكل بطير عقله عليها بالفعل خصوصاً مع الجبنة يممممممممممم :upset تسلم ايدك يا منمونة
عن دمشقية
كنت فاكرة ان مو معروفة برة حلب لان أصحاب زوجي لما بيجوا من الشام بيحكوا معه بالموبايل ان هنن رح يوصوا : بيقولوا حضرولنا المامونية و الشعبيات :zzz
الله يسلمك يا عسل , نورتي
ما بتسدقي يا منى اني صرت عاملة المانونية شي 15 مرة اداش بسيطة وسهلة واداش طيبة ما كنت متوقعتا هيك لا جربتا بس انا شو عملت بالاخير قبل ما اطفي النار بحط الجبنة وهي جبنة حلوة وبحرك بسرعة فبتدوب الجبنة وبسكبا وبزينا بالقرفة وطيبة سخنة لقيتا وكل الي اكلوها عندي اخدوا مني الطريقة سلم دياتك يا رب
هنا و الف الف عافية ام نور
هي الطريقة بيعملوها عنا كمان لحتى تدوب الجبنة و تصير طرية و تدوب دوبان :zzz
متل ما قلتي ما ممكن الواحد يتوقع هيك طعمة من هيك مكونات بسيطة , الف صحة و هنا على قلبك و قلب ضيوفك واحد واحد
منى لو سمحتي شو بتقصدقي بالكوب الصغير يعني فنجان قهوه؟ بعدا استخدم هالكمية لشخصين؟؟ ما بريد تكون كتيرة …
سؤال كمان القشطة هي الحليب المكثف الا كل واحد شي؟؟
شكراواسفه ع كتر الاسئلة
هلا اختي
الكوب الصغير هو كوب الشاي و اذا انتي حابة تجربي الوصفة اول مرة ممكن تستعملي فنجان القهوة للقياسات و بنفس النسب , يعني فنجان سميد , فنجانين او تلاتة سكر , اربعة مي و حمصي السميد بملعقة سمنة و الكمية هي رح تطلع صغيرة و مناسبة لشخصين ان شاء الله
امممم المامونية أكلة مشهورة بعيلتنا و خصوصي يوم الجمعة :zzz
بس أنا بعملها بغير مقادير و الطريقة جابوها خوالي من عند مهروسة من شي 10 سنين :eek
كوب سميد..3كوب ماء..3كوب سكر و طبعا ماء زهر و سمنة
بس ما بعرف شو الفرق بين الطريقتين بس أكيد التنتين طيبيييييييييييييييين :zzz
هلا ما كتير في فرق بالمقادير , يعني هل اكاسة السكر رح تخلي مامونيتك اسمك من الوصفة الي بحضرها , انا ما كتير بحبها سميكة , بس هادا زوءي الشخصي , و يمكن لان اتعودت عليها هيك :roll
شكرا كتير للاضافة و متل ما قلتي , المامونية خاطرها لااازم و خصوصا يوم الجمعة :zzz
بحبا كتير للمامونيه خانوم بس بحياتها ما ظبطت معي كتير بتطلع سميكه
يسلم دياتك منى والله يجزيكي الخير على تعبك معنا
ماقلتيلي في مسابقه برمضان السنه ولا نو؟؟؟
بلكي بجهز طبقي من هلااء :zzz
هلا ام احمد
ان شاء الله تجربيها هل المرة متل ما اتعلمتها من نانا و تزبط معك
و الله ام أحمد هي المسابقات حلوة كتير , بس عم تاخد وقت , اذا الفكرة عابتكم رح نعملها , شو رايك ؟
هلق انا بعرف اعمل مامونية بس بدي الشعيبيات الحلبية
لانو المامونية بدها معها شعيبيات يوم الجمعة
ولا اش رأيك ست منى
:roll
بيصير يجي يوم و اعملها , ليش لا
مرحبا منى دقت ساعة العمل ومحتاجة مساعدتك تعرفت اليوم باستقبال عبنات سوريات من مختف المحافظات وتشاطرت وعزمتن على فطور حلبي قلت لحالي بمشيا بمامونية وفول ماحسيت الا انو العزيمة كبرت والبنات كترو واليوم كان في بوفيه فاخر جدا وفيو اطباق كتير مميزة يعن يماحلوة نحط فطور شو ماكان للضيوف اللي شافة هالشوفة انا شفت الفطور اللي حاطتتيه ورح احاول اعمل متلو بس مااظن الحق اعملن كلن العزيمة بعد بكرا الصبح دليني عكم اكلة خفيفات وسريعات تقبشيني
eek :upset 8) :roll :eek :upset
عزيمة الفطور اسهل من غيرها , فيكي تعملي عجينةواحدة و تعملي فيها فطاير منوعة , ممكن سلطة ..
شو كمان , ممكن تقطعي خلاوة مكعبات و تخطيها بطبق مع مكعبات زبدة , صحن مربيات مشكلة كمان مع زبدة , سلطة بطاطا , عسل و قشطة , دبس و طحينة , هل الاشيا سهلة كتير و بترتيبة صغيرة بتطلع سفرة غير شكل
والله انك معدلة يامدام منى وذواقة بالاكل.بتعرفي بستمتع وان عم بقرا تعليقاتكون ولمابيكون الموقف بضحك بضحك لحالي وكاني عم احكي معكون .الله يوفقك
شكراً يا روح قلبي , منورتينا و الله
على فكرة انا من عشاق المامونية الحلبية ودائما بحضرها ورح جرب طريقتك اكيد رح تكون بتشهي
ان شا الله تكون ع زوءك
مدام منى انا هون شوفيني اكل مع المامونية يعني الجبنة في الحلومي القبرصية فيني حليا واستخدما بس هي الجبنة دسمة من حليب الماعز,وفيني آكل المامونية مع القشطة العلب متل نستله
نحنا مناكلها مع الجبنة المالحة , كتيررررر طيبة , و ممكن كمان مع الجبنة المحلاية حسب زوءك
ما كتير طيبة مع القشطة المعلبة , و اذا مو متوفرة القشطة التازة خليك على الجبنة
مدام منى مشكورة عن جد على هالوصفات صار عندي إدمان اسمه لقمة طيبة بس لما كنا صغار كانت ماما تعمل المامونية بالحليب رح جرب طريقتك وخبرك بالنتيجة.
منورة يا فريال الموقع ، ما بتخييلي اديه انبسطت بردك ، ان شا الله ادمان بتطيبي منه
رح استنى رأيك بعد التجربة
ع فكرة في نوع تاني بينعمل بالحليب و بيتقطع مكعبات و بيتغطى بالقشطة كتير طيب
تسلم الأيادي يارب وكل عام وأنتم بخير وكل الغالين ….
مش مجربتها من قبل مع إن الوصفة موجودة من زمان بالموقع ،
وهي من الوصفات القليلة اللي بلقمة طيبة عندي رعب منها ولحد الحين ماستجريت أعملها ،
يمكن لأنها أكثر أكلة شعبية ولها سمعتها بحلب …
حاسة إني مارح أزبطها مثل صاحبات البلد أنفسهم خصوصاً درجة التحميص والحلاوة والسمك المطلوب …
مع إن المكونات وطريقة العمل بسيطة جداً
وياليت إني أذوقها شخصياً من أهل حلب عشان أتشجع
جربيها لارا ما بتندي لانها بسيطة والله
ياريت ادوقك ياها ع اصلها ، الله كريم
جربيها لارا ما بتندي لانها بسيطة والله
ياريت ادوقك ياها ع اصلها ، الله كريم
يسلموا دياتك صاحباتي شاميات كانوا يحكوا عنها كثير بس لما قراتها عرفت شو هي عنا بفلسطين وخصوصا بالقدس بنقول لها حلاوة سميد بنعملها بالشتاء وبنحط عليها مثل ما قلتي جبنه بيضاء محلية وشي ما بعرف اذا عندكم بتقولوا له نفسه حب قريش هي شجر بيشبة الصنوير بس حباته ارفع واطول وحباته لونها اسود المهم ربنا يرضى عنك وصفاتك كلها حلوة ومنظمة
في أطيب من المامونية على الفطور … بس صرت زيد عليها طريقة ماما لمحبين القرفة وهي انو حط عود قرفة مع الماي اللي عم تغلي مع السكر بتخلي منكهة القرغة من جوا وبرة …
كتير حبيت الطاسة النحاس اللي فيها المامونية عطيتها للأكلة عبق تارخي..
طبعا متلها متل كتير أكات مجربتهم تم إضافة الأكلة إلى صفحتي في pinterest.com
يسلمو هاﻻيدين عالوصفات الطيبة وأنا لي الشرف كون معك وآخد الوصفات الطيبة
الشرف الي ميادة، نورتي الموقع
شكراا كتير المامونية وصفة طيبة كتير وخصوصا من ايادي حلبية اصيلة بس اذا عندك وصفة المامونية بالحليب حابة جربها سمعت عنها
مسا الخيرات ميرنا
شكر الك نورتي
صراجة ما بعرف مامونية الحلبب ولا سمعانة فيها