براونيز بكريما الخمس دقايق السرية
· تغسل حبات التمر ثم تنقع بالماء الساخن لمدة ساعة .
· يطحن البسكويت ناعماً , تقطع الزبدة الطرية لمكعبات ثم تفرك مع البسكويت حتى الحصول على مزيج يشبه الرمل , يحمى الفرن على درجة حرارة 180 درجة مئوية .
· يرص مزيج البسكويت و الزبدة في طبق بايركس مستطيل ذو الحجم المتوسط أو في قالب تارت مستطيل ثم تخبز في الفرن لمدة 7 – 8 دقائق .
· يصفى التمر من ماء النقع جيداً ثم يوضع في خلاط العصير مع الحليب المكثف المحلى و القشطة و الكيري و يمزج الكل حتى الحصول على مزيج متجانس .
· يصب مزيج التمر فوق البسكويت ثم يخبز التارت في الفرن لمدة 20 دقيقة أخرى أو حتى تتماسك الحشوة ثم يحمى الفرن من فوق لبضع دقائق فقط حتى يحمر الوجه .
· يوضع التارت في البراد حتى يبرد تماماً ثم يرش بالسكر البودرة و يقطع باستخدام سكين حادة و يقدم .
مقادير طبقة البسكويت :
2,5 علبة بسكويت سادة
نصف قالب زبدة طرية
مقادير كريمة التمر :
20 حبة تمر
علبة صغيرة حليب مكثف محلى
علبة قشطة أو ثلاث أرباع كوب كريم فريش
2 مكعبات جبنة كيري
رشة قرفة ( اختياري )
• تغسل حبات التمر ثم تنقع بالماء الساخن لمدة ساعة .
• يطحن البسكويت ناعماً , تقطع الزبدة الطرية لمكعبات ثم تفرك مع البسكويت حتى الحصول على مزيج يشبه الرمل , يحمى الفرن على درجة حرارة 180 درجة مئوية .
• يرص مزيج البسكويت و الزبدة في طبق بايركس مستطيل ذو الحجم المتوسط أو في قالب تارت مستطيل ثم تخبز في الفرن لمدة 7 – 8 دقائق .
• يصفى التمر من ماء النقع جيداً ثم يوضع في خلاط العصير مع الحليب المكثف المحلى و القشطة و الكيري و يمزج الكل حتى الحصول على مزيج متجانس .
• يصب مزيج التمر فوق البسكويت ثم يخبز التارت في الفرن لمدة 20 دقيقة أخرى أو حتى تتماسك الحشوة ثم يحمى الفرن من فوق لبضع دقائق فقط حتى يحمر الوجه .
• يوضع التارت في البراد حتى يبرد تماماً ثم يرش بالسكر البودرة و يقطع باستخدام سكين حادة و يقدم .
الله يبارك فيكي فعلا وصفات حلوة مميزة وشهية بس المشكلة ما عم احسن اعمل رجيم كل ما فكر بالرجيم بتنزلي اكلة حلو
بتشهي فلا استطيع المقاومة :p بدي اسال ممكن استبدال التمر الحب بتمر مطحون جاهز
هلا ام نور
:grin و الله معك حق , شو بكره الريجيم , صعب كتيرر
حبيبتي أكيد فيك تستبدليه بس ما ممكن ساعدك بالمقادير لان أنا مو مجربته إلا بالتمر العادي
يا ستي شكلها طعمته رائعة وحمستيني كتير انه اعمله…
انا كنت أعمل سوكسيه بالتمر وكتير طيب كمان بس اخف من التارت وغير طعمة طبعاً… عاملتيه من قبل ولا ابعث طريقته؟؟؟
على فكرة صار لي أسبوع مبلشة ريجيم شكلك رح تفقسيلي ياه يا منى… :cry
بس ما يعزي انه منزلة كيلوين رح يطلعوا قريباً إن شاء الله على هالأكلات الطيبة
يسلموا إيديكي يا رب وإذا طلع مربى البرتقال متل مربى سته لجوزي الله يرحمها إلك مية بوسة بين عيونك وحتى لو ما كان متله مشكورة كتير كتير إنك نزلتيه
لا و الله نور مو عاملته , يا ريت تبعتي طريقته
ريجيم شو كفا الله الشر :grin
الله لا يقدر يرجعووا الكيليين ..
خلص إن شاء الله تعملي المربى و يكون على زوءك و ابقي خبريني شو بيصير معك
السلام عليكم و رحمة الله و بركاته
جازاكم الله خيرا انت و خالتك و الله يجعله في ميزان حسناتكم
وصفة سهلة و مبينتها طيبة و ما ننسى فوائد التمر العديدة
اكيد راح جربا ان شاء الله
اختي منى بتعرفيني انا و القشطة و الكريمات مو كتير منحب بعض بقى قوليلي ازا فيني استبدل القشطة بالحليب او اعمل تحالف مع القشطة او الكريم فريش هالمرة :grin
و الحليب المكثف المحلى راح حضرو حسب طريقتك بقى كم نحتاج كمية حليب مكثف محلى لهالوصفة
بالتوفيق
سلام
هلا سارونات
اختي القشطة ما فيك تستبدليها و لا تستعملي نص بنص :roll الحليب المكثف الغلبة 95 غ واسفة للتاخر بالرد أختي
مممممم يا سلام والله شكلها حلو كتير وشهي تسلم دياتك وأنا كتير بحب الوصفات يلي فيها تمر لأنو كتير بحبوبس يا ترى علبة الحليب المحلى الصغيرة تعادل ربع كوب لأنو محضرة الحليب على إيدي فأديش المقدار
وألف شكر لإلك عزيزتي
و الله ام الهدى مو متاكدة , هي وزنها بيكون 33 غ اذا عندك ميزان :roll
ان شاء الله تجربيها و تكون على زووءك
سؤال تاني عم عذبك معي :eek
بظن إنو بينفع أستعمل معجون التمر، مو صح بس يا ترى أديش الكمية ، يعطيك ألف عافية وتسلمي على ذوقك
و لا يهمك ام الهدى
الصراحة ما عنديفكرة لان معجون التمر ما بستعمله جاهز :roll
حبيت فيدك بس ان شاء الله خيرها بغيرها
السلام عليكم ورحمة الله و بركاته
اختي منى فيني اعرف قديش حجم الصينية و كمان انت قلتي برد فوق انه العلبة الصغيرة حليب مكثف محلى تساوي 33 غ و بعدين قلتي 95غ فأيهما صحيح
بالتوفيق
سلام
السلام عليكم و رحمة الله و بركاته
اختي منى ما قولك في السؤال الذي طرحته و خليني زيد سؤال تاني اذا ممكن و هو عن امكانية استبدال كيري بلافاش كيري
بالتوفيق
سلام
اختي الصينيةما عاد اذكر حجمها , بس ممكن تكون بنفس حجم الطبق البايركس الوسط :roll
الحليب بحجم 33 غ و ما بعرف كيف غلطت هل الغلطة , أما الجبنة ما عندي فكرة , انا ما استعملت غير الكيري :zzz
السلام عليكم و رحمة الله و بركاته
اختي منى اذا فتحت علبة كبيرة حليب مكثف محلى و استعملت كمية منها للوصفة و بعدين ظلت عندي كمية قديش بتضاين بالبراد و هل اذا شلتها من علبتها و فرغتها بمرطبان زجاجي و سكرت عليها راح تضاين اكثر
بالتوفيق
سلام
ممكن أختي تضاين اكتر و المهم انها تكون مغطاية لحتى ما ينشف وجهها , ما عندي فكرة تمام ان قديه بتضاين بالبراد :roll
مرحبا منى وكل الصبايا
خرط مشطي كتير هالتارت.. بأقرب وقت رح جربه إذا الله راد مع إنو فيه كتير سعرات حرارية … يا لطيف شو رح إندم بس آكله :sigh
مشان استبدال التمر الكامل بمعجون التمر.. أنا جربت وصفتين من قبل “منهن كاتو التمر بدون بيض” وزبط كتير.. أنا استعملت بدل كل حبة تمر معلقة زغيرة مليانة منيح. بتمنى إم نور وإم هدى يشوفوا الاجابة إذا حابين يجربوا التارت.
سلام
لله يعطيكي الف عافية على المعلومة و الافادة
ان شاء الله بقثية الصبايا يقروا ردك و يستفيدوا منه
يلا ان شاء الله تجربيه و يعجبك و لا تنسي تاكلي عني كم قطعة , شريرة انا :grin
هيللو منوش آند فريندز
عملت الوصفة يوم السبت.. وكانت كتير كتير كتير طيبة.. بس صار معي فصل ناقص.
بعد ما استوت شعلت الفرن من فوق.. وما في أربع دقايق بلشت شم ريحة شويط.. وإذذذذذذذذ الوجه كله صار أسود.. بس الله ستر إنو انقشر معي بكل سهولة ورجعت فوتتها دقيقتين.. وتم القضاء عليها بجلسة واحدة 8)
على فكرة عملتها بعجوة التمر واستخدمت تقريبا 200 غ بدل التمر الكامل… بس نقعت العجوة بأربع معالق كبار حليب مغلي وكانت كتير ظريفة.
ونصيحة للإخوات يلي حابين يعملوها بالعجوة يستعملو حليب عادي أو حليب مبخر
evaporated milk بدون سكر لأنو العجوة أحلى بكتير من التمر العادي.. أنا حسيت حلوها زايد.. بس الأولاد حبوها كتير هيك.
هلا دالو
ييي , منيح الي انحلت و الله و انقشر وجه و الا كان احترق دمك
مممم , كتير بيسالوا الاخوات عن استبدال التمر بعجوة التمر , ان شاء الله معلوماتك تفيدهم و منيح حبوها الاولاد لان كتير مفيدة الهم
Mona…I wanna thank you for all the great recipes you have on your website. But I have issues with recipes that do not specify excactly the amount needed…like this recipe: half pack of butter!!!I dont know how many grams is half pack of butter!Where I live (the States) they sell butter in 4 sticks
معك حق بهل النقطة و انا اسفة لعدم التوضيح :roll
الزبدة هون 100 غرام و الي هو اصبع واحد على ما اتوقع على عيارات اميركا
ان شاء الله تجربيها و تكون على زووءك و مية اهلا و سهلا فيك بالموقع
شكرا كتيييير مني
جربت هالوصفة أمس
يممميييي شو طلعت طيبة
وعجبت كل من أكل منها
يسلم إيديك يارب :zzz
هنا و الف صحة على البك و الب كل مين داقها
لاني وعدتك اخت منى اشكرك على كل شي جربته وطلع طيب معي لازم قلك شكرا كتيييييير على هالوصفة اللذيذة
انا اليوم عملته لضيوفي وطلع بجنن مع العلم انو بالضيوف في وحدة مابيعجبها العجب بس هالتارت عجبها وطلبت قطعة تانية
اخت منى بتمنى تجاوبيني على سؤالي المكتوب بوصفة متبل الفول الاخضر وياريت تنزلينا وصفة الرز بالفول لا تستهيني اخت منى بهالوصفات التقليدية لانو لمساتك بتساويها غير
الف الف صحة و هنا و عافية و اهم الشي ان الوصفة بيضت وجك
هلا جاوبتك على سؤالك و ان شاء الله بنزل الوصفة الي طلبتيها , بس لوقتها باذن الله
صار عملت تارت التمر أكتر من خمس مرات وصار من الوصفات المعتمدة عندي ومين ما بدوقه بياخد طريقته صرتي كتير مشهورة بعيلتي كل ما بعمل أكلة جديدة بابا فورا بيقلي الله يخليلنا منى-بس بصراحة عدلت فيها شوي عم أنقع التمر بفنجان حليب مغلي وما بصفيه بتركه وبحط 8 كيري -الله يديمك علينا ويخليلنا هالموقع الرائع
ممم و الله فكرة , احسن ما يروح شي من التمر , رح جربها المرة التانية باذن الله
الف صحة و هنا على البك و الب العيلة كلها , و ربي يديم المعروف ريم
يممممممممممي
أنا بموت بالتمر :zzz
و بزمناتي قرأت شي وصفة شبه هالوصفة
بس كان فيا حركة حلوة
مشان الوجه…منخلط شوية مي مع دبس تمر مع جيلاتين ومنصبه عالوجه ليصير متل الجيلو بعد التبريد…أو ممكن نفس المي الي نقعتي فيا التمر تضيفيلو جيلاتين و تصبيه… بيطلع منظرو بيجنن عالوجه :zzz
شو رأيك؟
7ayah Dayyen
مشكوووووره حبيبتي على الوصفه اللذيذه
بس عندي طريقه اخذتها من كتاب عندي بتحطي مع الحليب المحلى المكثف رطب بدل التمر وبنحطه مع علبه قشطه بالخلاط او تمر ويكون جاهز ومفروم ونضعه على النار مع قليل من الماء مقدار ملعقة اكل عشان يذوب بسهوله ويوضع مع الحليب المحلى المكثف في الخلاط لانه ياعسل لما بننقع التمر في المويه بتروح فائدته في المويه وبكذا بتنكب خساره
هلا حياة
فكرة حلوة كتير , بس دبس التمر ما شفت منه ابدا عنا , بقى بحطها بفكري و شوف كيف ممكن طبقها
هلا فيك حبيبتي اذا مافيه بإمكانك تهرسي التمر في البيت وعشان يذوب لك في الخلاط مع الحليب المحلى المكثف بتحطيه مع ملعقه ماء شويه بس على النار عشان ينخلط لك بالخلاط بسهوله او اذا التمر عندك طري حطيه على طول بالخلاط بدون هرس
وتصدقي طعمه بالرطب جدا راائع مدري فهمتي قصدي لاني مدري وشو بتقولو عنه في سوريا
مشكووووره كثييييير على الوصفات الرائعه كثييير ياقمر استفدت منها كثييير
هلا عطر
و الله يا اختي معاك حق , انا برمي المي و كنت بقول حرام اكيد فيه شي من التمر , لهيك ممكن استخدمه للكوكتيل للاستفادة منه
اكيد فكرتك مميزة كتير
فكرتك حبيتها كتير , و الرطب اسمه عنا رطب كمان , بجربه فيه اذا رب العالمين رادج لان كتير بحبه :zzz
الشكر الك , منورة الموقع اختي , و ان شاء الله تجربي شي و تحبيه
هلا فيك اختي منى والموقع منور فيك
بس حبيت افيدك بهاذي المعلومه البسيطه لانني سمعت عن التمر انه لما بتنقعيه في مويه بتروح فائدته في المي وسرت بفرم التمر في البيت او بجيب تمر مفروم وبحط منه قطع في الخلاط لما بسوي الحلا واذا التمر طري مابيحتاج بحطه على طول وبينخلط بكل سهوله حبيت افيدك بهاذي المعلومه
تعلمت منك كثير صار لي فتره بدخل على الموقع وكان نفسي اسجل بس الحمد لله تيسرت وتم التسجيل
المهم حبيبتي حبيت اشكرك على كل المجهود الي بتبذلينه والف شكر لك كان نفسي اتعلم الاكل السوري لانه مره بيعجبني والحمد لله تعلمت منك كثير الله يسعدك ياقمر ويجزيك كل خير
انا من السعوديه وبحب السوريين عشان كذا نفسي اتعلم اكلا تكم