براونيز بكريما الخمس دقايق السرية
سويسرول
الكاسترد :
4 كوب حليب
2 بيضة
2 – 3 فنجان سكر
فانيليا
4 ملعقة كبيرة طحين
2 ملعقة كبيرة زبدة
بشرة ليمونة
3 حبة شوكولا مارس
للتزيين :
5 – 6 حبة شوكولا مارس مدقوقة ( وزن العبوة 25 غ )
• يحضر السويسرول و مع وصفته تزاد بشرة ليمونة للمقادير , تضاف مع الطحين بعد نخله ثم يخبز السويسرول , تخرج الصينية من الفرن ثم تترك حتى تبرد .
• يختار طبق كبير و غميق ثم يقلب على السويسرول و تقطع دائرتان من السويسرول على مقاس القالب و تترك جانباً .
• يحضر الكاسترد : يوضع الحليب و البيض و الفانيليا و السكر و الطحين في خفاقة العصير و يمزج الكل حتى الحصول على مزيج متجانس .
• يوضع مزيج الكاسترد على نار متوسطة و يقلب الكل بمضرب سلك حتى يغلي و يبدأ بالسمك .
• يبعد الكاسترد عن النار و تضاف الزبدة و بشر الليمون و يقلب حتى تذوب الزبدة و تمتزج مع الكاسترد ثم يقسم الكاسترد لثلاث أقسام , تضاف الشوكولا لأحد هذه الأقسام ثم تقلب بسرعة حتى تذوب الشوكولا بحرارة الكاسترد .
• في الطبق الغميق توضع أول شرحة من السويسرول ثم تغطى بأول قسم من الكاسترد السادة . يغطى الكاسترد بما تبقى من قالب السويسرول ثم يسكب فوقه القسم الأخر من الكاسترد بالحليب .
• يغطى الكاسترد بالدائرة الثانية من الكيك ثم يغطى بالكاسترد على شوكولا و يوضع في البراد حتى وقت التقديم .
• قبل التقديم , توضع شوكولا مارس في الفريزر لمدة ساعة , ثم تخرج و تدق و هي لا تزال مغلفة بورقتها باستعمال هاون حتى تنعم , تفتح و تنثر فوق الكاسترد ثم يقدم الحلى فوراً و يفضل أن يكون بارداً جداً .
الله يسلم هاالديات شي اكثر من رائع
والصورة بتشهي
منمون بدي اقولك لو ترجعي شويه للمنيوالتركي
وتعمليناغريبة استنبول :p
لاتؤاخذيني عم بتقل عليكي بس حبيت اذكرك ياقمرالله يحفظك ويطول عمرك ويخلينا ياكي
والله كتير طيب انا بدال الكيك بحط بسكويت بس طريقتك بيطلع اطرى تسلم اديكي يا رب
ما في الز من هكيك ياالله اكلك ما اتيبو عم تكسريلنا الريجيم
الف شكر منى وصفة رائعة وبتبيض الوج ادام الضيوف كلك زوء
السلام عليكم و رحمة الله و بركاته
سبحان الله لساتني مبارحه عم بحكي و قول بدي جرب السويسرول على طريقتك و كمان قلت صار وقت ارجع لعمل كاسترد لان الجو حر و شوفي سبحان الله هالوصفة عن جد كتير حلوة بس الكمية كتيييييييير كبيرة علي راح حضر نصها او ربعها
اختي منى ليش الشوكولا ما منحطها غير على اخر لحظة يعني ما فينا نحطها على الوش و بعدين نحطها بالبراد
– كمان قديش بتضاين الوصفة بالبراد و هل اذا تركناها ليومين لازم نغطيها
— كمان بعتقد بتنفع هالوصفة اذا خرب الكيك لا سمح الله فينانستعمله فيها
— اخر شي عم شوف السويسرول رفيع و الكاتو الاسفنجي سميك هاذ معناته ان مو مهم سمك الكيكة مو هيك
يسلم دياتك على الوصفة اختي منى و عقبال وصفة كيكة التوفي لان لساتو ما ضبط معي و عم فكر ارجع ساويه
بالتوفيق
سلام
يم يم يم يا منى على هالوصفه شو دخلت مرائي. تخيلتا بتجنن. تسلم ايديكي. شكلا كتييير حلو كمان. لو تعرفي الساعه عندي خمسه و نصف صباحا. هيك بدك ياني ابلش يومي?? :zzz
ياستي وصفة رائعة عن جد لذيذة كتير على فكرة من يومين كان عنا ضيوف وحضرت وصفات الحلو من الموقع وبعد ماخلصوا اكل راحوا فورا عالكمبيوتر ليشوفوا من ين اجاني هالابداع :grin قريت ونفخت عليكي من العين عن جد شي بيرفع الراس
بس الترايفل يلي عاملتيه اذا جينا نتخيل لفلوفة السويس رول كيف رح اقسمه نصين يعني بتطلع سميكة ؟؟..فهمتي علي منوووشة ولا انا فهمانة غلط قصدي لانه لفلوفة السويس رول طويلة اذا انقسمت ….هاااااااااااااااا معناها حاطتيها بالعرض خلص خلص فهمت الظاهر انا نعست كنت مفكرتك موقفتيها توقيف :grin :grin دخيلك لاتواخذيني
يمي يمي
شو هالاكلات الطيبة اللي منظرها بتشهي بقى كيف طعمها
والمشكلة اني عم اعمل ريجيم الي كم يوم لانو محسوبتك مجنونة نحف وبتموت عالاكل
اكيد رح جربها
في عندي سؤال او بالاحرى رجاء متل مابتعرفي انا مغتربة وكتير بحب القراص اللي بيكونو كبار وفيهن محلب وشمرا مابعرف اذا عرفتيهن
حابة اذا عندك طريقة تحضيرن تقليلي كيف
سألت كتير بس ماحدا بيعرف شلون بينعمل ياريت تتكرمي علي بالمقادير وطريقة التحضير
وانا الك من الشاكرين :roll
هلا ام محمد
تكرم عيونك اختي , لا تتقلي و لا شي , انا الي اتاخرت بالوصفة :roll
هلا لين
لا شو ريجيم و ما ريجيم , الله يبعدنا عنه و يبعده عنا :grin
الله يسلمك اختي و يخليكي و اذا جربتيه بالكيك ان شاء الله تخبريني شو بيصير معك
هلا سارونات
ان شاء الله تجربي الوصفتين و يكونوا متل ما بدك .
بتضاين الوصفة بالبراد يمكن لتلات او اربع ايام بس ممكن تنشف شوي لهيك الاحسن ان تغطيها و الوصفة اكيد بتنفع اذا ما نجح الكيك الاسفنجي , و الكيك رح نقطعه لتلات شرائح و نطبق الوصفة متل مو مذكور
ان شاء الله تجربيها و تظبط معك و تطلع يميي
السلام عليكم و رحمة الله و بركاته
الحمد لله بعد ما جربت كيكة السفن اب بالليمون و نجحت الحمد لله قلت راح اخذ منها شوي و ساوي فيه الترافل بس ما تركوني ساويه لان كتير عجبهم الكيك :grin بقى ان شاء الله بالمستقبل بساويلي شي كيكة و استعملها للترافل
بالتوفيق
سلام
هلا امونة
شو هل الصباح الحلو , شوكولا و كريما , يا ستي طبقت عليك الغنية صباحك سكر :zzz
ان شاء الله دايما مبسوطة و فرحانة و الله لا يحرمني هل الضحكة الحلوة
هلا رنونة
دقيقة اول لفك من الحيط الي دخلت فيه , هلا بالاخير شو صار :grin
شوفي رنونة السويس رول ما رح فكه , متل ما هو مستطيل رح اقطع منه دائرتين و استعملهم لوصفتي و الباقي بالنص , يعني لا طول و لا عرض الله يوفقك مستوي افقي بقطر متساوي ( اليوم كان التلاتة من الاولاد عنهم رياضيات , بدك تعزريني شوي اخدة هل التعابير على لساني )
الف صحة و هنا على قلبك و قلب ضيوفك واحد واحد و كتير انبسطت ان العزيمة كانت ناجحة
هلا سيمو
و كمان طعمتها لذيذة و سهلة ما يغرك كتر الحكي :zzz
ليكون قصدك على البريوش ؟ الصراحة ما عرفتها لهل الوصفة الي ذكرتيها , حبيت فيدك :roll
هلا سارونات
الف عافية و صحة على الكيك و على كل شي جربتيه او ناوية تجربيه 8)
يييممممم ..
شكله طيب كتير .. رح جربو الخميس إن شاء الله ..
إخواتي شو متفاجئين بالأكلات اللي عم اعملها .. كل يوم بقدم مادة بالليل بعملن اكلة جديدة تعلمتا منك .. حكيتلا كتير لأمي عنك يا منوشة .. قالتلي ما شاء الله حولا شي بيرفع الراس .. حتى صار بدا تتعلم الانترنت مشان تدخل ع موقعك .. 8)
هلا بشورة
الف الحمد على السلامة و انا عم قول لحالي وين غاطة , هلا انت بحلب يعني ؟
و بديوا امتحاناتك , الله يوفقك بكل موادك , شدي الهمة , بدنا نجاح بكل المواد و بمعدلات باذن الله
سلامي لماماتك الله يخليك ياها , هنن الاصل و الله
يم يم يم ما الز طعمه
يسلموو الايادي منى علي وصفتك السهلة والرائعة
هلا جوجو
الله يسلمك و يخليك يا عسل , نورتي اختي
تسلم ايديكي يامنى
ماشاء الله انا جربته بالبسكوت وطلع جميل
واحلى مافيه الكاسترد المنزلى لانى كنت دايما اعمله بالبودرة وكنت احس انى ماقدر اكل منه كتير يادوب معلقتين وده آخرى
لكن ده حاساه مفيد والولاد ياكلوا منه وانا مطمنة
الف الف صحة و هنا يا نهى على كل لقمة على قلبك و قلب الكتاكيت الحلوة , ربي عافية على قلبهم :zzz
كتير انبسطت انه عجبك و حبيته و ان شاء الله كمان تجربيه بالكيك و يكون على زووءك
يم يم ياسلام جربتها من يومين ولااروع طيبة كتير يسلمو ايديك علا قولت جوزي لاانحفناوجربتها بالكاتو الاسفنجي وطلع شو نفش نفشة اديش بعرف طرق للكاتو الاسفنجي هي احسن وحدة يسلمو ايديك 8)
هلا ام تسنيم
ريتو صحة و الف هنا و كتير عن جد تير انبسطت ان الكيك نجح معك , هي احلى خبرية لليوم
يلا كم لقمة ما رح ياثروا على النحف و السمن :zzz
يسلمو ايديكي مدام منى وصفاتك حلوة وسهلة ولزيزة ..حابة اسالك انو ليش قسمنا المزيج 3 اقسام موقسمين ! يعنياول طبقتين حيكونو نفس الطعمة ولا في فرق !
وشكرا الك
شكرا عبير , من زووئك
قسمناهن بس لحتى يصير عنا طبقات , طبقة على حليب بعدها شوكولا بعدها ع حليب , ما في فرق بالطعمة بين طبقتين الحليب
منورة