هلا رنونة
بيحبوه لا تاكلي هم , حماتي بعد ما داقت اول لقمة قالتله لبشورة اخي , تبقى خلي منى تعلم عروستك هل الطبخات الطيبة :zzz

له يا امونة , ما انتي ما دامك متابعة لازم تعرفي ان احيانا من كترة الردود, انا بتاخر لرد , بس ما بنسى و لا واحدة و كل واحدة لااازم رد عليها , بقى مسحي هل الدمعات الله لا يجيب زعل ابدا :zzz

البطاطا كوينز ما زبطت معك لان بتكوني زدتي سلق البطاطا , على فكرة لهل الوصفة انا ما اضفت مي او حليب للبطاطا كان بيكفي ضيف بس نشا .

لهل الوصفة منضيف شي اسمه كريم سائل و هو شكله متل الحليب بس اسمك شوي و بيكون طعمته غنية كتير و لذيذة كتير و هو متوفر بالمحلات و السوبر ماركات , بجنب الحليب و القشطة و هل القصص

ان شاء الله تجربي الوصفة و تكون على زووءك و انا رح استنى رايك بعد التجربة

هلا سارونات
احسن الشي تسخنيه على الميكرويف , تغطيه منيح و تسخنيه , و ممكن تقلبيه على تيفال , بي الا ما ينتزع شكله شوي

هلا رنون
يعني للنص كيلو دجاج بيكفي علبة قشطة , اظن وزنها 170 او 180 .

انا ما استعمل لهل الوصفة القشطة الطازة , بستعمل اما نسلة او الكريم السائل الي بيجي مخصوص للطبخ

هلا رنونة
لا صلصة الفطر لا هي و لا هديك , هي بتجي بقنينة و شكلها و لونها بتشبه الصويا صوص بس غير طعمة , بستعملها لكم اكلة و احيانا لما ما بيكون عندي صويا صوص بحط منها

هلا كرميلا
ابوس روحك يا قمر , ان شاء الله كون اد الثقة
الدجاج بالكاري انا بعمله بطريقة عادية ,ما في اختراعات بس طيبة كتير , بقلي بصلتان و فليفلات حمراء و خضراء اصابع و شي جزرتان اصابع شوي بالزبدة في طنجرة تيفال , بعدها برفعهن , بضيف نصف كيلو دجاج مقطع اصابع و بقلبه على نار قوية و بتبله بملح و فلفل أبيض و ثوم مهروس و بقلب حتى يستوي , برش معلقتان كبار طحين لحتى يغلف الدجاج و بعدها بضيف مرق شوي شوي لحتى يصير الصوص سميك , برجع الخضرة و بضيف معلقة كاري و بتتركيها شي ربع ساعة لحتى تكمل سوي و بتتضيف مع الرز , سهلة و كتير طيبة
كنت صورتها , بس كاميرتي معطلة , بقى بس ما اتصلحت ببقى بجهزها و بصورها ان شاء الله

استعمال الشوربات بالطبخ صار دقته اكتر من مرة و عم يعطي طعم كتير طيب , يعني ايا وصفة بدها بيشاميل او صوص كريم فيك تستبدليها بالشوربة الجاهزة , عم تصير الطعمة شي شغل اتويلات و بطريقة سهلة

لا بقى تحكي هيك , انت و طلباتك على عيني و راسي و منورة دما كرميلا

يييميييي حبيتا بس ممكن كمان تنعمل كصلصة للمعكروونة ^_^