براونيز بكريما الخمس دقايق السرية
500 غ سباغيتي
كوب حبق مفروم (ريحان )
نصف كوب جوز أو صنوبر
2 فص ثوم
نصف كوب زيت زيتون
رشة ملح
رشة فلفل أسود
كوب جبنة بارمزان مبشورة
نصف كوب كريما فريش أو علبة قشطة
بشرة ليمونة
• يوضع الجوز في صينية و يحمص لمدة 10 دقائق في فرن على درجة حرارة 180 درجة مئوية , و إذا استخدم الصنوبر فيحمص لمدة 5 دقائق حتى يشقر قليلاً .
• يفرم الجوز و الريحان و الثوم في محضرة الطعام حتى ينعم .
• خلال الفرم يضاف الزيت بالتدريج و يستمر بالطحن حتى تصبح الصلصة كثيفة ثم تضاف الكريما و الجبنة و رشة الفلفل و تتذوق للتأكد من حاجتها للملح قبل اضافته .
• تسلق السباغيتي حتى تنضج ثم تصفى و من دون أن تغسل تقلب مع الصلصة ثم تصب في طبق التقديم و تبشر فوقها الليمونة و تقدم فوراً .
يا سلام على وصفاتك يلي بتشهي بس يا ترى الكريما يلي استعملتيها هي نفسها كريما الخفق(ويبنق كريم)أو بنفع قشطة التاج العادية
وعندي سؤال عن صوص الألفريدو قرأت إنو بتالف من فطر وزبدة وتوم وكريما الخفق مع جبن موزاريلا انت جربتيها شي
الله يعطيك ألف عافية
هلا ام الهدى
كلك زووء حبيبتي ..
أختي لهل الوصفة استعملت الكريم فريش و فيك تستعملي عواضه علبة قشطة متل التاج و غيره
صوص الفريدو متل ما قلتي و في اخت بعتت طريقة رح نزلها هل اليوميين ان شاء الله و ناوية جربها لان كتير عجبتني
ببقى بكتب شو بيصير معي ان شاء الله
طيبة كتير هي الوصفة.. بس مو منيحة هلأ وقت الريجيم :cry
ممكن تنعمل متل طريقتك.. وممكن يبقى الصنوبر بحجمه العادي بدون فرم..والجبنة بتنرشبدون خلط.. وإذا بتضيفيلها كم ورقة سبانخ زغار “فرش بدون سلق ولا شي” بتعطي طعمة ومنظر كتير حلو مع الجبنة المبروشة على الوجه.
يسلم دياتك دائما
ما كتير الها علاقة بالريجيم :zzz , فكرة السبانخ جديدة , رح جربها بهل الشتوية اذا الله راد و الف شكر على الاضافات اللذيذة
السلام عليكم و رحمة الله وبركاته
لهلأ تحتى انتبهت انو فيها تنعمل بالبقدونس او الكزبرة شو فرحت ما بعرف كيف ما انتبهت من قبل في عندي شوية بقدونسات ما عرفت شو ساوي فيهن و هلأ عرفت و ان شاء الله بكرا بجربها
اختي منى فيني ما حط مكسرات و هل بينفع الحليب هون او لا
بالتوفيق
سلام
أختي البيستو الي بيجيب طعمتو المكسرات و الكريما .
ما دامك بتكرهي القشطة , فيك تجربيها من دونها, بس مو على ضمانتي :roll
ان شاء الله تجربيها و تعجبك
السلام عليكم و رحمة الله و بركاته
ساويتها بحليب و من غير مكسرات و ببقدونس بس طلعت طعمة البقدونس كتير قوية ما بعرف يمكن كترت لان كبست عليه و انا عم قيسو غير هيك الطعمة مقبولة ما بعرف يمكن كمان لان طعمة البقدونس بحسها كتير قوية ان شاء الله ببقى جربها بالحبق او الكزبرة و ما راح اكبسهم و انا عم قيسهم
بالتوفيق
سلام
و كمان لان ما عملتي الوصفة متل ما مزكورة , الجوز كان رح يعطيها طعمة بتجنن
خيرها بغيرها
السلام عليكم و رحمة الله و بركاته
معك حق اختي منى و ان شاء الله المرة الجاية راح ساويها عالمضبوط بس اكيد بحليب بدل القشطة و ان شاء الله راح تطلع كتير طيبة و ما راح حط كتير بقدونس لان حاسة هاد هو السبب الاساسي لان الكمية طلعت كبيرة لان كبستها و طعمته طلعت قوية كتير
ما راح اتخلى عن الوصفة و اكيد راح عيدها باذن الله عجبتني لانها سريعة و ما بتاخذ وقت
بدي اسالك اختي منى فيني ساوي الصوص قبل و حطها بالبراداو ما بينفع
بالتوفيق
سلام
ايه ممكن بس مو أكتر من يوم أو يومين
يمكن ألذ سباغيتي أكلتها في حياتي .. كنت متشوق أجربها من عدة شهور بس ما كان عندي ريحان أخضر وكنت مصر أعمل الوصفة بحذافيرها .. جربتها أخيراً الخميس .. ورشيت عليها شوية بارميزان إضافية على الوش .. الطعمة خيالية فعلاً .. أول مرة أستعمل ريحان أخضر ويا ريت كنت جربته من زمان .. ألف شكر إلك على هالوصفة الرائعة.
أخت منى أنا بالعادة كنت أشتري ريحان يابس من سوق العطارين وأطحنه وأستخدمه بشكل أساسي مع الكبة النية .. بس هلأ ناوي أجفف أوراق الريحان الأخضر بالبيت .. أكيد بتطلع أنضف وأطيب .. سؤالي هل تجفيف الريحان متل تجفيف النعناع ولا فيه اختلاف بالطريقة .. يعني أنشرها بالشمس مثلاً ولا بمكان ظليل
هلا أخ ارام
لو تعرف شو انبسطت انها عجبتك , و انك جربتها أصلا . يمكن هل النوع من الوصفات ما كتير قريب على زوءنا .
ما دام هيك فأنا انصحك تشوف بقية الوصفات في القسم , في كم وصفة نكهة الريحان فيهم نغم غير شكل
هلا انا ما جربت تجفيف الريحان بالبيت , بس نظريا لازم يكون متل النعناع تمام , نغسله و نشفه منيح و بعدها ننشره في الهواء و ما بتفرق اذا شمس او بالظل