براونيز بكريما الخمس دقايق السرية
· يفرم الخس شرائح رقيقة , يفرم الملفوف بنفس الطريقة , يبشر الجزر ثم يخلط الكل مع فرط الرمان .
· تمزج مقادير الصلصة و تتبل بها الخضار المفرومة , يعدل الحمض حسب الرغبة و تقدم .
نصف خسة
2 جزر
فرط نصف رمانة
ملفوف , حوالي ربع حبة متوسطة
الصلصة :
4 – 5 ملعقة كبيرة خل بيتوتي
عصير نصف ليمونة
ملح و رشة كمون و فليلفة ناعمة
5 ملعقة كبيرة زيت زيتون
• يفرم الخس شرائح رقيقة , يفرم الملفوف بنفس الطريقة , يبشر الجزر ثم يخلط الكل مع فرط الرمان .
• تمزج مقادير الصلصة و تتبل بها الخضار المفرومة , يعدل الحمض حسب الرغبة و تقدم .
صباح الخير منى
انشا الله ألف مبروك يا رب عالجائزة والله أنت وهالموقع الرائع بتستاهلو كل جوائز الدنيا :zzz وبالنسبة للسلطة باينتها طيبة كتير واليوم انشاء الله عالتجريب ويسلم هالايدين الحلوين يا قمر النت
اول شي ان شاء الله الف الف مليون مبروك على هل الجائزة بس في سؤال يعني ما عرفت تعطيك الجائزة قبل هههههه والله انو هل الموقع من احلى المواقع يللي تعرفت عليها بحياتي وكل ما اتعرف على عالم جدد فورا بدلن على هل الموقع على قد مانه مفيد خصوصي للبنات يللي متح حكايتنا بالغربة وجايين ما بيعرفوا يقلوا بيضة :grin :grin تاني شي يممممممممممم يم على هل السلطة بس يا ستي انو سلطة خريف نحنا عندنا هون سقيع وجليد الله وكيلك كلمالها عندناا درجة الحرارة عم تنزل تقولي سيبيريا مو هيك :sigh بس الحمد لله على كل حال على كل انا رح اجرب هل الوصفة بس من دون الخل البيتوتي لأنو ما سبق وجربته وهلق لحتى اجرب اعمل الخل رح استعمل الخل الجاهز بس يا ترى ممكن استعمل الخل البلسمي بدال الخل البيتوتي ويعطي نفس النتائج او قريب منها
ما تواخذيني اخدني الكلام وطولت عليك كتيير
ومرة تانية ان شاء الله الف مبروك على الجائزة وعقبال الاحسن منها
هلا ميوسة
صباح الفل و الورد الابيض
الله يبارك بعمرك يا زووء ,ان شاء الله تجربيها و تاكلوها بالهنا و تكون طيبة متل ما بتحبوا :zzz
السلام عليكم تحياتي يا احلى منى الف الف مبروك الجائزه والله انك بتساهلي كل الجوائز الحلوة بالدنيا :zzz يسلمو اديك على هالسلطه بجربها انشاء الله
مبينة هالسلطة طيبة و سهلة، و سؤالي متل سؤالgsm فينا نستعمل خل البلسمي .
منى يعتلك رسالة على حسابك بالفيس بوك يا ترى وصلتك
هلا نور
الله يسلمك يا ام الزوء و اللطف .
ان شاء الله تجربي السلطة و تحبيها و تدعيلي :zzz
اهلين منونة اليوم عملت هل السلطة وكتييييييييير طلعت طيبة حطيت شوية خل جاهز وشوية خل بلسمي وكتيير صارت النكهة لذيذة يسلموا إيديك
يا ستي انا عايشة ببريطانيا وهل الشتوية اجت كتيير قوية وعم توصل درجة الحرارة لل -18 برررررررررررد لأ وهي اول شتوية غلي بأوروبا بعد ما كنت بالخليج بقى شوفي على الفرق الفظيع
طولت عليك ما تواخذيني
:zzz
مرحبا أخت منى
شكرا كتير على السلطة اللذيذة، أنا دائما بعمل سلطة ملفوف بس بدبس الرمان، وأحيانا بالليمون، ما خطر ببالي أجربها بالخل! وكمان ما خطر ببالي سابقا أحط معها فرط رمان.
المهم أنها طلعت لذيذة جدا .. خصوصا مع الخل البيتوتي
هلا gsm
الله يبارك بعمرك يا رب , هادا من زووءك يا عسل .
يا ترى انتي هلا ووووين :roll
الحمد لله رب العالمين الجو عنا بسوريا منيح , البرد الكتير او ا شوب الكتير ما بيطول و الغالب اننا عايشين بنعمة , من فضل الله
ممكن تجربي السلطة اكيد بالخل البلساميك و حتى بالخل العادي , انا جربتها بكل الطرق , بس الكمية رح تختلف , ااقل شوي و حسب زوءك
هلا ميس
وصلتني و شي بيشهي , الله يسلم هل الدياات
ان شاء الله تجربيها بالخل البلسمي و تطلع طيبة , رح استنى رايك
ان شاءالله الف مبروك الجائزة والله بتستاهلي كل خير والسلطة شكلها طيبة رح جربها وخصوصاانو المقادير كلها متوفرة عنا بس ياريت تنزلينا شي وصفة لذيذة من دياتك تكون ساخنة حاكم البرد عنا غير شكل :eek
هلا منونة
ألف مبروك على الجائزة و إنشاء الله دايما للأحسن بس صورة الجائزة ما عم تطلع عندي حبيت شوفهايمكن عندي شي غلط
سلم دياتك على السلطة باينتها كتير ظريفة
اهلين منى. الف مبروك الجائزه ادها وادوود والله. و شو هالسلطه الحلوه. راح اعملا بكره انشاءالله لانو كل المقادير متوفره عندي ما عدا الخل البيتوتي. والله شهيتيني اجربه. سلم ايديكي مره تانيه
هلا gsm
هنا و الف صحة يا رب .
يا ستي مهونة ان شاء الله , و الغربة صعبة بالشوب و البر د و ما في شي بيدفي الواحد من جوى و برة الا بلده و لو شو ما كان
لا طولتي و لا شي , نورتي يا قمر :zzz
هلا ارام
الف هنا و صحة اخي , بتعرف سبحان الله انا سلطة الملفوف بدبس الرمان صار الي شي 10 سنين ما دقتها , و نهار الي قرات تعليقك زكرتني فيها قل رح حضرها , بس كنت معزومة على الغدا عند اختي و اذ بتكون هل السلطة على السفرة
مرة تانية الف هنا و صحة على السلطة و على الخل كمان , نورت اخي
هلا ام دانية
ان شاء الله تجربيها و تحبيهاو انا رح استنى رايك
تكرم عيونك اختي ام دانية
هلا ام السوس
يمكن ما عم تطلع لان البلوج عنا ممنوووووع , سسسس , لا تقولوا لحدا :roll
ان شاء الله تجربي السلطة و تطلع طيبة و الف الف شكر الك للخل يا قمر
هلا امونة
جربيه و ما بتكوني الا رضيانة ان شاء الله , انا رح استنى رايك بعد التجربة و ان شاء الله تكون يمم يمم يممي
السلام عليكم كيف حالكم ان شاء الله تمام :grin شو اخبارك ست منى والله اشتقتلك كتير والف مبروك على الجائزة
اعذريني انشغلت على
مراسلتك ابتعرفي البيت والاولاد :zzz بس انا من فترة لفترة كنت افتح الموقع وشوف كل شي جديد عندك وهلق ان شاء الله دائما رح اتواصل مع اكلاتك الشهية وتسلم ايدك على هالسلطة الشهية
السلام عليكم…كيف حالك عزيزتي …يعطيكي العافيه ..تبارك الله كل أكلك لذيذ بياخد العئل..بدي أسألك عن شغله شفتها بالسوق..صواني بلاستيك للكاتو (يعني بتنحط بالفرن)بس ماني عارفه بتنحط بألب صينيه فيها مي بالفرن..خايفه حطها من غير شي .تسيح وتبهدل كلشي؟؟ أفيديني أفادك الله
هلا ام علي
تشتاق الك العافية و الحمد لله ما دام كل امورك الخير ما في مشكلة المهم اطلطلي علينا كل فترة
الله يسلمك و يخليك و ان شاء الله تجربيها و تحبيها
هلا مريومة
من زووءك اختي , الله يخليك و يحفظك دوما
الصواني الي قلتي عنهن هنن من السيليكون و ممكن استعمالهن للفرن , بس انا ما كتير حبيت الفكرة , ايه شو من قلة الصواني العادية :roll
بس للفريزر ممكن تستعمليهن و عم يجي منهن اشكال حلوة كتير , بتعطيكي شكل حلو لكيك البوظة او الجيلو
والله غيابي هالشهرين عن الموقع صارت فيه قصص كتيرة واحلى قصة هالقصة
ألف ألف مبروك منوش والله بتستاهلي هيك واكتر
من وقت ماتعرفت عموقعك انقلبت حياتي بالمطبخ وصار الكل بيحكي عن سفري ونفسي عالاكل
وانت سر كل اكلة بقدمها وكل حدا بيقدملي كلمة حلوة عن اي اكلة حتى لو ما اخدتها منك بقدملك مقابلها دعوة حلوة الله يجعلها من نصيبك
سلطةبتحكي قصة فصل ونجاح ومحبة
يسلم ايديكي
بتعرفي سمسم ردك و كل الدفى الي فيه حركلي قلبي من جوى , الله يخليلي ياكي و ان شاء الله كل دعوة حلوة دعيتيها الي ترجع الك احلى و تكون من نصيبك و نصيب كل عيلتك يا رب
الله يسلمك , بوسات كتير سمسوم
يخليلي قلبك يامنى جد بيضتي وجهي الحمدلله كل وصفة من ايديكي الحلوين عم تطلع بتاخد العقل امبارح عملت هالسلطة لزوجي وعملت متبل البطاطا الي انتي محضرتيه وطلعو يمي يمي :p اول ماكنت اطبخ يقلي زوجي طيب بس ماتخلص الاكلة بس من وقت ماعملت وصفاتك وينجحو معي عي يقلي ليه هيك انتي بخيلة :roll مع انو نفس المقادير تقريبا جد الله يقويكي ويخليكي دايمة لعيلتك والنا :grin [img]null[/img][B]null[/B][I]null[/I]
هلا نور
ان شاء الله وجك ابيض على طول و دايما, و انا كتير مبسوطة ان الوصفات عم تزبط معك
متل ما قلتي هي التفاصيل الصغيرة هي الي بتعمل فرق و هل التفاصيل كلها اتعلمتها من الستات الكبارية الي حوالي و في شي من تجاربي , الله يخليلنا ياهم دايما هن الاصل :zzz