براونيز بكريما الخمس دقايق السرية
· يقلب البصل بالزبدة و الزيت على نار متوسطة لبضع دقائق حتى يطرى , يضاف الثوم و يقلب حتى تظهر رائحته اللذيذة مع الانتباه كي لا يحترق .
· يضاف المرق و العدس و دبس الفليلفة و البندورة و الفليلفة الناعمة و الكمون و بعد أن تغلي تهدى النار و تترك حتى ينضج العدس تماماً و تصبح حباته مهروسة .
· يضاف البرغل و تتبل الشوربة بالملح و الفلفل و يترك حتى ينضج البرغل لمدة ربع ساعة تقريباً .
· يضاف السبانخ و النعناع و تترك لمدة دقيقة حتى يذبل السبانخ , إذا كانت الشوربة سميكة يمكن اضافة المزيد من المرق .
· تقدم الشوربة فوراً مع شرائح الليمون و يمكن تقديم خبز البيدا أو مع مكعبات التوست المحمصة معها .
2 – 3 ملعقة كبيرة زيت زيتون
ملعقة كبيرة زبدة أو سمنة
حبة بصل كبيرة مفرومة ناعم
2 فص ثوم
حبة بندورة مفرومة
ملعقة صغيرة دبس فليلفة
ملعقة صغيرة فليلفة حمراء ناعمة
كوب عدس أحمر
ربع كوب برغل ناعم
6 - 7 كوب مرق دجاج
ملعقة صغيرة كمون
ملعقة صغيرة نعناع يابس
ملح و فلفل اسود مبشور طازج
2 كوب سبانخ طازج مفروم ناعم ( اختياري )
• يقلب البصل بالزبدة و الزيت على نار متوسطة لبضع دقائق حتى يطرى , يضاف الثوم و يقلب حتى تظهر رائحته اللذيذة مع الانتباه كي لا يحترق .
• يضاف المرق و العدس و دبس الفليلفة و البندورة و الفليلفة الناعمة و الكمون و بعد أن تغلي تهدى النار و تترك حتى ينضج العدس تماماً و تصبح حباته مهروسة .
• يضاف البرغل و تتبل الشوربة بالملح و الفلفل و يترك حتى ينضج البرغل لمدة ربع ساعة تقريباً .
• يضاف السبانخ و النعناع و تترك لمدة دقيقة حتى يذبل السبانخ , إذا كانت الشوربة سميكة يمكن اضافة المزيد من المرق .
• تقدم الشوربة فوراً مع شرائح الليمون و يمكن تقديم خبز البيدا أو مع مكعبات التوست المحمصة معها .
كل عام وكل الموقع بالف خير ويالله بدنا طريقة الكيك بالبوظة مو بس صورة ايه والله فرط ريقي من منظر الصورة الشهيةوانا دوما لما بسوي كاتو بحط مع كل قطعة كاتو بالصحن كرتين بوظة فريز او شوكولا اكتر شي بيحبوها الاولاد والان بدي طريقتك لوضع البوظة بالكيك منشان اغير شكل عن سكب البوظة مع الكيكات وشكرا لفنك وبالنسبة لهذه الشوربة اكيد رح جربها وبالسبانخ انفع بس لما اشتري السبانخ ان شاء الله وشكرا جزيلا منى وكل عام وانت بخير كمان لانك مؤسسة هذا الموقع الرائع
يسلموا ايديك يامنى العدس كتير طيب وأي اضافات بيطلع أطيب لاتحرمينا من آكلاتك الطيبة والمميزة
مرحبا منى كيفك يسلموووووووووووووووووا اديك اول مره بشوف هالشوربه رح جربها ان شاء الله الف سلامه تحياتي وعليك العافيه
عجبتني عجبتني .. عجبتني كتير 8)
لو إنو ماني عم بشتغل اليوم ورح خلص متأخرةومحضرة الغدا سلف.. لكنت عملتها.. بس بكرة ان الله راد رح اعملها.. أنا بموت عالعدس والبرغل .. شكلها يمي كتير.
ومنيح إنو عندي سبانخ.. مشان اعملها على طريقتك
وبالمناسبة متل ما حكت غيث الصورة بتاخد العقل.. ولما تنزليها رح اعملها (مع انو رح تخربلي الريجيم) بس كله كرمال موقعنا يلي رح يطبق السنتين وعقبال المية يا رب
هلا غيوثة
الف الحمد لله على السلامة و ان شاء الله كل امورك كانت ميسرة
تكرم عيونك و لو متزكرة ايمتى انفتح الموقع رح تعرفي ايمتى رح نزل الوصفة :zzz
كلك زووء يا عسل الموقع يا غيوثة و الله لا يحرمني من هل الاخت الغالية
هلا سمسومة
ان شاء الله تجربيها و تكون على زووءك , و هي عن جد طيب كتير و تغير شكل :zzz
هلا نور
ايه كلامك صح , مو معروفة عنا بس طيبة , ان شاء الله تجربيها و تعجبك و ربي يسلمك و يحفظك و يخليك
ان شاء الله كل سنةانت وعائلتك وموقعنابالف خير
سبحان الله مرت الايام بغمضةعين تعرفت على الموقع من وقت ما كان عمره ستةشهورمن وقتها ما تركت الموقع ولا يوم وتقريبااغلب الاطباق الموجودةجربتها وكانت لذيذة الحمدلله والفضل كله للغالية منى الله يسعدك يارب ويجعله في ميزان حسناتك
أما شو وصفة يا منى.. بتاخد العقل.. عنجد كتير كتير كتير طيبة.
عملتها مبارح وتم القضاء عليها قضاء مبرماً.. تركنا الغدا الأساسي ونزلنا فيها :grin
إنتي بتعرفي إني دائما بدعيلك.. بس هالمرة إلك دعوة من حدا تاني، وهي: الله يعطيكي مقابل كل حبة برغل وعدس حسنة
هلا دالو
و الله و الله انت الي في البال و انا عرفانة انك اذا جربتيها رح تحبيها و انت المقصودة بالمقدمة :zzz فيك تقولي صرت افهم على زووءك و الاشياء الي بتعجبك
يا ستي الف هنا و الف عافية و صحة بكل عدسة و برغلة و دعوة غاالية كتير كتير كتير , ان شاء اله الك مليون حسنة بكل برغلة و عدساية و ربك كريم
و الصورة حضريلي معدتك , ان شاء الله اذا جربتيها رح تعجبك يا قمر و هادا كله من زووءك
هلا ام محمد
و انت بالف خير و صحة , و الله الدنيا كلها عم تمرق بلمحة :roll
الف صحة و هنا يا حق على كل شي جربتيه و عجبك و الف شكر الك للدعوة الغالية اختي
تسلمين يالغالية [I]null[/I]
الله يسلمك ام عمر و يحفظك و يخليك
مممممممممممممم
بيشهي الطبق بس عدس وبرغل الله يعينا عالكولون شلون بدو يتحمل كل هدول
بس باينتا الاكلة طيبة ولا تقاوم بلا كولون بلا نفخة اهم شي الطعم
الهي الله يرزقك ويعطيكي على قد نيتك الطيبة واكتر
وتكون ايامك كلا سعادة ويخليلك قطاطك وتشوفيهن متل مابدك
هلا سيمو
ايه الكولون رح تصير حالته حالة بس مع الكمون رح تخف المور شوي :zzz
الله يسعدك و يخليلي ياكي على هل الدعوة الحلوة و الغالية , ان شاء الله الك متلها و احلى من اخت لاختها
إمبارح بالذات عملت هالشوربة و عملت معها عجة البطاطا على طريقتك.
بس شو طلعت الشوربة ، بتاخد العقل بس أنا حطيت سبانخ مجمد بدل الطازج لإنو ما كان عندي و ما حبيت ضيع نكهة السبانخ يللي كانت فعلا إضافة ممتازة للبرغل و العدس.
على فكرة منى ( سمحت لحالي قلك منى دغري بدون رسميات لإني حاسة الموقع هون متل العائلة و نحنا كلنا إخواتك) ، أنا في كتير أكلات بلاقيها بالنت و بجربها بس بغير أحيانا بالمقادير أو الطريقة لما بحسها ما بتناسبني ، بس مع طبخاتك هون حاسة كتير ذوقك و طريقتك بالطبخ قريبة على ذوقي و طريقتي و كل الأكلات اللي جربتها بالموقع عملتها بحذافيرها و طلعت شي بيجنن.
يسلموا إيديك يا رب.
له يا ميوس ما في داعي للرسميات ابدا و انت بمجرد ما وصلتي لهون و حبيتي تصيري معنا فورا بتصيري واحدة مننا و فينا
هنا و الف عافية على الشوربة يا رب و الف شكر الك للرد الحلو و المزوء متلك و ربي يديم المعروف دوما :zzz