براونيز بكريما الخمس دقايق السرية
هي العجينة عجينة ماما و اختي اية , كتير شاطرات بالعجاين ما شاء الله , و هل العجينة بالذات كتير سهلة و ميزتها انها رح تطلع مقرمشة , بقى كتير بتلبق للكروسانات لان بتعطي هرشة و قرشة بتجنن .
ميزة هل العجينة القرشة و القرشة ما رح تزبط معنا غير اذا استخدمنا سمنة نباتية حصراً , لا زيت و لا زبدة و لا سمنة عادية , بقى اذا جاي على بالك تجربيها , انصحك تتبعي الوصفة متل ما هي لتحكمي على النتيجة بنفسك .
عزمتني رغد علاء الدين لعندها و كانت محضرة كرواساناتها على طريقة ماما , و كان شكل الصحن بيجنن , لهيك صورته و هي الطبق وصفة أمي , تحضير رغود , تصوير منى , و الي أكلهن بعدها رغد و منى و قطاط رغد 
بالصحة و الهنا
كيلو طحين
3 ملعقة كبيرة خميرة
3 ملعقة كبيرة سكر
3 ملعقة كبيرة حليب بودرة
1 ملعقة كبيرة ملح
2 بيض
نصف كوب لبن
نصف كوب سمنة نباتية ( مثل مازولا )
ماء ساخن حسب الحاجة
• تخلط المقادير الجافة مع بعضها البعض ثم تعمل حفرة في المنتصف .
• يضرب البيض قليلاً في صحن صغير حتى يمتزج البياض بالصفار ثم يوضع في الحفرة مع اللبن و السمنة و تفرك المقادير جيداً .
• توضع ركوة ماء على النار و تترك حتى تسخن ثم يضاف الماء بالتدريج حسب الحاجة و يعجن بعد كل إضافة حتى الحصول على عجينة طرية و متماسكة .
• توضع العجينة في وعاء كبير و يغطى بإحكام بورق نايلون لمنع وصول الهواء له و تترك حتى تتخمر و يتضاعف حجمها .
• تستعمل العجينة حسب الرغبة لتحضير الفطاير و غيره .
سر الطبخة :
سر العجينة هو استعمال السمنة النباتية و لا تستبدل بأي نوع أخر من السمنة كي تكون النتيجة رائعة دوماً .
(3 votes, average: 4.33 out of 5)
يا سلااااام شي مشهي فعلا الله يسلم ايديكي و ايدين ماماتك الحلوين لإنها جابت بنت متلك و اكلاتا طيبين كمان لاااااااا هيك كتير :roll
والله على أد ما عبشوف وصفات طيبة بطلت أعرف اش ارد :p
ضروري جرب هالوصفة
الله يسلم ايديك منظرها بشهى وانشالله بدى اجربها لانه هيك فطاير طيبين على السحوروالله هل الاكلات الموجودة عم احتار شو اعمل كل واحده منظرها بشهى اكثر من الثانيه الف الف شكر
الله يخليليك امك يا رب .
العجينة روعة بتطلع اكيد بس ممكن نعملها لا الكروسان لان شفت كروسان بالصورة ولا عجينة خاصة
هلا أخت نداء
الشكر ليك على تواجدك الطيب بالموقع
نورتي
هلا بدور
ان شاء الله رح تعجبك إذا جربتيها
مية أهلا و سهلا
هلا أختي ام نور
العجينة ممكن تستعمليها لاي نوع فطاير و تحشيها بشو ما بتحبي
بس انا مو نسيانة وعدي بالكروسان , بكرة أو بعده إذا الله راد رح نزل لك الوصفة
الله يبارك فيكي عم نعذبك بطلباتنا.
الف شكر
بدي كمان اطلب منك اذا مجربة وصفة النعنع يابس خلصت نعنع يابس وبما اني في فرنسا لا اجد الا نعنع اخضر وانا كتير بستعمل النعنع فعم فكر اشتري اخضر ويبس بس ماني عارفي كيف
بالعكس ام نور
انا كتير مبسوطة فيك و بباقي الاخوات , الله لا يحرمني هل الطلة الحلوة ..
النعناع أنا بحضره كل سنة , بشهر تموز لحتى تكون الشمس قوية .
بتجيبي النعناع و بتنتفيه من الاعواد و بعدها بتغسليه كتير منيح و بتحطيه على مصافي لحتى ينشف .. بالنسبة الي أنا بجفف تقريباً 5 كيلو كل سنة من الورق الجاهز
هلا بتمدي شرشف أبيض في أكتر محل في بيتك بتجيه الشمس و بتفردي ورق النعاع على الشرشف و بتخليه لحتى ينشف , بالكتير بياخد معي يومين
بعدها بتحطي الورق الناشف على مصفاية و بتفركيه بين ايديكي و بتشوفي ان كله صار ناعم معك و بعدها بتحركي المصفاية لحتى يهر الناعم لتحت و تبقى الأعواد أو الاشياء الخشنة في المصفاية
النعاع الناشف بتخزنيه في مرطانات بلور لوقت الاستعمال ..:)
ان شاء الله تكوني فهمت علي , و اي سؤال تاني انا تحت أمرك أختي
الله يبارك فيكي كتير سهل والله رح اعمل متل ما قلتي انشالله
موقع رائع جد ومفيد كتييييييييييير
الله يعطيكم الف الف عافيه
اختي بس بدي اسالك اللبن رايب يعني بصير لبن المراعي ونادك هدول العيران يعني؟
هلا فيك أختي arwen
أخت جديدة و عزيزة
كلك زووء اختي , و ألف شكر ليك على الرد الطيب ..
أختي اللبن الذي يستعمل هو اللبن الزبادي و مش اللبن الرايب , و إذا مش متوفر استخددمي اللبنة و خففيها بشوية مي أو استخدميها من دون تخفيف كمان بيصير
أي سؤال تاني مية أهلا و سهلا فيك أختي
تسلمي يارب 8)
يعطيك العافية وشكلها جدا مشهي
سؤالي هل الشورتنينغ يحل محل السمنه النباتيه؟؟
هلا فيك أختي
ممكن أن يستعمل مكانه , بس في هل الوصفة لأ , إذا حابة تجربيها لا تغيري في نوع السمنة ما رح تطلع مضبوطة :roll
شكرا جزيلا.. بجرب اشوف سمنه مازولا متوفره وبجربها ان شاء الله
إن شاء الله أختي و أنا أكيدة رح تعجبك
إن شاء الله , بس لا تنسي تدعي لأمي
باذن الله بجربها اليوم وبدعيلك ولامك ان شاء الله
صار روتين يومي ادش الصفحه واتجول فيها هههه[B]null[/B]
ان شاء الله
كلك زووء حبيبتي و أتمنى كمان تجربي وصفات و تكون متل ما بتحبي 
تسلمين يا غاليه واذا ما فيها تعب ابي طريقه فطاير السبانخ
ابي مقدار للحشوة اللي تكون مع جوز وشكرا غاليتي
من عيوني التنتين , ان شاء الله هل الوصفة رح نزلها بالاسبوع الي جاي , معلش سامحيني رح اتاخر عليك شوي لان هل الاسبوع امتحانات ولادي :roll
أختي الحبيبة منى
اشتقت لك كثيرا،وأردت أن أبعثلك برد،لكن لا أعرف لماذا لا تظهر لي صور المنتدى :sigh .
مابعرف شلون طلعت معي هلأ،يمكن لأنو هي الصفحة مخزنة بكمبيوتري ،إذا عندك فكرة تساعدني لأقدر أفتح الصفحة بشكل طبيعي ،يا ريت تسعفيني فيها :cry .
هلا أمولة
حبيبتي ما كتير فهمت عليك , ممكن تشرحيلي أكتر , كيف يعني الصور ما عم تظهر و شو دخل الصور بالرد ؟
بانتظار ردك أختي
ما عم تطلعلي الصور ،يعني حتى صورة الكود الموجود فيها الرقم ما عم تطلع ،هي الصفحة مخزنة بالكمبيوتر عندي مشان هيك ما عم أقدر رد من غير هالصفحة،مابعرف يا ترى بس أنا عم عانى من هي المشكلة؟؟ :sigh
غريبة ايمان :roll ما حدا اشتكى من المشكلة ,..
هلا حتى لو عملت تحديث ما عم تطلع الارقام ؟
على كل الاحوال رح ابعت المشكلة للمهندس المختص و ان شاء الله بيبقى بيحلها , و من هون لوقتها فيك تردي على اي وصفة حابة تردي عليها على هل الصفحة بس اكتبيلي اسم الوصفة
اخيييييييرا طلعت لي الصور والكود للرد
اختي الغاليه كنت عاني من نفس المشكله … وهذا السبب اني لا اقدر ان اطبق او ارسل لك تطبيقاتي او حتى ارد على وصفاتك اللذيذه… وقد ارسلت لك رساله بذلك
تسلمين لي يا رب على حل المشكله
ملحوظه: هذه الصفحه الوحيده اللتي ااقدر ان اراها طبيعيا بالصور واقدر ان ارد عليها
هلا أختي كويتية
أسفة أختي كتيرر على المشكلة الي عم تصير معك و مع ايمان و ان شاء الله بتنحل قريبا جداًعلى ما أتمنى :roll
ولي شي بيطييير العقل عن جد كتير رائعين
بس شو بدي قلك هلأ السمنة النباتية يعني بتصير الاصيل مثلا ؟
طيب شغلة تانية ليش ماصورتيلنا اية وهي عم تلف الفطاير :zzz
هلا رنونة
و الله شو بشتهي هل الصحن لكل اخت معنا بالموقع
السمنة اي نوع و ايا ماركة المهم ان تكون نباتية , و يا ستي بنهارتها ما كنت عرفانة راسي من رجلي , بقى شو صور و ما صور , الله ستر سمسومة اختي صورت السفرة و الا كانت راحت عليكم عزيمةالفطور الي رح نزلها بعد كم يوم :zzz
الله يعطيك العافية يامنى ويسلمو ايديك وايدين اللي حضر وعجن وخبز واكل وصور كمان00000000000
في عندي سؤالبشو داهنة الوش بحليب ولا بيض
8) 8)
الحمد لله يلي صوررت كم صورة والحق معك بهيك عجقة الواحد مابيفضى …الله يقويكي
سلام منى …كيف حالك…كيفكم ياأخوات..أتمنى أن تكونوا كلكم بخير وصحه
منى ..ممكن تعطيني بعض الحشوات يلي ممكن أحشي فيها هالعجينه ..ومشكوره كتير عزيزتي
هلا عبورة
داهنة الوج بشوية حليب مع نسكافييه و هي فكرة من حورية المطبخ على فتافيت :zzz
هلا رنونة
كلك زووء حبيبتي , ان شاء الله يعجبك الفطور
هلا قهوة
انا بحشيها بجبنة لحالها و ممكن جبنة و بقدونس او جبنة و نعناع أو جبنة و نعناع يابس مع فليلفة حرّة , احيانا خلطة مناقيش الفليلفة و احيانا زعتر مع زيت زيتون و دبس رمان و ممكن جبنة كيري أو حلوم و كمان ممكن شوكولا :zzz و كتير بيطلعوا طيبين لمن بحشيهم بزيتون و فليلفة مفرومة مع دبس رمان و رشة زعتر اخضر و كمون , يممم
هلا منى
ياتري ممكن استبدل اللبن البودرة بشئ ولا؟؟
كمان ياريت اعرف ازاى لفتيها زى الكرواسون ولا ازاى؟؟
هلا نهى
الصراحة هيك الوصفة بدها , ما فيك تستبدليها بشي ,
اللف متل الكروسان تقطعي العجينة كرات كبيرة شوية و ترقيها و بعدها تقطعي الدائرة لمثلثات متل البيتزا , تحشي اول طرف و تدوريها :roll
ان شاء الله اذا صح الي رح صور الوصفة و تحضيرها و نزلها
:roll
يعني انا دائما بشتهي اجرب وصفاتك وجربت كتير بس وقت قلتي انو هدول شغل اية تذكرت طعمتهم وقت رحنا لعندا ياي شقد كانوا طيبات جد اروع كرواسان
بس انحف شوي بدي اجربهم اكيد
اتذكرتي يومتها نوارة
ما بقى ااقوم من ادام كروسانات الفليلفة , يمممم
يلا انحفي و جربيهم و ان شاء الله محمد رح يدعيلي و لاية و ماما كمان :zzz
الله يسلم إيديكي يا منوشة وإيدين الوالدة ويخليلك ياها ويحميا من كل شر ومكروه .. خلال هالسنة صار جربت 4 عجائن وكلون ما كانو يزبطو معي بس هي ما شاء الله حولها .. مقاديرا مزبوطة مليون بالمية ولا بتحتاجي أي إضافة .. ماشاء الله حولك وحول آية ومامتك .. يسلم إيديكن جربتها اليوم وطلعت ممتازة ورائعة وخيلة .. :zzz
الف الف هنا و عافية بشورة , ربي يخليك احبابك و الغوالي عليك
كتير انبسطت انك جربتيها و عجبتك , هنا يا رب
واووووووو عنجد خيلة..تسلم اناملك غنتي والوالدة..شي بيغرف القلب..رح جربها مع الجبنة..
ان شاء الله بتجربيها و تطلع متل ما بتحبي :zzz
النتيجة خطيرة..وسميتها أسلحة الدمار الشامل..فظيعــــــــة طلعت..وبصراحة منمون ولا تزعلي مني..يعني هالوصفة أزبط للكروسان..عنجد عنجد هديك حسيتها عقاب..عذاب.. :cry
لا رغود كل شي و اله شي , يعني هي الواحد بيعملها كل يوم , هديك شغل محلات احترافية و فن و بس ما الواحد جربها اول مرة رح يعرف انه مو كل هل الاد صعبة , بس بدها وقت
السلام عليكم اخت منى كيفك طمنييا عن احوالك وعن الوضع عندكم ان شاء الله تكونى بخيز يا رب ممكن نستبدل الحليب البودرة بالحليب سائل وشكرا اللك والسلام عليم ورحمتة وبركاتة
تسلميلي حنان , شكرا لسؤالك :roll
الوضع الامني عنا منيح ……
لا ما فيك , اذا عندك استعملي البودر و اذا مو متوفر استبداي المي بالحليب , مع ان الحليب البودرة رح تعطيها طعم طيب
assalam alaikum sister Muna I have a question, do you use measuring cup in your recipies? and how many cups in one kilo? jazaki alla khairan
هلا حبيبتي
اي بستخدمه و هو بيساوي 125 غ طحين لكل كوب من دون ضغط
يسلم ايدك ويجزيك كل خير يا منمن
اليوم جربتها واستخدمت نصف المقادير
ودعينالك انا وجارتنا الله يجزيك الخير
طلعت على كيف كيفك :zzz
انادهنتها بزيت الزيتون وحطيت عليها زعتر
ودهنت اطرافها باللبن لحتى يحمر لونها
ان شاء الله رح تكون هاي العجينة هي المعتمدة دائما عندي
صحتين و الف الف هنا حبيبتي
على قلبك و قلب جارتك , حلوة فكرة اللبن , يممي 
منورة
السلام عليكم..
عندي سؤال لو سمحت..
بعد ما عملت العجينةبنفس المقادير وإضافة بعض الماء طلعت قاسية يعني لو ضغطت بإصبعي على العجينة ما بتدخل بسهولة وما بترجع لنفس الوضع، والوالدة قالتلي إنو السبب غالبا قلة الماء، أضفت ماء وصارت تتحسن وتطرى بس إنو بتلزق بإيدي بشكل يصعب معه التعامل معها. هل لأني ما عجنتها الوقت الكافي؟ ولا شو السبب برأيك؟
بتضيفي مي لحتى تصير طرية و ناعمة و بتعجني شوي , بعد شي 5 دقايق عجن بتحسيها اتماسكت و ممكن تزيدي شوية مي بس لازم تبقى طرية و ناعمة
مرحباست منى.تسلم ايديك والله حمستينا لنطبخ وشهيتينا.لوسمحت انت مانزلت صور طريقة اللف.انا جربت شوي من وصفاتك طلعوا طيبين.شكرا
رائعة أسعدكم الله دنيا و آخرة
نورتينا و الف شكر على الدعوة الكريمة