براونيز بكريما الخمس دقايق السرية
كبة دراويش ( كبة مقلية )
لازانيا
كبة سوار الست
ضفيرة الزيتون
و ملك كل سفرة اليبرق
سلطة الجبنة و الزعتر الأخضر ( يممممم كبيرة )
كبة صاجية
لقمة تشكن
سلطة الطون
السلطة المقلمة
بيتزا و لا أطيب
سلطة الزيتون
الحلويات و هي ظاهرة في أعلى الصورة بس مو كتير واضحة :
كاتو جلاس
قدرة قادر
كيك بالجيلو و الكاسترد
كيك بجوز الهند
السلطات كان الها حصة كبيرة لان كتير من المعازيم عاملات ريجيم , و تكتير السلطات كان على رغبة ماما
أنا عملت كاتو جلاس و لقمة تشكن و السلطة المقلمة و ظفيرة الزيتون .
الحمد لله كله كان كتير طيب و من أحسنه , و الي أكلت منه أكتر الشي سلطة الزعتر مع الكبة الدراويش و هي شغل أية و بتعملها و لا أروع و على حلب .
و الحلو الي عجب الكل و حكوا عنه كتير هو كيك جوز الهند و هو كمان وصفة من اختراع لولو الحلوة .
اتفضلوا كلكم يا جماعة و الاكل على قد المحبة .
نورتونا و شرفتونا و مية هلا بالكل
مشالله عليكم شطورين وشي بيشهي سفرة ولا احلى الله يعطيكم ألف عافية
صحة وهنا على قلوبكم كلكم والله يعطيكم العافيةشي بيشهي والله طب الجرة على تمها منشان هيك الحلوة طالعة لامها يالله ميمو بدي طريقة الكبة بالصاجية دخيل عيونك كتير بحبها بس ما عندي طريقتها وشكرا لك كنتو عملتو هالعزيمة لما كنت باجازتي بحلب الله يصلحكم يعني شوقتينا وما دوقتينا ههههههه عبمزح الله يعطيك العافية والله طعميتينا كتير من تحت دياتك ويالله بانتظار باقي الموجود على السفرة على احر النار
ياعيني سفرة يتاخد العقل أنا مقيمة بالسعودية وناوية أشتري بيت بالشام فغيرت رأي رح أشتري بيت بحلب وصير جارتك
سلمي على والدتك وأختك وان شاء الله بيعيشوا ايديهن على هالشغل المرتب
ميمو شهيتيني على سفر حلب :cry
جد جد غير
بس متل دائما ورح تبقي دائما تشجعيني انو اصير احسن صرلي فترة ما عم بجرب شي جديد ومشتهية اعمل سفر بتفتح النفس متل هي
رح اتم احاول واتشجع منك
الله يسلم دياتك
السلام عليكم و رحمة الله و بركاته
بسم الله ما شاء الله عنجد سفرة كتير مرتبة الله يخليلك امك و اختك يا رب
بما اني ما قدرت اجي على العزيمة :grin بقى بدي وصفة كيك جوز الهند و سلطة التونة و الجبنة بزعتر )) ما خليت شي ))
بالتوفيق
سلام
ياسلام يممممممم شي بشهي ريتو ان شاءالله الف صحه وعافيه للجميع والله يعطيكم العافيه والله يديم المحبه واللمه الحلوه يا رب تحياتي للجميع
ياسلام على هيك سفره .الله يسلم ايديكن .ياريت يعرف هالموقع من زمان وماكنت احترت بالطبخ وسالت مين ماكان.من فنره ساويت عزيمه وكان تلت ارباع الاكل من هالموقع .سلامي الك ولاهلك
هلا لفلي
الله يعافيكي نورتي الموقع أختي , مية هلا فيك
هلا غيوثة حبيبتي
و الله و الله من عيوني , احلى عزيمة لاحلى و اغلى اخت .
تكرم عيونك على الكبة , ان شاء الله بنزلها مع صورها
ان شاء الله كله بينزل و ان شاء الله يعجبكم
امممممممممممم واضح انو كلو لذيذ ومرتب وانا سمعت عن هالعزيمه الفاخرة من جهاتي المختصه :zzz
اللله يعطيكي الف عافيه واكيد رح جرب الشغلات الي مو عاملتها من قبل
ياسلام شو هالسفرة العامرة يعيشوا ايديكم يارب وهي بناتي واقفين جنبي ورح يوقعوالشاشةوهنن عم يقولو لي ماما بدنا من هي وهي وهي وكل يوم الله وكيلك بدهن وصفة من لقمة طيبة وياريت حبيبتي منى وصفة الصاجية وشكرا لك من مايا وعلياء للخالة الحلوة منى
هلا سمسومة
و الله بكسب هل الوش الحلو على فنجان قهوة كل صبحية , شو بدي احلى من هيك
سلامك بيوصل ان شاء الله و ربي يحفظ هل الديات الي ردت و كتبت
هلا نوارة
سبحان الله كل يوم الا ما تخطرلي على بالي انت و النون الصغنون الي بده عضوضة من هلأ :grin
خليلي عينك نوارة حبيبتي , الله يرحم ايام الهمبرغر الساعة 2 بالليل , ااااااايه 8)
هلا سارونات
هيك بتنطرينا و بعدها بتغطي ما بتبيني حتى من دون اعتذار :roll
:grin تكرم عيونك ان شاء الله رح نزل الوصفات قريب باذن الله
هلا نور
عوافي كمان على قلبك و بدنك
الف شكر الك للدعوات الحلوة و بالفعل اللقمة ما بتطيب الا باللمة الحلوة :zzz
هلا ندوشة حبيبتي
ان شاء الله المرة الجاية يتموني انتي مع مصادرك الاصة منوريين باحلى عزيمة :grin
ان شاء الله تجربي ويعجبك و مية هلا فيك ندوشة
ميوسة يا قمر
خليلي مايا و عليا , شو حلوة اسمائهم , كتيررر كتير و الله ربي يحفظهم من كل شر و يبعتلهم ايام حلوة و يكونوا من المسعدات في الدنيا و الاخرة ,ااامين
بوسات كتيرة الهم و من بين عيونهم , ريتو عوافي على كل شي جربتيه او حابة تجربيه
تكرم عيونك ميوسة رح نزل الكبة قريب باذن الله
ووواووووو :eek :eek :eek
شو هالصور قبل الغدا بصراحة تعذيييييييييب
بس بدي كاتو جوز الهند حبابة حبابة
يسلمو ايديكن والله كله بده شغل وطالع شغل حلو ومتكتك يسلمو ايديكن وهنا وعوافي على يلي اكل
بس بدي اسألك بعد كل هالاغراءات ضل حدا عامل ريجيم :zzz مابعتقد
بسم الله ما شاء الله
والله شي بيرفع الراس قدام المعازيم وخصوصا لانه شغل بيتي 0 الله يعطيك العافية والله زوجي شاف السفرة وطارت عيونه عليها وقال من هيك كل رفقاتي الحلبية صحتن منيحة من هالسفر الطيبة
تسلم ايدك يامنى وايدين الماما واختك
وانشاء الله اتصوريلنا كل سفرك لحتى نستفيد من هالتنويع بالسفرة وطريقة تقديمك الرائعة لاني بصراحة لغيت كل مواقع الطبخ عندي وصرت اتابع موقعك فقط0
الله يخليلك ماما و كل عيلتك. و يخليلنا حلب و ستات حلب المعدلين ما شاء الله. ربنا يعطيكم الصحه و العافيه على احلى سفره.
دمت بود
رنونة يا حلوة غمضي عيونك مشان الله , أو بتركبس اول طيارة لعندي لحتى مدلك اخت هل السفرة :zzz
تكرم عيونك رح نزل الوصفة باذن الله ..
الصراحة ما بعرف بس ما اتوقع ان بقي حدا ماسك اعصااب :grin
السلام عليكم ورحمة الله وبركاته. ماشاء الله لاقوة الابالله شو هل السفرة الحلوة نيال رفقات امك شي بيشهي تسلم ايديك وايدين ماماتك واختك ومنتظرة منك كاتو جوز الهند لاتتاخري فيه يعطيك العافية
والله يامنى انا صايرة شغلتي شغلة مع الوحام …يوم جبس …ويوم جانرك …ويوم عقابية وماعم نلحق قرووصة بهالبطن
ياريت اجي لعندك خلص انشالله السفرة الجاية لازم اجي
مرحبا
شو هالسفرة هي !! :eek
صار معي صعقة حضارية :grin
صرلي هلأ أسبوع عاملة ريجيم وقسيانة على حالي كتير.. وكل يوم بفوت عالموقع.. وبتسلل عصفحة السلطات وبتجاهل الصورة بالصفحة الرئيسية.. بس يا أختي ما حسنت.. منظر السفرة بيشلع القلب :cry فتت قريت كم شغلة ما كنت شايفتن من قبل وهلأ أنا عم صارع حالي .. خصوصاً بالحلويات .. بس خليني هلأاشبع بالفرجة وبعدين التجريب.
هلا عيوني ام تسنيم
الله يخليك و يحفظك اختي , ان شاء الله ما رح باخره , نورتي اختي
هلا رنونة
يلا لكن حضري حالك على 22 بالشهر عندي فطور لرفقاتي , بس ما اكدتي حجز الطيارة تبيقى حاكيني لادلك على البيت :zzz
هلا دالو
انت شو , بتتقرمشي و الله , دمك عسل و دايما ردودك الها نكهة غير , فقعتيني ضحك :grin
شغلتنا شغلة مع الريجيم :roll يلا ان شاء الله بس ما عدا بيتجربي و بتدوقي و ان شاء الله كل شي عجبك و نوويتي تجربيه يطلع معك يميي
ربي يكتر المحبين ويضل بيتكم وسفرتكم عامرة يارب
ما شاء الله كله باين عليه طيب ولذيذ
إن شاء الله ربي بيديم المحبة بين الجميع
هلا دمدومة
هادا بس من زووءك يا قمر , اامين يا رب كل بيوتنا وبيوت المسلمين
بسم الله ماشاءاله لاقوة الا بالله
اللهم صلي وسلم وبارك على نبينا محمد
سفرة للامانة رهييييييييبة الله يعطيكي العافية يارب شكلها لزيزة كتييير تسلم اديكي
شكرا الك شيمو
من زووءك يا عسل و انا كتير مبسوطة في و بهل الطلة الحلوة 
plz plz plzzzzzzzzzzzzzzzz حطيلنا عيارات كاتو الكسترد و الجيلو وكاتو جوز الهند اذا بتريدي
ياي زينة و الله حسيت حالي صغيرة هل الاد :roll
اسفة اسفة اسفة للتاخير بالوصفات , باقرب وقت باذن الله
لا شو صغيرة انت دائما كبيرة كتير كتير كتير. وانا بانتظار هل الوصفات الفظيعة :grin