براونيز بكريما الخمس دقايق السرية· يحمى الفرن على درجة حرارة 180 درجة مئوية , يدهن قالب كيك بالزبدة .
· تصفى علبة الأناناس و يحفظ العصير جانياً ثم يقطع الأناناس لمكعبات و يقلب مع السكر البني و يترك جانباً حتى إعداد الكاتو , يمكن استعمال الأناناس مباشرة من دون مزجه بالسكر البني و ذلك حسب الرغبة .
· ينخل الطحين و الكاكاو و البيكنغ بودر و البيكنغ صودا و الملح .
· تخفق الزبدة حتى تصبح بيضاء ثم يضاف السكر و يخفق الكل على سرعة عالية حتى يصبح المزيج خفيفاً و مثل الكريما .
· يضاف البيض و الفانيليا بيضة بيضة مع الخفق بعد كل إضافة و كشط الجوانب عدة مرات أثناء الخفق حتى الحصول على مزيج متجانس .
· يضاف عصير الأناناس و بالتناوب مع مزيج الطحين و الشوكولا المكسرة و يقلب بلطف بعد كل إضافة حتى يتجانس المزيج ثم يصب نصفه في القالب و يغطى بالأناناس مع ضرورة ترك مسافة بين الأناناس و جوانب القالب و أخيراً يغطى بالباقي من مزيج الكاتو .
· يخبز القالب في الفرن على الرف المتوسط حتى ينضج لمدة ساعة تقريباً ثم يترك في القالب حتى يبرد , يقطع و يقدم بارداً مع الشاي أو القهوة .
ثلاث أرباع قالب زبدة طري
كوب و ربع سكر ناعم
2 بيض حجم كبير بدرجة حرارة الغرفة
فانيليا
كوب من عصير الأناناس
2 كوب و ثلثي الكوب من طحين حلويات فاخر
ثلث كوب كاكاو بودرة
3 ملعقة صغيرة بيكنغ بودر
رشة ملح
ربع ملعقة صغيرة بيكربونات الصوديم
نصف كوب شوكولا مكسرة لقطع صغيرة
الحشوة :
علبة أناناس ( بوزن 550 غ )
ربع كوب سكر بني
• يحمى الفرن على درجة حرارة 180 درجة مئوية , يدهن قالب كيك بالزبدة .
• تصفى علبة الأناناس و يحفظ العصير جانياً ثم يقطع الأناناس لمكعبات و يقلب مع السكر البني و يترك جانباً حتى إعداد الكاتو , يمكن استعمال الأناناس مباشرة من دون مزجه بالسكر البني و ذلك حسب الرغبة .
• ينخل الطحين و الكاكاو و البيكنغ بودر و البيكنغ صودا و الملح .
• تخفق الزبدة حتى تصبح بيضاء ثم يضاف السكر و يخفق الكل على سرعة عالية حتى يصبح المزيج خفيفاً و مثل الكريما .
• يضاف البيض و الفانيليا بيضة بيضة مع الخفق بعد كل إضافة و كشط الجوانب عدة مرات أثناء الخفق حتى الحصول على مزيج متجانس .
• يضاف عصير الأناناس و بالتناوب مع مزيج الطحين و الشوكولا المكسرة و يقلب بلطف بعد كل إضافة حتى يتجانس المزيج ثم يصب نصفه في القالب و يغطى بالأناناس مع ضرورة ترك مسافة بين الأناناس و جوانب القالب و أخيراً يغطى بالباقي من مزيج الكاتو .
• يخبز القالب في الفرن على الرف المتوسط حتى ينضج لمدة ساعة تقريباً ثم يترك في القالب حتى يبرد , يقطع و يقدم بارداً مع الشاي أو القهوة .
شو هالكاتو الروعة يا اخت منى الصراحة صار الواحد يحتار شو يجرب كل نوع اطيب من التاني ومميز عن التاني
الله يبارك فيكي اكيد رح جربو بس لاحقا لان من العيد لا اليوم حلي قلبي من لكاتو وحابي اطلب منك وصفات طبخ 
انا كنت مفكرة لوحدي فاتحة نفسي عالكاتو طلعنا اتنين ,
ما بتسدقي انو من العيد لا اليوم وانا كل يوم عاملة قالب شكل من الموقع
وشو ينجحوا ويطلعوا طيبين غير شكل
لدرجة زوجي قلي شو بك هريتينا من الكاتو :grin شو بطلتي تطبخي :grin
:grin أنا جوزي بالعكس مكيف على هل الكاتويات
و الاولاد كمان
يا ترى شو جربتي أم نور
حشرية أنا ما هيك :roll
و الله معك حق ام نور
حاسة نفسي ما عم تطلب الا حلوو بهل البردات و عم ناكل قالب كاتو كل يوم :grin
عم حضر القالب كل يوم بالليل و تاني يوم الظهريات بيكون خلص كله ما شاء الله تبارك الله , حتى جوزي اجا من الشغل و كان بده يقسم قطعة من قالب الكيك السخن , قلت اله استنى بس لحتى يبرد ..
قال لي لأ : الله أعلم لبكرة ما بيبقى لي و لااا قطعة :zzz
الله يخليليك ياهون يا رب
جربتو مبارح الصراحة كنت ناطرتك تنزلي شي طبخة وكل ما افتح عالموقع لا شوف شو منزلي جديد يطلع هالقالب فدامي وعأساس ناوية خفف الحلويات فا لم استطيع المقاومة وكان عندي اناناس طبيعي مما شجعني واستعملت كاكاو اصلي والشوكولا سادة مر ما بتسدقي شو طلع طيب ونكهة الاناناس الطبيعي غير شكل :p ما فيني الا الك الله يجزيكي كل خير ويوفقك يا رب
صحتين و هنا يا رب
حقك علي ام نور , هل الاسبوع و الاسبوع القادم امتحانات الأولاد النهائية لهيك مشغولة كتير معهم
بس المهم انك جربتيه و عجبك, و الله أنا صار عملت هل القالب أكتر من مرة وراء بعضهم من كتر ما حبيناه :zzz
كنت ناوية أعمل شي طبق حلو لزوجي بمناسبة حصوله على درجة عالية في الامتحان، فاخترت هاد القالب بعد ما شفت في إقبال عليه، بس ما بعرف ليش ما ضبط معي :sigh ،أول شي ما نفش كتير وكان معجن وما استوى مع إنو بقي ساعة ونص بالفرن،تاني شي طلع حلو كتير .
ممكن يكون لأنو البيض قليل على المكونات؟ ولا لأنو خليط الكاتو سخن أثناء الخفق؟ ولا لأنو ما استخدمت بيكربونات الصوديوم؟ ما بعرف إذا غلطت بشي تاني وكان السبب.
بتمنى أختي منى تقوليلنا الكمية اللي بنستخدمها بالجرام وحجم الوعاء اللازم وكم شخص يكفي هذا الطبق.
عم كتر غلبة مو؟ شو بعمل أنت كريمة ونحن..ما بعرف إذا بستاهل! :roll
تحياتي لك أختي الكبيرة الانترنتية
هلا أمولة
شو زعلت لان ما زبط معك , بس و لا سبب من الي قلتيهم ممكن يكونوا السبب , عم فكر انك إما ما استعملتي طحين كاتو أو كان السكر عادي مو ناعمأو كان في غلط بعيار الزبدة أو ممكن كمان الزبدة كانت إما سايلة أو قاسية .. مقدار الزبدة اللازمة تقريبا 150 غرام
أمولة قصدك المقادير بالغرام لهل القالب و الا بصورة عامة :roll
انا استغربت كتير ليش هالقالب ما ظبط مع الاخت ايمان مع انو انا ظبط معي وطلع غير شكل وعملتو مرتين الاولى بانانس طبيعي والتانية بسلطة الفواكه المعلبة وضيوفي كتير حبوا وعجبون.
السلام عليكم و رحمة الله و بركاته
اختي منى فكرة هالكاتو حلوة و مبينتو طيب خصوصا بوجود الاناناس و كمان عجبتني فكرة انو ما نكب عصير الاناناس اللي بالعلبة و نستعمله في الوصفة
بدي اسألك اختي منى عن حجم القالب
بالتوفيق
سلام
نسيت سؤال مهم كتير هو هل ممكن استبدل السكر البني بالابيض و هل بتتغير الكمية اذا استعملت الابيض
سلام
السلام عليكم و رحمة الله و بركاته
شو قلتي بأسئلتي اختي منى بعرف عم ثقل عليكي انا مو مستعجلة على الاجابة بس بدي بس تلاقي وقت ان شاء الله تتذكريني الله يعينك و يجازيك كل خير
سلام
هلا سارونات
اسفة اختي للتاخير بالرد و الله حقك علي لا تأخذيني :roll
القالب هو قالب التوست و فيك تستبدلي السكر البني بالابيض بس ما انصحك لان السكر البني بيعطي نكهة مميزة للكيك و اذا حابة تستبدلي فتستعملي نفس الكمية
لا تزعلي مني ومنيح انك بترجعي بتذكريني :zzz
السلام عليكم و رحمة الله و بركاته
طيب اختي منى انا قالب التوست عندي طوله34 سم و عرضه 11 سم يا ترى ينفع او راح يطلع صغير
بالتوفيق
سلام
اختي ان شاء الله بينفع , القالب الي عندي قياسه 12 * 30 و هادا هو قالب التوست الي بحكياك عليه دوما , احفظي قياسه
طيب طيب وناجح بكل المقاييس بس انا عملته كتجربة نص الكمية خفت يروحوا الاناناسات ويصير معي متل ايمان :p وحتى كمية الزبدة كانت 75 غ
المهم طلع ظريف جدا جدا ولذيذ بس انا شوي عقلي خفان هاليومين يمكن كل ماعم يزيد وزني عم يخف عقلي :sigh قسمت كمية الاناناس بالنص قام طلعت معي 125 غ هو لازم حط 250بقا كانوا الاناناسات قلال عالقالب وماطلعت معي طبقة صفرا متلك بس اكيد رح عيده لان كتير طييييييب
هلا رنونة
اذا على الاناناسات مو كتار مو مشكلة الحمد انه نجحمعك و عجبك
بتعرفي شو ضحكت و انا عم اقرا ردك , خلص تاني مرة الحسابات علي :grin
السلام عليكم و رحمة الله و بركاته
:grin :grin رنا حست الاناناسات قلال و انا حسيتهم كتار :grin
منووش بكرا ان شاء الله بدي ساوب هالكاتو و قياس القالب اللي عندي متل ما خبرتك و نوعية القالب نص نص بقى بدي اعرف اذا فيني ساويه بقالب دائري قطره 26 سم بعرف ما راح يطلع متل اللي شكله مستطيل بس بدي اعرف قديش الكمية راح تكون مشان اعرف شو ساوي يعني هل الكمية راح تكون كبيرة او لا قصدي كمية خليط الكيك لما نحطها
بالتوفيق
سلام
دقيقة سارونات , كانو اخد علي الصيام , فهمت بالاخير من ردك انك رح تعمليه بالقالب الي قياسه 26 سم , اتوقع بيصير و انا مو متذكرة الكممية بالكوب على المزبوط , المهم انه يملئ اكتر من نص القالب بشوي :roll
منى لو سمحتي السكر الناعم مو العادي؟ والسكر المطحون البودرة وانا انا غلطانة
بهل الوصفة سكر ناعم = عادي مو
غلبانكي
هلا ضحى حبيبتي
السكر الناعم هو سكر مضروب على الخلاط شي كم دورة , البودرة بشتريه جاهز و هو متل الطحين , نفس نعومة سكر المعمول :zzz
السلام عليكم و رحمة الله و بركاته
النت ما كانت تشتغل عندي و هلأ عم تشتغل الحمد لله كيفك منوووش و كل اللي بالموقع اشتقتلكن كتير
انا جربت هالوصفة و طلعت طيبة و نفشت
بالتوفيق
سلام
السلام عليكم و رحمة الله و بركاته
سامحيني منووش هلأ بس قريت اللي كتبتيه بالصفحة الرئيسية الله ييسرلك امورك و يفرج كربك يا رب انت و كل اخواننا و اخواتنا المسلمين
بالتوفيق
سلام