براونيز بكريما الخمس دقايق السرية
· يحمى الفرن على درجة 180 درجة مئوية و يدهن قالب كيك بالزبدة , ينخل الطحين و الملح و بيكربونات الصودا و القرفة و جوزة الطيب و القرنفل و البيكنغ بودر في وعاء كبير .
· يوضع الزيت و السكر و البيض و الفانيليا و بشر الليمون و عصيره في الخلاط و يمزج الكل حتى الحصول على سائل أصفر بلون الليمون ثم يضاف المزيج للطحين المنخول و يقلب بلطف حتى يتجانس المزيج .
· يبشر الكوسا ثم يضاف مع الجوز و التمر أو الزبيب أو رقائق الشوكولا و يقلب الكل حتى يمتزج الكوسا و الجوز بالمزيج جيداً .
· يقلب مزيج الكاتو المحضر في القالب المدهون ثم يخبز في الفرن المحمى لمدة 45 – 60 دقيقة أو حتى ينضج الكاتو .
· بعد أن يبرد الكاتو تماماً يوضع على طبق التقديم و يزين بالسكر البودرة و يمكن أن يزين بكريما الجبنة الطرية مع قطع صغيرة من المارصبان الملون باللون الأخضر بعد تشكيلها كحبات كوسا صغيرة .
وصفات تانية ممكن تعجبك :
كيكة التفاح بالصوص الذهبي
الكيكة الخضراء بالمكون السري العجيب
كيك جوز و لوز و موز
2 بيض بدرجة حرارة الغرفة
فانيليا
بشر ليمونة ناعم
نصف كوب زيت
كوب سكر
2 ملعقة كبيرة عصير ليمون
كوب و نصف كوسا مبشورة ( حوالي حبيتين كبيرتين )
كوب و نصف طحين حلويات
ملعقة صغيرة و نصف بيكنغ بودر
رشة بيكربونات الصودا
ملعقة صغيرة قرفة
نصف ملعقة صغيرة قرنفل
رشة من جوزة الطيب المبشورة طازج
رشة ملح
نصف كوب من الجوز المفروم ( اختياري )
نصف من الزبيب أو تمر أو شوكولا مبشورة أو مزيج من كل منهم ( اختياري )
• يحمى الفرن على درجة 180 درجة مئوية و يدهن قالب كيك بالزبدة , ينخل الطحين و الملح و بيكربونات الصودا و القرفة و جوزة الطيب و القرنفل و البيكنغ بودر في وعاء كبير .
• يوضع الزيت و السكر و البيض و الفانيليا و بشر الليمون و عصيره في الخلاط و يمزج الكل حتى الحصول على سائل أصفر بلون الليمون ثم يضاف المزيج للطحين المنخول و يقلب بلطف حتى يتجانس المزيج .
• يبشر الكوسا ثم يضاف مع الجوز و التمر أو الزبيب أو رقائق الشوكولا و يقلب الكل حتى يمتزج الكوسا و الجوز بالمزيج جيداً .
• يقلب مزيج الكاتو المحضر في القالب المدهون ثم يخبز في الفرن المحمى لمدة 45 – 60 دقيقة أو حتى ينضج الكاتو .
• بعد أن يبرد الكاتو تماماً يوضع على طبق التقديم و يزين بالسكر البودرة و يمكن أن يزين بكريما الجبنة الطرية مع قطع صغيرة من المارصبان الملون باللون الأخضر بعد تشكيلها كحبات كوسا صغيرة .
وصفات تانية ممكن تعجبك :
كيكة التفاح بالصوص الذهبي
الكيكة الخضراء بالمكون السري العجيب
كيك جوز و لوز و موز
منى مبارح كنت عاملة فاصولية بقلبها محشي و قلت و الله لجرب و شوف شو قصة كيكة الكوساو استعمل لب الكوسا اللي عندي أثناء التحضير عصني ألبي لأنو لقيت أنو خليط الكيك كتير كتير سميك و قلت أكيد ما رح تظبط معي رغم أنو بطريقتي بكيكة التفاح كمان بيكون خليط الكيك كتير سميك بس مو لهالدرجة حسيتها كأنها ( عجينة قابلة للفرد)المهم كملت و خبزتها وطلعت منظومة أبني أمير كيف عليها تسلم إيديكي عالوصفات الحلوة بتبيض الوش
صحة و هنا و عوافي رينو
على قلبك و قلب أمير و قلوب أخوته الحلوويين 
كتير انبسطت انك جربتيها و عجبتك
مررسي منى وانا رح جربو يوم السبت ورح ارجع اكتب وبجوز اصور الكاتوو وابعت قطعة لام نور هههههههههههه
يسلموا منى :roll
هلا ضحى
إن شاء الله تحبيه و يكون على زوووءك يا رب
الله يسلمك يا عسل , نورتي
السلام عليكم و رحمة الله و بركاته
غريبة فكرة كاتو بالكوسا و البهارات بس شكل الكاتو بالصورة حلو و عم فكر في الطعمة مو قادرة اتخيلها يعني كوسا و سكر و زبيب بس اكيد ان شاء الله لازم جربو بس فيكي توصفيلي طعمتو كيف بتكون و يعني عادي يتاكل مع الحليب او القهوة او الشاي
الكوسامنقشرها او منخليها بقشرها و بشو بنبرشها يعني كتير رفيع او ما بتفرق
و عن جد كل مرةعم تفاجئيني بوصفاتك المميزة
بالتوفيق
سلام
طعمته عادية اختي , اتخيلي كيك الجزر مثلا , كيف ما بتحسي بطعم الجزر
نبشر الكوسا بشر عادي و هل الكيك مميز و سهل ان شاء الله تجربيه و يعجبك
السلام عليكم و رحمة الله و بركاته
تسلميلي على الصور اختي منى
و لولا انو ما عندي قالب مرتفع الحواف كنت جربتا بكرا بس يمكن جربا بالقالب اللي عندي و منشوف
كمان قولك بينفع قسم الخليط على قالبين توست مو كتير كبار
بالتوفيق
سلام
هلا اختي
أي وصفة في الموقع فيك تقسميها على نصفين عاادي , اساسا أنا لما بجرب اي وصفة جديدة على الاغلب بنفذها بنصف الكمية لحتى اذا فشلت مااا ازعل :zzz
السلام عليكم و رحمة الله وبركاته
اي انا كمان هيك بفكر و بقول يا ريت لو اقدر جرب نصا تحتى ازا ما ضبطت انقهر نص قهره :grin بس بخاف ما تضبط بس انت شجعتيني و هيك بصير ساوي مع اني بساوي هيك بالاكل بس بالكاتو بخاف
و نسيت قول شي لون الكاتو طالع بيجنن سلم ايديك لو بيطلع معي هيك ما راح اطلب اكتر لكان راح جربو بنص الكميةان شاء الله و صحة و هنا على قلبوكم
بالتوفيق
سلام
الله يسلمك أختي
ان شاء الله بيطلع هيك و احلى .. عم استنى التجربة منك
السلام عليكم و رحمة الله وبركاته
تسلميلي اختي منى
بالنسبة للمكونات التانية راح اقسما بس شو بالنسبة للبض قولك خليه بيضتين او حط بس بيضة لان بخاف بيضة ما تكفي
و ان شاء الله بجربو و بخبرك بالنتيجة
بالتوفيق
سلام
لما بتقسمي المكونات بتقسمي الكل و اكيد البيض من بينهم , بس لازم خبرك ان المقدار رح يصير كتير صغير , فالمفروض تستعملي صينية من الحجم الميني
السلام عليكم و رحمة الله و بركاته
جازاك الله خيرا اختي منى الحمد لله قلتيلي و الا كنت راح حط بيضتين
اي صحيح انا راح استعمل صينية توست زغيره اعتقد بتكون مناسبة
بس جربا بخيرك بالنتيجة و ان شاء الله تضبط
بالتوفيق
سلام
السلام عليكم و رحمة الله و بركاته
اختي منى بدي اسالك فيني حط كوسا مبشورة بالفريزر و استعملا امت ما بدي
بالتوفيق
سلام
لا ما أظن بيصير , كمان أنا مو مجربة اختي :roll
السلام عليكم و رحمة الله وبركاته
اختي منى ضروري بدي اعرف قياس الصينية اللي ساويتيه فيها لان بدي ساويها اليوم و في عندي قالبين توست واحد صغير و طويل و التاني عريض فما بدي انزعا للوصفة مشان القالب لان راح ساوي نصف الكمية بس ازا طلعت الصينية بتكفي يمكن ساويها كلها
انا في الانتظار و عفوا على الازعاج
بالتوفيق
سلام
السلام عليكم و رحمة الله و بركاته
ساويت نص الكمية متل ما قلتلك و طلعت كتير زغيره مع ان القالب زغير و كمان طلعت العجينة سميكة شوي و استعملت الملعقة تمسدتها بالصينية و اخدت نص ساعة بالفرن
المسا ان شاء الله بشوف كيف طلعت الطعمة و مرة تانية راح جرب الكمية كاملة في القالب نفسه و بعتقد راح تطلع مزبوطة و يا ريت لما تقدري تقوليلي على قياس صينيتك
بالتوفيق
سلام
السلام عليكم ورحمة الله وبركاته
ازيك يامنى كيفك؟ وحشتيني والله
امس سويت هالكاتو وطلع روعة فعلا مع انى غيرت بعض الحاجات
انا بصراحة خفت من طعم الكوسا مايعجب الاولاد فبدلا من بشرها ضربتها فى الخلاط مع ربع كوب لبن وضفتها للكيك فى النهاية بعد الطحين وكله وكنت خايفة تخسر لكن الحمد لله ربنا ستر
المرة الجاية اجربها مبشورة لانى خفت من طعمها المرة دى..
تسلم ايديكي
هلا سارونات
يا ترى كيف طلع , ان شاء الله يكون عجبك , اختي القالب نفسه قالب التوست و الكيك رح يطلع سميك , هادا هو المظبوط
هلا أختي
هلا نهى
بعد زماان يا قمر , ان شاء الله المانع خير و انا اشتقت الك كتير و الله ..
الحمد لله زبط معاك و لا تخافي الكوسا ما رح تطلع طعمته , جربيها المرة التانية و ان شاء الله بيعجبك , الله يسلمك حبيبتي مية هلا و لا بقى تغيبي عنا هل الطولة
ان شاء الله بس كنت فى مصر اجازة وهناك مافى وقت للنت
ورجعت خلاص للتجارب والاختراعات على رأى زوجى :upset
الحمد لله على السلامة منور الموقع بعودتك يا قمر
هلا منى
اليوم كمان ساويت كاتو الكوسا عنا كومة كوسا و ما عم نعرف وين نروح فيها
أنا لسا ما دقتو لأنو لسا سخن بركي لبكرا بيكون برد منيح و تمازجت النكهات
بس بدي أسألك بالمقادير ما ذكرت بيكربونات الصوديوم بس بالطريقة كاتبة إنو ينخل الطحين مع البيكنج باودر و بيكربونات الصوديوم على كل حال أنا حطيت معلقة و نصف بيكينخ باودر و نصف معلقة بيكربونات الصودا كمان حطيت جوز و زبيب ناطرة يجي بكرا لحتى دوق يعني احتمال أشوف الكاتو بنومي :grin
كمان يا ترى الكريما منستعملها بس لهلكاتو و لا بينفع مع أنواع تانية
تسلم دياتك منى
سلام
منى صرلي شي ساعة عم اشتغل كتبت عندي ع الورد جدول أسباب فشل الكاتو بس لما عم انسخو و أعملو لصق ما عم يطلع شكل جدول و عم يطلع مخربط كمان جربت ب إتصل بنا و نفس الشي ما بعرف كيف بدي ابعتلك يا بتحبي ترسلي عنوان ايميلك لعندي ع الياهو العنوان أكيد عندك بمعلوماتي
سلام
هلا سهى
الف عافية مقدما رح يعجبك ان شاء الله , فرطت ضحك على منامك اللذيذ :grin منيح نبهتيني على هل الغلطة , بيكربونات الصودا بس رشة بيكفي
قصدك كريما الجبنة :roll ممكن تستعمليها لاي كيك بيعجبك , بس انا بحسه اطيب الشي مع كيك الكوسا و البرتقال
الف شكر الك للجدول , ممكن لو سمحتي تبعتيلي اي رسالة على اتصل بنا لحتى اعرف ايميلك ومنها رح ابعتلك ايميل
سلامااات
و كمان ما بيلتدع :upset أنا ما بسترجي دخل كاتو ع الفرن بدون ما رش القالب طحين فوق الزبدة
منونة أنا بعتلك رسالة على إتصل بنا إنشاء الله تكون وصلتك
عفكرة أنا دقت الكاتو قبل ما نام كتيييييير طيب أنا بينطبق علي المتل ( ما أنام و تحت راسي حلاوة )
أنا بشوف بكل وصفات الكاتو إنو بتدهني القالب زبدة بس بدون ما ترشي طحين يعني ما بيلزق معك
سلام
مية هلا ام السوس
هي اول مرة بسمع هل المثل :grin ان شاء الله الف الف هنا و عافية على الكاتو
متل ما قلتي انا دايما بس بدهن قالب الكيك بالزبدة من دون ما ارشه و احيانا ممكن غلف القالب بورق زبدة و الحمد لله دايما بيزبط بس بشرط ان يبردالكاتو بالقالب تمام قبل ما أقلبه
من اسبوعين تقريبا كان في جمعة عند حماتي و عملتلها قلب كاتو بس قلبته قبل ما يبرد :cry القالب اتفتت و انتزع و انا احترق دمي
سلامتك من حرقة الدم
معنى هيك أضل عم رشو طحين يعني ما أخاطر لأني أنا بستنه الكاتو 10 دقائق لحتى تروح اللهبة بعدين بقلبو على الشبك و بعيفو يبرد
سلام
لا اعملي متل الريقةالي متعودتيها و بتريحك , انا هيك أحسن الي لان اذا قلبت القالب سخن رح يهجموا عليه و ما رح ااقدر صوره :grin شريرة انا