براونيز بكريما الخمس دقايق السرية
· يمزج الحليب الساخن مع عصير الليمون و يترك أثناء خفق البيض , ينخل الطحين مع البيكنغ بودر و الملح , تدهن صينية فرن متوسطة الحجم بالزبدة و يحمى الفرن على درجة حرارة 180 درجة مئوية .
· يخفق البيض و الفانيليا و البشر في حال استخدامه حتى يصبح المزيج هشاً ثم يضاف السكر الناعم و يخفق الكل حتى يشتد المزيج و يبيض .
· يضاف مزيج الحليب و عصير الليمون و الزبدة بالتناوب مع الطحين المنخول و يقلب المزيج بخفة بعد كل اضافة حتى تنتهي المقادير و يتجانس المزيج .
· يصب مزيج الكاتو في الصينية المحضرة ثم يخبز في الفرن مدة 45 – 60 دقيقة أو حتى ينضج .
فكرة لذيذة :
يمكن أن تكسبي الكيك مزيدا من الطراوة و النكهة التي تفضلينها , اغلي كوب أو كوبان من أي عصير أو شراب مفضل عندك مع القليل من السكر و اتركيه على النار لمدة 10 دقائق ثم صبي الشراب الغالي على الكيك حال نضوجه و خروجه من الفرن و اتركيه حتى يبرد .
5 بيض بحرارة الغرفة
فانيليا
بشر حبة ليمونة أو برتقالة ناعم ( اختياري )
كوب و نصف سكر ناعم
ثلاث أرباع كوب حليب دافئ
ربع كوب عصير ليمون
2 كوب و نصف طحين حلويات فاخر
2 ملعقة صغيرة بيكنغ بودر
رشة ملح
ثلث قالب زبدة طرية
زبدة لدهن القالب
• يمزج الحليب الساخن مع عصير الليمون و يترك أثناء خفق البيض , ينخل الطحين مع البيكنغ بودر و الملح , تدهن صينية فرن متوسطة الحجم بالزبدة و يحمى الفرن على درجة حرارة 180 درجة مئوية .
• يخفق البيض و الفانيليا و البشر في حال استخدامه حتى يصبح المزيج هشاً ثم يضاف السكر الناعم و يخفق الكل حتى يشتد المزيج و يبيض .
• يضاف مزيج الحليب و عصير الليمون و الزبدة بالتناوب مع الطحين المنخول و يقلب المزيج بخفة بعد كل اضافة حتى تنتهي المقادير و يتجانس المزيج .
• يصب مزيج الكاتو في الصينية المحضرة ثم يخبز في الفرن مدة 45 – 60 دقيقة أو حتى ينضج .
فكرة لذيذة :
يمكن أن تكسبي الكيك مزيدا من الطراوة و النكهة التي تفضلينها , اغلي كوب أو كوبان من أي عصير أو شراب مفضل عندك مع القليل من السكر و اتركيه على النار لمدة 10 دقائق ثم صبي الشراب الغالي على الكيك حال نضوجه و خروجه من الفرن و اتركيه حتى يبرد .
شـكراً كثيـر يا مـنى على تعـب المحبـة , وصـفات أكثـر من روعـة … بالحقيقـة أنت سـت بيت شـاطرة والله يعوضك كل خير لتعليمنا ما تعرفينه بكل صـدق ومحبـة …
عنـدي سـؤال إن سـمحت : بعـد تجربـتي لوصفةالكاتو هذه, لم ينجـح الكاتو معي , كون كل ما أضـيف الليمون للحلـيب يفرط الحليب ويبرغل!!! هل من حل؟؟؟
لك مني كل الشـكر
هلا أختي بسمة
رد حلو متل اسمك الحلو ,, كلك زووء و مية اهلا و سهلا فيك
أختي طبيعي ان الحليب بيفرط بعد اضافة الليمون , يعني هادا هو المطلوب , و إذا مو حابة هل القصة فيك تستخدمي كوب حليب دافي عوض عن ثلاث ارباع كوب حليب مع ربع كوب عصير ليمون
شـكراُ كثير يا منى … إنشاء الله ببقى بجربه مرة ثانية وبقول لك شلون حايطلع معي … إنشاء الله ينفش هالمرة :upset
:roll اااه ما نفش معاك ! طيب يمكن استعملتي طحين عادي أو حرارة الفرن مو محماية بشكل منيح , أو البيض ما انخفق منيح :roll ..
و على كل الاحوال ازرعيها بدقني و ان شاء الله اذا جربتيه مرة تانية يعجبك
السلام عليكم
كل عام وانتم بخير وعساكم من عوادة اجمعين
هذا اول يوم اسجل في موقع وهو اول موقع يعجبني خصوصا منى التى احببتها من قلبى وانالماراها قط يمكن طيبتها الواضحة على كتاباتها الله يسعدها ووفقها و يسخر اولادهالها اميـــــــن
الكيك روعة إن شاء الله اجربه
منى ماحجيتي او اح الاعضاء؟
و عليكم أفضل السلام و أتم التسليم تولين
ردك فرحني كتير , ان شاء الله كل سنة و انت و اهل بيتك كلهم أقرب و احب الى الله و بفضل و صحة و خير
الف شكر الك للدعوة الغالية , الك متلها و احلى اختي
ان شاء الله تجربي هل الكيك و يعجبك .
أأخ يا اختي , لسا ربنا ما اذن الي بالحج , و كل سنة قلبي بيدوب على الحجاج بعرفات , ربي يجعلني منهم عاجلا غير ااجل يا رب العالمين
و بقية الاخوات ما حدا فيهن راح للحج هل السنة , ربنا يجمعنا بعرفات اجمعين :zzz
مية هلا اختي نورتي
تسلم ايدك
بس ممكن مقدار الزبدة بالغرام :cry
أختي القالب الي استعمله وزنه 225 غ ثلته رح يكون 75 غ
شكرا اختي منى على الوصفة، جربت الكيك مبارح كثير طيبة، يسلموا يديكي.
الله يسلمك شوق و الف الف عافية على الكيك بكل لقمة و فرفوطة
حبيبتي عندي سؤال خاص بهالكيكة وبكل أنواع الكيك التانية
فيني أحط زيت بدل الزبدة ، كيف فيني أعرف إذا بقدر أستبدلو ولا لأ لازم زبدة وفي حال استعملت زيت بدل الزبدة بحط نفس المقدار ولا بغير
ومشكوووووووورة كتير كتير
هلا ام الهدى
بصراحة انا كتير احيان استبدل الزبدة بالزيت بس في وصفات كيكات الشوكولا أو كيكات البهارات , بحس أن الطعم ما بيظهر , هو اكيد بتبقى الزبدة أطيب بس الزيت أسهل .
إذا حابة تستبدلي تضيفي نفس المقدار تمام , نصف كوب زيدة بنصف كوب زيت و هيك
السلام عليكم و رحمة الله و بركاته
يعطيكي العافية اختي منى
سؤالي المعهود كم هو حجم الصينية و الله يجازي اختي ام هدى على هالسؤال لان عطول بيخطر ببالي يعني هالشي بينفع لما بتنضاف الزبدة طيب اذا كانت الزبدة راح تنخفق مع السكر شو منساوي ساعتها يعني منخفق زيت مع سكر بالخفاقة الكهربائية او بس بمضرب السلك
شو كمان 8) اختي منى اذا كنت مستعملة هالوصفة يعني ساويتيلها حشوة او تغليف يا ريت تحطي الوصفة لما بتقدري مشان تكون عينة و بعدها يمكن نبتكر اشياء تانية شو قولك
كمان شوقتينا كتير لكاتو الفواكه شو قرب وقته او لا
اليوم صاير يوم الطلبات اختي منى مو قلتيلي في مفاجأة بهاداك اليوم و راح تكون بعد شهر وينها
بالتوفيق
سلام
السلام عليكم و رحمة الله و بركاته
نسيت شي مهم)) مو قلتلك اليوم يوم الاسئلةو الطلبات العالمي :grin ))
على علمي قالب الزبدة اللي معودة تستعمليه وزنه 200 غ لتكوني غيرتيه او بس مشان هالوصفة او اصلا انا غلطانة بالنسبة لل 200غ
سلام
اختي الصينيةى الي استعملتها هون بحجم 26 سم أو 28 سم
أختي الحشوة ممكن تكون فولكه , شوكولا مدوبة أو كريما شانتيه ؟أو مربى انت و زوءك
ان شاء الله قرب , هي كم وصفة بس
اختي الزبدة الي استعملها ممكن تكون احيانا 200 و احيانا 225 و على هل الكمية ما رح تفرق كتير , يا دوب ربع ملعقة :zzz
السلام عليكم و رحمة الله و بركاته
يخليلي ياكي اختي منى
طيب اذا بدي احشيها فواكه بس قطع الفواكه و صفها يعني ما بضيفلها شي لان هيك راح تطلع ناشفة مو هيك
و كمان اذا حشيتها فواكه بدي اعرف قديش بتضاين لان بعتقد بتضاين اقل من باقي الكيكات بحشوات تانية او هذا يعتمد على نوع الفاكهة 
بالتوفيق
سلام
اختي بتحشيها و بتشربيها من عصير الفواكة و هي بالفعل ما بتضاين لان الفواكة لازم تتاكل بسرعة بعد ما تقطعيها
يعني انا هلئ لحتى طلع معي الموقع بالصدفة ..كنت عم دور ع وصفة كاتو سهلة ومجربة ع غوغل ..قمت اكتشفت هالموقع الرائع..
يعني جد شكرا كتير شي بيرفع الراس
شكرا مرة تاينة
الشكر الك و لهل الرد و اتمنى ان تبقي معنا على طول و كمان اتمنى ان تجربي شي و يكون على زوءك
يسلمووووووووووووووووووووووووووووو ع الوصفه
انا اخذت كم طريقه للكيك من الموقع
وان شاء الله يضبط معيه
…………
اي بس في سؤال بسيط ع الوصفه !
قوام البيض كيف يكون ياريت توضحي اشوي
اي كمان اقدر اخفقه بالخلاط العادي او السلك بدل المضرب الكهربائي
………………………..
شكراً لكي كل جهودك الرائعه والجميله والوصفات المميزه والسهله
انا اخذت كم وصفه كيك من الموقع وان شاء الله اجربها
……………..
بس في سؤال بسيط ع قوام البيض ( ياريت توضيح بسيط )
وضروري نخفقه بالمضرب الكهربائي ؟
ولا بالخلاط او المضرب السلك
……………
شاكرلك جهودك الرائعه والمميزه
مية اهلا و سهلا فيك اخي , منور اتمنى ان الوصفات الي ناوي تجربيهاو تزبط معك و تكون تمام و متل ما بدك او احسن
البيض نخفقه لحتى يصير كانه هواء او مليان فقاعات هوائية و اذا جيت لتمسكه بتحس انك ماسكة رغوة
اما بعد ما نضيف السكر و نخفقه فرح يسمك و يصير لونه ابيض و متل الكريما
انا استخدم الخفاقة الكهربائية و هي بتعطينا النتيجة المزبوطة و الي ما رح نحصل عليها بالخلاط
اذا مو متوفرة الخلاطة الكهربائية ممكن تستخدم مضرب السلك , بس بياخد وقت , انا عني هلا اتعطلت خفاقتي باخر مرة عملت كيك بنص عملية الخفق , فكملت انا على ايدي بس كانت عملية متعبة جدا , لهيك اتناوبت عليهال
انا و الاولاد :grin
ايا سؤال تاني من عيوني , و مرحبا فيك مرة تانية
كلك ذوق
عن جد يسلموووووووووووووووووووووووووووووووو
انا جربت الكيكه طلعه حلووووووووووووه كثير
…………..
وان انصح كل محبي الكيك تجربه هذي الكيكه مذاقها حلو كتيررررر وشكلها راقي
…………..
فكره:
بعدان تخرجي الكيكه من الفرن وهيا حاره تدهني وجهها بشراب الفيمتو ونرش عليها جوز الهند
………….
مع خالص تحيااااااتي للجميع وخصوصاً شيفتنا الحلوه منى
Ahmed
الف الف صحة و هنا , و انا مبسوطة كتير لحماستك لتجربة الوصفة , صحتين و عوافي على البك و الب كل مين داقها
فكرة حلوة كتير , اكيد عطتها طعم و خلت شكلها حلو , شكر للاضافة و صحتين مرة تانية
مدام منى كيف يكون القوام تبع الكيكه
عندي يصير سميك كثير
وكمان بعد ان تنضج تصير قويه اشوي
……….
شو رايك نقلل كميه الدقيق لاني عم استعمل دقيق عادي مو خاص بالحلويات
………..
شو رايك ؟
ممكن تجرب اخي , بس كيف عم ينجح معك الكيك بطحين عادي :roll
انا رايي ان المقادير صعب تتغير و لازم تكون على الميلي
هيا صارت حلوه نفشت وكمان طعمتها طيبه كتير بس
تصير سميكه
………….
ماعليش انا رح جرب وخبرك بالنتائج
………
اي مدام في القشطه المنزليه كم حوالي تعملي حليب ولازم يكون مركز ولا تبع الشرب
………
مع خاااااااالص تحياتي
Ahmed
انا بغلي حوالي 3 او 4 كيلو حليب طبيعي طازج و كمية القشطة تختلف كل مرة
رح استنى اخبار بالي صار معك
مدام منى بترجاكي من كل قلبي والله تعبت انا والكيك والحلويات
يعني ارفعي صور للكوب تبعك
………..
مخ خالص تحيااااااااااااااااااتي لكي
Ahmed
اخي الكوب الي استعمله هو الكوب المعياري الي عياره 250 مل للسوائل , و في حال ما اتوفر عندك ممكن تستعمل الكوب الاحمر الي بيجي هدية مع النسكافييه لان هو قياسه بنفس قياس الكوب المعياري
غرف قلبي عاللي عميسألو عن الزبدة بالغرام..عنجد برافو..ستات هالبيوت ممتازات..بدهن يعملو شي مرتب..
امبارح جربت هالوصفة والنتيجة واو..بس شو ملاحظتي؟ إنو الكمية طلعت كتير كبيرة..فلحالي قدرت قبل ما احطها بالقالب..فطيت التلتين بالقالب والتلت الباقي بقالب الكب كيك..وهي كفت ما شالله..منيح ما حطيتها كلها بالقالب..خيتو كني انا إيدي خضرا :grin
((طبعا كالعادة حطيت الصورة بالألبوم يا ميمو))
المهم النتيجة غير شكل..أنا بحب يوم الجمعة ..السهرة يكون فيها شي حلو وعصير وهيك قصص
صحتين و الف عافية رغودة
الحمد لله انك اتصرفتي متل مو لازم , بتعرفي هلا انا نفسي بمقاديري الي بعملها من الف سنة مرات بتفرق عن مرات
يسلموو دياتك اخت منى وربنا ما يحرمنا منك ممكن استبدل الزبدة بالسمنة ؟؟؟؟
لا اختي , السمنة ما بتنفع للحلويات الغربية لان نكهتها قوية
السلام عليكم
كيفكن صبايا ؟
وهي صورتو :
بس قبل ما انسى ، دايما بدي اسأل شو عنوان ألبوم رغد :grin عطول بقرا انها حطت هالأكلات .. بس وين ؟!
منوش لك هي مو نفس مقادير الكاتو الرخامي على طريقتك تقريبا ؟؟ في شوية فرق بس بكمية المقادير.
أنا عاملة من هالقسم شي 5-6 وصفات، واعتمدت منهم وصرت كررون ، وأكترون هو الكاتو الرخامي عطريقتك. يعني نفس هادا.
أنا بستخدم تقريبا دايما الزيت بدال الزبدة، أسهل وأرخص ههههههه (ما شاء الله أرخص بعشر ليرات!). وبصراحة شديدة ما عطول بعمل نفس المقادير بالميلي ، يعني صرت حتى عالنظر أحط :grin معلمة !!! ههههههه
وطبعا عطول دايما بينجح، ليش بيقولوا مقادير الكاتويات لازم بالميلي؟؟
طبعا كل مرة بحط نكهة شكل، شي رخامي بس على توت بدال الشوكولا، شي بنكهو بنكهة الموز الصناعية، اليوم عملتو بالكاكاو وضفتلو قرنفل وقرفة
[img]http://img221.imageshack.us/img221/110/img5272t.jpg[/img]
مع هالأربع وردات الباقيات من أولتا امبارح ههه هيك شكلو متل البراونيز هع صحي حابة جرب شي وصفة براونيز، عجب في هون بالموقع؟ رح دور، إذا مافي رح جرب كم وصفة الأسبوع الجاي وحط. في واح زلمة عاليوتوب يا لطيف شو شاطر وكل وصفاتو بسيطات وناجحات، وانا منزلة كل فيديوهاتو (إذا حدن بدو ممكن انسخلها الدي في دي)، وهاي قناتو :
[URL=http://www.youtube.com/user/robjnixon]http://www.youtube.com/user/robjnixon[/URL]
عندو براونيز بيجننوا
المهم فتنا بموضوع مانو علاقة هههههههه .. ايه كيفكون انتوا؟
شكرا منى
والسلام عليكم
هلا ياسمين
يا ستي رغودة بتحط صورها بالبومها الي على الفيس بوك , انت ما عندك ؟
ما بعرف و الله ما انتبهت و قارنت , بس بكل الاحوال اخدت عشر من عشر لانك حفظانة الموقع تمام :grin
و الله ياسمين انا بشتغل بالغرامات و على الميزان , ما بحس حالي عندي اريحية الشغل على النظر , بخاااف
برافو عليك و الف الف صحة و عافية و هنا على كل النكهات و التغيرات و الابتكارات , بس كانو عم تنسي تاكلي عني :roll
يا ستي ما بقدر حمل شي من اليوتيوب , انترنتي مو سريع كل هل الاد , ممكن تعلمينا وصفته