براونيز بكريما الخمس دقايق السرية
كيلو من الكنافة الشعر
كوب و نصف الى 2 كوب من السمنة البلدية أو مزيج من السمنة البلدية و السمنة النباتية
قطر
سمنة لدهن الصينية
الحشوة :
كيلو لبة
أو مقدار من القشطة المطبوخة
• تفرم الكنافة لقطع متوسطة الى صغيرة
, توضع في وعاء كبير
تذوب السمنة على نار متوسطة
ثم تصب فوق الكنافة و تفرك بين أصابع اليدين حتى تنعم و تتغطى الخيوط بالسمنة ,
تقسم الكنافة إلى قسمين على أن يكون أحدهما أكثر بقليل من القسم الأخر .
• يجمى الفرن على درجة حرارة 160 درجة مئوية .
• يدهن قاع و حواف صينية ألمنيوم كبيرة بالسمنة ثم يوزع النصف الأكبر من الكنافة في الصينية حتى يغطيها
يضغط باليد حتى يستوي سطح الكنافة .
• توزع اللبة على الكنافة بالتساوي حتى تغطيها مع ضرورة عدم الاقتراب من حواف الصينية بمقدار نصف سنتيمتر تقريباً كي لا تحترق اللبة , يمسد وجه اللبة بملوق حتى يصبح مستوياً .
• يوزع النصف الثاني من الكنافة على وجه اللبة , تؤخذ كمية من الكنافة و ترش على اللبة و تكرر العملية حتى تنتهي لدينا كل كمية الكنافة و تتوزع و تغطي اللبة بالتساوي .
• يوضع ورق نايلون على وجه الكنافة و يمسد سطحها بلطف حتى يصبح مستوياً ثم تخبز الصينية في الفرن المحمى لمدة 45 – 6- دقيقة حتى تشقر حواف الكنافة .
• يحمى الفرن من الأعلى و تترك حتى يحمر وجه صينية الكنافة .
• تخرج الصينية من الفرن و تقلب على طبق التقديم رأسا على عقب ثم يصب عليها القطر و تترك لمدة 10 دقائق لترتاح و تمتص القطر .
• تقطع الكنافة إلى مكعبات و تزيين بالفستق الحلبي المبشور و مربى زهر الليمون ان وجد ثم تقدم مع المزيد من القطر حسب الرغبة .
سبحان الله من بلد لا بلد بيتغير اسم الاكلة بلبنان منسمية بصمة اما الكنافة عنا غير نوع.
الصراحة
انا كتير بعملا بس عطريقتي وبدل القشطة
بستعمل جبنة خاصة بالحلويات لعدم توفر القشطة بفرنسا
بدهن الصينية زبدة وبحط الشعيرية بعدان الجبنة وبغطيا بشعيرية و بحط عالوج نتفة زبدة وبدخلا عالفرن بتطلع الشعيرية شقرا ومحمصة وما فيا كتير دسم وكل شخص بيحط قطر على زوقه يعني بتطلع شغل بيت
هلا ام نور
اكيد من بلد لبلد و من منطقة للتانية بيتغير الاسم ..
أول مرة بعرف ان اسمها بصمة :roll
الف شكر ليك ام نور على الافكار الجديدة الي عم تعلميني ياها كل يوم
هلا الكنافة ما بتفركيها مع السمنة !!
طيب ما بتصير قاسية
انا بعمل الكنافة النابلسية الي منحشيها جبنة بس مو بالكنافة الشعر , بس هي فكرة حلوة تعلمتها منك , رح جربها اذا الله راد برمضان
لا ابدا ما بتطلع قاسية دهني الصينيز زبدة وضعي الشعيرية وكبسيها منيح وحطيي جبنة حلوة خاصة بالحلو ورشي قليلا من العسل عالجبنة وفستق حلبي وغطيون بالشعيرية وحطي نتفة زبدة على كل الصينية ويكون الفرن حامي بتطلع ولا اروع الجبنة التي نستعملها في فرنسا رائعة بتدوب وبتصير متل القشطة
رح جربها أول ما جيب كنافة اذا الله راد
رح تطلع خفيفة و بطعمة جديدة على عيلتي
أفكارك رائعة , تسلمي اختي ام نور
اختي منى لو اكل كل يوم كنافة ما اقول لا اموت في كل انواع الكنافة شكرا على الوصفة المضبوطة
هلا منونة
و خصوصا ايام رمضان والشتوية الي على الباب أطيب من الحلويات العربية ما في , هنا و عوافي على قلبك
اممممممممم شكله بشهي تسلم ايدك هلق اذا بدي أستعمل قشطة التاج بحطها على حالها ، سمعت في طريقة بضيفوا للقشطة حليب ونشا شو رأيك عندك فكرة
الله يعطيك ألف عافية
هلا ام هدى
اي اختي منحطها متل ما هي و الفكرة من اضافتها للوصفة لحتى تعطي نكهة و غنى للقشطة , الطريقة الي زكرتيها ما عرفتها , هل الوصفةاستعملها اذا كان ما عندي قشطة بلدي و هي قليلة كتير تصير , بتعرفي نحنا القشطة ما اطيبها و على الاغلب متوفرة و تازة 
السلام عليكم منونة الحلوة ..
أختي بدي إسألك كيف يعني ورق نايلون ؟ شو قصدك بالضبط .. يعني ورق زبدة أما ورق ألمنيوم ؟
ما فمت منيح عذريني .. حابة إعملها على رمضان هيه ووربات القشطة بقى ساعديني الله يخليكي وكل سنة وإنتو سالمين ..
هلا بشورة
الورق الي اقصده هو ورق من النايلون و اذا مو متوفر فيكي تجيبي كيس نايلون شفاف و تقصيه لحتى ينفتح و تستخدميه
ان شاء الله انت سالمة و انت و كل حبابك يا حق
يا سلام عليكي يا منونة على هالطريقة هي .. صار عملتها كتير وصارت الناس تطلبها مني وطبعاً قلن انه الفضل لأحلى منى بالعالم .. طيبة كتير كتير وما بتلبك وسهلة وعيارتا مزبوطة لدرجة صرت اعملها وأنا مغمضة 8)
امبارح جربت هالكنافة ، بس أنا طبعا مافي عندي لبة فخلطت جبنة حلوة مع شوية قشطة مطبوخة و طلعت طيبة كتير.
بس أنا لونها ما صار هيك برتقالي و حلو ، يعني كانت شقرا شوي و حسيت إذا تركتها بالفرن أكتر راح تنشف كتير . يا ريت صورتها و حطيت الصورة ـ بس من أد ما كانت ريحتها طيبة ماعاد و عيت على شي :roll
يسلمن منوووووش
أهلين منى ..
مشتهية أتعرف على أصناف الكنافة بانواعها بكل سوريا،
لأننا لما بنروح لمحل الحلويات الشامية بنلاقي أنواع كتيرة وكلها طيبة :zzz
تكرم عيونك , هلا انا مو كل الانواع اعرف احضرها , بس في اكتر من نوع بحضره و ان شاء الله بنزل الوصفات قريب
مرحبا منى,,يا ستي فشلت فشلا ذريعا في عملها :sigh طلعت كتير يابسة,,ما بعرف لاني عملتها بموزاريلا او بالصينية البايركس!!! المهم عندي طلب ولو فيها غلبة :roll انا ما بعرف شي عن الكريمالا انواعها ولا الفرق بينها,,فاذا بتوضحيلي بكون كتير شاكرة ويا ريت تحطي اسما بالانجليزي حتى اقدر الاقيها,,مبارح عملت سمبوسك وكتير طلعت طيبة,,كمان جربت العوامة وفخدات الدجاج وحمدلله زبطو,,فيا ريت تجاوبيني لانو عندي مناسبة قريب وحابة اعمل جاتو ويلي مانعني جهلي بالكريما,,اسفة طولت عليكي ويسلمو كتير على الموقع وجهودك الكبيرة
هلا جمان
لا ما الها علاقة البنة او الصينية , ممكن تكوني قللتي السمنة او ممكن تكوني جرتي عليها بالخبز ,
يا ترى ايا كريما عم تقصدي ؟ الكريم للكاتويات هو الكريم فريش و اسمه whipping cream
و هادا النوع الي استعمله اكتر الشي للحلويات
هنا و الف عافية على الاشيا الي جربتيها و انا اسفة للتاخير بالرد لان كنت مسافرة لمدة اسبوع :zzz
شكرا الك و لثقتك في و لتجربتك وصفاتي , هلا
منى قصدك باللبة الشمندور؟؟يا ترى هو نفسه بيقولوله اللبئ
السلام عليكم ورحمة الله وبركاته:
أنا من سورية وعايشة في هولندا من 6 سنين واليوم أول يوم عيد عنا وجربتها طلعت كتير كتير طيبة وهي سخنة أطيب وأطيب بتشكرك من كل قلبي والله يعطيكي العافية
هلا رهف
كل سنة و انت سالمة و ينعاد عليك و انت بصحة ان شاء الله
صحتبن و الف و عافية و هنا , كتير انبسطت انها زبطت معك لانها وصفة بدها شوية شطارة
عوافي نور الموقع فيك و بطلتك رهف 8)
أنا برضه مش فاهمة قصة النايلون؟؟
ح يدخل الفرن مع الكنافة؟؟ مش ح يسيح؟؟
ولا انا مش فاهمة صح :upset
لااا حرام عليك نهى
شو يدخل للفرن , هادا بس نستعمله لتمسيد الكنافة لحتى يصير وجها مستوي و بعدها رح نرفعه و نرميه 
السلام عليكم
انا جربتها اكتر من مره وطلعت كتير طيبه طبعا مع اللبه لان الان وقتها
بس انا تركتها في الفرن لمدة ساعه ونصف تقريبا لكن وضعت فوقها صينيه اصغر منها ووضعت فوقها (وزن شي نصف كغ) وبعد ان تركتها شي اكتر من ساعه اخرجتها وقلبتهاراسا على عقب وارجعتها الى الفرن حوالي ربع ساعه وبدون ان اشغل الفرن من فوق صدقيني طلعت متل يلي في المحلات تماما جربوها ما بتندمو ابدا
الرجاء هل توضع الكنافة كما نشتريها شلل من كنافة مفروكة أم نفتتها إلى قطع صغيرة لنمزجها مع السمنة وهل وجه الصينية عند التقديم هو قعر الصينية أثناء الشغل وهل من الوجب ضغط الكنافة الطبقة الأولى وكبسها كما نصنع الكبة صينية وهل من الواجب ضغط طبقة الكنافة الثانية فوق اللبة وشكراً للإجابة سلفاً
هلا اخي :
الكنافة تفتت لقطع صغيرة , و هلا صايرة عم افرمها بالسكينة لحتى تكون كلها قطع بنفس الحجم
قعر الصينية وقت الشغل هو وج الصينية وقت التقديم
اول طبقة من الكنافة تضغط منيح كتير , تاني طبقة منضغطها بس بلطف لحتى تتماسك مع اللبة
انا جهزت صور للخطوات المفصلة , ان شاء الله بحاول نزلهم بهل اليومين لحتى توضح الصورة
هلا فيك
ألف شكر على معونتك التي إكتملت بشكل كامل زادك الله في عملك وعلمك وألبسك ثوب الصحة والعافية أنت وعائلتك
شكرا أخي للدعوة الكريمة من اخ كريم , نورت الموقع
أختي الكريمة البارحة قمت بما أشرت علي من خطوات عمل وكانت ناجحة بالطعم الرائع والسمن العربي إلا أنها كانت كاشفة باللون وليست مثل الحلواني زدت متابعة الخبز بالفرن العلوي حتى الإحمرار فتقمرت وأصبحت قاسية نوعاً ما ، ماهو خطئي وعلاجه .
جزاك الله الخير كله في صحتك وأنعم عليك ببركته دنيا آخرة لك وعائلتك
اخي اللون ما رح يطلع متل الحلونجي , الكنافة البيتوتية بتتميز بلونها الفاتح
اذا حابب اللون يكون مايل على برتقالي فما الك الا انو تدور على صبغة , معروفة باسم صبغة الكنافة , بتضيفها للكنافة وقت فركها مع السمنة
الي صار معك سببه انك حميت النار من فوق على الكنافة لحتى قسيت
شكرا كتير للدعوات الكريمة , الك متلها ان شاء الله
لدي بعض الأطعمة من المطبخ الحلبي القديم وأغلبها غير معروف من قبل الناس وأريد مشاركة عرضهم في موقعك زيادة في الخير وتعديلاً لبعض الأطعمة التي طالما تعلمتها من أمي رحمها الله بإضافة صنف جديد إلى المائدة وأيضاً لقد أجريت تعديلات على دجاج الكورما والذي يعني باللغة الهندية الدجاج المقلي مستعيناً بالله والنفس الطيب في الطبخ مستمداً التعديل الذي قمت به من طبيعة التوابل المتوفرة في بلدنا ، إذا أردت ممكن أن أضيفهم لمطبخك زيادة في الخير كما أنه هنالك طبخات قديمة كالحالوب والشوي ديست وهي أطعمة غنية صحياً ومفيدة وذات نكهة ، لك الدعاء بالخير كله أنت وعائلتك
المنيحة ما بدها مشورة , اكيد اخي منكون ممنونيك , و انا من هلا عم قلك , رح جرب الكورما فورا ان شاء الله , انا بحضرها باللحمة و البازلاء و بحب جربها بالدجاج ..
بانتظار الوصفات و ان شاء الله تعيش و تترحم
شلون بدنا نضيف الوصفات مثالاً !!!
هلا فيك شيف ,
ممكن تبعتها برد متل ما بعتت هل الرد و رح تظهر في الموقع باقرب فرصة
ألم تصل طريقة طبخ الكورما قبل يومين من إرسال الصور تم إرسالها
وهي تؤكل مع الرز أو بدونه عمس
للاسف اخي الصور شي مو ظاهر , شي حجمه كبيركتير :roll
اتمنى تعمل تعديل على الحجم , أو ارسال صورة واحدة بحجم مناسب للشكل النهائي للوصفة الرائعة .
انا غلطانة بالاسم , صار معي التباس بين الكورما و الكيما
الغريب أن من أرسل لي الصور كانت صغيرة وجميلة جداً متضمنة تسلسل مراحل الطبخ ، لكني أنا تفاجأت لكبر وتشوه الصور وكنت أستعلم عن طريقة وصفة الطبخة التي أرسلتها قبل يومين وكيفة طبخها الغريب أنها لم تنزل ، على فكرة من خصص لك الموقع ، هناك الكثير من الصعوبات في طريقة الكتابة في هذا الحيز ، لايمكنك وضع رقم حسابي إلا أن تكتبيه كتابة لأنه لا يمكن إرجاع المؤشر لتصليح كلمة ولايمكن النقر بمؤشر الفارة اليسرى على منطقة لتصليحها وأظن أن من نقل لك الصور هو من ضخمها بهذا الشكل
ما حدى نقلها الي , هي وردت متل ما انبعتت , طيب ممكن ترجع تحمل بس اخر صورة
معك حق , في صعوبات بالموقع و هلا رح نعمل عليه تجديد و ان شاء الله رح يصير كتير اسهل و ابسط
شكرا للوصفة الي بعتتهال انا بانتظار الصورة بس لحتى نزلها
أختي الكريمة أنا بإنتظار الشخص الذي أرسل الصور حتى يرسل لك صورة الأكلة النهائية ، لكن أسألك هل جربت الطبخة منتظراً رأيك وذوقك لك الخير كله
وصلت الصورة اخي و هي بحجم مناسب , العلة من مركز التحميل الي تم تحميل الصورة عليه , الف شكر الك على الوصفة و الصورة
انا هلا ما عم ااقدر ضيف وصفات جديدة بسبب التحسينات الي رح تصير في الموقع , أتمنى من حضرتك تصبر كم يوم و رح تكون وصفتك اول وصفة جديدة رح تنزل مع اللوك الجديد ان شاء الله