براونيز بكريما الخمس دقايق السريةمنور الموقع باحلى و اغلى عيلة , يا ترى كيف اتعرفت على لقمة طيبة ؟
كيف تعرفت على لقمة طيبة ؟
وصفة : منى 2010/11/21 112 تعليقات
آخر تصويت
- المعروك السوري - 36 votes
- البطاطا المقرمشة باكليل الجبل - 20 votes
- معمول مد - 17 votes
- كبة مقلية بدون هبرة - 17 votes
آخر تعليق
التعليقات
تقييم الوصفة
(1 votes, average: 2.00 out of 5)
(1 votes, average: 2.00 out of 5)
السلام عليكم أخت منى:
كل عام و انتم بخير و ينعاد العيد عليكم و علينا بالصحة و العافية….
حبيت الفكرة كتير
أول شي بدي أشكركم عالوصفات اللي كتير زاكية و اللي الحمدلله دايما بتزبط
اتعرفت على موقعكم و انا عم ببحث عن وصفة لورق العنب على الجوجل وطلعلي موقعكم و صرت افتح من وصفة لوصفة و أعجبت بطرق التحضير و خصوصا اني اخصائية تغذية :roll
و مباشرة أضفت الموقع عالقائمة المفضلة عندي :grin :grin
وصرت أجرب بهالوصفات الزاكية وزوجي مبسوط منها كتييييييير و بس :p
السلام عليكم منى
كل عام ونتي وكل الصبايا الحلوات بالموقع بألف خير
انا اتعرفت عالموقع عن طريق الجوجل كنت عابدور على وصفة الفريكة وطلع معي الموقع صرت قلب فيه وكتير فرحت وقت اللي عرفته سوري وبالاخص حلبي وضفته عندي عالممفضلة وصرت اتابعه دايما واجرب وصفات
السلام عليكم كل عام والجميع بخير كيفك منى والاخوات اشتقنا لكم وين هالغطة كل يوم بفوت كذا مرة عالموقع لأشوف اش اخباركم والله بقي بالي عندكم الحمد لله انو الجميع بخير انا حبيت اعيد عالجميع وسبق واني اخبرتكم اني تعرفت على الموقع عن طريق زوجة اخي ام عبادة الله يجزيها ويجزيكم الخيروكتير انبسطت به وانو منطقي وطبخاته منفنفة وكلها من ناس مذوقة وفنانة بالطبخ شكرا لجميع الاخوات اللطيفات في الموقع وشكرا لمنى وجهودها العظيمة لنجاح موقعها وقد نجح وبجدارة وامتياز والحمد لله
السلام عليكم
:zzz
من غوغل كنت عما شوف طريقة راس لعبد وكنت على موقع تاني انتو مشاركين مدري باي اكلة بس نسيتها ام عجبني اسم موقع لقمة طيب بلشت على بحر لقمة طيبةمن غير مجاملة والله في اشيا كتير مفيدةومتوفرة بالبيت نادرة ماحس انه شي بدي ياه حتى جيبه من براوطريقة سلق لحمة مع باقة عطرية كتير بتجنن وزوجي حتى عاجبته مع انه زوجي مابحب يغيرفي لاكل هل متعودال انه ياكله بس هي لاكلة وهل عماساويهن من لموقع ما عما اسمع اي تعليق منه وحمد لله سامحوني على اطالة بس عنجد موقع روعـــــــــــــــةشكراالك وكل مشتركاتوكل عام وانتو جميعا بالف خير ونعمةوينعاد عليكن يارب
صديقتكن
اممممممممم :roll
هلأ حسب زاكرتي المتواضعة إلي لا يـُعتـَمَد عليها أبداً :grin كنت عم دوّر على طريقة عجينة البيتزا
وكنت بوقتا عروس جديدة .. مو كتير كتير .. كان صارلي تقريباً شي 10 شهور أو أكتر شوي :zzz
و شفت رابط من موقع لقمة طيبة .. بس ما بعرف ليش بوقتا ما قرأتو و ما عملت بيتزا .. حفظتو عندي بالمفضلة و تركتو شي اسبوعين و بعدين رديت قررت أعمل بيتزا و فتحت المواقع الي عندي و شفت موقع لقمة طيبة .. و بلشت اقرأ ..و كتير شدّتني الردود و التعليقات و حبيت الجو إلي فيـّا .. و من وقتا سجلت بالموقع و لزقت فيه و ما بقى فارقو أبداً :grin
و توتة توتة .. خلصت الحدوتة :zzz
7ayah Dayyen
مرحبا منوشه
كل عام وانتي بالف خير يارب
والله انا وصلت لهون عن طريق رنا خانوم ما غيرها
كنت متزوجه جديد ودوخانه شو بدي اطبخ …عطتني هي الموقع وقالتلي جرب منو لانو كل الاكلات مضمونه يسلمي ايديكي يارب وايدين الصبايا والله يعطيكم الف عااافيه
كل عام و انتم بخير
بالنسبة لي تعرفت على الموقع ايضا عن طريق غوغل كنت عم دور على وصفة مربى قشر البرتقال و الحمد لله جربتها و كانت ناجحة .
جربت كتير وصفات واخرها هالعيد عملت كرابيج حلب
بنفس المقادير و لاقت الاعجاب من جميع الضيوف
الحقيقة اني كنت استمتع بالردود و لكن هي اول مرة بشارك معاكم و ان شاء الله اشارككم ببعض من وصفاتي
شكرا على الموقع الرائع و كل عام و انتو بخير
انا يا ستي اتعرفت على هالموقع عن طريق جارتي كنت كل ما اروح لعندها الاقيها عاملة اكلة اطيب من اللي قبلها وتعرفي كل مرة اسالها وتقلي انه جابتها من موقع لقمة طيبة مرة على مرة قلت لا خلص بدي ادور عليه واتطلع عليه وهداك يوم وهادا يوم وماعدت تركته ولقيته بالغربة لقيه .. عنجد شكرا كتير
كل عام وجميع اخواتي بالموقع بالف خير والله اناتعرفت على الموقع عن طريق بنت خالتي العزيزة رولا هي من صاحبات الاخت منى ومن وقتاواناعندي هل الموقع من المواقع المفضلة
اهلين منمون واخيراً عملت اشتراك بموقعك دايما بفوت ضيفة هلأ صرت من أهل البيت
أنا عرفت الموقع من منتدى لك :zzz
احم احم …اجا دوري
ياستي احلى صدفة انه اجتمعت فيكي وتعرفت عليكي عن جد منى انا كتير حبيتك …حبيتك قبل ماشوفك ووقت شفتك حبيتك اكتر …وكل مابتذكرك بدعيلك بالخير …ع فكرة اليوم تعشينا افخاذ الدجاج ودعيتلك بالخير على هالاكل الي بيبيض الوش
منجي لشلون عرفت الموقع …ببساطة وبدون شوفة حال انا انسانة مثقفة جدا جدا جدا جدا جدا هههههههه وعلى طول بقرأ المجلات …بالصدفة كنت عم اتصفح مجلة زهرة الخليج وفاتحة على صفحة التعارف بالايميلات وهيك شي …كنت جاية عالغربة جديد ومابعرف حدا قلت يابنت تعرفي ع كم شخص قصدي شخصااية ولو الكترونيا …وقتها مالقيت ولا حدا اتعرف عليه لانه وقت شفت اسم الموقع وكاتبين انه موقع حلبي اصيل تركت المجلة وفووورا عالكومبيوتر …كان مميز اسمه ال تو ام اي بسهووولة بينحفظ …ولما بتتعرف على صاحبة وسرعة ردووودها بتحسيها معك وقت الزنقات بيعلق الموقع بالبال وبصير صعب ينتسى …لقمة طيبة متل مية الشام الي بيدوقها مرة لابد يرجع للشام ويدوقها مرة تانية :zzz
نسيت قلك كل عام وانتي بالف خير بمناسبة عيد الاضحى المبارك …وبدي قلك كمان انه قبل العيد بيومين تخرجت من الجامعة الحمد لله …وانا هلأ حامل في شهري الثاني بالولد الثالث ادعيلي الله ييسر اموري لانه عيلتي كبرت
اخر الاسبوع عاملة جمعة لكل حدا وعدته بحلوان التخرج وياريتني بسوريا لتنوروني كلياتكن …بس بدي اسألك شو اعمل اكلات خرج هيك مناسبة ؟؟؟المعازيم حوالي 15 شخصاية ومع اهل البيت منصير عشرين تقريبا
السلام عليكم ورحمة الله وبركاته
أناأول مرة بتعرف عالموقع وكان عن طريق وحدة رفيقتي
انامن سنة اتزوجت عالغربة وما بعرف اطبخ نهائيا :p يعني بس نظري :grin ووقت العملي طلعت ما بعرف شي وعملت بحث بالغوغل ولما لقيت لقمة طيبة طار عقلي انو الموقع بالاساس بيعتمد عالاكلات الحلبية يعني متل اكلات ماما وانبسطت كتير وبس كل عام وانتو بخير
السلام عليكم ورحمة الله وبركاته. كل عام وانتوا بخير جميعا اتعرفت عل الموقع من رفيقة عزيزة وغالية الله يذكرا بالخير ام عبادة كنت وقتا مابعرف شي عن الطبخ بمساعدة الموقع هلأ صرت يشهدوا بعزايمي شكرا لالك كتير ويجزيك الخير
كل عام و أنتو بألف خير. كنت عم اعمل بحث على متبل الشوندر وطلع معي موقع لقمة طيبة اول مرة و بعدها مرة تانية كنت عم ابحث عن شغلة تانية ورد طلع معي و من وقتها و صار موقعي المفضل.كنت قبلو افتح مواقع كتير و جرب منها بس بعد ما عرفت لقمة طيبة ما عاد فتحت شي تاني.شكرا كتير ع هالموقع الرائع و جزاكم الله خيرا
السلام على كل الصبايا الحلوين
عن جد ما عم امزح :grin
والله خجلت من حالي قال انا اللي اقترحت الموضوع وشوفوا تعليقي اجا بعد كم تعليق :roll
هاد دليل اخت منى قديش الكل مشتاقلك
اما انا ابوس روحها وج وقفا لاكلة يخنة البازلاء اللي كانت السبب باني اتعرف على هالموقع الروعة وصاحبته الاروع
كنت عم دور عنا بغوغل وطلعلي هالموقع الروعة اللي خلاني كب كل مواقع الطبخ من بعده وخلاني قول انت وبس يا جميل
وانا تقريبا كل يوم بنيم العيال وابو العيال وبسهر انا وياه لوحدينا
الله يخليلي هالموقع الحلو وصاحبته العسل ولايحرمنا منن
السلام عليكم ورحمة الله بالاول كل عام وإنتي والصبايا بالف خير وينعاد عليكم بالصحة والعافية
يا ستي نجي للمفيد انا تعرفت على الموقع لما كنت عروس وما صرلي شي شهرين اول اقل متزوجة وقتها كنت عم احكي مع مرت أخي على النت وهية كمان عايشة بغربة متلي وصرت اسألها على كل شغلة بالطبخ قام الله يجزيها الخير بعتتلي اللينك تبع الموقع وقالتلي هادا الموقع اكله كله حلبي وكل الأكلات يللي جربتها زبطت معي ومن يوميتها وانا صار هل الموقع يوميا لازم أدخله مباشرة بس ما افتح كمبيوتري يعني فيكي تقولي مع تشيكي على الإيميل تبعي وكل ما بجرب اكلة من الموقع وشو بتطلع روعة بدعيلك من جوات قلبي وعلى هل السيرة يا ستي اليوم كان عندي عزيمة كبيرة وكنت عاملة كذا صنف من الأكلات يللي بالموقع والحمد لله كلن زبطوا وما احلاهن شي بشهي وبيبيض الوش يسلموا إيديك يارب
صرت هلق كل وحدة تحكي معي من رفقاتي وتسألني على وصفة معينة (بإعتبار صرت معلمة من ورا هل الموقع ) :grin :grin :grin فورا ببعتلها اللينك خصوصي إنو اغلب رفقاتي كمان عايشين بغربة كل وحدة فيهن ببلد وقارة الله وكيلك :grin
وكيير عم يستفيدوا من هل الموقع الحمد لله
طول عليك كتيير يمكن بس والله كتيير مشتاقتلك ومشتاقة لكل الصبايا وللمة الحلوة
اهلين منى و الجميع. كل عام و انتم يخير جميعا. تعرفت على الموقع طبعا مثل الاغلبيه عن طريق الصدفه. كنت عم بدور على مواقع طبخ عربيه و طلبتا من اختي يللي ساكنه بعمان. فبعتتلي كام موقع و كتير انبسطت فيهم. وحبيت اتعرف على مواقع عربيه اكثر لاني كتير بحب اتقان الحلو العربي و الوصفات القديمه. فطلع لي اسم موقع لقمه طيبه مش عارفه وين و عجبني الاسم حسيت انو كوول. هههه هيك يعني مش رسمي. و كتيير انبسطت انو سوري لانو قريب من الاكل يللي ربيت عليه وهو الاكل اللبناني. و تغلبت اولها لانو كان يطلع معي لغه غريبه و بعدين اعرفت كيف احوله للعربي. و من وقتا كتييييييير اتعلقت فيه. يعني هيك بحسه كتير قريب من حياتي و متل عاداتنا مش زي مواقع تانيه كتير فيها اكل طيب بس كتير ابعاد العادات عنا. منى بتجنن ما شاء الله بحب كتير شخصيتها و روحها الحلوه. و فعلا صار فيه رابط وعلاقه جميله بين اغلب الاخوات. و كتير ممتع قرائه الردود. يعني كله على بعضه غير شكل. :zzz
أنا وسام محمود و كان لي نصيب و شرف كبير في تجربة مجموعة من وصفاتك التي لاقت إستحسان و سؤال الأصدقاء و الأقارب عنها
و تعرفت على موقعك عن طريق موقع (مطبخ لك) حيث كنت مشرفة في أحد أقسام الطبخ
أتمنى لك المزيد من التقدم و الإزدهار
السلام عليكم
انا كمان تعرفت على الموقع عن طريق googleمن شي شهر ونص تقريبا وكان اول موضوع عن بوفيه فطور سوري والصورة ومكوناتها كان شي رائع شدتني كتير ولما تصفحت الموقع شفته غني كتير بوصفات رائعة واهم شي انه سوري حلبي زائد انو اله نكهة خاصة لانكم مع كل وصفة بتحطو سر الطبخة واللي احيانا كتير بيكون اهم معلومة لنجاح الوصفة
الله يجزيكم كل خير على مجهودكم
وتوته توته خلصت الحدوته حلوة والا؟؟؟؟؟؟؟ :grin 8)
السلام عليكم ورحمة الله وبركات
اما انا فبحب التجديد كتيروبحب جرب
احيانا كنت بدي اعمل طبخة فبروح عانت دغري وبدور وبتطلع الاكلة الي بدي اياها وباكتر من موقع وسبحان الله المقادير اللي بتناسبني بتطلع من لقمة طيبة فبسجلها بالمفكرة وبعتمدها وبرجع لاكلة تانية وبتطلع خيار لقمة طيبة الافضل ومرة رجعت عالمفكرة وعم شوف الاكلات وشفتلكن شغلة غريبة كتييييييييييييير :EEK :EEK :X :X
كل الاكلات مكتوب تحتا موقع لقمة طيبة!!!!!!!!
وقلت بعقلي هاد هو الموقع اللي لازم اعتمدو
والله وفقني الحمد لله بهالاختيار
وهي قصتي باختصار
قال ابن القيم”النية الصالحه والهمة العاليه نفس تضيئ وهمة تتوقد”
كل عاااااااااام والجميع بألف خير يارب
حالي متل حال كتير من الاخوات كمان اتجوزت وطلعت عالغربة وطبعاا ماكان الي علاقة بالطبخ سابقا
:grin
مابتذكر على اي اكلة كنت عم دور ..بس لفتلي نظري بالموقع لونه ..كتييير حلو ومشرق ..وضليت فترة اتصفحه بدون تجريب وبدون اشتراك وبعدين قويت قلبي وبلشت جرب وطلع شي فخم جداا ..ولما حبيت ردود منى وتفاعل المشتركات مع بعض تشجعت واشتركت ..والحمدلله كلو تمام
كل عام والأخت منى والجميع بألف ألف خير كل عام وموقع لقمة طيبة أحلى موقع بالعالم
أنا بالنسبة ألي كنت عم دور على وصفة مربى الكرز عالغوغل وقلب من موقع لموقع وكل واحد يحكي شكل والحقيقة فتل راسي وما عدت أعرف مين طريقته صح لحد ما الله هداني لهل موقع والي عجبني فيه أنو الأكلات المعروفة بين الناس لقيتها فيه أما باقي المواقع فيها أكلات بعمري مو سامعة بأسمائها ومكوناتها يالطيف ألطف بدها معجم يترجم.واللي عجبني بهل موقع عدا عن كونه سوري أنه في شخص مسؤول عنه وموثوق فيه وهو مدام منى الله يخليها وممكن نتحاور معها ونسألها عن أي شي.وبصراحة اليوم يلي مابدخل فيه على موقع لقمة طيبة مابعده من عمري .بعتذر لأني طولت عليكم بس من كتر محبتي لمنى والموقع
السلام عليكم ورحمة الله وبركاته
كل عام وانت بخير اخت منى وجميع المشتركات بخير وينعاد علينا وعليكم وعلى الجميع بالخير
انا تعرفت على الموقع عن طريق صديقة الي هي اللي قالت لي عنه وعن وصفة جاتو التفاح بالصوص الذهبي وكثير حبيت الموقع وعجبتني وصفاته ولقيتها كثير مهضومة ولذيذة وسهلة
بتمنى لك النجاح يا اخت منى ومزيد من التقدم
كل عام والامه الاسلاميه بالف خير وينعاد على منى والاخوات بالصحه والعافيه
انا اتعرفت على الموقع بالصدفه من القوقل كنت بدي وصفة البسبوسه :eek واكتر شى جذبني اسلوب منى الرائع وعندها فن التعامل و الذوق 8)
السلام عليكم هلق دخلت وشفت الموضوع الحلووقلت لازم شارك اولا كل عام والجميع بخير اعاد الله جميع حجاج بيت الله بالسلامة الى ذويهم يا ستي عرفت الموقع من اختي الي اسمها متلك منى ومتزوجة واحد حلبي كيف عرفته ما بعرف بس دلتني وشفته وعجبني كتير واعتمدته في قائمة المفضلة عندي وصار المرجع الاساسي عندي لكل طبخة جديدة او مقادير لطبخة بعرفها وكل شيجربته طلع كتير ظريف هدا غير الدعاية والاعلان للموقع ههههه لانو كل ما عجبتون طبخة ىبقلن من موقع منى وكل ما بدنا نساوي طبخة جديدة بقلن بسلشوف لقمة طيبة شو كاتبة منى عنها وهيك ان شاءالله بيضل منور الموقع
السلام عليكم جميعا
واول شي كل عام وكل وحدة من بيناتكن بخير وصحة وسلامة وانشالله ينعاد علينا بالخير و البركة.
منى …. حبيبتي واختي في الله …(انا هيك بعتبرك) بعرف انو عاتبة علي … لانو صرلي فترة غاطة بس سبحان الله عندي كان شوية ظروف و الحمدلله هلء كل شي تمام غير انو مشغولة بالدراسة.
انا اتعرفت عالموقع لانو باول ال 2009 كنت مخطوبة و امي مسافرة وكنت اطبخ واجرب على ابي … فكنت عمدور على كوسا بلبن او المخلوطة نسيت يالضبط شي وحدة منن … فلاقيت الموقع من غوغل والحمدلله اني لاقيتو وكسبت صحبتك
منى ابوسك لا تعتبي علي وامانة اذا لزمك شي من هون (امريكا) قوليلي انشالله رح انزل عن قريب اذا الله يسر و.. والله انا لسى ع وعدي مشان الاكل الايطالي … سلمي ع اية و سيما كتير.
انا كتير مبسوطة اني اتعرفت ع هالموقع الرائع
انا متزوجة عالغربة من شي 3 سنين وما بعرف اعمل الا كاتو و مسكين زوجي شو اتحمل مني :upset
ومن فترة شهرين دورت بـ google ع وصفة مربى القرعة و هو الموقع الوحيد اللي لقيت فيه الوصفة و في موقع تاني و تالت عاملين عن الموضوع كوبي المهم اللي لفتلي نظري هو الاهتمام بالتفاصيل الصغيرة وهالشي بيوفر فرص اكتر لنجاح الاكلة
و بعد كم يوم دورت ع وصفة الكارنيارك كمان بالصدفة كان الموقع الاول :grin اللي طلعلي بغوغل
و من يومتها كل ما بدخل عالنت بطلطل عليه عالسريع و غالبا بدون تعليقات لانه وقتي مضغوط
و من قلبي الله يعطيكم العافية عالمجهود الرائع
السلام عليكم منونة وعلى كل الصبايا الحلوين اللي معنا , وكل عام وإنتو بألف ألف خير وإن شاء الله سنة الجاية على عرفات يارب لكل مشتهي ..
يا ستي أنا تعرفت على الموقع عن طريق عمو غووغل لماكنت عم دور على أكلة المعجوقة لانو هي الأكلة ما عملناها بالبيت قبل هالمرة وكان صرلي شي سنة وشوي متزوجة ” عأساس خبيرة ” :grin
ولما عرفت صاحبة الموقع اللي هيه انتي منمونة الحلوة طار عقلي فيه أكتر وأكتر وصار موقعي اليومي :zzz
أكتر شي انبسطتت لما تعرفت من خلاله على نادين ورنا اللي هنن بالأساس رفقاتي بالجامعة وما كنا منعرف بعض شخصي :roll
مافي كلام بيعبر عن مدى امتناني الكبير إلك ولكل صبية ردت وفادت بأي موضوع ..
مرحبا منى ان شاء الله كل سنة وأنت سالمة
ياستي أنا أتعرفت عليك من عالم حواء وبعدها لحقتك على منتدى لك وبعدين أتعرفت على موقعك وعلقت فيه وصار مرجعي الأول والأخير
أنا كتبت قبل كيف تعرفت على الموقع , والإعادة فيها إفادة.
نفس الحلوات إلي سبقوني تعرفت عليه عن طريق جدو جوجل :grin
لقيت وصفة ضمن مكوناتها عصير الحصرم وماعرفته طبعا, رجعت عملت بحث عنه فطلعلي الموقع , وأذكر كان الوقت متأخر أساسا, وضليت أتنقل من صفحة لصفحة لحد وجه الفجر , ومن هذيك الليلة أضفته في المفضلة عندي وما صرت أنقطع عنه أبدا , لأسباب كثيرة أهمها ترتيب الموقع وألوانه , لأن باقي المواقع تسبب لي صداع جامد .
وكمان من يومها ماعاد جربت شيء من النت غيره وأيضا صرت مقلة جدا جدا من التجريب من الكتب او الـ tv أو حتى من زميلاتي في العمل , يعني الموقع بيغني عن كل شيء , وكمان من يومها لحد الحين صار أغلب أكلنا حلبي وسوري وانا سعودية بالأساس :grin
يعني الموقع غير ثقافتنا الغذائية , لأن فيه تنوع أكثر وأنابحب التنويع .
طولت عليكم
باي :zzz
ألف مبروك التخرج وعقبالي بإذن الله , والله يسهل أمورك حملك على خير إن شاء الله ,
حبيت خبرك إني عملت التورتة تبعك وطلعت ميه ميه الله يسلم دياتك وميرررررررررررررسي كثير
ومن العايدين.
مسا الخير منى كيفك كل عام وانتي بألف خير يارب والله يخليلنا اياكي وهالموقع الرائع انا اتعرفت عالموقع من الجوجل و اول وصفة جربتها كانت شاورما الدجاج تقريبا صرت مجربة اكتر وصفات الموقع وكلها طيبة وبتجنننننن يشهد ربي انو بدعيلك على طول بكل خير وبعدها صار من المواقع المفضلة عندي الي بتصفحها كل يوم
عن جد احسن شغلة انه تعرفتي علينا انا وندوش ….دمعت عيوني من الفرحة :sigh طول عمري مفكرة حالي عنصر هدام بالمجتمع …طلع في حدا متشرف بهالمعرفة ههههه :grin
ياستي وانا كمان تشرفت كتير كتير بمعرفتك وعن جد صرتي صديقة قريبة كتير بفضل الفسفس افندي
السلام عليكموكل عام وانتي بخير وكل بنات الموقع
وحج مبرور للي الله كتبلو حجه هالسنه
انا تعرفت عالموقع من غوغل عم ادور على راس العبد وشفتو عجبتني طريقه المقادير وتنفيذ الطبخات بدون تعقيد وتكلف الله يعطيكي العافيه بس انا عتبانه السنه
مافي ولا بوفيه اشبك متكاسله يللا شدي الهمه بالتوفيق
انا شفت الوقع عن طريق غوغل
كنت عم دور على طريقة الحبوب
وعملتيها وحبيتها كتير
وسجلت معكم وخاصة انه صاحبة اموقع حلبيية
(عنصرية) :upset :eek :roll :grin
الى الامام وان شاء الله من حسن الى أحسن
السلام عليكم
كيف حال الجميع –عيد سعيد مبارك على الجميع
وتقبل الله طاعتكم
انا تعرفت على الموقع مثل اغلب اخواتي في الموقع كنت ابحث عن وصفه اعتقد كانت كاتو اوبسكويت وفوقعت على لقمه طيبه –صارحه بهرتني الوصفات واكثر ما شد انتباهي هو السفر والبوفيهات الراقيه المرتبه ان شاء الله تسلمين والله يحفظ لك الاحباب جميعا
شكرا الك عالمباركة اللطيفة وصحتين على قلبك عالتورتة …بس ممكن اعرف ايا وحدة جربتي :p
السلام عليكم كيفك يا شيف منى بل فعل بيلبقليك هل تسمية ياستي انا تعرفت عل موقع كمان من جوووووجل لما شفت هل موقع مابتصدقوا طارعقلي من فرح صرت كل يوم مثل فرد الصلاة افتح نت لقمة طيبة صباحا وظهرا ومساءاالله يعطيكي مليون عافية والى الامام دوما ياست الستات يا منى الله يوفقك سلام ميادة
هلا ميس
شكرا الك حبيتي , و انا ممنونة جوجل لن عرفتني على هيك اخوات
انا بعرف انك بتكوني موجودة و مو ضروري التعليق المهم ان تبقي دوما هون
نورتي :zzz
كيفك منى و كل عام و إنت بخير إلك و لكل الصبايا بالموقع
أنا تعرفت على الموقع عن طريق الجوووووجل ، كنت عم دور على وصفة الكعك المالح( الكعك المدور اللي منعمله بالعيد) و لقيت هالموقع الرائع و كانت أحلى صدفة لإني صرت فوت عليه بشكل شبه يومي و اعتمد عليه بكتير أكلات و أفكار حتى لو كنت ما بعلق بشكل دائم.
الشكر إلك و لكل القائمين على هالموقع الحلو و المميز و الله يعطيك ألف عافية :zzz
يسعد صباحكم وايامكم يا عزيزتي منى انا تعرفت عالموقع من صديقة عزيزة وغالية دلتني عليه وخبرتني ان صاحبته ظريفة كتير ويمكن حلبية :zzz
وبالفعل صدقت طلعتي حلبية واظرف من المتوقع وموقعك فيه احساس دافي بيشعر الواحد بدفئ العيلة من خلاله
ربي يكرمك ويوفقك لترتقي فيه لأفضل المواقع وتحققي كل طموحك من خلاله
السلام عليكم
أنا تعرفت عالموقع الأكتر من رائع عن طريق رفيقتي Laraye وتعلمت منه كتير وصفات رائعة وبتمنى لصاحبة الموقع دوام النجاح والتوفيق
هلا اريج الزهور
نورتي مية هلا فيك , انا مبسوطة ان الموقع عجبك و خصوصا انك خبيرة تغذية
صحتين و الف هنا على البك و الب ابو الشباب , و ما دامك اخصائية معناها ان شاء الله ما في وزن زيادة مع الاكلات الطيبة
تسلمي أخت منى، و ان شالله بشارككم بوصفات صحيةو طيبة و سعراتها قليلة
و من حسن حظي اني اتعرفت على الموقع و على الناس الطيبة متلكم
اول شي بدي سلم على ست الكل منى واخواتي الاعضاءالموقع انا ياست منى سورية واول ماتزوجت سافرت قطر ولسوء حظي ماكنت بعرف اطبخ والاحلى اني كنت عاملة دفتر للطبخ ونسيتو بسورية بس لحسن حظي كنت عم دور بالنت على اكلة يالنجي وشفت الموقع وطار عقلي حسيت الله بحبني وعوضني عن مليون دفتر وخاصة انو الطبخ من أنامل حلبية لان امي حلبيةومادقت اطيب من الاكل الحلبي اسفة طولت عليكي 8) :p
كل عام وانتي والجميع بالف خير وينعاد عليكي وعلى عيلتك كل سنة احسن واحسن يارب
انا تعرفت على الموقع عن طريق حبيتي ورفيقتي ومرت اخوي ((بشرى )) كنت عم اسالها عن اكلات ودلتني ع الموقع
بس بدي اسالك عن شغله بيصير غير اسمي(( المعرف )) حابة غيرة بيصير؟؟ ولا نوووو
الله يجزيكي كل خير اخت منى
mar7aba……ana daife jdeede houn ma sarly zaman ..ana 3ayshe bi SWITHERLAND bi GENEVA ou ba7eb el tabekh kteer kteer ya3nymen hewayaty…ou et3arafet 3ala hal mawke3 el ra2e3 men RANA darwish men el FACEBOOK ou kanet 3amle aklat mashallah ou katbe esem el mawke3….ana kteer khajlane la2eno ma3 3andy computer byktoub 3araby bas enshallah r7 ajeeb ma3i men Aleppo el marra el jaye…any way enshallah yekoun ketabty wad7a ou te2balouny zmele ma3koun bel tabekh ou enshallah 3an 2areeb r7 ab3atlek MADAM Mona kam wasfe jedeed enshallah…..salamy lal jamee3
هلا زينة
شرفتينا و نورتي الموقع بين خواتك و اهلك و ما دامك من طرف رنوشعناها انت من عضان الرقبة
هلا انا فهمت عليك , مع اني شفت صعوبة شوي , بس ما في حل , يلا ان شاء الله بتنحل المشكلة قريب
رح استنى وصفات جديدة منك , و مية هلا مرة تالتةو رابعة
هلا ام احمد
و انت بخير انت و احمد و بقية العيلة كلهم واحد واحد
اي اكيد فيك , يا ريت تبعتيلي عن طريق اتصل بنا لحتى غيره متل ما بتحبي , او خبريني هون عن المعرف الجديد
اهلا وسهلا ب زينة خانم …ياستي حبيت رحب فيكي بعد الاذن من منى لانه بعتبر هالموقع بيتي واعز :grin :grin
سلام منى
مية السلامة فيكي يازينة وانشالله تشوفي على وشنا احلى الطبخات …وتزودينا باطباق جديدة …مية هلا
كل اللي من طرفي من عضام الرقبة …شو هالدلال يامنى ..الله يخليلي ياكي اخت عزيزة وغالية يارب …وانا كل يوم بدك شي عشرة عالموقع بس ماحدا بيسجل بياخدو الي بدن ياه وبيمشو بس يلا كله خير وحسب الوقت والفضى
مرحبا منى …ياستي فاقس كيفي هاليومين على الكب كيك …بس عم حب جربه بالكريما يعني غطيه بالكريما …ومن فترة شفت رفيقتي عاملته وطالعة اشكاله بتجنن …كريما ملوونة بس مو اللون الي لفت نظري …لفتت نظري الكريما انه ماسكة حالها وبتساعد بالتزيين اكتر من الشانتييه والكريم الفريش …هل الكريم الفريش كتير حبيت طعمه بس ماعم يطلع معي متل الغيمة هيك متماسك …عم يطلع شوي مريق وعم خاف اذا زودت الخفق ترجع الكريما زبدة ..قرأت عن كريما اسمها الفروستينغ وهي يلي بيستعملوها بالكب كيك …هلأ الطريقة الي شفتها عبارة عن زبدة وسكر بودرة تقريبا ست ملاعق زبدة على كاستين سكر ….انا تخيلتها رح تطلع حلااوتها قوية كتير وقلت بسألك اذا مجربتيها قبل مااتورط
اولا كل سنة والاخوات جميعا بألف خير وخاصة أختنا منى انا تعرفت علموقع بالصدفة وانا عبدور شلون بتنطبخ رزو كماية انا بعرف شلون بتنطبخ بس قلت ياترى في حدا بيطبخا غيراللي بعرفوا وهيك طلعلي موقعك وفعلا اعجبت كتير فيو واستفدت كتير وخاصة انا بالسعودية واحتاج بعض الاشياء اللي تنقصني شكرآ شكرآمن كل قلبي والى المزيد من التقدم والازدهار يامنى وبتمنى تردي على تعليقي منشان احس انو نحن متواصلين وهدا اللي عجبني كمان التواصل بين الاخوات وكأنو أسرة واحدة شي رائع وآسفة طولت عليكي
رنوش في كتير هيك و انا ما بزعل , كل الي بيحب الطبخ اله محل بيناتنا و لو من بعيد :zzz
هي كريمة الزبدة , و انا بستعمل 125 غ زبدة مقدار 250 غ من السكر البودرة مع ملعقة كبيرة كريم فريش , طيبة كتير و شغل الغراند او حانا بس تقيلة
ممممممواضح من كمية الزبدة الي فيها …وانا بصورة عامة ماكتير بحب الكريما الثقيلة …بس هي عم تعجبني للتزيين .بتعرفي بجرب طريقتك بمقدرا صغير وبشوف
انا قريت عالنت انه في وحدة عانت من نفس مشكلتي بالتزيين بالكريما وانه بتسيح معها ومابيطلعلها اشكال ..كاتبة انه سألت شيف وعطاها السر انه بس ماوصلت الكريما الفريش لكثافتها بتضيف لكل كأس كريم فريش ملعقة كبيرة جيلي شفاف مذوبة بملعقتين ماء ..بس طبعا الجيلي لازم يكون بارد بتحطه فوق الكريما وبنخفق اكتر لبين ماتشد معها ..وقال وقتها الكريما مابتفكر ترجع زبدة ابدا …بقا لنشوف شو بجرب …يلا طولت عليكي سلام
فكرة كمان , سبحان الله الطبخ علم عن جد و ما بيخلص
جربي و خبريني يا جميل:)
هلا ام المنذر
نورتي و شرفتي و هلا انا بموت على الرز و كماية و هلا صرت حبها اكتر و اكتر
متل ما لتي احلى الشي هون اللمة و اطيب الشي الاكلات , مية هلا فيك ببيتك النتي
هلا هادينة
و انت بخير ان شاء الله و ينعاد علينا و قلوبنا انضف و اقرب من رب العالمين
هلا فيك و صحتين و عافية على كل شي جربتيه
السلام عليكم جميعا
يمكن المشاركة متاخرة بس احيان عم يتعطل الموقع وعم تعدي ايام انسى افتحوا اما انو كيف تعرفت على الموقع عن طري الاخت ام رومل هيي اللي نصحتني جرب وصفاتو وفعلا بشكرها على هالنصيحه لانو مافي وصفه جربتها الا عجبت العيله وصاروا ريطلبوها بارك الله فيكي اخت منى والى الامام دائما
ملاحظة :ام رومل بتصير اخت زوجي تسلملي عينها
الف الف صحة و هنا على قلبك و قلب العيلة و انا ممنونة ام رومل على الدعاية الطيبة
بتشرفي و بتوري على طول
هلا غيوثة
و عليكم السلام و رحمة الله و بركاته حبيبتي , الغطة على خير ان شاء الله
شكرا كتير الك حبيبتي على كلامك و زووءك الي بتخجليني فيه دوما , ربي يديم المعروف و المحبة دوما
مرجبا اخت رنا عفوا اذا عم بتدخل بس مشان الكريمة حبيت خبك اني مرة جربت ضيف ملعقة بودرة جيلي على الكريمة الفريش بعد ماخفقتها مشان احصل على لون مختلف بس للاسف انو الكريمة فورا رجعت سايلة وقد ماخفقت فيها ماعاد تجمد
بس يمكن الطريقة اللي قلتي عليها تكون مختلفة لانك بتدوبي الجيلي وبعدها بتضيفيه
بس حبيت خبرك على تجربتي لانو انا كمان الكريمة معي مابتكون جامدة بالطريقة اللي تساعد على التزيين بشكل منيح فإذا وصلتي لشي ياريت تفيدينا وآسفة على الاطالة
السلام عليكم ورحمة الله وبركاته
امبارح رجعت من الإجازة يلي قضيتها بسوريا، واليوم أول موقع بفتحو -حتى قبل إيميلي- هو هون :grin تشوف كيف الصبايا والستات وشو في شي جديد.
شكراً منى للمرة المليون للوصفات والمواضيع الحلوة كمان.
أول مرة كنت عم جوجل على (فاصولية بزيت) وهالحكي كان من شي سنتين أو أكتر، طبعا غير أن أخدتها من هون وطبقتها دغري وطلعت بتغرف القلب، ما قدرت بعدين بعد عن الكومبيوتر وانا اقرأ وانتقل من وصفة لوصفة. الشي يلي شدني أكتر الشي بالموقع طبعا أولاً انه حلبي 8) يا خيتو غير شكل .. وطبعا أهم ميزة فيه ويلي بتخليه فعلا يختلف عن كلللل المواقع التانية هو أن الوصفات مجربة، وأن فيك تتواصلي مع الطباخة وتطرحي الأسئلة،.. هالشي بيفتقر كل مواقع الستات التانية، وبيعطي جدية للموقع، يعني بيخليه علمي موسوعي مو بس هيك : هات إيدك والحقني.
بحب بس حط كمان تعليق صغير لأهل حلب أن : ياااااه شو صارت حلوة ! وتزبيطة عدادات التكاسي والرقابة عليهم عن جد عن جد عطت طابع بيجنن لحلب نسبةً للمحافظات التانية. وحركة الباصات وشكلها حلت أزمة مرور -لاحظتها من 4 سنين كانت تطالع الروح- عن جد هنيئاً لإلكم. وعقبال ما يتخلصوا من الزبالة بالشوارع والكياس النايلون الطايرة :sigh .
مع التحية
والسلام عليكم ورحمة الله
ايييه على راسي لك خيت , و انا عم قول ليش كانت منورة :zzz
الحمد لله على السلامة , ان شاء الله اهلك كلهن كانوا بخير
متل ما قلتي حلب عم تتغير و كتير عم يصير فيها تحسينات , بس ان شاء الله مو بس بالظاهر , بالمضمون كمان
في هلا حملة كبيرة للنضافة بكل سوريا , بس يا ريت تجيب نتيجة لان هادا شي اساسي و مهم
صحة وهنا على كل شي جربتيه و كان يممي , و ان شاء الله تجربي كمان و يطلعوا كلهم على زووءك
عزيزتي لاتعتذري للتدخل بالمرة لانه الموضوع ماله خالص ابدا ….واصلا نحنا هون لنتعلم من بعض ونستفيد وكل وحدة فينا تخبر تجربتها للتانية
انا خبرت منى على قصة الكريما بس انا ماجربت انا قرأت الوصفة في احد المنتديات وهون الطريقة اذا بتحبي تشوفيها على هذا الرابطull]null[/URL][URL=http://forum.hawaaworld.com/showthread.php?t=851933]طريقة خفق الكريما هنا[/URL]
مرحبا عزيزتي منى كيف صحتك ان شاء الله تكوني انتي والعائلة الكريمة بخير لو تكرمتي علي ممكن تعطيني وصفة الكنافة المفروكة كيف بتنعمل وشو نوع القشطة لانو انتي بتعرفي بشيكاغو مافي قيمق وميلزي منو لو فتللت اميركا ما بلاقي وشكرا سلف ميادة سلام
كيفك منى بتسلم عليكي رفيئتك نوار عك عم أحكيلا علموقع وذكرتلا اسمك قالتلي يي هي رفيئتي كنا بالجامعة سوا سلميلي عليها هي تزوجت على أبو ظبي 2007وصار عندا صبي وانا بكون مرت خالاوالتئينا من اسبوعين بحلب هي نازلة اجازة شي شهر وانا نزلت من السعودية شي اسبوع المهم وصلت السلام والسلام امانة وصل ياقمر :zzz اكيد الى اللقاء عزيزتي
هلا ام اسلام
بالعكس ممنوتك كتير للمعلومات الي اضفتيها , متل ما قالت رنون , هون بساط احمدي و ايا شي بتحبي تعلمينا اياه نحنا اكتر من ممنونين :zzz
شكرا رنون للرابط , رايحة ااقراه
هلا ميادة
تكرم عيونك حبيبتي , من فترة كنت عند ستي و صورتها بالخطوات المفصلة و هي عم تحضر الكنافة المفروكة :zzz
بنزلها ان شاء الله
صرااااااحه حبيت الموقع كتير والمدام منى اكثر
لانه الكل يكتب خبرته والاشياء الي طلعت معه والي ماطلعت وكل الواحد يستفيد من خبره التاني وهذا شي حلو قليل تحصليه في المواقع التانيه وكمان الكل يبادر لعمل وتجربه الوصفات
روووووووووووووووووعه
…………
وانا تعرفت عليه عن طريق احدا الاخوات في منتدى لك
………..
مع خالص حبي واحتراااااااامي للجميع
Ahmed
شكرا الك اخت منى واخت رنا ع التشجيع والله يقدرنا نفيد ونستفيد بكل شي
ومشان الكريمة انا فعلا حابة اوصل لكريمة تكون جيدة للتزين يعني مابتدوب بسرعة وبنفس الوقت تكون طعمتها طيبة وصارلي فترة وانا عم دور بالنت ولسه ماتوصلت لشي بس اتوصل لشي وجربه بخبركم
شكرا على الرابط الآن رح افتحه
مرحبا للجميع
وسلام خاص لست منى ست الكل
تعرفت ع الموقع عن طريق جوجل كان اختي بدها مقادير عجينة البيتزا و صار شغلي الشاغل فوت واتصفح وطبق بهالوصفات وصار اسم الموقع بالعيلة معروف كتير وكأنو صديق حميم للعائلة وصار دفتر الطبخ اللي عندي كبير وفيه وصفات كتيرررررر من موقع لقمة عن جد بشكرك كتير ست منى على هالموقع الرائع حاولت فوت على غير مواقع للطبخ بس لقيت هاد أروء شي هونيك عجقة وشي فايت ببعضو هون كللو مقسم ومنسق وروااااااء واهم الشي الطبخ حلبي على أصوله خيييييييييت وشغلة تانية منكتب السؤال منلاقي الرد تاني يوم جد الله يعطيكي العافية عم تتعبي كتير بهالموقع بس والله بدعيلك من كل قلبي الله يحرسك ويحميكي وينولك مراد قلبك يااااارب ……. وشكرا …..اسراء
السلام عليكم
انا تعرفت من فترة عالموقع عن طريق الجوجل كنت عم دور عوصفة لكاتو بالموز و جربتها
و طللع الكاتو روعة
صرت مجربة كتير اكلات و كلو عم يطلع طيب و عن طريقك يا مدام منى صرت افهم اشياء بالطبخ ما كنت افهمها او ماكان عندي عنها فكرة
بشكرك كتير يامدام منى عتميزك يللي بحسو ما بس بالطبخ كمان بروحك و شخصيتك
مرحبا يا صبايا
وسلام خاص للست منى
انا تعرفت عالموقع عن طريق احدى صديقاتي و هالحكي من شي سنتين و نص
و بوقتا الي شجعني فوت عالموقع حكي رفيقتي
انو صاحبة الموقع من عنا من حلب و لهيك
ما بتلاقي اشياء غريبة بوصفاتا ما عنا منا بالسوق
و كمان مقادير اكلاتا دقيقة يعني مو متل
وصفات امي و حماتي (بتحطي شوية كذا و كمشة كذا و اتورة كذا)ههههه
بس كعضوة بالموقع صرلي شي سنة
ومن يومين كانت اول مشاركة الي بأكلة شرحات المايونيز
وشكرا
كندة
اما انا تعرفت عالموقع لما كنت بمواقع طبخ و لقيتا كلها خليجية و اشتهيت شهوة الاقي موقع سوري و كتبت عالجوجل اكلات سورية و طلعلي موقعكم و علقت فيه و الحقيقة فانه رائع جدا جدا و سهل وواضح و ما بيضيع الشخص فيه
السلام عليكم اناكنت عم اعمل بحث عن وصفة لعش البلبل(اللي هو بلحمة وطحينة مش الحلو العربي)فبالصدفة فتح هالموقع المميز يللي فيه أكلاتنا اللي نحنا متعودين عليها وكتير عم نفتقدها هون بالغربة وأنا المشكلة عندي أنو حتى لما بتصل مثلا على سوريا مشان أسأل عن أكلة معينة بيعطوني مقادير تقريبية متل لما سألت حماتي عن السمبوسك الكتيير بتعملو طيب فهي بتعتمد على مهارتها وخبرتها الطويلة فهيك ما كنت أستفيد شي بس هالموقع في مقادير محددة عم نعتمد عليها وبإذن الله عم تطلع الوصفات تحفة وشغل معلمين فشكرا للقمة طيبة ولست منى اللي عم تعطينا من وقتا وخبرتا ومعرفتا والله يجزيها كل خير :roll
يسعد أوقاتكن..
مع إنو أنا بعرف صاحبة الموقع وهيي بتكون كنة جارة أهلي :zzz (( دختو ولا لسه))
وبالدرجة الأولى هيي أخت بالله قريبة من القلب..أسمع من ماماتي أو من هون وهون إنو بتحب تجرب طبخات وهيك..وما خطر عبالي قصة النت..ومرة كنت راجعة مع رفيقتي غادة رفاعي الله يجزيها الخير حكت غنو عندها رفيقة اسمها منى صابوني وعندها موقع طبخ واشترت كاميرا كرمال الصور..ولما حكت اسم الموقع حكيتو ببالي وأول ما جيت عالبيت دورت عليه وسجلت فيه..ومن هنا نستنتج إنو بني آدم لو بيعرف بني آدم..ممكن يدلو عليه بني آدم تالت :grin
وانشالهل بتدوم هالصحبة وكتير مبسوطة أنا معكون..
:grin :grin :grin
عن جد رغودة حلب كلها بتعرف بعضها بس يقعدوا و يحكوا كلمتين
نورتي و شرفتي دوما
كيفك مدام منى
انا تعرفت عالموقع من صديقتي رغد
كل ماعملت اكلة بتقول من موقع لقمة طيبة
وانا عرسي قريب لازم طور حالي
جزاكم الله خيرا جميعا
انا كمان اتعرفت عالموقع عن طريق الجوجل وبما اني مبتدئة بالطبخ بدور كنت كتير على شي موقع يكون فعلا قريب لاكلنا واول مادخلت بالصدفه عالموقع قريت وصفات الست منى ولما شفتا حلبية قلت اووووه عز الطلب بما اني كمان من حلب وانا عرفت هالموقع من السنة الماضيه بس ماكنت مشتركه فيه كنت اقرا الوصفات ويسلمو ايديكي ياست منى وانشالله هالموقع يظل من حسن الى احسن وفي تقدم دوما ……. :zzz :zzz :zzz
مساء الورد والياسمين لأحلى ست منى بهينيكي على هالموقع الروعة وقد ما بشكرك مابعطيكي حقك لأنك بوصفاتك الطيبة خدمتيني خدمة العمر صرت اطبخ وانا واثقة بأنه الطبق حينال الأعجاب بكل تأكيدوصار موقع لقمة طيبة دليلي في جميع الاطباق بلا استثناء ولازم أتصفحه كل يوم لشوف شو الجديد أتعرفت على موقعك عن طريق صديقة الي انا جربت كثير من وصفات الموقع ولله الحمد ظبطت ونالت الاعجاب هدا طبعا من فضل رب العالمين وفضلك يا عزيزتي ومن يومها موقع لقمة طيبة صديقي الصدوق اللي ما بقدر استغني عنه ولا عن صاحبته اللي بدعي لربي يعطيها الصحة والعافية على هالخدمة الرائعة ولك جزيييييييييل الشكر
مساء الأنوار اخت منى و جزاك الله كل الخير على هذا الموقع القيم و الذي اصبح لي كمرجع للكثير من الوصفات المبدعة و المبتكرة المشروحة بشكل مفصل كما لم تبخلي علينا بأسرار مطبخك الخاص المحصلة بسنين خبرتك بهذا المجال .
انا عن نفسي اكتشفت هاذا الموقع عن طريق منتدى لك بالصدفة كنت ابحث عن وصفة الكبة و لمحت اعلانك عن فتح موقع خاص بك ففتحت الرابط و من يومها بد
ات تجاربي مع اطايب لقمة طيبة و هو صراحة من المواقع النادرة ان لم يكن الوحيد المتخصص بفن المطبخ الشامي الحلبي اتمنى لك كل التوفيق اختى منى و المزيد من العطاء.
السلام عليكم سيدة منى أنا اتعرفت عالموقع من شي شهر تقريبآ كنت مشتهية على حلويات جوز الهند الحلبية وكنت عم بدور عالجوجل عليها ومن أحلى الصدف أني لاقيت هالموقع اللي اتعرفت فيه كل الأكلات اللي بتخطر ببالي واللي بشتهي عليها وما بعرف شلون أعملها الله يجزيكي الخير على كل الأكلات وكل الوصفات اللي عم تنقليها بكل صدق وأمانة وصار هالموقع اللي متل شط الأمان بهالغربة
السلام عليكم ست منى
بصراحة موقع كتير رائع وقيم ومدهشششششششش :eek
انا اتعرفت عليه عن طريق الفيس بوك وبعدين دخلت على الموقع واندهشت بالوصفات الموجوده فيه
عن جد شي كتير راقي وحلو :zzz
الله يوفقك لكل خير
السلام عليكم ست منى,
انا صراحة اتعرفت عالموقع بالصدفة.كنت عم دور على وصفة الكرابيج اللي بموت فيها انا و اولادي ومابعرف طريقتها. وطرت من الفرح يوم لقيتها.هلا انا الي تقريبا لازقة بالاب توب من شي اسبوع بهالموقع الرووووعة اللي بيتميز بروح حلوة و مودة غير عادية بيفتقدها الواحد بالغربة من كل الأخوات المشتركات ومنك شخصيا.
المهم انو الموقع انقذني انقاذ غير عادي بالوصفات والتنويع اللي فيه خصوصا انا بجدة وعندي ضيوف من سوريا حاليا.
dear mrs. mona, thanks a lot, u really saved my life :zzz
السلام عليكم ست منى,
انا تعرفت على موقعك من خلال جوجل لاني حابي اتعلم الطبخ حتى زوجي ينبسط فيي ويشوف حالو فيي,لانو دايما بحكي ما اشطر اللي عامل هالاكلة يا ريت تصيري متلهم,وان شاء الله عن طريق موقعك بصير احسن طباخة :zzz
السلام عليكم تعرفت على الموقع المتميز جدا من خلال جوجل ومن خلال عملي الاطباق الوصفات الموجوده عندكم حبت طريقكم و خاصه ان الاكل متنوع و سهل عمله و معظم عناصر الطبق سهل توفيره وشرحك للطبق واضح و الله يعطيك العافيه و تكوني انت و اهل سوريا بخير و سلامه
و عليكم السلام ام صخر , شكرا كتير حبيبة قلبي , مية هلا فيك منورة و ان شاء الله تبقي انت و كل اهلك بالف صحة و خير
مبروك الاطلالة الجديدة بس الحقيقة ما عم اعرف دور عالاشيا يللي بدي ياها
محتاجة وصفة مربى القرع او اليقطين
الشاشة ما عم تطلع كاملة
هلا رنون , التصميم لسى مو جاهز , كم يوم و بيكون تمام و بيصير كلو اوضح
هي الوصفة الي بدك ياها
http://l2ma.com/?p=469
موقع رايق
هلا فيك أخي احمد
هاي منى اانا كتير مبسوطة لانو تعرفت عليكي وخصوصا انو انا ما كنت عرف اطبخ بالمرة يعني فيكي تقولي تعلمت الطبخ من عندك وبس شكرا كتير على معلوماتك بس كأنو الموقع متغير شكلو وماعم اقدر دور على الأكلات القديمة بتمنى يكون سهل الموقع الجديد
هلا رنيم حبيبة قلبي , مية هلا فيك , عوافي و الف الف صحة
الموقع هلا عاملين عليه تجديد , كم يوم و بيزبط و بيصير حلو و سهل ان شاء الله
كنت اريد وصف البيزا ودخلت على hao123.ar وقلت لها ما هو اشهرموقع للاكلات قال l2ma.com وهكذا تعرفت على لقمه طيبه
هلا فيك اخي , منور
اروع اروع اروع ,,موقع للطعام …الله يعطيك العافية ويجزيك الخير , فعلا كل شي على اصوله….بتمنالك التوفيق والنجاح والسعادة والصحة الدائمة….
شكرا على زوءك رشا , الله يخليلي ياكي على هل الدعوة الحلوة الكريمة , ان شاء الله انت كمان
عرفت الموقع من بدايته
وعن طريق الغالية منى
حين كانت عضوة نشيطة ومن أنشط العضوات في أحد المنتديات وهو منتدى Lakii
حيث ما زالت حتى الآن اطباقها هناك تحظى بشعبية وقبول لدى العضوات الجديدات قبل القديمات
ربنا يوفقك يا منى ويكون موقع لقمة طيبة في مصاف المواقع العالمية في الطهي
اولا ً بدي اشكرك ع الوصفات الحلوه
بصراحه ……………….
أخي الكبير بيحب الطبخ
وكنت دايما اشوفو يفوت ع الموقع هاد
فطلعت الفكره ببالي ادخل واشوفو
بس بجد موقع بيجنن فيه كل شي بتحتاجو
واكتر حاجه عجبتني بصراحه انو لو عندي
سؤال بطرحو بلاقي رد مو متل باقي المواقع
الاولى اللي فتت عليها
بس بجد تسلمي كتير كتير ع المنتدى والوصفات
وكل شي تسلم ايدك
* __ ^
شكرا كتير الك لهل الرد الحلو و شكرا لاخوك الي جابك لعنا
منورين و الله
شكراا كثير لك اختي منى على وصفاتك المميزة انت مبدعة
تعرفت على الموقع عن طريق منتدى لك من 3 سنوات او اكثر ماشاء الله
اتمنى لك التوفيق والمزيد من العطاء واسال الله ان يفرج هم سوريا يارب
شكراً لميا الك لكل كلامك الحلو , مشرفة الموقع و منورتيه يا قمر
أمين , قريب يا رب
تعرفت ع موقع عن طريق قول كنت ببحث عن وصفه ثوميه بدون بيض
شرفتينا سارة
تعرفت عالموقع عن طريق الصدفة لما شفت البنات عم يحكو عن الاكلات السورية اللي عاصولها و حبيتو كتير و راسا سجلت فيه و عم دور بكل الوصفات
يعطيكي الف عافية ست منى عهالموقع المميز
مية السلامة نورتي و شرفتي
تعرفت بالصدفة عالفيسبوك على شخصية منى الرائعة بكل مجالات الحياة و صرنا أصدقاء
حبيت فيها أم , مبدعة , قارئة , مصورة صاحبة حس عالي بكل شي و إذ بشوف مرة أنها منزلة بوست أكل و عم تحكي أنه موجود على لقمة طيبة
لط و طلعت أحلى شيف
تشرفت بمعرفتك ست منى و الله يزيدك تألق
يا رشا هل الكلام بيعنيلي كتير ، ان شا الله كون انا هيك و الشرف الي فعلا
لو سمحتو كيف أسجل بموقع لقمة طيبة لأني اعشق الموقع وما عم اعرف أسجل فيو
انت فيه منال
شرفتي ونورتي ياااعسل