براونيز بكريما الخمس دقايق السرية· ينخل الطحين مع البيكنغ بودر و الملح و القرفة , يبشر الجزر و البرتقالة ثم تعصر , يحمى الفرن على درجة حرارة 180 درجة مئوية .
· يخفق البيض حتى يصبح هشاً ثم يضاف السكر و بشر البرتقالة و الفانيليا و يخفق الكل حتى يشتد المزيج و يسمك .
· يضاف عصير البرتقال و الزيت بالتناوب مع الطحين المنخول و يقلب المزيج بلطف و باتجاه واحد حتى يتجانس المزيج و أخيراً يضاف الجوز و الجزر المبشور و يقلب الكل بلطف حتى تمتزج كل المواد .
· يصب مزيج الكاتو في قوالب المافن و يخبز في الفرن المحمى لمدة 20 دقيقة أو ينضج المافن .
· تجهز الكريما : تخفق الجبنة مع السكر البودرة و بشر البرتقالة و مقدار من العصير يكفي للحصول على كريما خفيفة و قابلة للمد .
· بعد أن يبرد الكاتو يزين بالكريما و أنصاف الجوز و يقدم مع الشاي أو القهوة .
2 بيض بدرجة حرارة الغرفة
رشة فانيليا
كوب سكر ناعم
كوب طحين
ملعقة صغيرة قرفة
ملعقة صغيرة بيكنغ بودر
رشة ملح
ربع كوب زيت دوار الشمس
بشر و عصير برتقالة صغيرة ( ما يعادل ثلث كوب )
نصف كوب جزر مبشور ناعماً
ثلث كوب جوز محمص و مفروم خشناً ( اختياري )
للتزيين :
5 مكعبات جبنة طرية ( كيري ) أو 100 غ من أي نوع أخر مثل فيلادلفيا
ثلثي كوب سكر بودرة منخول
بشر و عصير برتقالة صغيرة
أنصاف جوز ( اختياري )
• ينخل الطحين مع البيكنغ بودر و الملح و القرفة , يبشر الجزر و البرتقالة ثم تعصر , يحمى الفرن على درجة حرارة 180 درجة مئوية .
• يخفق البيض حتى يصبح هشاً ثم يضاف السكر و بشر البرتقالة و الفانيليا و يخفق الكل حتى يشتد المزيج و يسمك .
• يضاف عصير البرتقال و الزيت بالتناوب مع الطحين المنخول و يقلب المزيج بلطف و باتجاه واحد حتى يتجانس المزيج و أخيراً يضاف الجوز و الجزر المبشور و يقلب الكل بلطف حتى تمتزج كل المواد .
• يصب مزيج الكاتو في قوالب المافن و يخبز في الفرن المحمى لمدة 20 دقيقة أو ينضج المافن .
• تجهز الكريما : تخفق الجبنة مع السكر البودرة و بشر البرتقالة و مقدار من العصير يكفي للحصول على كريما خفيفة و قابلة للمد .
• بعد أن يبرد الكاتو يزين بالكريما و أنصاف الجوز و يقدم مع الشاي أو القهوة .
:cry والله من جيت على هل البلد مشتهية اعمل اي اكلة حلو بالفرن
فرني غريب عجيب بيشتغل من جنب واحد من داخل الفرن بالصدر و بتشوفي النار طالعة فيه
مرة جربت ساوي كيك قام نفخ من جنب و ما استوى من الجنب التاني و ما عاد عدتها
بس اكيد يعطيكي العافية
مشكلة الفرن هي صعبة :sigh
بتخلي الواحد يبطل يعمل أشياء جديدة :roll
ممكن تجربي انك تدير الكاتو بنص مرحلة الخبز للطرف التاني لحتى تتوزع الحرارة بشكل متساوي على كل أطراف الكاتو
يم يم شي كتير طيب :zzz
شكلا هي الأكلة التانية يلي رح جربا :grin
يسلمو إيديكي عنجد شي بشهي نيال أهلك عليكي
ممممممممم
معنى الكلام ان في اول أكلة :roll
يا ترى شو هي ؟؟
سلطة الجرجير و الا كاتو الموز
الله يخليك بدور و لا يحرمني هل الطلة الحلوة و الكلام المزووء 8)
اول اكلة كاتو الموز و طلع طيب كتير على رأي أهلي بي أكيد مو متل شطارتك و بطيبة اكلاتك بس نشالله شوي شوي بتعلم اصير متلك
ما شاء الله بدور
هي الوصفة مش سهلة و بدها شغل كتير و ما دامها نجحت معك فان شاء الله رح تسبقيني و صير انا اتعلم منك
صحتين و هنا يا رب
هلا ميمو الحلوة
عملتو بس بقالب كاتوبس ما نفش معي بدي أسألك اناغلطت وحطيت طحين self raise عجب مشان هيك ما نفش ولا شو؟
لا ما أظن هاد السبب نوارة :roll , ممكن تكون المواد الي استعملتيها باردة ؟ متل البيض و الطحين و عصير البرتقال , أو ممكن يكون الفرن انفتح أو أكل شي ضربة باول نص ساعة , في هيك شي و الا لأ ؟
يمكن عصير البرتقال كان بارد وباقي الشغلات كلها تمام
بس طعمتو كتير طيبة يممممم
جد ياميمو ابوسك على هالموقع
يلا منيح طعمتو طيبة , ان شاء الله المرة التانية بيظبط معك
انت الي ابوسك نوارة , يلا هانت كم يوم و بعزمك على الهمبرغر الشهيرة :grin
السلام عليكم و رحمة الله و بركاته
بتجنن هالوصفة اكيد البرتقال بالكيك في الو طعم خاص و كمان الجزر مع اني ماجربت كيك بجزر بس سمعت عن كيكة الجزر يا ريت ازا بتقدري اختي منى تحطيلنا ياها بشي يوم اكيد مو هلأ بس بعدين انا ناطرة موسم البرتقال تحتى ساوي كيك البرتقال بكريما البرتقال و كمان هالوصفة و يا ريت لو عندك كمان وصفات بالبرتقال تحطيهم شي يوم شكلي هالسنة راح ساوي هجوم على البرتقال :grin
عندي سؤال مكونات الكريما تخفق بالخفاقة الكهربائية او بملعقة و هل يمكن الاحتفاظ بها في البراد لتاني يوم
و كمان يا ريت تقليلي كم حبة عملتلك تأعمل حسابي و كمان قوالب المافن مليتيهم للنص او ثلاثة ارباع
جازاك الله خيرا على كل الوصفات و على مساعدتك النا و جعله في ميزان حسناتك
بالتوفيق
سلام
أكيدة ان شاء الله بس يجي موسمه رح نزل اله وصفات جديدة , عندي كتير وصفات زعلانيين مني بدهم اني اجربهم و انا بقلهم طولوا بالكم ليجي وقتكم :grin
الكريما بتخفقيهم بمضرب السلك أو بالخفاقة الكهربائية بس اهم الشي ان السكر يكون بوووودرة ناعمة تمام و فيك تحتفظي فيها بالبراد لتاني يوم شرط تغطيها منيح لحتى ما تنشف, هلا ما بذكر كم حبة عملت لي بس لما بحضر الوصفة بقالب كيك بتعطيني قالب من الحجم الوسط
و القوالب لنصفهم بمليهم 
من عيوني اختي أي سؤال انا حاضرة
يعنى ما ينفع اعملها بالخلاط مثل الكيك العادى ولا لازم مضرب البيض؟؟
اختي انا قليل ما اعمل كيك بالخلاط , كله بمضرب البيض . بس في كتير من الستات بتحضر كل الكيك بالخلاط و بينجح معاها , ممكن تجربي و تخبريني اذا ظبطت او لا
انا كنت باعمل كله بمضرب البيض بس في مصر..
ولما جيت هنا ماعنديش مضرب بيض للأسف بس كل الكيك اللى باعمله بالخلاط بيطلع حلو
ح اجرب وربنا يستر :roll
و انا بانتظار النتيجة و انشاء الله بيطلع لذيذ و بيظبط معك
السلام عليكم و رحمة الله و بركاته
ساويتهم اليوم و كنت حاطة ايدي على قلبي لان خفت يبين ان فيه جزر بس طلعو كتير طيبين و هالمقادير عملتلي 11- 12 قطعة من الحجم المتوسط بس طلعو شوي حلوين بالمرة الجاية راح حط اقل من كاسة سكر
و ما كان عندي جبن فخلطت متل منال العالم شوية سكر بودرة مع شويييييييييية حليب لحتى وصل للقوام المطلوب و زينتهم فيهم
جازاك الله خيرا اختي منى على الوصفة عنجد كتير طيبة و راح ارجع ساويها بالمستقبل و لا تنسي تلحقيني على وصفة كيكة الفواكه
بالتوفيق
سلام
هنا و الف الف عافية و صحة وكمان فكرة لذيذة الي عملتيها
لاحقتك :grin
السلام عليكم و رحمة الله و بركاته
اختي منى بعد النجاح الساحق لهالوصفة و انه الجزر ما بين فيها اتشجعت ساوي كيكة الجزر خصوصا انو متوفر عندي هاليومين بتمنى اذا في عندك وصفة لكيكة الجزر تحطيها بس تقدري
بالتوفيق
سلام
هلئ هو طيب بس ما نفش معي بس انا عملتوا بقالب عادي هلئ بجوز ايكون القالب كبير شوي ههههههههه لهيك مابعرف استنى وكمان
عملت بزيت ذرة مو عباد الشمس ههههههههه ياتا هيدا السبب :upset
هلا ضحى حبيبتي
ما اله علاقة نوع الزيت الي استعملتيه
يمكن قالبك كان كبير لان هل المقدار بالقالب رح يطلع قليل
على فكرة لمن اجت عمتك لعندي من شي سنتين , كنت محضرتلها هل الكيك بس بقالب و كتيررر حبته
وانا عجبني وحبيتوا (خدوا البنات من صدور العمات)
:p
مرسي
:zzz
مرحبا رح خبركن المعركة الطاحنة اللي صارت بيني وبين هالكاتو انا غالبا لما بعمل كب كيك بمللي ورق الزبدة تلت رباعن حطيتن بالفرن وعينكن تشوف شو صار بعد ربع ساعة كللن فاروا وتعبت الدنة…….والفرن اللي عم بعمل عليه بيعمل من جوا قبل من برا قمت فتحت الفرن لحتى دير الصينية قاموا خفسوا ههههههههه وطولوا بالفرن اكتر من نص ساعة ومنظرن بنوووووووب ماحلو بس طعمتن طيبة الله ستر ههههههه ونكهة القرفة فيهن كتير طيبة مع الجوز يالله خيرا بغيرا بس هي الوصفة رح خليها تختمر عندي بالدفتر شهر زمان وبعدين برجع بحاول بعملا ….. سلام……