براونيز بكريما الخمس دقايق السرية
كيلو مغربية
كوب حمص جاف
1 – 2 ملعقة كبيرة سمنة بلدية
3 – 4 حبة بصل من الحجم المتوسط
ملح
• ينقع الحمص قبل بيوم من تحضير المغربية بالماء ثم يغمر بكمية كبيرة من الماء المملح و يسلق حتى ينضج .
• قبل تمام نضج الحمص تضاف حبات البصل المقشرة و تترك حتى تتم نضجها .
يرفع الحمص و البصل من ماء سلقه و يترك جانباً .
• يغلى ماء سلق الحمص مجدداً على أقوى نار و يجب أن تكون كمية المرق كبيرة لفسح المجال لحبات المغربية بالتحرك بحرية داخل الطنجرة حتى لا تلتزق بعضها ببعض , يعدل الملح و بعد أن يغلى المرق تضاف المغربية و تترك حتى تغلي مجدداً .
• توضع الطنجرة على الراس المتوسط من النار و تترك حبات المغربية حتى تنضج لمدة 5 دقائق .
• تصفى المغربية من المرق ثم تفرد فوراً على صينية كبيرة و تترك حتى تبرد .
• يقلب البصل و الحمص بالسمنة قليلاً , أنا استعمل طواية غير لاصقة كبيرة , تضاف المغربية و تقلب لمدة 10 دقائق أو حتى تتغلف بالسمنة و تأخذ نكهتها ثم تقدم مع الكفتة بالصلصة أو السماقية أو مع المخلالات المختلفة و خصوصاًُ مخلل اللفت .
مساء الخير ست منى كيفك ان شاء الله تمام
زكرتيني بهالاكلة صرلي زمان كتير ما اكلتا :cry اشتهيت اعملا بس ما بعرف اذا عنا العجينة :zzz
المهم تسلم ايدك اكلة طيبة
ذكرتيني بالمغربية كنا برمضان كتير نعملا بلبنان يا بجاج او مع بصل بس نحن منحط بهار معا القرفة والكراوية هني سر النكهة الطيبة غريبة انت مش ذاكرة بهارات
يميميمييي كنير طيبة المغربية كنت انا حبها لاني متل الكور والكلال ههههههههه ولي شو كنت انبسط فيا لما اكول
شكرا منى
بس ياريت اضيفي المغربية اللبنانية على ما اعتقد بيحطوا كرواية
على العموم مرشي الك ممنونة لطفك
:p
:zzz مممممممم تسلم هل الديات بصراحة انا كتير بحب هل الاكلة والحمدلله انو متوفرة بالمانيا الله يعطيكي الف عافية ويارب يديم الصحة عليكي
يسلموووو ايديكي منى انا كتير بحب هالاكله بس ولا مره جربت اعملها باكلها بسوريا بس وما بعرف اذا موجوده المغربيه هون عنا بالسعوديه رح شوف اذا بلاقيهاااا
تسلمي منى
مية هلا أم علي
اتوقع موجودة و ممكن تنعرف بالكسكس اللبناني و أحياناً , بالكسكس الاسرائيلي , الله لا يوفقهن حتى هي سرقوها :roll
هلا أم نور
اي نحنا طريقتنا مختلفة عن الطريقة البنانية و منقدمه مع صلصة حامضة , ما بعرف اذا ممكن تعجبك بهل الطريقة , اتمنى تجربي و لو كمية نمنومة
مية هلا ضحى
طيبة كتيرر
هنا على قلبك , ليش كل الاولاد هيك , بذكر اني كنت خلص الحمص اول لأن ما حبه و بعدها ابدى بالمغربية , نمممي و هلا اولادي نفس الشي تمام و الله كان أنا علمتهن :grin
رح ضيفها و كمان رح ضيف شوربة المغربية
هلا ام دانية
الله يعافيكي يا قمر و هي هي الدعوات الي بتبل القلب ان شاء الله الك متلها و أغلى
هلا سلاف
الله يسلمك و ان شاء الله تجربيها و تكون متل الي بتاكليها بسوريا و اطيب , اكيد لازم تلاقيها بالسعودية
ياربي انا كتير بحبها وهون مافي منها وانا يمكن يمكن ها اكون حامل واشتهيت عليها بقا شو العمل :eek عن جد بتشهي يسلم دياتك ياقمر
ولي على قامتي يا شيلو الصحن من ادامك يا شيلوك من ادام الكمبيوتر :grin
على هل السيرة في واحدة بتعرفها حماتي اشتهت على مغربية و هي حامل طلعت حبتين مغربية بوجه البنت و ملزوقات ببعض , يعني الله يستر عليك هل القصص ما فيها مزح :zzz
تسلم دياتك منوشة على هالأكلات يا سلام ذكرتيني لما كنا نعملها في الشتا بسوريا مع عصير الرمان ياي ما ألذها ، الله يحفظك شو نفسك طيب
صاير ما بعدي علي أسبوع إلا ولازم جرب وصفة على الأقل من وصفاتك وكلهم بطلعوا طيبين والله يوفقك بالموقع التاني بس أن شاء الله ما يشغلك عنانحن طماعين شوي
بالنسبة للأخت سلاف المغربية بتلاقيها في قسم الحبوب والمعكرونة وهيك أشياء بس بتجي جافة يعني رح تاخد وقت شوي طويل لوقت ما تستوي
:grin
اليوم تأكدت اني حامل وشو مشان المغربية خلص بطلت اشتهي عليها ويمكن خلال الحمل مابقى تشوفيني بالموقع بالمررررررررة :grin
هلا ام هدى
ممم طيبة كتير مع عصير رمان , و ان شاء الله هنا و الف عافية على الطبخات الي عم تجربيها , كتير انبسطت انهم عم يعجبوك ,
بس اكيد لا تنسي تخبريني شو جربتي و ان شاء الله بقية الاخوات تستفيد من ردك لحتى يعرفوا من وين يجيبوا المغربية :zzz
هلا رنونة
الله يقومك بالسلامة حبيبتي و يكون ولد بخير و عافية و تقي و نقي و صاللح و بار بوالديه و مرزوء في الدنيا و مسعود في الاخرة , ااامين
لااا بزعل اذا ما شفتك , انت غمضي عينك عن الصور و بيعينك الله :grin