براونيز بكريما الخمس دقايق السرية
· تقطع حبة القرنبيط لزهرات ثم تقلى بالزيت حتى تشقر , ترفع على ورق ماص للتخلص من الزيت الزائد .
· تذوب السمنة على النار ثم يقلب فيها الثوم قليلاً , تضاف اللحمة و تقلب حتى تنضج و يجف مرقها ثم تتبل بالملح و البهار و الكمون .
· تضاف حيات القرنبيط المقلية و تغمر بالمرق و تضاف الكزبرة الخضراء في حال استعمالها .
· تترك المنزلة على النار لمدة ربع ساعة أو أقل حتى تطرى حبات القرنبيط مع مراعاة أن لا يترك لوقت إضافي كي تبقى الحبات محافظة على شكلها الجميل .
· تقدم مع رز مفلفل بالشعيرية و عصير الليمون أو سلطة حامضة و المزيد من الكمون لمن يرغب .
وصفات تانية ممكن تعجبك :
مقلوبة الفرنبيط
غراتان القرنبيط على الطريقة الفرنسية
قرنبيط بالطحينة
قرنبيط بالتتبيلة الخاصة
مخلل الخضار المشكلة
رأس قرنبيط متوسط الحجم ( زهرة )
ملعقة كبيرة سمنة
ربع كيلو لحمة مفرومة ناعم
3 – 4 فص ثوم مهروس
ملح و بهار مشكل
رشة كمون
2 - 3 كوب مرق
• تقطع حبة القرنبيط لزهرات ثم تقلى بالزيت حتى تشقر , ترفع على ورق ماص للتخلص من الزيت الزائد .
• تذوب السمنة على النار ثم يقلب فيها الثوم قليلاً , تضاف اللحمة و تقلب حتى تنضج و يجف مرقها ثم تتبل بالملح و البهار و الكمون .
• تضاف حيات القرنبيط المقلية و تغمر بالمرق و تضاف الكزبرة الخضراء في حال استعمالها .
• تترك المنزلة على النار لمدة ربع ساعة أو أقل حتى تطرى حبات القرنبيط مع مراعاة أن لا يترك لوقت إضافي كي تبقى الحبات محافظة على شكلها الجميل .
• تقدم مع رز مفلفل بالشعيرية و عصير الليمون أو سلطة حامضة و المزيد من الكمون لمن يرغب .
وصفات تانية ممكن تعجبك :
مقلوبة الفرنبيط
غراتان القرنبيط على الطريقة الفرنسية
قرنبيط بالطحينة
قرنبيط بالتتبيلة الخاصة
مخلل الخضار المشكلة
صباح الورد لاغلى منى
يسلم ايديكي يارب لما شفت الصوره فرحت كتير لأن هيه الاكلة المفضله عندي بالزهره 00 ماما الله يخليلي ياها كانت عطول تعملها وتعلمتها منها00 وانبسطت كتير انه متل طريقتك :zzz
والله الواحد عم يحتار شو بدو يعمل عالغدا كل يوم ذكرتيني بهالاكله
منى بكره عندي عزيمه وبدي اعمل الكبه المشويه عطريقتك ان شاء الله بتنجح معي
بكره يبقى بخبرك بالنتيجه ان شاء الله :roll
جربت من كم يوم كاتو شوكلاكولا وطلع يمييييييي بجنن طعم ولون وصوره 8)
هلا سلاف
صباح الفل و الياسمين و الورد الجوري , مم و الله معك حق هي أكلة طيبة كتير بهل الشتوية
منيح الي ذكرتك فيها , هنا و عوافي لما رح تعمليها
الله يسر عليك العزيمة و يهونها و تطلع ناجحة كلها , عم استنى شو بيصير معك على الكبة
و الف هنا على الشوكولا كولا , ريتو عافية و صحة يا رب
يسلمو ايديكي هي من أطيب الأكلات عندي وفعلا بالشام ما منطبخ هالأكلة بلا كزبرة ابدا بس أنا بحط التوم والكزبرة باخر خمس دقائق وعلى البارد يعني بدون تقلاية وبتطلع النكهة طيبة كتير وشكرا لك غاليتي ويخليلنا هالموقع وصاحبتو يلي عم تقدم المطبخ السوري للعالم بطريقة حلوة
مسا الخيرات على الحلوات كيفك ميمو الله يسلم دياتك يا حق والله ماما بتعملها متل طريقتك تمام بس بدون كزبرة خضرة وكتير بحبها من تحت دياتها شكرا الك انك عبتذكرينا بهالاكلات اللذيذة
هلا ميوسة
كمان فكرة طيبة الي قلتي عليها و رح تطلع فريش , انا بحن كتير نكهة التوم و الكزبرة , يعني ماشين مع بعض تمام متل زوجين حلويين :grin
الشكر الك لردك و كلامك الحلو و هادا بس من زووءك يا عسل
هلا غيوثة
انا الحمد لله منيحة ,. ربي يسلمك و يحفظك و يخليك , اذا بتحبي الكزبرة فيك تجربيها معها لان بتطلع لسا اطيب :zzz
سلمون يا منى الصراحة هالاكلة اكلتا مرة عند حبيبة قلبي ندا شو عجبتني فعلا كتير طيبة وتغير شكل
كيفك منى :zzz
امبارح ساويت الكبه المشويه على طريقتك وطلعت بتجنن كتير عجبتهن لضيوفي بس انا حسيتها ناشفه شوي يمكن شحمتها قليله 000 سألوني سؤال وماعرفت جاوب قلتلهن لئسئل منى حتى لاافتيكم بما لا ادري 8)
منى الكبه المشويه اذا زادت هبرتها كتير عن البرغل بتطلع ناشفه ولا بتطلع اطرى بالشوي؟؟؟؟؟؟؟
المقليه اكيد بتطرى لان صايره معي اول ماعملت كبه مقليه من اربع سنوات بس المشويه عالفحم حصرا شووو؟؟؟
وكمان سؤال انا خليت كم قرص بالفريزه هلا اذا بدي اشويهن بالفرن بشويهن عادي ولا لازم حط سمنه ؟؟؟؟ والكبه اذا مو مشويه لسه أديه بتضاين بالفريزر؟؟؟
والله يامنمن الله يخليلي ياكي بيضيتلي وجهي من قلبي ومن جواته شـــــــــــــكرا مليون
هلا سلوفة
اسفة للتاخر بالجواب , اليوم أخر يوم امتحانات عند اولادي يعني اليوم افراج و هلا كنت فايتة نام بس اتزكرت سؤالك قلت لجاوب احسن ما اتاخر عليك أكتر من هيك :zzz
الكبة بتكون ناشفة من قلة الشحمة و الهبرة ما الها علاقة بالعكس كل ما كانت كميتها مناسبة مع البرغل رح تطلع أطيب بعد الشوي , يعني المشكلة بالشحمة
الي شاتيهم بالفريزر كان الاحسن تشويهم قبل و بعدها تسخنيهم عادي بالفرن , هلا أتوقع ان بدها بس شوية سمنة , بس انا مو مجربة :roll
الشكر الك و لتجربتك وصفاتي و ثقتي في
حبيبتي منى أنا كتبت بهالصفحة تعليق وفيه وصفة بس الظاهر كأنو ما طلع
منزلة بزهرة طيبة كتير بس نحن ماما بضيف عليها شوية رب بندورة لتغيير اللون فقط
والكمون كل واحد بيحط بصحنه وطبعاً متلك ما بنحط كزبرة بقلب الطبخة بس للتزيين على وش الصحن ممكن شوية كزبرة
يمممممممممم ومع الحمض شي بشهي بجد :grin
وممكن اعطيك وصفة ثانية للقرنبيط
القرنبيط بتقليه بالزيت مع ثوم وكزبرة شي بشهي طبعاً بس بتكوني مقطعة القرنبيط قطع صغار نوعاً ما
واما أوراق القرنبيط بنقشرها وبنقطعها وكمان بنطبخها بالزيت وبنحط معها ثوم وكزبرة
تسلم ايديكي يا امهر طباخة
هلا ام الهدى
طلع و حفظت الوصفة , الله يعطيكي الف الف عافية عليها , شكلها بيشهي
ممم , دمدومة انت لما بتحطي انا بحس حالي لازملي جولة على البراد … جعت انا :grin
سبحان الله هل الوصفة محضرتها و كنت ناوية نزلها , بس هلا اتاجلت لبعد المنيو التركي , ما في اطيب و لا اسهل منها.
بكرة أو عده رح تكون وصفتك على الصفحة الرئيسية مصورة و معلقة فوق , ابقي زوريها ان شاء الله :zzz
يا ستي يعطيكي ألف عافية ما قصرتي يعني معلمة بالمطبخ السوري بشكل شامل
ومتل ما ذكرت الأخت ميساء مزبوط ما بنقلي لا الثوم ولا الكزبرا وبنحطهم آخر الشي فقط غلوة
والله احترت رجعتي شهيتيني هالأكلة شو أعمل هلأ المقلوبة ولا هي :zzz
والله شكلي رح اقلي الزهرة مع حبتين بطاطا وخليها مقالي لوحدها مع رشة كمون وعصرة حامض ويا سلاااام :grin
اسهل شي :grin
يلا نوعي الشتا لسا باوله و كل شوي حضري وصفة , ممم و انا كمان اشتهيت و الله :zzz