براونيز بكريما الخمس دقايق السرية
· يوضع الحليب على النار و يترك حتى يغلي .
· يغسل الرز بالماء البارد جيدا ثم يضاف للحليب و هو يغلي , لا يجب أن ينقع الرز لأننا سنستفيد من النشا الموجود في الرز لتسميك الحليب .
· بعد اضافة الرز للحليب يترك حتى يغلي مجدداً ثم تهدى النار و يترك لمدة ساعة تقريباً مع التحريك من فترة للثانية بلطف حتى تنتفخ حبات الارز و تنضج , في نهاية المدة سنلاحظ أن المهلبية بدأت تشكل طبقة في قاع الطنجرة و هذا ما سيعطي المهلبية طعمة تشويط خفيفة و لذيذة .
· يوضع المزيج في خلاط العصير و يهرس تماماً حتى تختفي حبات الرز و الحصول على مزيج متجانس , و يمكن استعمال الخلاط العامودي .
· ترجع المهلبية للنار ثم يضاف السكر و القشطة و تحرك المهلبية حتى يذوب السكر , يبعد القدر عن النار و يضاف ماء الزهر حسب الذوق .
· تصب المهلبية في صحون صغيرة و توضع في البراد حتى وقت التقديم .
3 ليتر حليب سائل
3 فنجان صغير رز مصري
3 فنجان صغير سكر
ماء الزهر
علبة قشطة
• يوضع الحليب على النار و يترك حتى يغلي .
• يغسل الرز بالماء البارد جيدا ثم يضاف للحليب و هو يغلي , لا يجب أن ينقع الرز لأننا سنستفيد من النشا الموجود في الرز لتسميك الحليب .
• بعد اضافة الرز للحليب يترك حتى يغلي مجدداً ثم تهدى النار و يترك لمدة ساعة تقريباً مع التحريك من فترة للثانية بلطف حتى تنتفخ حبات الارز و تنضج , في نهاية المدة سنلاحظ أن المهلبية بدأت تشكل طبقة في قاع الطنجرة و هذا ما سيعطي المهلبية طعمة تشويط خفيفة و لذيذة .
• يوضع المزيج في خلاط العصير و يهرس تماماً حتى تختفي حبات الرز و الحصول على مزيج متجانس , و يمكن استعمال الخلاط العامودي .
• ترجع المهلبية للنار ثم يضاف السكر و القشطة و تحرك المهلبية حتى يذوب السكر , يبعد القدر عن النار و يضاف ماء الزهر حسب الذوق .
• تصب المهلبية في صحون صغيرة و توضع في البراد حتى وقت التقديم .
ان شاء الله رح تبيض وجهك ادام الضيوف
ابقي خبريني شو بيصير معك أختي إذا الله راد
انا كتير بحبا لهل الاكلة
و ضروري ضروري ساويها
بهل اليومين ان شالله لانو رح يجيني ضيوف
ان شا لله تزبط معي و تبيض وجهي قدام الناس
سلام عليكم
انشالله تكون وصلت فكرتي
زمان ما علقةعلى هالاكلات الحلوة بسبب ضيق الوقت بس كل يوم لما افتح النات بفوت بشوف شو في جديدالله يخليكي اخت منى كلك زوء .
بدي اسألك هلىء هالوصفة ممكن نسميا رز بحليب او هيداك غير طريقة والمهلبية انا بعملا بنشا اكيد في فرق بينا وبين الرز مهاك
هلا ام نور
نور الموقع بردك الحلو و تواجدك الطيب اختي ..
ام نور الرز بحليب غير شي , منطبخ الرز مع الحليب بمعدل فنجان قهوة لكل ليتر حليب ..
بس ما غلى الحليب منطب الرز المغسول من دون نقع فوق الحليب و منخليه يغلي لحتى تستوي حبة الرز من دون ما تنهمس
و كمان ما منحرك كتير لحتى ما تتكسر حبات الرز و بعد ما بيستوي نضيف السكر على الزوء و منخليه يغلي تقريبا 5 دقايق مو أكتر لحتى ما يتغير لون الرز بحليب
منبعده عن المار و نضيف ماء الزهر ..
المهلية العادية بتنطبخ بنشا , و بتطلع طيبة كتير , بس انا بحب هل المهلبية أكتر
هيك بتكون طرية و غير عن مهلبية النشا
ما فيني اشرح الفرق بالطعم بس في فرق , و إذا بتحبي جربي ليتر واحد و احكمي بنفسك
على فكرة انا هل المهلبية بيطلبوها مني كتير ناس بالتحديد لما بيجوا لعندي , حتى صار اسمها بين القرايبين مهلبية منى
السلام عليكم و رحمة الله و بركاته
جازاك الله خيرا اختي منى على الوصفة و ان شاء الله راح جربا بس قليلي الكمية اللي ساويتيها لكم شخص
و الرز بحليب كمان بدي ساويه فشكرا على شرح الطريقة و شكرا لاختي ام نور على طرح السؤال
سلام
هلا سارونات
الكمية لـ 12 شخص من الضيوف أو 6 من أهل البيت لأن أهل البت أكيد ما رح يكفيهم واحد و رح ياكلوا التاني و الله يستر مو التالت :grin , الصراحة انا حتى ضيوفي بياخدوا منها أكتر من صحن و هادا الطبق الرسمي الي بينطلب مني في العيد 
طريقة الرز بحليب موجودة بالتفصيل [URL=http://www.l2ma.com/content/view/466]على هل الرابط[/URL]مع الصورة
السلام عليكم و رحمة الله و بركاته
هنا و عافية على قلوبكم كلكم و ان شاء الله تكتر الطلبات الرسمية كمان و كمان
ستتم التجربة و ببقى خبرك بالنتيجة
اختي منى بدي اطلب منك ازا في وصفات متل المهلبية و الرز بلبن و كمان وصفات تانية تقدم في اطباق فردية و تكون ساخنة بما الجو كل مانو عم يبرد
الله يجازيك كل خير و يجعله في ميزان حسناتك على كل اللي عم تعلميني ياه
بالتوفيق
سلام
من عيوني اختي بس هل الوصغات كلها بتتقدم باردة , ألف شكر على الدعوات و الك متلهن يا حق
أكلة كتير طيبة حبيبتي في الله ..
طيب عندي فكرة .. :grin لأني أحب كثير أخترع وأضيف أشياء غريبة والحمد لله غالبا تنجح .. وراثة :grin
ممكن لما بنضيف السكر والقشطة ونرفع الطنجرة على النار مرة ثانية نضيف :
- كاكاو أو شيكولا ونقلب لحتى تمتزج وأفضل لو نقسم المهلبية لقسمين على طنجرتين ونقلب الشيكولا بواحدة والثانية نتركها بيضا ، وعند الغرف نضع قليل من المهلبية الشيكولا ثم البيضا ثم نضع تزيين للوجه بالمهلبية الشيكولا ..
شو رأيك ؟
- وممكن نضيف ما أدري الأفضل عند وضع القشطة والسكر او عند خفق المهلبية بالخلاط نضع بودرة جيلي فراولة أو مشمش أو :grin بودرة الآيس كريم كراميل أو فستق أو مشمش أو فراولة ونقلب
وممكن نقسم المهلبية على طناجر بحيث نحصل على عدة ألوان ومزاقات وعند الغرف نضع قليل من كل لون بطريقة جذابة في أواني شفافة مثل التي بالصورة ويزين بصوص الشيكولا أو التوفي
امممممممم شو رأيك ..
أنا جربت ما سبق من قبل على أطباق الأرز باللبن وطلعت جد شهية وجنونية ولذيذة
:grin
مممم جمان افكار بتاخد العقل لازم اكتبها و احفظها عندي , كل فكرة احلى من التانية , اتخيل الالوان و الأطفال شو رح يصير بحالتهم النفسية :grin
الفكرة الي صارت براسي و رح نفذها ان شاء الله هي المهلبية مع الشوكولا و الجيلو و التوفي , الوان تحفة و شي بيشهي
سلم دياتك جمان على هل الافكار , ردك أأغنى الوصفة
السلام عليكم
وهذه ايضا تجربة ناجحةلي من موقعك جزاك الله خيرا
عندي لك سؤال ما هي القشطة التي اضفتيها
انا جربتها امس واولادي احبوها الحمدلله
انا اضفت علبة من الكريم السائل هذا الكريم هو الذي اجهز به القشطة
ولك جزيل الشكر
يسلمو إيدك
أهم شي انها عجبت بنوتي إللي معزبتني بالأكل وصارت تاكل صحن لما ترجع من المدرسة
طبعا بني أنا وزوجي دائما في مسألة السكر أنا الأكل عندي سكرو زيادة وهو سكر قليل
هلا ام سيمى
صحتين و الف الف هنا و عافية يا رب , كتير انبسطت انها عجبتهن و عجبتك
اختي القشطة الي استعملتها هي القشطة المعلبة و فيك تستعملي الكريم السائل اكيد , الي متوفر عندك :zzz
هلا نعوم
الله يسلمك و الف هنا و صحة يا رب كتير انبسطت انها عجبتك و انتي متل حكايتي بالسكر , انا ما كتير صحبة مع الحلو و بقية العيلة عكسي :zzz