براونيز بكريما الخمس دقايق السرية· تتبل شرحات الفروج بالقليل من القرفة الناعمة ثم توضع في طنجرة للسلق مع اضافة الماء و ورق الغار و تسلق نصف سلقة .
· في هذه الأثناء نذيب نصف باكيت الزبدة على النار ثم نضيف اليه الثوم المهروس و يقلب حتى يشقر مع المحافظة على اللون الفاتح .
· نضيف الفطر المقطع و نتركه على نار هادئة و الطنجرة مغطاة حتى يذبل الفطر .
· بعد أن ينضج الشرحات ترفع من مرق السلق و تضاف لخلطة الزبدة و الثوم و الفطر و نتركها على النار الهادئة.
· نضيف علبتين القشطة و الزعتر الأخضر مع التحريك .
· تذوب خلطة الماجي بالفطر بنصف كأس ماء ثم نضيفها للخلطة السابقة و نتركها على النار الهادئة قليلا حتى تتماسك مع بعضها و صحتين و هنا .
· يقدم هذا الطبق مع أرز الكبسة الذي يحوي الجزر المقطع أو الذرة إضافةً لسلطة الملفوف الأحمر المتبل بالحامض وليس المايونيز..
نصف باكيت زبدة
6 فص ثوم مهروس (أو حسب الرغبة)
كأس فطر مقطع
نصف كيلو شرحات دجاج
علبتين قشطة (نستله)
خلطة ماجي أو كنور بالفطر
2 ملعقة صغيرة زعتر اخضر (أو حسب الرغبة)
- لسلق الفروج :
قرفة ناعمة لتتبيل الفروج
ورق غار
• تتبل شرحات الفروج بالقليل من القرفة الناعمة ثم توضع في طنجرة للسلق مع اضافة الماء و ورق الغار و تسلق نصف سلقة .
• في هذه الأثناء نذيب نصف باكيت الزبدة على النار ثم نضيف اليه الثوم المهروس و يقلب حتى يشقر مع المحافظة على اللون الفاتح .
• نضيف الفطر المقطع و نتركه على نار هادئة و الطنجرة مغطاة حتى يذبل الفطر .
• بعد أن ينضج الشرحات ترفع من مرق السلق و تضاف لخلطة الزبدة و الثوم و الفطر و نتركها على النار الهادئة.
• نضيف علبتين القشطة و الزعتر الأخضر مع التحريك .
• تذوب خلطة الماجي بالفطر بنصف كأس ماء ثم نضيفها للخلطة السابقة و نتركها على النار الهادئة قليلا حتى تتماسك مع بعضها و صحتين و هنا .
• يقدم هذا الطبق مع أرز الكبسة الذي يحوي الجزر المقطع أو الذرة إضافةً لسلطة الملفوف الأحمر المتبل بالحامض وليس المايونيز..
جربتها بدور و كانت كتير تغير شكل و طيبة , بس التعديل الوحيد الي عملته هو اني قليت الفروج عوض ما اسلقه , يعني قلبته بالزبدة و الزيت لحتى استوا و بعدها عملت متلك .. تسلم دياتك ..
هلا عندي كم سؤال ؟ يا ترى الشرحات بتتركيها على حالها من دون ما تقطعيها ( أنا قطعتها مكعبات ) و كمان خلطة ماجي بالفطر بتقصدي فيها شوربة الفطر و الا شو ؟
سلم هالديات يا اخت بدور كلك زوء
انا دائما بعمل شي شبيه فيا لما بكون مستعجلة وماني محضرة طبخة متل شرحات الدجاج او الحبش المتوفر لدي بمقلاة التيفال اقليهم مع نتفة زبدة واثناء القلي اقطع بصل جوانح واضيف فطر او طبيعي او مجلد المتوفر عندي واهم الشي بهار الكاري والفلفل الاسود لان بيعطي نكهة مميزة لا الدجاج وعندما يستوي الدجاج ويشقر والبصل والفطر يدبلوا اضيف علبتان قشطة سائلة صغار او حسب كمية الدجاج اضيف القشطة بشكل يغمر الدجاج واتركهم 5 دقائق لا تتكاثف القشطة واكيد اضيف الكزبرة الخضرا اثناء قلي الدجاج والملح وبقلي بطاطا جنبا ولا اسهل ولا اطيب بنحكون تجربوها وايضا نفس الطريقة استبدل الدجاج بالمعكرونة المسلوقة ونفس باقي المقادير سدقوني اكلة خصوصي اذا فطر طازة والاولاد بيحبوا
ام نور شو هل الاضافة الطيبة , ايه الله وكيلك لو عندي جاجات كنت هلا قمت جربتها , انا بحب الكاري بكل شي و خصوصا مع الدجاج , تسلم دياتك يا رب
الله يسلمك ميمو الحلوة و منكم نستفيد يا قمر
و أنا رح جربا نشالله مع قلي الفروج و بيخطرلي فكرتك كتير حلوة و بيطلع أطيب.
بالنسبة للشرحات بتريدي تقطعيها و بتريدي تتركيها تنيناتون بصيروا و أنا عاملتها بالطريقتين حسب الموجود عندي بس شكلها و هي شرحات كبار أظن أحلى 8)
خلطة ماجي بالفطر هي نفسها شوربة ماجي بالفطر بس طبعا كمية الماء المضافة نص كاسة فقط
نشالله صحة و هنا و عئبال ما أتحفكون بأكلاتي كمان و كمان بس ما تشدي ايدك كتير :grin
الله يسلمك أختي أم نور الشطورة والله انتي يلي كلك ذوق و أفكارك حلوة كتير و رح جربا نشالله للإنها سهلة و مبينتها طيبة كتير..
أنا كتير بحب أكلات الفروج و نكهة الكاري خصوصا :p
شكرا على هالتشجيع وهالأفكار الحلوة
و اخيرا طلت بدورة
متل ما اتوقعت , ان خلطة افطر هي نفسها شوربة الفطر , سلم دياتك , و يا ستي بدي شد ايدي :grin
ايه والله و أخيرا..
حقك, صرلك زمان ما شفتي طلتي العظيمة :grin
بس والله انتي ديما بالبال و مشتاقة لأكلاتك و لموقعك الحلو يلي مالي غنى عنو أبدا أبدا
والله يسلم ايديكي الحلوين يا رب و يباركلك كمان و كمان.
ابوسك بدورة , هلا نورت طبختك
ان شاء الله الك متل هل الدعوات الحلوة و اكتر كمان
السلام عليكم ورحمة الله وبركاته
كيفك اخت بدور تسلم ايدك على هالوصفة اللذيذة جدا انا اليوم عملتها وكانت كثير طيبة اولادي وزوجي حبوها كثير وانا عملت مثل الأخت منى قليت الدجاج بس عن جد شي كثير طيب تسلمي يارب على الوصفة
اختي منى والله مشتهية اشوفك
على راسي آل الصابوني كلهم وخصوصي لأنوانت منن
هلأ صحيح أنا حلبية بس ما تقولي انو من بيت فستق
تسلم ايديك بدور وام نور
جزيتم خيرا
على فكرة كمان انا ام نور