براونيز بكريما الخمس دقايق السرية· تعجن عجوة التمر ( المنزوعة النوى و التي تسعمل في الحلو ) مع ماء الزهر حتى تطرى و لسهولة العجن توضع في المايكروييف قليلاً ليسخن التمر و بطرى كتير .
· تعجن مع بسكوت سادة مكسر و تشكل على شكل دقماق المرتديلا .
· تدحرج القطع على السمسم المحمص حتى تتغلف كلها و توضع في البراد فترة ثم قطعيها إلى بكرات وذوقيها.. طعمتها رائعة وما بتاكل شغل… جربيها و عطيني رأيك…
عجوة التمر
ماء زهر
بسكوت سادة مكسر
سمسم محمص
• تعجن عجوة التمر ( المنزوعة النوى و التي تسعمل في الحلو ) مع ماء الزهر حتى تطرى و لسهولة العجن توضع في المايكروييف قليلاً ليسخن التمر و بطرى كتير .
• تعجن مع بسكوت سادة مكسر و تشكل على شكل دقماق المرتديلا .
• تدحرج القطع على السمسم المحمص حتى تتغلف كلها و توضع في البراد فترة ثم قطعيها إلى بكرات وذوقيها.. طعمتها رائعة وما بتاكل شغل... جربيها و عطيني رأيك...
مممم
شميت الريحة لعندي ..
مرة دقت عند واحدة من رفقاتي حلو بيشبه هل النوع و بالفعل كان كتير طيب
تسلم دياتك نورا
تسلم إيديكي فعلا سهلة و مغرية و بصراحة أوحتلي بأفكار حلوة للتغيير في كل مرة
ممكن مثلا ننكهها بالقرفة و القرنفل و ممكن نحط جوز مفروم وممكن نحطها بصينية مستطيلة مبطنة بورق زبدة و بعدين منقطعها مكعبات صغيرة شوي بعدين شي بتتغلف بشوكولا و شي جوز هند و بنحطها بورق بليسيه وأحلى ضيافة للضيوف مع القهوة
شكرا حبيبتي عالوصفةلأنها فعلا مفيدة
سلامات يا صبايا…. والله فكرة ممتازة انه نحط معها قرفة وقرنفل وجوز لانه جوزي يعشق الجوز وكل ما بيدوق أي نوع حلو بيقول لي لو كان فيه شوية جوز او لوز بيطلع اطيب بس تخيلي يا منى (ومع انه الله شاهد انه بعمل انواع حلو من كافة الانواع) أنه قال لي لما عملت كاتو التفاح انه اطيب شي عملته…
عن جد يسلموا إيديكي طلع كتير كتير كتير طيب مع انه انا بميل لكاتو الشوكولا والكريما وهيك شي بس كاتو التفاح رووووعة… يسلموا إيديكي يا رب والحمد لله على رجعتك بالسلامة بعد الامتحانات لأنه طولتي الغيبة علينا…
إن شاء الله يكونوا الاولاد قدموا امتحانات منيحة…
وشكراً يا رينو على الإضافات وإن شاء الله رح أجربها واخبركم بالنتائج.
صحتين و هنا و عوافي ياا رب نورا
كتير انبسطت انك جربتيه و عجبك لان بالفعل لذيذ و سهل
الحمد لله الامتحانات منيحة و هلأ بقي بس نشوف الجلاءات و الدرجات و ان شاء الله خير :roll
يعطيك العافية مرة تانية على هل الوصفة الحلوة 8)
مرحبا اخت نورا انا جربت هالوصفة وكانت كثير لذيذة شكرا لك
كمان ممكن سوكسية بغير طريقة مو بس يالتمر
هلا دانيا
اكيد قصدك [URL=http://www.l2ma.com/content/view/63/2/]هل الوصفة [/URL], لان معروفة عنا بالسوكسيه بس السوكسيه الحقيقي غير وصفة :zzz