براونيز بكريما الخمس دقايق السرية
2 كوب رز مصري
2 كوب و نصف ماء
ملعقة صغيرة عصفر أو كركم
رشة كاري ( اختياري )
2 ملعقة كبيرة طحين أو نشاء أو حسب الحاجة
ملح
الحشوة :
2 ملعقة كبيرة زيت
ربع كيلو لحمة مفرومة
حبة كبيرة بصل مفروم ناعماً
ربع ملعقة صغيرة بهار مشكل
رشة قرفة و هال مطحون و جوزة الطيب
ربع باقة بقدونس مفرومة
ربع كوب زبيب
ربع كوب صنوبر أو لوز محمص
• يقلب البصل بالزيت حتى يشقر . تضاف اللحمة و تقلب حتى يتبخر كل مرقها ثم تتبل بالبهارات و الملح .
• تبعد اللحمة عن النار ثم يضاف البقدونس و الزبيب , أصبحت الحشوة جاهزة .
• ينقع الرز لمدة نصف ساعة ثم يغمر بالماء و يسلق حتى ينضج و يمتص كل الماء و الرز يجب أن يبقى طري قليلاً . يضاف لماء السلق القليل من الملح و الكاري و الكركم لإضافة لون أصفر جميل للرز و لا يضاف الزيت أو السمنة .
• يفرد الرز في صينية و يترك حتى يبرد ثم يعجن باليد أو يهرس باستخدام مهرسة البطاطا , هذه الخطوة أهم خطوة لتحضير كبة البطاطا كي تتماسك معك العجينة و لا تلتصق باليد أثناء التحضير .
• تقطع العجينة إلى كرات بالحجم الذي تفضليه ثم تؤخذ أول كرة و تفرد بالسبابة على شكل دائرة أو بشكل أقراص و تحشى بحشوة اللحمة و البقدونس ثم تدور بين اليدين حتى تغلق .
• تقلى الأقراص في زيت غزير و حامي حتى تحمر و يصبح لونها ذهبي ثم ترفع على ورق ماص و تقدم فوراً مع السلطة و الخضار أو اللبن و المخللات .
يسلم ايدكي يارب
شكلها بشهي منى اليوم صايمه ان شاء الله بجهزها بالليل واشتغل فيها منى بصير نساويها ونحطها بالتلاجه لتاني يووم ؟؟ كتير مشتهيه عليها اممممم والله مابعرف كيف بدي اشكرك ربي يجعل ايامك كلها نور وسرور ويجعل دعائك بهالعشر المباركات لا يرد وربي يجعلك من كل هم فرج ومن كل ضيق مخرج قولي امين :zzz
ااااامين
انا و انت و كل الي عم يقرأ
ربي يتقبل صيامك يا حق بهل الايام الفضيلة , الف شكر الك للدعوات , الشكر وصلني و فوقه مية الف بوسة سلوفة
اكيد ممكن تعمليهم من اليوم لبكرةو حتى فيك تفرزيهم
ان شاء الله تجربيها و تكون على زووءك
السلام عليكم و رحمة الله و بركاته
شو هالكبة الحلوة انا كنت عم دور عهيك وصفة من فترة ان شا ءالله راح جربها
امين يا رب العالمين و تقبل الله صيامك و طاعتك اختي سلاف و كل اخواننا المسلمين
اختي منى شو قصدك بمهرسة الببطاطا قصدك على اللي بتنهرس فيها البطاطا المهروسةو اللي هي اداة حديدية طويلة
اناشفتها بالتلفزيون بس ما عندي ياها ما بيصير
استعمل شوكة او ما بينفع لان قلتي هالشي احسن من الخلاط الكهربائي
بالتوفيق
سلام
منى بدي اسألك منشان كعك العيد بصير ضيف كاسة جبنة حلوم للعجينه ولا مابيزبط ؟؟ ومنشان الكبة ماصرلي ساويها صار عندي ظرف بس اعملها بقلك شلون طلعت معي بس حبابه ضروري تردي علي منشان كعك العيد انا بتذكر ماما نفس نقاديرك تقريبا وكانت تضيف جبنه شو رأيك؟
روووووعة
[B]null[/B]
تسلم اديكي يا رب
شجعتيني جربها
هلا سارونات
مية هلا اختي و ان شاء الله انت و كل عيلتك كمان
أختي استخدمت المهرسة الي عم تقولي عليها , ما أظن بينفع بالشوكة بس ممكن تطحيها على الفوود بروسسر المهم ان ما تطحنيه ناعم كتير و الا بتلزق معك العجينة
هلا سلاف
هي اول مرة اسمع ان بينحط مع الكعك جبنة , ليكون قصدك مية الجبنة ؟
اذا انت متاكدة ان ماماتك الله يخليها هيك بتعمل ممكن تجربي
هنا و عافية على الكبة مقدما
هلا بسمة
يا ستي نورتي و مية اهلا و سهلا , لازم افرشلك الموضوع ورد و فل و ياسمين
ان شاء الله تجربيها و تكون على زووءك , مية هلا حبيبتي
كيفك منى ايه والله بتحط ماما جبنه نفس مقاديرك تقريبا بالكعك بس زياده بتستخدم حليب بدل المي وبتحط جبنه مجدوله بدك تقولي شيئ كاسه بتبشرها وبتحطها المهم ياستي بس كانت ماتحط لا شمره ولا يانسون ولا كمون بس محلب ساويته اليوم وضفت دقة الكعك وعجنته بالحليب وحطيت جبنه بس شوو طلع يامنى عنجد بينكتب فيه قصيده :zzz
والله قلي زوجي أطيب كعك بدوقه بحياتي
هدا كعك بمية الجبنه سمعت عنه بس مابعرفه على كل حال يسلم ايديكي باقي نشوف نتيجة المعمول اليوم عجنتها وبكره رح ساويه بس كنت بدي قلك شغله ماما نفس مقاديرك بس بتحط 4 كاسات سميد و1 طحين وكتير بينجح معاها ليش مابعرف وبما انه اول عيد رح اشتغل فيه رح جرب طريقتك وبقلك شو طلع معي :roll
منى انا كمان كنت بدي قلك شغله عادة الحلويات والمعمول كلها باخدها كنت من عند مهروسه بحلب قريت مقادير المعمول كاتب طحين مو جايب سيرة السميد ابد شو رأيك ؟؟
خايفه صيب حالي بالعين من كتر مافرحت لما نجح الكعك معي ان شاء الله بيزبطو المعمولات 00 وعم استنى المربى الله يخليكي منى حاولي قبلي العيد تنزليه ولو بس المقادير والطريقه من غير صوره لاني بدي ضيفه بالعيـــــد
شكرا الك ياعسل 8)
هلا سلوفة
خليلي قلبك , فرطت من الضحك على قصيدة , ريتو مية الف عافية و هنا و الله فكرة طيبة كتير الجبنة , رح جربها المرة التانية و مع الحليب اذا الله عطاني عمر
كتير فرحت انها ظبطت معك و عجبت ابو الشباب الله يخليكم لبعض و يباركلكم في بعض :zzz
كلامك مظبوط هلا صايرين محلات الحلويات عم تستعمل طحين بدل السميد , لهيك انا ما بحب الحلويات الجاهزة ابداً , اصوله بالسميد و ممكن الواحد يعمل متل ماماتك , بس مو كله طحين :roll
سمي بالله , و ان شاء الله رح يطلع معك معمول يبل القلب و يرضي الضيوف , و بركي ببعتلك وصفة المربى لان من دون صور ما رح تاخد الوصفة حقها , صح :zzz
السلام عليكم و رحمة الله و بركاته
لان لماراح قلبو مع البصل و باقي المقادير راح يصير منيح
اختي منى عندي لحم مفروم كتير يعني اكتر من العادي تقريبا راح يصير لحم للكبة بعتقد فيني استعملو مو هيك
بالتوفيق
سلام
اكيد بيصير , المهم ان ما يكون لحم هبر كله , لازم يكون فيه شوية صغيرة دهن لحتى يعطيه طعم ,بس كمان مو دهنكتير و الا بينزع الوصفة كلها :roll
الكبه تمام التمام بس حابه اضيف مداخله ممكن اضافة حبتين بطاطس تقطع ارباع وسلق في ماء سلق الرزاو اضافة كوب عدس احمريسلق مع الرز
صحيح منونة , و اضافة العدس رح تخليها خفيفة و حلوة
الف شكر الك للاضافة يا عسل
يم يم هالكبه بنساويها كثير وخاصه برمضان ونحنا بنسميها كبه عيش ( عيش= رز)
بس بنضيف شبنت على العجينه مع زرشك منشان الحموضه وحبه بطاطس عشان تساعدنا بالتشكيل
ذكرتيني فيها .. عندي تقريبا كيس من رمضان بقى عندي رح اطلعه على العشا اليوم ان شاء الله
هنا و الف عافية مقدماً كوكو , و الف شكر الك للاضافة
هادا الزرشك بحياتي ما دقته , بس اشوفه احيانا في الوصفات الايرانية :zzz
هنا و لااا تنسي تاكلي عني قطعة , اتفقنا
يا حياتي ما طلبتي شي
عطيني عنوانك ورح ابعثلك منه تذوقيه وتذوقين كل احبابك واصحابك وتاخذين فكره عن طعمه
انا احس ان طعمته قريبه الى الكرز المجفف الحامض
نحنا اما بستخدمه مع الرز او بالحشوات مثل كبه الجريش او كبه الربيان وكبه الرز بالشبنت
مم , معناها فيه من مزة الحموضة , نفس الفكرة الي احيانا نستخدمها نحنا
نحشي الكبة المقلية مع اللحمة و الصنوبر بفرط الرماان الحامض ..
ممم فرط ريقي من على الصبح
منى حبيبتي باين عليها أكلة لذيذة غن شاء الله بجربها وبقلك شو بصير
هلا دمشقية
ان شاء الله تجربيها و تكون على زووءك حبيبتي , مية هلا فيك
السلام عليكم و رحمة الله و بركاته
اختي منى هل فينا نستغني عن الكركم تماما
ايضا هل ممكن نعوضو بالزعفران شعرة و اذا فينا فمنحط الزعفران بشوية ماء بالاول او عطول منحطو بالماء اللي راح نسلق فيه الرز كمان اذا منحطو بشوية ماء بالاول فهل بيكون الماء بارد او دافئ او ساخن
بالتوفيق
سلام
اختي الوصفة بدها كركم مو زعفران , لما تحبي تغيري فيه شي بيكون راجع الك
إذا حابة تستخدمي الزعفرات بتدوبيه بملعقة مي ما بتفرق سخنة او باردة لحتى يدوب و بعدها تستعمليه و الكركم اساسي بالوصفة لان رح يعطيها طعمة خفيسفة طيبة و الاهم هو اللون الي بيشهي
السلام عليكم و رحمة الله و بركاته
اختي منى انا ساويتها اليوم و حطيتها بالبراد مشان بكرا بدي اسالك هل لازم غطيها بنايلون او ما في داعي و كمان بكرا لما بدي اقليها هل بخليها بالاول تحتى تصير بحرارة الغرفة او على طول من البراد للزيت
ناطرة اجابتك
ربنا يوفقك و يسهل دربك
سلام
هلا اختي
الاحسن تغطيها و من البراد على القلي مباشرة و هنا و عافية مقدما
السلام عليكم و رحمة الله و بركاته
:cry :cry ما ضبطت معي شكلها طلع حلو بس طلعت
يابسة و ثقيلة هلأ هي هيك بتطلع او شو اما مشكلة اللون فكانت غلطتي لان ما كترت زعفران )) ما عم بعرف اتعامل مع هالزعفران بالمرة بخاف كتير لهيك ما عم يطلع معي اللون ابدا )) اكيد بدي ارجع عيدها مرة تانية لهيك بدي اعرف شو الاخطاء اللي ارتكبتها
بالتوفيق
سلام
هلا سارونات
مشان الله مسحي هل الدموع , و الا بقعد ببكي معك :roll
يا ستي بالعكس هي بتطلع خفيفة كتير و مقرمشة و أتوقع المشكلة الي صارت معك مشكلة بالقلي , النار اكيد كانت واطية أو مو حامية لمن قليتي فيها الكبة , النار لازم تكون حامية , الزعفران ما بده شي و حلته بسيطة كتير , بتاخدي الكمية الي بدك اياها و بتدوبيها بشوية مي و نتركها شي عشر دقايق بعدها نضيفها على الوصفة متل ما بدنا :zzz
السلام عليكم و رحمة الله و بركاته
يخليلي ياكي اختي منى ليكني مسحتهم :zzz
لا و الله ما بعتقد هاي المشكلة لان انا حرصت على ان الزيت يكون كتير ساخن ما عم بعرف شو المشكلة قولك يمكن لان ظلو لفترة طويلة بالبراد يعني شي اربع و عشرين ساعة تحتى قليتهم يمكن هيدا السبب انهم يبسو
كمان بدي اسالك هلأ بعد ما نعجنها كيف بتصير العجينة يعني بيكون الرز مرحي تمام كانه بطاطا مرحية او بتظل فيه قطع صغيرة
بالتوفيق
سلام
هلا منى كيفك انا بالصدفة فتحت على الكبة المقلية لأقول النتيجة شو طلعت معي وبالصدفة قرأت عن كبة الرز العراقية هذه يا ستي مثل ما والدتي بتعملها لما بيزيد عندها رز مصري وهي بتحط بيضة معها، وانا بالتالي تعلمتها منها ما بعرف الوالدة من وين تعلمتها بس عند جد كثير لذيذة هالوصفة وذكرتيني اني اعملها لأني كنت ناسيتها بس بدي اجرب اعمل مثل ما قلت استعمل الطحين بدل البيض لأنها كثير بتلزق
اولا يسلم ايديكي على هالوصفة الرائعة
تانيا انقذيني……فيني اعمل كميه واقليها نصف قليه واحطها بالفريز…وانزلها لما بدي استخدمها والا بتخرب
لانو عجبتهم ورايحيين ياكلوني معها…انا اليوم عملت كمية للفطور وقليت مجموعة منها نصف قليه وخبيتها بالبراد للسحور
بس ممكن اعمل كميه ليومين ..تلاتة والا شو؟؟؟
لانو صضار لازم ياكلو كل يوم منها
هنا و الف الف عافية يا رب
اكيد فيكي تقليها نص قلية و تشيليها , هلا انا مو مجربة بس نظريا بيصير
سمعت أن أجود أنواع الكبه التي تعمل من لحم الطيور التي يتم اصطيادها وقالوا لي أنه يتم طحن العصفور بالكامل مع عظمه ويضاف للبرغل.
السؤال هو هل يوجد طريقه لعمل الكبه من لحم الدجاج وبالتحديد من صدور الدجاج؟؟ أرجو ممن لديها الحل أن تسعفني به.
:roll ولي العظم و اللحم , هي اول مرة اسمع هيك شي , و الي بيعيش بيسمع
اكيد فيه و هو انك تحضري عجينة الكبة العادية بس عوض الهبرة استعملي صدر دجاج مشفى و على فكرة هل الطريقة صار كتير عم يحضروها
السلام عليكم
ممكن استخدام ارز تاني,لالن الرز اللي موجود هون fat free فهل بياثر عالوصفة وبينزعها؟ يعني ممكن ما تمسك؟؟ يسلمو ايديكي وسامحينا بنعزبك معنا :roll
معنى هذا أنني أستطيع أن أعمل الكبه بصدور دجاج مفرومه بنفس طريقة الناغيت بدل اللحمة؟
وهل لديكي اقتراح للحشو؟
وما هي أفضل أنواع البهارات لإضافتها في هذه الحاله.
أتمنى أن تضيفي وصفه للكبه بالدجاج.
وشكرا للطفك.
هلا جمان
هي الوصفة دركة شوي , فيا ريت لو تجربيها متل ما هي لان ايا تغير ممكن يخلي الوصفة ما تنجح :roll
هلا قمر
ان شاء الله بعمل الوصفة قريب و بنزلها لخاطر عيونك
انا بحشيها حشوة لحمة عادية و صنوبر او جوز
مية هلا فيك اختي
المشكاه باللحمه!! زوجي ما بياكل لحمه وما فيني أعمل كبه لحالي وآكل وهوه عم يتفرج.:))
مممم , طيب بحاول فكر الك بشي حشوة ما فيها لحمة , خطرت ببالي فكرة و ناوية جربها و اذا طلعت يممي ببقى بخبرك
شكرا منى أنا ناطره وصفه كبه من الدجاج وأكيد رح تنجح، وإذا بتكون بالبرغل بيكون أحسن من الرز وأسهل.
ان شاء الله