براونيز بكريما الخمس دقايق السرية
. يضاف السكر للماء المغلي ويحرك حتى يذوب.. يقطع الزنجبيل بقشره إلى 8 قطع بشكل طولي ويوضع في ترمس خاص بالمشروبات الساخنة.. يضاف الماء المغلي ويغلق الترمس بشكل محكم ويترك لحوالي 20 دقيقة حتى يتم استخلاص النكهة ويقدم دافئ وهذا هو الزنجبيل السادة .. أما بالنسبة للزنجبيل بالنعناع أو الزعفران أو عصير الليمون يضاف في الترمس أحد هذه النكهات مع قطع الزنجبيل ثم يصب الماء الغلي مع السكر ويترك لفترة ثم يقدم . . بالنسبة لي أفضل الزنجبيل بالنعناع .
3 كوب ماء مغلي 2 ملعقة طعام سكر حبة زنجبيل بطول 5 سم وعرضها 3 سمملء الكف أوراق نعناع طازج شوي عصير ليمون شوي زعفران
. يضاف السكر للماء المغلي ويحرك حتى يذوب.. يقطع الزنجبيل بقشره إلى 8 قطع بشكل طولي ويوضع في ترمس خاص بالمشروبات الساخنة.. يضاف الماء المغلي ويغلق الترمس بشكل محكم ويترك لحوالي 20 دقيقة حتى يتم استخلاص النكهة ويقدم دافئ وهذا هو الزنجبيل السادة .. أما بالنسبة للزنجبيل بالنعناع أو الزعفران أو عصير الليمون يضاف في الترمس أحد هذه النكهات مع قطع الزنجبيل ثم يصب الماء الغلي مع السكر ويترك لفترة ثم يقدم . . بالنسبة لي أفضل الزنجبيل بالنعناع .
يا عيني عليك لاروش , ايه شو هل الوصفة الغير شكل
سبحان الله هر رمضان بطوله و انا عم اشرب من هل الشراب , شي بالليمون و شي مع الشاي و حتى مع التفاح و كتيررر نكهته و طعمته طيبة و كمان الاحلى من هيك انها مفيدة :zzz
سلم ايديكي , ما جربت النعناع و عندي كل المقادير , بكرة الصبح رح اشربه و ببقى بخبرك
الصورة حلوة كتير
أهلين أخت منى , اشتقت لكم كثير
بالنسبة للشاي بالزنجبيل الجالية الهندية عندنا بيعملوه بس بالجاف , أما بالتفاح مش مجربته وأكيد رح جربه قريبا
وبالنعناع شيءءءءءءءءء عظيم , عملته اليوم وأخذت أقنع أخي خالد ( آخر العنقود ) عمره 11 سنة ليشرب منه لأن عادة مابيحب أي شيء فيه زنجبيل , وبعد ماشربه قالي الله يخليكي كل يوم اعمليه وفرحت كثييييييييير إنه عجبه ,
لا تنسي تخبريني :zzz
يسلم هالايدين بس عندي سؤال واستفسار
فيني استخدم النعنع المجفف لانو هاد متوفر عندي دوما
والاستفسار عن وضع الزنجبيل بالفريزر ياترى بتعرفي قديش بضاين بالفريزر
كمان الي طلب من منوش
ياريت يامنى تجاوبيني على سؤالي على الرز بالفول صار سألتك ياه مرتين وما رديتي علي :cry وانت بصراحة معودتيني على كرمك
بعرف اني مارح هون عليك ورح تجاوبيني وتحطيلي كل الوصفة كمان
اول شي الله يعطيكي العافية اخت لارا
بس انا جربت مرة الشاي الاخضر بالزنجبيل
وماقدرت ابدا اني اشربه بيعمل حرقة فظيعة
عند البلع :sigh :cry
مع اني بسمع بفوائده الكتيرة بس لسى ماعم اقدر استخدمه ابدا
ياترى بهالوصفة كمان بدي حس نفس الاحساس لما اشربه
شكرا كتير مرة تانية
حقك علي كراميلا , هلا رايحة شوف :roll
مرحباكارميلا ..
بالنعنع الجاف كثير طيب . بس كمان لاتفوتي الطازج أول مايتوفر عندك
والزنجبيل عادة بيضل فترة طويلة جدا بالبراد محافظ على شكله ونكهته
أما بالفريزر مش مجربة قبل بس سمعت من زميلاتي إنهم بيجمدوه حبات مثل ماهو ووقت الحاجة بيقشروه وبيبشروه بالمبشرة وهو لسا جامد وأكيد بيضل فترة طويلة :zzz
أهلين لارا .. أهم شيء في الشاي الأخضر أو الزنجبيل إنه ماينغلى أبدا على النار .. وكمان بعد ماتعمليه 20 دقيقة كافيةولا بيعمل طعم مر وحرقة مثل ما قلتي
والشيء الثالث لاتكثري كمية الزنجبيل إنتي جربي بالمقدار إلي أنا حطيته في حال ماعجبك قللي منه وكله حسب الذوق
وعلى فكرة أنا بقطعه لقطع بالسكين وفيه ناس بيبشروه أو بيدقوه في الهاون وهالطريقة بحس إنها بتخلي الزنجبيل طعمه مركز وقوي أكثر بس سبحان الله كل شخص وحسب الطعمه إلي متعود عليها
وهالوصفة جربيها وعلى ضمانتي :zzz
الله يسلم ايديك لارا ما في انفع من الزنجبيل للمناعة انا هنا عندكم بالسعودية تعودت اشربه مع الشاي الاخضر وكتير بحبه هلق بالنسبة للانواع التانية رح جربها ان شاء الله لان الزنجبيل ما بينقطع عندي ولله الحمد وبالنسبة للاخت التي حدث لديها حرقة من الشاي مع الزنجبيل اقول لا تكثري من الزنجبيل ضعي مقدار قليل منه مع الشاي بتخف اللذعة وشكرا للجميع
الله يعطيكي العافية يا لارة ويجزيكي الخير
يا ستي الزنجيل من أفيد النباتات انا شخصيا بستعمله كعلاج من سنوات طويلة لكتير أمراض مثل الرشح والتهاب البلعوم اللي احيانا بيتكرر عند الأولاد بفصل الشتاء
يعني بصراحة والفضل والشكر لله أولادي ما بذكر متى آخر مرة أعطيتهم دواء غير خافض حرارة يعني بفضل الزنجبيل استغنيت تماما عن ادوية الالتهاب
والله يا جماعة نصيحة لكل الأخوات أولا باستغناءك عن الأدوية ولجوئك للمواد الطبيعية بتقوي جهاز المناعة عند أطفالك ولو اصابهم الرشح او الالتهاب فيما بعد بيكون خفيف كتير
يمكن طولت شوي بتعلقي بس لقيت فرصة فيد فيها غيري بكنز عظيم كما وصفته العزيزة لارا
وعلى فكرة انا بعتمد بشكل كبير على الزنجبيل الجاف المطحون اللي مستحيل يخلو من بيتي
وصفتي بالنسبة للرشح اني بسخن نصف كوب صغير من الحليب ليس لدرجة الغليان فقط دافئ بشكل مقبول وبضيف له ملعقة صغيرة عسل وأقل من ربع ملعقة صغيرة زنجبيل جاف يعني ممكن تمسكي بأصبعين الكمية المناسبةفبتكون أقل من الربع ولازم يتم تحريك المزيج جيدا وتحريكه اثناء الشرب لأن الزنجبيل يبقى بقاع الكوب
بصراحة الاولاد اول فترة كانوا صغار ويعزبوني كتير ليشربوه وكنت اقنعهم انه دواء لأن نكهة الزنجبيل بتكون قوية وممكن يحرق الحلق قليلا بالذات بحال التهابه لكن فيه لمسة شفاء سبحان الله غريبة يعني يؤخذ مثل الدواء مرتين باليوم صباحا ومساء لمدة 3 أيام وبأذن الله يكون الشفاء
والله صار أولادي الآن لما يحسوا ببدء ألم او احساس بالرشح يطلبوا فورا شرب الحليب بالزنجبيل
وبظن وصفة الأخت لارامينا جدا مفيدة لأنها بالزنجبيل الطازج وكمان خفيفة يعني من غير الحليب
الله يبارك فيكي ويجعله في ميزان حسناتك
يعطيكي ألف عافية أختي لارا عالوصفة اللي أجت بوقتها مع تبدلات الطقس و تقلباته اكيد الزنجبيل رح يكون وقاية إن لم يكن علاج للرشح و إلتهاب الحلق و كمان شكر للأخت فرح على وصفتهاالمفيدة واللي رح حاول عود ولادي عليها و إن شاء الله يقبلوه
بس كمان في شكر كبير لمنى الغالية على وصفة أخدتها منها و كانت وصفة بألب وصفة ويمكن من غير ما تعرف الست منى .. كلامي مو مفهوم؟؟؟
ارجعوا حبيباتي لوصفة بونبون الزنجبيل لمنى هالوصفة عبارة عن وصفتين بوقت واحد لأني مو بس استفدت من حبات البون بون اللي طلعت بتاخد العقل لأ و كمان استفدت من الشراب اللي حضرت فيه البون بون رااااائع حطيت عليه ماء مثلج وثلج مبروش و حضرته متل ما منحضر أي شراب مركز و النتيجة رهيييييبة يا صبايا جربوه ما بتندمو منعش مفيد لذيذ و ببل الألب يا ريت الست منى تقرا كلامي هاد و تعطيني رأيها باللي جربتو و للكل مني أحلى سلام
يسلمو هالايدين لارا انا كمان بحب شراب الزنجبيل والشتا الماضي كنت اشربه كتير مع هيل وبابونج وقرفة واذا فيه نعنع وميرمية قطعة صغيرة من كل وحدة بطلع مممممم 8)
انا زيك ما بغلي شي وكله بحطه بتيرمس وبسكره بس يخرط ويصير لونه متل اللي عندك في الصورة :roll
الزنجبيل بستخدمه طازة لكل شي تقريبا ودايما موجود في الفريزر وطريقتي بقشره وبقطع حلقات سميكة شوي وبحطهم باكياس التفريز وكل ما بحتاج باخد شوي منهم وبرجع الباقي على طوووول للفريزر :zzz
سامحوني عالاطالة بس زي ما حكت فرح كتيييير مفيد في الشتا وبدفي الجسم وبشفي التهاب الحلق والرشح بشكل عجيييييييب :zzz
هلا رينو
سبحان الله , هادا هو المشروب الي كنت عم اشرب منه طول ايام رمضان الي فات و الي ذكرته بردي على لارا , انا كنت مرات عم ضيف عليه شاي , مرات ليمون , مرات تفاح مقطع و انقعه فيه و كله طيب كتير و نعنوش :zzz
صحتين و الف الف عافية على البك رينو و شكرا كتير الك لردك الغالي حبيبتي
أهلين لارا يسلموا ايديكي عالوصفه الرائعه. فعلا مشروب مهم و صحي جدا جدا. و منعش ايضا. الغريب انه في جميع انحاء العالم يتم تحضيره بنفس الطريقه. مره اخذته من الانترنت من القبائل الافريقيه و يحضروه بنفس طريقتك ويضيفون له قليلا من السكر البني و الفلفل الاسود الحب و يخلطونه بالخلاط. و يسمونه علاج الروح و يشربونه بعد الوجبات الدسمه لانهم يعنقدون انه يحرق الدهون. شكرا مره ثانيه على كل وصفاتك و مجهودك الكبير.
أهلين أختي غيث , الله يسلمك وألف شكر لك للإضافة وللمعلومات وصح كلامك السعودية من يوم انتشر فيها الزنجبيل وفوايده ماعاد فيه بيت بينقطع منه والغريب كمان إنه صار يقدم في الأعراس وكل المناسبات على أنواعها
تحياتي
مرحبا فرح
ألف شكر للمعلومات وللوصفة المهمة كثير وأكيد رح أعتمدها , وزي ماقلتي الزنجبيل فوايده ماتحصى وأنا كنت رح اكتبها بس شفت إنها رح تأخذ وقت كبير ومساحة للكتابةفغيرت رأيي
والمهم مثل ماتفضلتي إن كل وحدة مايخلى بيتها منه سواء الجاف أو الطازج وتعود أولادها من الصغر عليه
تحياتي
أهلين برينو
الله يسلمك ويعافيك وشكرا للإضافة وأكيد حطيناها في الحسبان , وفكرة المشروب المثلج جدا رائعة
ووصفك لها أروع
أهلين توتا
إضافاتك جديدة وكمان مميزة وخاصة البابونج لأن سمعت عنه إنه مثل السحر بفوايده العظيمة.
وطريقتك في التفريز إن شاء الله تستفيد منها الأخت كارميلا. ألف شكر
مساء الخير أخت إيمان , ويسلم يديكي يارب . والسكر البني فكرة مميزة خصوصا إنه صحي أكثر من السكر الأبيض , وألف شكر للمعلومة الجديدة عن الأفارقة , ومزبوط سمعت إنه يحرق الدهون.
تحياتي لكي
يسلم ايديك اختي عالشراب الرائع يعني انا بالعادة بحب اشرو وبعدين انقعوا بمي باردة وحطو بالبراد يوم كامل وبعدين بصفيهوبقدمو بارد وهو حار فبطفي حرارة قلبي لانو هون بماليزيا لازم اشرب البارد بس بس لمن شفت طريقتك عجبتني كتيروخاصة مع القريب فبضفلو ملعقة عسل لانو كتيييييييييير مفيدومع النعناع يا سلااااااااااااااام :zzz
يعني ما بعرف كيف بدي عبر عن مدى حبي بصدق لهالموقع الرائع اللي عامل متل السفينة ونحنا ركابا والقبطان منى والسفينة من دونا بتضييييييع :sigh
والركاب بضيعو
الله يخليلي ايكن كلكن وما يحروني منكن
خليلي عينك تالا
شسكرا كتير كتير لكلامك و ردودك الي عم تنعنش يومي و عم تعطيني حماسة و دعم كتير :zzz
الف الف صحة و هنا على قلبك و على فكرة من وقت ما مواضيع لارا عن الزنجبيل و انا كل يوم عم اشربه مرتين على الاقل , يمممم , عم حبه اكتر من القهوة و اكيد افيد
مرحبا أخت تالا
كلامك حلو كثير وينم عن زوء وأخلاق كبيرة
إضافتك مميزة جدا وممكن زي ماقلتي نشربه بارد ومع إضافة التفاح من عند الأخت منى ياسلاااااااام أكيد بجربها على طول
الف ألف شكر لإضافتك.
تحياتي لكي.
الله يجزيكي الخيراختنا لارا فعلا هلئ صايرة عبشرب الزنجبيل مع الشاي الاخضر مقبول كتير واكيد نافع والشكر اولا واخيرا لاختنا منى العسل سلامي لكل الاخوات المشاركات
الله يخليك اختي ام المنذر
عن جد انت الي عسل و منورة على طول ان شاء الله
ألف صحة أخت أم المنذر وألف شكر للدعوة الغالية تحياتي لك :zzz
سلامات وشكراً على الوصفه، كنت عام دور على طريقة أعمل فيها شاي من الزنجبيل وهلق لقيتا. أنا بستعمل الزنجبيل المبشور كل ما بد قلي دجاج. بيعطي نكهة كتير طيبه ، ولو ينزاد مع ثوم وزيت زيتون، يا عيني (ولادي بيجو بس على ريحة الزنجبيل والزيت وبشموه متل القطط). والحمدالله عم لاقي زنجبيل مطحون طازة بمرطبانات بالسوبرماركت الباكستاني والهندي، وبضل بالبراد أكتر من شهر. اسفه على الرد الطويل، بس الزنجبيل بلش ياخد حقه بمطبخي. شكراً مرة تانيه.
Rola
يسلمو أيديكي على هالوصفة بس بحب ضيف شغلة من بعد إنك انه ممكن الأستعاضة عن السكر بملعقة عسل أول شي بتزيد القيمة الغذائية وكمان بتنقص السعرات الحرارية والأهم انه استغنينا عن السكر الضار بالصحة