براونيز بكريما الخمس دقايق السرية
عجينة العشر دقائق
للبيتزا :
صلصة البيتزا بالتتبيلة الخاصة
فطر مقطع لشرائح
جبنة موتزاريلا
زعتر أخضر أو أوريغانو
خبز الفليلفة :
حشوة الفليلفة
فطاير الزعتر :
زيت زيتون
زعتر
• تحضر العجينة و تترك حتى تتخمر ثم تقسم لثلاثة أقسام و تمد على صواني غير لاصقة و يفض أن تكون مربعة الشكل .
• تدهن أول صينية بطبقة خفيفة من صلصة الفليلفة ثم تخبز لمدة 10 – 15 دقيقة على الطبقة السفلى من الفرن فوق المشبك الحديدي حتى تنضج .
• تدهن الصينية الثانية بزيت الزيتون ثم ترش بالزعتر و تخبز بنفس الطريقة و لنفس الوقت تقريباً .
• تدهن الصينية الثالثة بصلصة البيتزا ثم تخبز في الفرن لمدة عشر دقائق أو حتى تقارب النضج , تخرج الصينية من الفرن و ينثر فوقها الفطر , يمكن اضافة ذرة أو فليلفة أو أي شيء أخر حسب الرغبة , ترش الجبنة المبشورة و الزعتر الأخضر ثم ترجع للفرن و تترك حتى يحمر قاعها و تذوب الجبنة .
• تترك البيتزا لمدة عشر دقائق قبل تقطيعها ثم تقطع لمربعات أو مستطيلات متساوية الحجم , و يقطع خبز الفليلفة و الزعتر بنفس الطريقة .
• ترتب الفطائر المقطعة في صينية كبيرة بشكل متراكب و تقدم .
اللهم صلى على النبى
شكلها بيشهي
يسلموا ايديكي مدام منى
ما شاء الله حلوك بس بتصددقى ضحكتينى لانى هلق حاطة بالفرن نفس التشكيلة بس دوائر
هى كانت بقايا العجين يلى جبته مبارح تركته بالبراد واليوم كملتن ونرقت معى بسهولة
بس حابة اسئلك هالعجينة بتنفع لاى فطائر تبع المخابز
وعجينة العشر دقائق ممكن نحطها بالبراد لتانى يوم ما بتنتزع من الخميرة
هلا وفاء
الله يسلمك و يخليك , كلك زوء
هلا هلين
ان شاء الله عوافي يا حق , يا ترى قصدك عجينة المخبز ؟
إذا هيك أكيد بتنفع بس صدقيني عجينة البيت أطيب , و عجينة العشر دقايق أو غيرها ما كتير منيح تحضريها و بعدها تحطيها بالبراد , رح تكون النتيجة مو كتير منيحة حتى لو ما انتزعت من الخميرة , بس ما رح تنفش متل اذا حضرتيها بنفس اليوم
كلامك صح هى طبة بس قاسية اما عجينة العشر دقائق طرية وبتجنن بتطلع بس ليش حبيبتى وقت بعملها ما بتطلع كمية كبيرة مع انه 5 كاسات مو قلال
يعنى ما بقدر اعجنها قبل بيوم يعنى تجهيز مسبق ؟بس بقدر فرزها بعد الخبز متل البيتزا يعنى
هلا هيلين
كمية الخمس كاسات منيحة , اذا قليلة على عيلتك فيك تضاعفيها
و ما بدها تحضير مسبق أو تحطيها بالفريزر , هي عشر دقايق و بتكون جاهزة , بتعرفي ما خطر ببالي و لا مرة ان فرز معجنات , أكيد ما رح يكونوا متل التازة , و انا روووح قلبي التازة و الفريش
ما شاء الله شكلها كتير حلو
وبيشهى كمان
تسلم ايديكى اخت منى على الوصفات الرائعه
هلا سمورة
اكيد اكيد لو جربتي الوصفات الي فوق بتعجبك كتير , و يا رب تجربيهم و تاكلي عني كم لقمة
عزيزتي منى بقدر احفظ الفطاير بالفريزر لحين احتاجهم بعد الخبز او قبل الخبز
ياريت تجاوبيني بسرعه على ايميلي
هلا اختي
بتقدري تجهزي الفطاير و تجمديهم قبل الخبز و لما بتحتاجي بتخبزيهم , طبعا بيكونوا مغطايين بشكل محكم
بس مهما كان احسن ان الفطاير المعمولة تازة اطيب , بس احيانا الواحدة فينا تكون مظطرة :zzz
شرفتي اختي و نورتي الموقع 8)
كتير كتير مغرية..شكلها بيشهي..والليح مسني عليها..إنو قطعة وحدة ومنقطعها…هيك فيه اختصار للوقت..رح جربها وأحكيلك يا عسل..سؤال ..إذا بدي أعمل رول جبنة.زمتل زعتر رول..شو الجبنة اللي بتنصحيني فيها..يعني عندي قشقوان بس ما عرفت بتصير او لا..
و انا هل الطريقة كتير بستسهلها و بستعملها لكل شي
احسن نوع هو انك تخلطي الجبنة البيضا الي مناكلها مع الكعكة مع قشقوان او موتزاريلا او جبنة حلوم , بيلاقي لما بتخلطي اكتر من نوع بتاخدي اطيب طعم
كعكة؟؟ انا قريت صح؟؟ كعكة؟؟ :eek
وليع لينا..طول عمري عجولة..المخلوقة عمتقللي اللي منالكها مع الكعكة..وصلت الكهربا مشي ..لا تواخذينا فطرانين فول :zzz
,:)اتوقعت رغودة
الجبنة البيضا الي مناكلها مع الكعكة و الشاي , مو تحطي كعكة بالحشوة :grin
صباح الكهربا و الراس الطيبان