اللوبيا بالسلق ( طنبورة )


         وصفة : منى                 2007/11/22                 15 تعليقات
اللوبيا بالسلق ( طنبورة )

·          تغسل اللوبيا المجففة و تنقع طول الليل بالماء البارد .

·          تقطع عيدان السلق و تترك جانباً ليحضر بها متبل أضلاع السلق ,  تنقى الأوراق و يتم التخلص من الأوراق الصفراء ثم تفرم ناعماً و تغسل عدة مرات حتى تنظف من التراب .

·          تغمر اللوبيا بالماء البارد المملح و توضع على نار متوسطة و تترك حتى تغلي ثم تهدى النار و يغطى القدر و تترك حتى تنضج .

·          يصفى السلق من الماء ثم يضاف للقدر فوق اللوبيا و يترك لمدة خمس دقائق تقريباً .

·          يرفع السلق و اللوبيا على مصفاة و يتركان جانباً لمدة ربع ساعة أو حتى تصفى من الماء .

·          في هذه الأثناء تحضر قلية اللحمة , تقلى اللحمة بالسمنة في قدر كبير على نار متوسطة و تفكك بالشوكة و تقلب حتى تنضج و يجف مرقها تماماً .

·          يضاف الثوم و يقلب لمدة دقيقة ثم تضاف البهارات و تقلب لدقيقة أخرى .

·          يضاف السلق و اللوبيا على اللحمة و يقلب الكل ثم تهدى النار و يضاف نصف كوب من الماء و يغطى القدر و تترك الطنبورة حتى تنضج و يجف مرقها لمدة نصف ساعة تقريباً و تقلب بين كل فترة و أخرى مع الانتباه كي لا تعلق بقاع القدر , يعدل الملح و البهار حسب الرغبة  .

·          تسكب الطنبورة في طبق التقديم و تقدم ساخنة مع عصير الليمون و الخبز العربي .

 

 





كوب من اللوبيا الحب الجافة
كيلو سلق ( ما يعادل 4 حزم صغيرة )
ملعقة كبيرة سمنة
ثلث كيلو لحمة مفرومة ناعم
3 – 4 فص ثوم
ملعقة كبيرة كزبرة ناشفة
نصف ملعقة صغيرة بهار
ملح





• تغسل اللوبيا المجففة و تنقع طول الليل بالماء البارد .

• تقطع عيدان السلق و تترك جانباً ليحضر بها متبل أضلاع السلق , تنقى الأوراق و يتم التخلص من الأوراق الصفراء ثم تفرم ناعماً و تغسل عدة مرات حتى تنظف من التراب .

• تغمر اللوبيا بالماء البارد المملح و توضع على نار متوسطة و تترك حتى تغلي ثم تهدى النار و يغطى القدر و تترك حتى تنضج .

• يصفى السلق من الماء ثم يضاف للقدر فوق اللوبيا و يترك لمدة خمس دقائق تقريباً .

• يرفع السلق و اللوبيا على مصفاة و يتركان جانباً لمدة ربع ساعة أو حتى تصفى من الماء .

• في هذه الأثناء تحضر قلية اللحمة , تقلى اللحمة بالسمنة في قدر كبير على نار متوسطة و تفكك بالشوكة و تقلب حتى تنضج و يجف مرقها تماماً .

• يضاف الثوم و يقلب لمدة دقيقة ثم تضاف البهارات و تقلب لدقيقة أخرى .

• يضاف السلق و اللوبيا على اللحمة و يقلب الكل ثم تهدى النار و يضاف نصف كوب من الماء و يغطى القدر و تترك الطنبورة حتى تنضج و يجف مرقها لمدة نصف ساعة تقريباً و تقلب بين كل فترة و أخرى مع الانتباه كي لا تعلق بقاع القدر , يعدل الملح و البهار حسب الرغبة .

• تسكب الطنبورة في طبق التقديم و تقدم ساخنة مع عصير الليمون و الخبز العربي .



  • وصفات تانية ممكن تعجبك


التعليقات

  1. nidaa84 22 November 2007

    يييممممممممممم شو طيبه هل الاكلة الله يسلم ايديك بتشهى والله ذكرتينى فيها كنت نسيانتها الان صار وقتها على هل برد بدها طنبورة
    والله الله يسلم هل الايدين على هل الاكلات انا باليوم بدخل شى اربع خمس مرات بخاف يكون نزلتى شى جديد وراح على الله يلبسك العافيه يارب سلامات

  2. منى 22 November 2007

    هلا يا ندا :)

    شو هل الرد الي بيبل القلب , كتير انبسطت بردك و الله لا يحرمني هل الطلة الحلوة

    أنا بموت على الأكلة مع عصير ليمون كتير و خبز تاازة , يم يم يممممي

    و يا ريت إذا جربتي شي وصفة تخبريني يا عسل ;)

  3. ام نور 15 December 2007

    ولك شو هالطنبورة هاي يا اخت منى غير شكل سلم دياتك اليوم عملت وهاي اول مرة بعمري بطبخا طيبة طيبة طلعت كتير حبيت انا وزوجي وقلي هالاكلة ذكرتو بالمرحومة نانتو كان ياكلا عندا :grin ورح ضل اعملا من وقت لا التاني انشالله ;) مشكورة

  4. منى 15 December 2007

    ان شاء الله صحة و عوافي يا رب على قلبك و قلب جوزك ;)

    كتير انبسطت لان جربتيها و عجبتك , هي كتير منحبا عندنا في البيت ..

  5. Eman 14 February 2008

    بدي أسألك أختي منى ،بيصير أعملها بالسبانخ بدل السلق؟ :?

    لأنو هون ما عنا سلق ،فجبت سبانخ بداله ،بيصير ولا رح تتغير الطعمة؟ على العموم نحن ما بنعملها ببيتنا بس أنا حابة أعملها كصنف جديد،فإذا بيختلف شوي ،مارح تفرق معي .
    شو رأيك؟

  6. منى 14 February 2008

    مممممممم , أظن بيصير بس انا مو مجربتها بالسبانخ ..

    إذا بتحبي اعملي بالسبانخ سبانخ بلحمة هي مجربتها و على المضمون ;)

  7. Eman 14 February 2008

    لااااا، أنا بدي طنبورة :roll

    عملت سبانخ باللحمة من قبل ، والمشكلة إنو وعدت زوجي أعمل له طنبورة من زمان ودورت كتير على السلق مالقيته، وقلت لحالي يلا بركي بتضبط السبانخ كله أخضر زي بعضه :p

    ما بتذكر جبنا سلق على البيت ،مشان هيك مابعرف شو بيفرق عن السبانخ :?

    قولي لي بتصير مشان أعملها على كفالتك ;)

  8. منى 16 February 2008

    جربي أمولة و ليش لحتى ما يصير :zzz

    السلق ورقه أكبر من السبانخ شوي , و بذكر انا مرة طبخته بنفس طريقة السبانخ باللحمة و طلع طيب , معناها إذا جربتي الطنبورة فيه لازم يطلع طيب :)

    إذا جربتيه ابقي خبريني شو أخبارة طنبورة السبانخ , و بيصير حقوق الاختراع محفوظة الك ;)

  9. عيون ريم 10 March 2009

    تسلم الايادي الحلوة اول مرة بعرف بهاي الاكله بس باين عليها طيبه وانا بحب التنوع والتجديد بالاكل تم الحفظ للتطبيق وراح احكيلك شو ردة الفعل بالبيت ههههههههههه تسلميلي :)

  10. منى 11 March 2009

    ان شاء الله تجربيها و تشوفي شو طيبة , بتجنن عن جد :zzz

  11. gsm 1 September 2009

    يا الله شو بحب هي الاكلة كانت ماما تعملنا ياها وانا كنت كتيير احبها خصوصي مع عصرة ليمون يمي بس انا عندي سؤال كيف بدي اعرف السلق انا بصراحة ما عندي خبرة بشراء الورقيات يعني يا دوب بعرف البقدونس والكزبرة والخس يعني الشغلات الاساسية بقى يا ترى كيف بكون شكله وكيف ممكن اميزه عن السبانخ لأنو بصراحة انا بشتري السبانخ بكياس بتكون مقطفة وجاهزة واهم شي مكتوب عليها سبانخ :grin لأنو غير هيك بفوت بالحيط :upset بقى يا ريت تفيدينا ولك جزيل الشكر عم عزبك معي كتييير :p

  12. منى 2 September 2009

    شوفي اختي الفرق بالحجم , يعني اذا مفروم تقريبا مستحيل تميزي بينهم و خصوصاً ان ما جربت دوقه ني لحتى شوف شو في فرق بالطعم .

    هلا هو فريش و تازة ورق السبانخ بيكون صغير و عضه تقريبا بنفس حجم عض البقدونس او اعرض شي بسيط , اما السلق فورقه كبير و عضه تخين و كله غير حجم , اذا بتحبي حطي كلمة swiss chard بغوغل الصور لحتى تشوفيه على المزبوط ;)

  13. آرام 3 January 2010

    مرحبا أخت منى
    يسلموا إيديك على الوصفة، الطنبورة ملكة الأكلات الشتوية بلا منازع. بس بدي أخبرك أن الطنبورة بالسبانخ ألذ بكتير من طنبورة السلق. أهلي ما كانوا يعملوها إلا بالسبانخ، ومن سنتين بس عرفت أنها بتصير بالسلق !! بس صدقيني بالسبانخ ألذ بكتير،جربيها وعلى مسؤوليتي .. وكتري عصرة الليمون فوقها .. ورح تدعيلي.

  14. منى 4 January 2010

    معناها انخلت مشكلة كل الاخوات المغتربات الي ما عم يلاقوا سلق , الف شكر الك للاضافةالمهمة , هي اول مرة اسمع ان الطنبورة ممكن تصير بالسبانخ , رجربها اكيد الرة التانية على طريقتك اذا ربنا راد :)

  15. ام دانية 12 January 2010

    :zzz :zzz :zzz واووووووووووووووووووووووووووو بعد كل هل الغيبة عن الموقع ارجع والاقي طنبورة يمممممممممممممم انا بموت ع هل الاكلة بحبها كتير كتير والله منظرها بشهي وشهيتيني اعملها ان شاءالله رح اعملها يسلم دياتك يارب :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)