برغل بالبندورة


         وصفة : منى                 2009/01/20                 19 تعليقات
برغل بالبندورة

·          نفرم البصل على شكل اجنحة نصف دائرية و نقليها مع الزيت حتى تذبل .

·          في اثناء ذلك نقوم بسلق البندورة بالماء الساخن ليسهل تقشيره و طبخها وعندما تجهز البندورة نضيفها و نضيف الملح و البهار و القرفة ودبس الفليفلة حتى تغلي قليلا نضيف الماء السخن و نتركه ريثما تتسبك .

·          نغسل البرغل و نضيفه للماء و البندورة .

·          نتركه يغلي لمدة 5دقائق ثم نضعه على نار خفيفة ريثما تنشف الماء و يتم طبخة كالارز و بعد الاستواء يتم تحريكه .

اضافات :

بعض الناس يضيفون على وجهه اللحم الناعمة او القطع بعد تحميرها مع المكسرات و ذلك حسب الرغبة   





1كأس برغل
2 بصلة
ملعقة صغيرة دبس بفليفلة (اانا بفضل الحار قليلا لانو بيعطي نكهة رهيبه و ممكن اضافتو حسب الرغبة)
قطع بندورة حمراء او بندورة مقطعة علب
ملح
بهار
قرفة
كأسين من الماء المغلي





• نفرم البصل على شكل اجنحة نصف دائرية و نقليها مع الزيت حتى تذبل .

• في اثناء ذلك نقوم بسلق البندورة بالماء الساخن ليسهل تقشيره و طبخها وعندما تجهز البندورة نضيفها و نضيف الملح و البهار و القرفة ودبس الفليفلة حتى تغلي قليلا نضيف الماء السخن و نتركه ريثما تتسبك .

• نغسل البرغل و نضيفه للماء و البندورة .

• نتركه يغلي لمدة 5دقائق ثم نضعه على نار خفيفة ريثما تنشف الماء و يتم طبخة كالارز و بعد الاستواء يتم تحريكه .


اضافات :

بعض الناس يضيفون على وجهه اللحم الناعمة او القطع بعد تحميرها مع المكسرات و ذلك حسب الرغبة
  • وصفات تانية ممكن تعجبك


التعليقات

  1. سلاف 20 January 2009

    طيبه كتير كتير هالاكله وانا بحبها امممممم شهتيني عليها
    هي الاكله سهله كتير ومفيده انا بعملها بزيت الزيتون ندوشه مو كاتبه اديه استخدمتي زيت ولا نوعه بس اكيد لازم يكون زيت زيتون :zzz

    اذا سمحتيلي بحب ضيف شغله انا احيانا بحط معاها قطع باذنجان مقليه بتذكر ستي الله يخليلي ياها مره قالتلي كانو يسموها يهودي مسافر هالاكله مابعرف صحة هالشيئ وفيه ناس بالشام بضيفولها كوسا بدل الباذنجان وطيبتها تكون دبس الفليفله حاره متل ماذكرتي00 يسلم ايديكي يارب
    حكيت كتير لاتواخذيني كاني موحمه :)
    منى السؤال لالك مزبوط اسمها هالاكله يهودي مسافر(( الله لايرده))؟؟؟؟

  2. منى 20 January 2009

    يا ستي بالفعل أكلة معتبرة و بتجنن و مع انها أكلة تركية بس هون بحلب كتير بيعملوها و حتى بسوريا كلها على ما أظن, أنا كنت بعملها بس من دون قرفة , معها صارت بتجنن .

    الأتراك بيقدموها مع العيران أو سلطة الخيار باللبن , بس انا بحسها لحالها أطيب

    سلم دياتك ندوشة و الف شكر الك و موفقة هلا بامحاناتك , ان شاء الله تفضي و تزوري الموقع و تشوفي تطبيقي لوصفتك :zzz

  3. ام دانية 20 January 2009

    يسلم دياتك يارب على هل الاكلة انا كتير كتير بحبها وخصوصا من ديات عمتي امون لانو بتعملها كتير طيبة والصورة فتحتلي نفسي رح جرب اعملها بس كنت حابة اسئل انو البرغل ناعم ولاخشن؟واحلى سلام للست منى ان شاءالله الصحة تمام على فكرة امس عملت كبة مقلية وشفتك حاطة الكبة المبرومة فحبيت جربها مممممممممممممممم شو طلعة طيبة يسلمو دياتك عليها :zzz زوجي كمان كتير حبها وخصوصا لما كترتلا الفستق قلي اني لا بقى اعمل الكبة غير مبرومة :grin وعملت ترياكي كمان طيب وتغير شكل وعملت رز بحليب مع البالوظة مممممممممممم طولت عليكي بس كنت حابة خبرك شو عملت :roll الله يعطيكي العافية ويجزكي كل خير

  4. ميساء 20 January 2009

    مرحباو الله هالأكلة كتير طيبة وأنا بحبها ودائما بعملها لأني من عشاق البرغل بكل أشكاله وعلى علمي يا أخت سلاف مظبوط لما بينحط مع هالأكلة باذنجان أو كوسا بيصير اسمها يهودي مسافر وكمان في أكلة برغل بكوسا بعد ما يستوي البرغل بيتقلى كزبرة خضرا وتوم وبينحط عليها وبيصير اسمها أبو شلهوب بس ما بعرف شو أصل هالأسماء وبصراحة نحنا عنا بسوريا أسماء أكلات غريبة شوي بس طيبة والله يخليلنا الست منى يلي عم تحيي المطبخ السوري وشكرا لجهودها

  5. غيث 20 January 2009

    يا ستي هالاكلة الها شعبية غريبة عنا بحلب بس بدون كوسا او با>نجان متل ما مكتوب بالوصفة فقط وبتطلع روعة لسع انا بحبها مع زريقة الحصرم يمكن الاخوات ما عرفو شو هي زريقة الحصرم وهي حمض حصرم نمدده قليلا بالماء ونحطله ثوم مهموس وزيت زيتون ونعناع واه على احتسائه مع هالاكلة وشكرا للكاتبة ولمنى ولكل الاخوات على ارائهم المهمة

  6. muna.g.7 20 January 2009

    يعطيكي الف عافيه على هالوصفه الرائعه احنا في السعوديه من المنطقه الشرقيه عندنا وصفه تشبها نسميها مفلق تنعمل احيانا بالربيان واحيانا باللحمه القطع الكبيره ونحط على وجهها حشوة بصل بالحمص والزبيب والبهارات والليمون الاسود ويمكن سموها مفلق عشان كل حبة برغل مفلوقة عن الثانيه يعني مفلفله والله اعلم

  7. منى 21 January 2009

    هلا سلوفة :)
    كلامك مزبوط مع البانجان المقلي و اللحمة و البصل و ممكن الفليلفة بيصير اسمها يهودي مسافر , و هي الاكلة بالاصل اسمها مسلم هربان بس لما صاروا المسلمين يعملوها ما هان عليهم يكون هيك اسمها فسموها يهودي مسافر , اما تبعة الكوسا فهي حج أبو شلهوب , و الله كلهم ما في اطيب منهم و البرغل أكلة طيبة و صحية

  8. منى 21 January 2009

    هلا ام دانية :)
    بما ان ندوشة هلا عندها فحص و بما اني جربت الاكلة رح جاوبك عنها لوقت ما ترجع و البرغل هو خشن
    يا ستي عافية و صحة و الف هنا على الكبة المقلية و المبرومة و كمان ألف هنا على كل شي جربتيه :)

  9. منى 21 January 2009

    هلا ميوسة :)
    انا بحب كتير هل الشغلة بطبخاتنا , و بحسها بتخليها مميزة أكتر , الشكرالك اختي لتواجدك و لردودك الطيبة في الموقع ;)

  10. منى 21 January 2009

    غيوثة فرطيلي ريقي على زريقة الحصرم :)
    يممي شو بحبها بس ما كنت اعرف ان اسمها زريقة ,
    انا بحط لسا معها فليلفة حمراء ناعمة , يممي اشتهيت قوم اشربلي شوي :grin

  11. منى 21 January 2009

    هلا منونة :)
    هي شكلها بيشهي كتير هل المفلقة , سبحان الله كله بيشبه بعضوا بس اضافات حسب المتوفر في المنطة :zzz

  12. الدمشقية 22 January 2009

    ممممممممممم لذيذة خصوصاً لما بضيف معها فاصولية كلاوي لذذذذذذذذذذيذة مع سلطة خس وبندورة
    تسلم دياتك يارب

  13. نور الأسلام 19 February 2009

    السلام عليكم طيبه كتير هالاكله الله يعطيكي العافيه انا بضيف معها الحمص الحب المسلوق بتطلع كمان طيبه :zzz

  14. منى 19 February 2009

    ممم , فكرة طيبة كتير اضافة الحمص , يا عيني عليك نور :) سلم دياتك على الفكرة الطيبة ;)

  15. amoula 14 April 2011

    هالاكلة بموت عليها كل اسبوعين لازم تنعمل كاستراحة من اكل اللحمة , انا بحط الها بصلة وفليفلة خضر , واحيانا بدل قرن فليفلة كامل اخضر بحط نص اخضر ونص احمر , بيطلع شكلهم بيجنن وطعمتهم بتجنن , وبعدها بضيف البندورة مع معلقة دبس بندورة وبدون قرفة ولا بهار وبعدها نفس طريقتكم
    بدها خيار بلبن يا سلااااااام قايمة هلأ اعملها هي مناسبة كمان للريجيم عفكرة 8)
    عجبتني فكرة اضافة دبس الفليفلة ممم
    احيانا بيسموها برغل بافرنجي يمكن ؟! :roll

  16. لبنى فهمي 13 November 2013

    يسلموا ايديكم اًنا بحب اكلات البرغل بكل اشكالها. الوصفه ممتازه بس ما عندي دبس الفلفل

    • منى 13 November 2013

      ممكن تستعملي الفليفلة الحمرا الناعمة ( البابريكا او التشيلي ) حسب ما بتحبي

      منورانا

  17. مرام 21 May 2014

    يسلم ايديكي ست منى …دايما لما بحتار بوصفة ..لازم ارجع لموقعك ووصفاتك ..كتيير طيبة وانا جربتها ..بس انا حطيتلها لحمة مع البصلة ..والزيت بحطه بتالاخير متل تقلاية ع الوش…

    • منى 21 May 2014

      صحتين و الف هنا مرام بكل لقمة و ع كل وصفة جربتبها
      حبيت كتير اضافتك ، شكرا لاغناء الوصفة :)
      منورة

تقييم الوصفة
عاديةقد أحضرهاجيدةممتازةأكثر من رائعة (2 votes, average: 2.00 out of 5)