شوربة العدس الأحمر التركية


         وصفة : منى                 2009/01/20                 25 تعليقات
شوربة العدس الأحمر التركية

·          يغسل العدس جيداً , تقطع كل الخضار إلى قطع متوسطة ثم توضع في القدر مع العدس و المرق و الملح و البهار و ممكن إضافة القليل من الكمون لمن يحب نكهته.

·          بعد أن يغلي المرق تهدى النار و يغطى القدر و تترك حتى ينضج العدس لمدة 30 دقيقة تقريباً .

·          تخلط الشوربة بالخلاط الكهربائي أو بالخلاط العامودي حتى تصبح ناعمة ثم تصب في طبق التقديم .

·          تذوب الزبدة في وعاء صغير ثم تضاف الفليفلة الحمراء الناعمة و بعد أن تغلي تصب على وجه الشوربة .

·          تقدم الشوربة فوراً مع الخبز المحمص و الليمون  مممم.  




كوب عدس أحمر
حبة بصل
حبة صغيرة جزر
حبة كبيرة بندورة
3 – 4 كوب مرق دجاج أو لحم
رشة صغيرة بهار مشكل

للتزيين :

ملعقة كبيرة زبدة
ملعقة صغيرة فليلفة حمراء ناعمة ( حرّة أو حلوة حسب الرغبة )





• يغسل العدس جيداً , تقطع كل الخضار إلى قطع متوسطة ثم توضع في القدر مع العدس و المرق و الملح و البهار و ممكن إضافة القليل من الكمون لمن يحب نكهته.

• بعد أن يغلي المرق تهدى النار و يغطى القدر و تترك حتى ينضج العدس لمدة 30 دقيقة تقريباً .

• تخلط الشوربة بالخلاط الكهربائي أو بالخلاط العامودي حتى تصبح ناعمة ثم تصب في طبق التقديم .

• تذوب الزبدة في وعاء صغير ثم تضاف الفليفلة الحمراء الناعمة و بعد أن تغلي تصب على وجه الشوربة .

• تقدم الشوربة فوراً مع الخبز المحمص و الليمون مممم.
  • وصفات تانية ممكن تعجبك


التعليقات

  1. سلاف 20 January 2009

    يسلم ايديكي ياأحلى منى بالدنيا شيئ بشهي والله شفت القلب من بره عالصفحه الرئيسه قلت منى بتضلها فنانه بس لمين هالصحن كان ياترى ؟؟؟ :zzz

    انا بعملها الشوربه نفس طريقتك تقريبا بس بضيفلها بطاطا صغيره كمان بتطلع طيبه :) بس فيه شغله ولا مره جربت حط على وجهها زبده عطول بحط زيت زيتون مع الفليله بتطلع كمان طيبه بس يمكن بالزبده اطيب رح جربها ان شاء الله على طريقتك التركيه الاصليه
    thanks Muna

    8)

  2. سارونات 20 January 2009

    السلام عليكم و رحمة الله و بركاته
    و الله ما نتبهت على القلب سبحان الله عقد ما قلبك كبير و بيساع الكل طلع هالقلب بالشوربة
    منيح اللي نبهتيني لان و انا عم شوف الوصفة كنت عم بضحك لحالي و فرحانة لنجاح الروستو الحمد لله
    اختي منى عجبتني فكرة الشوربة خصوصا بايام الشتاء بس ما فينا نساويها بعدس اسمر يعني لازم عدس احمر :?
    ان شاء الله بهاليومين راح ساوي مكرونة بالبيشاميل و كاب كيك البرتقال بالصوص الابيض بس اناراح ساويه ككيكة كاملة بما انك قلتي انو بينفع
    بالتوفيق
    سلام

  3. omtasneem 20 January 2009

    السلام عليكم ورحمة الله وبركاته. الله يعطيك العافية ويقويك اكتر واكتر بتشكرك عزيزتي منى رح جربها وقلك إن شاء الله وعلى فكرة نسيت قلك اني جربت اكتر من نوع كاتو البرتقال وكاتو الاناناس والكراميل بس لاتواخذيني عملت بالفواكة المعلبة وطلع روعة واخيرا امبارح كاتو الكولا وطلع يمم مابعرف علقت على صفحة الكاتويات وكاني الحمل عندي اخد مغعولو تمام تسلم ايديك ;)

  4. Rino 20 January 2009

    منى يا أحلى ست بيت حلبية خلص غيرت رأيي رح أسميكي أحلى ست بيت إنترناشيونال
    بعرف صار لي زمان ما شاركت معك بموقعك بس أنا دايما هون و دايما بطل و بشوف شغلك الروعة و اللي بيلفت الإنتباه هو التنوع و المفاجآت السارة دايما
    كتير تحمست لمشروع الأكلات التركية اللي ناوية تحطيها و بصراحة متشوقة لشوف كل الوصفات لهيك اسمحيلي أألك شدي الهمة ولا تتأخري علينا
    بكرة بإذن الله رح أجرب الشوربة على هالطريقة إذا ما انعزمت عالغدا برا لأنو بسبب عطلة الولاد كتير أوقات منقرر نتغدا برا أو مننعزم عند حدا عموما رح خبرك بالنتايج بإذن الله
    و دايما بانتظار جديدك

  5. ميساء 20 January 2009

    يسلم ايديكي الحلوين بتجنن هالشوربة اذا هي باكورة المنيو التركي كيف الباقي شكرا كتير حبيبتي والله يعطيكي ألف عافية

  6. غيث 20 January 2009

    والله اجت بوقتهالأني محضرة العدس منشان عدس بحامض ومخلوطة بكرة او بعده بالكتير ان راد الله وبالمرة رح اجربها بيكون يوم العدس العالمي اصلا هلق وقت هالاكلات بالشتاء لهيك الله يجزيك الخير يا رب على كل تعبك معنا وشكرا جزيلا

  7. أم علي 20 January 2009

    السلام عليكم جميعا :) وخاصة المبدعة ست منى والله بتشكرك كتير على الشوربة لمى فتحت النت وشفتا فرحت كتير لاني زوجي بيحبا وما بعرف اطبخا :? بس عندي سؤال ست منى بيصير بدال المرق استخدم مكعب ماجي ;) والف تحية وشكر الك يا اشطر شيف 8)

  8. muna.g.7 20 January 2009

    شكرا اختي منى اليوم انشاء الله اعملها على الغداء شكلها يجنن ايوه كذا اختي تنشطي وبلا بيات شتوي لان احنا نشتاق كثير لوصفاتك الرائعه وحكواتك الظريفه

  9. أم الهدى 21 January 2009

    تسلم إيديك الحلوة شي بشهي ،والقلب معناه إنو مكونات لاشوربة صحية نافعة للقلب وانعملت من كل قلبك وعم تقدميها بكل محبة بقلبك الكبير
    نحن بانتظار باقي المنيو :grin

  10. منى 21 January 2009

    هلا سلاف :)
    الصحن ما بعرف طلع من حصة مين لأن بس ما خلصت تصوير هجم الشعب كله , هنا و عافية و صحة و قوة على كل نقطة يا رب

    مرة جربتها انا كمان بالزيت و كانت طيبة , و بتبقى أصح بس بالزبدة أصولها ;)

    الشكر الك و لردوك سلوفة

  11. منى 21 January 2009

    هلا سارونات :)
    هي الشوربة لازملها عدس أحمر و في شوربة تانية طيبة كتيررر بالعدس الاسود و كمان تركية بس بيحطو على وجهها ثوم مع خل , ان شاء الله رح تكون ضمن وصفات المنيو التركي الجديد , ذكرتيني فيها :zzz
    عم استنى رايك علىالوصفات الي رح تجربيها و هنا و عافية مقدما

  12. منى 21 January 2009

    هلا ام تسنيم :)
    الله يقومك بالسلامة و تكوني انت والبي بي بصحة و عافية و تشوفيه مالي العين و البصر يا رب

    الف الف هنا على كل كاتو جربتيه و عجبك و كمان شكرا لان عم تخبريني شو جربتي و ظبط معك :zzz

  13. منى 21 January 2009

    لاااا رينو هون , أيه و الله و الله لازن افرشلك الارض ورد و فل و ياسمين , بعد زمان هل القمر الحلوو ما بان 8)

    ان شاء الله شادة الهمة و ما رح اتاخر بإذن الله :zzz انت تامر جميل
    ان شاء الله تجربيها و تعجبك , انا حسيتها تغير عن الشوربة الي نعملها بمزة الحموضة البسيطة من البندورة , يممي شو طيبة

    لا بقى طولي الغيبة وردي علي و لو بكلمة يا قمر ;)

  14. منى 21 January 2009

    هلا ميوسة :)
    الشكر الك و لردك و ان شاء الله تعجبك باقي الوصفات كمان

  15. منى 21 January 2009

    هلا غيوثة حبيبتي :)
    شو ضحكت على يوم العدس العالمي , ذكرتيني بيوم اليقطين العالمي لما كنت عم حضر وصفات من اليقطين , مر علينا اسبوع كامل و نحنا عم ناكل ما لذ و طاب من اليقطين من الشوربة وصولا للكيك :zzz
    ان شاء الله تجربيها و تعجبك ;)

  16. منى 21 January 2009

    هلا ام علي :)
    ان شاء الله تساويها و تعجب الباشا , و بتصير اكيد بمكعبات المرق بس انا ما بحب استعملها ابذا غير اذا كنت مضطرة
    الشكر الك أختي و لا تنسي تخبريني اذا جربتيها

  17. منى 21 January 2009

    هلا منونة :)
    يا ستي اسمك بيعجبني كتير , الصراحة اهلك مزوئين كتير :grin
    ان شاء الله تجربيها و تعجبك و بأمرك انا يا عسل .
    لا تنسي تخبريني اذا عجبتك او نو ;)

  18. منى 21 January 2009

    هلا ام الهدى :)
    و الله كلامك مزبوط , لما الواحدة بتكون مبسوطة و هي عم تطبخ بتكون طعمة الاكل غير
    ان شاء الله يعجبك باقي المنيو ;)

  19. ام محمد 22 January 2009

    الله يسلم دباتك ومهما حكيت بعجز عن شكرك
    بصراحةبعد ماعرفت هل الموقع ماعدت ادخل ولاموقع
    لانومكفي وموفي وكله لذيذوشهي الله يعطيكي الصحةوالعافية وفرحت لفوزالمنيوالتركي :)

  20. منى 22 January 2009

    هلا فيك ام محمد :)
    الف شكر الك للرد الطيب , عن جد هل الردود الحلوة كتير بتشجعني و انا ما بدي شكر الي بتمناه هو انك تدعيلي دعوة من قلبك يا عسل ;)

    ان شاء الله تعجبك كمان باقي الوصفات

  21. مزهرة 12 February 2010

    يسلموا هالايدين ياست منى والله يخليكي ولايحرمنا هالموقع :)

  22. منى 12 February 2010

    و الله لا يحرمني هل الطلة الحلوة و الغالية :zzz

  23. محبةالمصطفى ملك 13 August 2010

    منوووووش بدي أسألك عن مرق الدجاج جاهز ولا بالبيت و اذا كان من سلق الدجاج ممكن نحفظه بالفريزر؟؟

  24. منى 13 August 2010

    لا الي بالبيت و مرق السلق فيك تحفظيه بالفريزر بمكعبات التلج ;)

  25. محبةالمصطفى ملك 13 August 2010

    :zzz :zzz :zzz
    و أخيرا رديتي في كتير أسئلة مبعثرة هنا وهناك وبدون أجوبة بس يلا معلش …و يسلمو كتير على الرد

    بس ما بصير أحفظ المرق بأكياس بدل المكعبات؟ و كم مدة الحفظ؟؟؟

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)