دجاج الاكييف السهل و السريع


         وصفة : منى                 2012/09/29                 10 تعليقات
دجاج الاكييف السهل و السريع

الدجاج الاكيف اكلة كتير مطلوبة بالمطاعم , بس بالبيت بدها شغل و لت و قلي , خطرلي حضرها بطريقة اسهل , لحتى قدم لعيلتي دجاج بطعمة الاكييف و ما ابقى 3 ساعات بالمطبخ و طلعت معي هل الوصفة اليمي , عن جد رووعة , الشي الوحيد الي ناقص هو القرمشة , بس لخاطر عيون السرعة رح غمض عيوني


إذا خليتي القطع صغيرة بتصير بتتنقرش نقرشة أما اذا استعملتي الصدر كامل بيصير وجبة غدا و انا مرات بحضرها هيك و مرات هيك حسب المزاج


بالصحة و الهنا


3 صدر , 500 – 600 غ , دجاج , مشفى من العظم و الجلد
نصف اصبع , 50 غ , زبدة طرية
1 ملعقة كبيرة كزبرة خضراء أو بقدونس أو زعتر أخضر أو طرخون أو أي نوع أخر مفضل
1 فص ثوم
جبنة قشقوان , حسب الرغبة
المزيد من الزبدة لدهن الدجاج


تتبيلة الدجاج :

ربع ملعقة صغيرة ملح و فلفل أسود
1 ملعقة كبيرة عصير ليمون
1 ملعقة كبيرة زيت زيتون

الصلصة :

2 ملعقة كبيرة زبدة
3 ملعقة كبيرة طحين
2 كوب مرق دجاج
نصف كوب كريم فريش
بضع نقاط خردل
1 ملعقة صغيرة كزبرة خضراء أو بقدونس أو زعتر أخضر ( نفس النوع الذي استخدم في الحشوة )





1 - ينظف الدجاج و يقطع مكعبات كبيرة أو يترك بشكل كامل , يشق بلطف من المنتصف و يتبل بالملح و الفلفل و عصير الليمون و يترك لمدة 4 ساعات و يفضل أن يترك طول الليل .

2 - تمزج الزبدة و الكزبرة و الثوم حتى تتجانس الحشوة , توضع في قسم التجليد في الثلاجة حتى تجمد ثم تقطع الزبدة المتبلة لشرائح و توضع في شقوق الدجاج .

3 - ترتب قطع الدجاج في صينية مدهونة . يدهن وجه الدجاج بالمزيد من الزبدة و تخبز الصينية في الفرن على الرف المتوسط لمدة 20 دقيقة أو حتى تنضج قطع الدجاج , يدهن وجه الدجاج بالزبدة مرتان أثناء الشوي .

4 - تحمى شواية الفرن . ترش الجبنة على الدجاج و ترجع الصينية للفرن لبضع دقائق أو حتى تذوب الجبنة . 5 - تحضر الصلصة : يقلب الطحين و الزبدة على نار هادئة , يضاف مرق الدجاج بالتدريج حتى يصبح الصوص ناعم . يبعد القدر عن النار و يضاف الكريم و الخردل و الكزبرة و يتبل بالملح و الفلفل الأبيض حس الرغبة .

6 – ترتب قطع الدجاج في طبق التقديم توزع الصلصة عليها , تقدم مع المعكرونة و الخضار السوتيه و البطاطا المقلية و السلطة .



التعليقات

  1. رانو 30 September 2012

    اول شي الله يرفع البلاء يارب ..وان شاء الله الفرج قريب
    وتانيا تسلم ايديكي على الوصفة اللذيذة انشاء رح جربها عن قريب

  2. محبوبة 30 September 2012

    السلام عليكم أخت منى

    قبل ما أحكي شي عن الوصفة والله بالي كان مشغول عليكي كتير وكل يوم أفتح الموقع وكلي أمل أني شوف وصفة جديدة مو مشان الوصفة بس من شان أطمن أنك بخير

    ظروف صعبة كتير بس أملنا بالله كبير أنو يفرجها عالشعب اللي مل وتعب وعانى الأمرين

    طولت حكي بس بشكر الله أنو طمن بالي عليكي

    وهلأ بنرجع للوصفة اللي مبين أنها يمي يمي ونزلت بقائمة التجريب

    إذا الله عطانا عمر :cry :cry

  3. laraye 30 September 2012

    منى يا حبيبة قلبي
    الحمدلله ع رجعتك الحلوة … و الله يحميكي و يحمي اهلك واولادك يا حق
    وأكيد كلياتنا منعرف انو حقك تغيبي لأنو سبحان الله الواحد ماالو قلب ع شي.
    و بالفعل من اول يوم رمضان لهلأ قلبنا متل النار و كل نهار عميفرط قلبنا ع حلب.
    بس الحامي الله و ما إلنا غيره. الله يرفع عننا كل فتنة و أذى و بلاء يارب
    الله يسلم ايدكي ع هال أكلة الطيبة عالتجريب عن قريب انشالله

  4. سمسمة 1 October 2012

    مرحبا منى
    الله يسلم هالايدين انبسطت أنك طليتي علينا والله مشغول بالي عليك ان شاء الله تكوني بخير أنت وأهلك
    الله يكون معكن

  5. Mona 1 October 2012

    هلا رانو :)
    امين يا رب , عاجلا غير اجل

    ان شاء الله تجربيها و تعجبك

  6. Mona 1 October 2012

    و عليكم السلام و رحمة الله و بركاته اختي محبوبة :)

    الحمد لله على هل الحال و على كل حال , ان شاء الله بيطمن بالك على كل غالي و عزيز

    ان شاء الله تجربيها و تحبيها و خبريني رايك , اذا رب العالمين قدر :roll

  7. Mona 1 October 2012

    هلا لارا :)
    امين يا رب , الله يعوض على كل مين فقد حبيب او غالي , او اتغرب عن بلده او نقص من ماله شي

    ان شاء الله تجربيه و تحبيه ;)

  8. Mona 1 October 2012

    هلا سمسمة :)
    الله يطمن بالك على كل الغوالي على قلبك , شكرا لسؤالك ;)

  9. ميسونو 1 October 2012

    أهلين منى
    والله يحمي هالبلد وأهلها
    سؤالي حشري بحت: لقد تناولت هذه الوجبة يوماً ومنذ زمن بعيد في أحد المطاعم ولا أتذكر من الطعمة سوى أني أخذت حذري أثناء فتح الصدر كي لا أطرطش الدنيي. السؤال: ممكن أن تخبرينا عن الطريقة الأصلية .. حتى بدون مقادير بس أنو الواحد يعرف شو الفرق وليش بدها ثلاث ساعات تحضير.
    وشكراً سلفاً

  10. لبنى الشامية 5 October 2012

    الحمد لله عالسلامة أخت منى

    رجعتك وظهورك عالموقع عطاني دفعة امل وطمني ولو شوي على اخوتنا بحلب.. :sigh

    ان شاء الله ليل سوريا قرب ينجلي ويرجع عبق الياسمين يملي شوارعها وحواريها
    يارب :x

تقييم الوصفة
عاديةقد أحضرهاجيدةممتازةأكثر من رائعة (6 votes, average: 3.83 out of 5)