شوربة كريم البندورة بالبيستو


         وصفة : منى                 2011/10/15                 6 تعليقات

آخر تصويت


آخر تعليق

شوربة كريم البندورة بالبيستو

أخر ايام الصيفية , عم نودع الخضرة الطيبة بالوانها الي بتفرفح القلب و محضرين حالنا على السما الملبدة و البرد و ان شاء الله المطر ..

ما بحب الشتي و دوما باوله بيصير معي اكتئاب من الجو المغير , بحب الدني تكون منورة و مشقرقة بالشمس , سبحان الله رب العالمين الي بيخلق الفصول المختلفة لحتى نحس بالنور بعد الظلام و الدفا بعد البرد , لحتى نقدر قيمة كل شي في الدنيا , المنيح نعمة و كمان الي مو منيح نعمة لحتى نحس بالمنيح و نقدره …

صلصة البيستو عندي بالفريزر دايما لهيك ما باكل هم تحضيرها و انت فيك تحضري البيستو على ايدك او فيكي تشتري عبوات جاهزة بتلاقيها بالمول , بس تحضيره اسهل من انك تطرقي طريق للمول و تشتري بيستو محضر من 6 شهور على الاقل , من تحت ديات مدري ايا طنط او انكل , مدري بايا بلد .شغل ايدك اطيب و اضمن و انظف

هل الوصفة رح تعملك اطيب شوربة بندوة رح تدوقيها بحياتك , على اد مو طيبة بحبها حتى و هي باردة .نحنا مو كتير معوديين على هل النوعية من الوصفات , بس ما رح تعرفي اديه طيبة الا لحتى تجربيها بنفسك .الوصفة بسيطة كتير و طيبتها ببساطتها و مقاديرها القليلة , يعني لما صرت ضيف عليها اشيا اتغيرت الطعمة و ما عادت متل ما بدي و سرها الوحيد انك تستعملي بندورة ناضجة و مختمرة , لان هي اساس الطعم

بحب قدم معها خبز التوم , شرايح توست بدهنهم بزيت زيتون مقلبه معه شوي توم و بعدها بحمصه في الفرن مع جبنة بارمجان او موزتاريلا كتيرة , يممم ..

بالصحة و الهنا

أخر ايام الصيفية , عم نودع الخضرة الطيبة بالوانها الي بتفرفح القلب و محضرين حالنا على السما الملبدة و البرد و ان شاء الله المطر .. ما بحب الشتي و دوما باوله بيصير معي اكتئاب من الجو المغير , بحب الدني تكون منورة و مشقرقة بالشمس , سبحان الله رب العالمين الي بيخلق الفصول المختلفة لحتى نحس بالنور بعد الظلام و الدفا بعد البرد , لحتى نقدر قيمة كل شي في الدنيا , المنيح نعمة و كمان الي مو منيح نعمة لحتى نحس بالمنيح و نقدره ... صلصة البيستو عندي بالفريزر دايما لهيك ما باكل هم تحضيرها و انت فيك تحضري البيستو على ايدك او فيكي تشتري عبوات جاهزة بتلاقيها بالمول , بس تحضيره اسهل من انك تطرقي طريق للمول و تشتري بيستو محضر من 6 شهور على الاقل , من تحت ديات مدري ايا طنط او انكل , مدري بايا بلد .شغل ايدك اطيب و اضمن و انظف هل الوصفة رح تعملك اطيب شوربة بندوة رح تدوقيها بحياتك , على اد مو طيبة بحبها حتى و هي باردة .نحنا مو كتير معوديين على هل النوعية من الوصفات , بس ما رح تعرفي اديه طيبة الا لحتى تجربيها بنفسك .الوصفة بسيطة كتير و طيبتها ببساطتها و مقاديرها القليلة , يعني لما صرت ضيف عليها اشيا اتغيرت الطعمة و ما عادت متل ما بدي و سرها الوحيد انك تستعملي بندورة ناضجة و مختمرة , لان هي اساس الطعم بحب قدم معها خبز التوم , شرايح توست بدهنهم بزيت زيتون مقلبه معه شوي توم و بعدها بحمصه في الفرن مع جبنة بارمجان او موزتاريلا كتيرة , يممم .. بالصحة و الهنا




• ترفع شرائح البندورة من الزيت و تفرم مكعبات صغيرة .

• يقلب الثوم بالزيت او الزبدة لمدة دقيقة تقريبا على نار هادئة حتى تظهر رائحته اللذيذة مع الانتباه ان لا يتغير لونه .

• تضاف البندورة المجففة و الفليفلة الحمراء و تقلب لمدة دقيقة اخرى .

• يضاف المرق و البندورة و الفلفل و الملح و تترك الشوربة لتغلي لمدة 10 – 15 دقيقة .

• تضرب الشوربة بالخلاط العمودي حتى تنعم , تضاف نصف كمية الكريم و تذاق للتأكد من الطعم , يمكن اضافة القليل من السكر اذا دعت الحاجة .

• تصب الشوربة في اطباق فردية , يوزع باقي الكريم على وجه الشوربة , توزع ملعقة او ملعقتين من البيستو في الشوربة حسب الرغبة . تقدم فوراً مع خبز الثوم .

التعليقات

  1. bobo84 15 October 2011

    ربي يسلم هالديات يا ست منى وان شاء الله روحك الحلوة هي اللي بتبقى مشرقة دايما بكل فصول السنة,يعني هالموقع كلو غير شكل وبيجنن بس أحلى شي انو في شي جديد ومنوع وبنفس الوقت مانو غريب علينا يعني البندورة عندي استعداد اكلها باي شكل واكيد ان شاء الله رح جرب هالشوربة المميزة وشكرا كتيير الك. :roll

  2. منى 15 October 2011

    الله يخليك و يحفظك يا رب
    شكرا حبيبتي و ان شاء الله تبقي انت كمان منورة الموقع على طول و يا ريت تجربيها و تكون طيبة
    معك حق البندورة الي بوقتها ببتاكل حتى لوحدها :zzz

    رح استنى رايك ان شاء الله

  3. آرام 16 October 2011

    أول شي عجبتني الصورة من لما شفتها عالفيسبوك، كتير شكلها لذيذ ومغري … بعطيها 10/10 عن جدارة.
    تاني شي الطعمة … عجبتني أكتر من الصورة، يعني عن جد بتستاهل شي 12 أو 13 من عشرة :)
    صار عندي قناعة أنو البيستو متل البانجان … شلون ما انعمل بيطلع طيب.
    بس كان ناقصني بندورة مجففة لأني ما عملت هالسنة.
    ألف شكر أخت منى.

  4. منى 17 October 2011

    هلا ارام ,
    ان شاء الله الف صحة و هنا و ان شاء الله دوما عشرات و ممتاز ..

    معك حق البيستو عم يخلي الاكلات الهم لمسة فيها شي فريش و نعنوش , ما فيني استغني عنه

    جربها بالبندورة المجففة لما بتتوفر لان كمان رح تصير اطيب و اطيب

    عوافي على البك

  5. مزهرة 27 September 2012

    الله يسلم هالايدين يااحلى منى , والله كل الوصفات اللي جربتهم كانوا راشعين . وهالوصفه عم اعملها الان وكمان كتير طيبه باين من ريحتها وطعمتها كمان حتى قبل ماتنتهي تحضير.

  6. Mona 29 September 2012

    الله يسلمك مزهرة عوافي و الف الف صحة و هنا على كل الي جربتيه ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)