سلطة الأفوكادو و الفيتا


         وصفة : منى                 2013/06/19                 8 تعليقات
سلطة الأفوكادو و الفيتا

سلطة ملونة بتفرفح القلب وقت بتكون على السفرة , خفيفة و فريش و مقرمشة , و كتير فكرة معقولة اذا ناويين تتغدوا برة بشي حديقة او على البحر , بتذكرني بالصيف و اياماته الحلوة القديمة , ان شاء الله الي جاي أحلى .

الفكرة الاساسية أخدتها من السلطة اليونانية , بس حبيت غمس الفيتا بالأوريغانو و الزعتر الأخضر لحتى تصير طعمتها أطيب و شكلها أحلى , و صدف ان كان عندي أفوكادو فضفته على سلطتي و كان كتير طعمته طيبة معها , صرت كل ما يتوفر عندي بضيفه على السلطة .

بالصحة و الهنا

شو لازمنا ؟
1 حبة خس
1 حبة أفوكادو ناضجة
2 حبة بندورة
مكعب جبنة فيتا , بوزن 100 غ
نصف ملعقة صغيرة أوريغانو أو زعتر أخضر
نصف ملعقة صغيرة ريحان مجفف
حفنة زيتون اسود , منزوع النوى
حفنة زعتر اخضر طازج

التتبيلة :

1 حبة بصل أخضر
4 ملعقة كبيرة زيت زيتون
4 ملعقة كبيرة عصير ليمون
ملح
رشة فلفل أسود

طريقة التحضير

• تمزج مقادير الصلصة و تترك جانباً حتى اعداد الخضار .
• تخرج الفيتا من الثلاجة و تقطع باستخدام سكين حاد الى مكعبات , يقلب الزعتر الأخضر و الريحان في وعاء صغير , ترش على مكعبات الفيتا .
• يقطع الخس خشناً , تقطع البندورة لأرباع ارباع ثم تقطع بشكل طولي , تقشر الافوكادو و تقطع و يعصر عليها القليل من عصير الليمون حتى لا يتغير لونها .
• تقلب الخضار المفرومة و توضع في طبق التقديم , توزع الجبنة على الوجه , توزع الصلصة و تقدم فوراً .

التعليقات

  1. souha 19 June 2013

    تسلم إيدك شكلها بيشهي أعشق السلطات و أعشق جبنة الفيتا

    • منى 19 June 2013

      اهلين ام السوس , الله يسلمك حبيبتي :)
      و انا متلك و الله

  2. farah 19 June 2013

    سلم ايديكي من وصفاتي المفضلة … <3
    على فكرة انا علقت على وصفة البطاطا باكليل الجبل وسألت سؤال بس التعليق كأن صار بيخص الفيس !! هو بقي فوق يمكن انا كتبته اول ما قرأت الوصفة تحت الوصفة تمام وما انتبهت ان لازم انزل لحت ^_^
    ما بعرف يا ريت تشوفيه وتجاوبي على سؤالي فيه
    والوصفة قيد التنفيذ …

    • منى 20 June 2013

      الله يسلمك فروحة :)
      و الله تعليقات الفيس بوك مسببتلي مشكلة , ما بيجيني اشعار فيهن , بقى بالصدفة لادخل و شوف التعليق , هلا رديت و اسفة للتاخير

      رح استنى رايك بعد التجربة و تقريبا انا بعرف انها رح تزبط معك , بتحبي هل التوليفات انت

      • farah 24 June 2013

        عزيزتي منى وصفة رائعة ولذيذة ومناسبة للاشخاص اللي حابين يبدأوا بالتخفيف متلي انا ما ضفت زيتون وخففت كمية الزيت , جدا لذيذة وتستحق اضافتها لقائمه السلطات المعتمدة دوما … بانتظار ابداعاتك المميزة

        • منى 26 June 2013

          عوافي و الف الف هنا فروحة , اتوقعت انها تعجبك يا جميل
          شكرا لثقتك في وصفاتي

  3. غالية 22 February 2015

    كتير طيبة و ظريفة شكرا

    • منى 22 February 2015

      شكرا الك غالية، نورتي

تقييم الوصفة
عاديةقد أحضرهاجيدةممتازةأكثر من رائعة (4 votes, average: 4.25 out of 5)