محشي كوسا باللبن


         وصفة : منى                 2007/08/02                 15 تعليقات
محشي كوسا باللبن

·          تغسل حبات الكوسا ثم تقطع رؤوسها و تغمس بالقليل من الملح و تترك لمدة عشر دقائق , هذه المرحلة هدفها تطرية رؤوس الكوسا كي لا تتشقق أثناء الحفر .

·          تحضر الحشوة : تخلط اللحمة النية و الأرز و البهارات و الماء و تترك الحشوة جانباً أثناء تحضير الكوسا حتى تتشرب من الماء و خواص اللحمة .

·          تحفر حبات الكوسا بانتباه حتى تبقى قشرة رقيقة و يحتفظ باللب لتحضير المثومة ( الكوسا بزيت ) أو كاتو الكوسا .

·          تحشى حبات الكوسا بالحشوة من دون ضغط و يترك مقدار نصف عقدة اصبع من كل حبة بدون حشو لأن حبات الأرز ستنتفخ عند الطبخ ثم تصف حبات الكوسا في قدر متوسط الحجم ثم يوضع فوقها طبق و ثقل كي لا تخرج حبات الأرز أثناء الطبخ ثم تغمر بالماء و يضاف الثوم و النعناع و الملح و يترك حتى تغلي .

·          بعد أن يغلي الماء تهدى النار و يغطى القدر و يترك لمدة 30 – 45 دقيقة او حتى يقارب المحشي من النضج . يصفى المرق و يوضع جانباً .

·          في هذه الأثناء يحضر اللبن , يذوب الكورن فلاور بالقليل من الماء ثم يخفق مع  اللبن حتى يصبح المزيج ناعماً .  يضاف مقدار كوبان من مرق المحشي و يقلب الكل ثم يوضع على النار و يحرك باستمرار حتى يغلي .

·           يضاف صوص اللبن للمحشي كوسا و يترك ليغلي لمدة 5 دقائق , مع ضرورة الانتباه لأن هذا المحشي ينضج بسرعة كبيرة و إذا ترك لفترة إضافية فإن القشرة ستتمزق و تخرج الحشوة

·          يقدم المحشي كوسا ساخناً مع صلصة اللبن و الفجل و النعناع الطازج و الفليلفة الحرّة .

 

 




2 كيلو كوسا حجم متوسط


الحشوة :

ثلث كيلو لحمة مدهنة
2 كوب رز مصري
نصف ملعقة صغيرة بهار مشكل
ربع ملعقة صغيرة قرفة
نصف كوب ماء
ملح

صلصة اللبن :

ماء يكفي لغمر المحشي كوسا
4 فص كبير ثوم مهرووس
نصف ملعقة كبيرة نعناع يابس
2 ملعقة كبيرة كورن فلاور
كيلو لبن





• تغسل حبات الكوسا ثم تقطع رؤوسها و تغمس بالقليل من الملح و تترك لمدة عشر دقائق , هذه المرحلة هدفها تطرية رؤوس الكوسا كي لا تتشقق أثناء الحفر .

• تحضر الحشوة : تخلط اللحمة النية و الأرز و البهارات و الماء و تترك الحشوة جانباً أثناء تحضير الكوسا حتى تتشرب من الماء و خواص اللحمة .


• تحفر حبات الكوسا بانتباه حتى تبقى قشرة رقيقة و يحتفظ باللب لتحضير المثومة ( الكوسا بزيت ) أو كاتو الكوسا .

• تحشى حبات الكوسا بالحشوة من دون ضغط و يترك مقدار نصف عقدة اصبع من كل حبة بدون حشو لأن حبات الأرز ستنتفخ عند الطبخ ثم تصف حبات الكوسا في قدر متوسط الحجم ثم يوضع فوقها طبق و ثقل كي لا تخرج حبات الأرز أثناء الطبخ ثم تغمر بالماء و يضاف الثوم و النعناع و الملح و يترك حتى تغلي .

• بعد أن يغلي الماء تهدى النار و يغطى القدر و يترك لمدة 30 - 45 دقيقة او حتى يقارب المحشي من النضج . يصفى المرق و يوضع جانباً .

• في هذه الأثناء يحضر اللبن , يذوب الكورن فلاور بالقليل من الماء ثم يخفق مع اللبن حتى يصبح المزيج ناعماً . يضاف مقدار كوبان من مرق المحشي و يقلب الكل ثم يوضع على النار و يحرك باستمرار حتى يغلي .

• يضاف صوص اللبن للمحشي كوسا و يترك ليغلي لمدة 5 دقائق , مع ضرورة الانتباه لأن هذا المحشي ينضج بسرعة كبيرة و إذا ترك لفترة إضافية فإن القشرة ستتمزق و تخرج الحشوة

• يقدم المحشي كوسا ساخناً مع صلصة اللبن و الفجل و النعناع الطازج و الفليلفة الحرّة .



  • وصفات تانية ممكن تعجبك


التعليقات

  1. kuwaiti_girl 3 February 2008

    يم يم تسلم الايادي… هالوصفه شكلها جدا لذيذ… وان شاء الله اطبقها في القريب

  2. منى 3 February 2008

    ان شاء الله كوكو يا عسل و اكيدة مش رح تندمي ,, أنا الصراحة ادمان على هل المحشي :grin

  3. أحمد الله 2 July 2008

    الله يعطيك كل العافية اخت منى ..
    بحكم الغربة تعلمنا كل شي بشغل البيت من الألف الى الياء خاصة الطبخ و اليوم طبخت الكوسا بلبن ..
    هي نفس طريقتك بس نحن بنطبخ اللبن لحاله مع نشا و بيضة و نحرك فيه:zzz لحتى يغلي منشان ما يفرط و بعدين بنطبخ الكوسايات فيه..انا بضف للبن شوية فلفل أحمر بيعطي نكهة و الوان حلوة مع الكوسا والنعنع 8)

  4. منى 3 July 2008

    الله يعافيك و يخليك أخي الكريم , ما هي الغربة بتعلم الواحد اشيا ما بتخطر على البال ..

    أنا بطبخها بهل الطريقة بحس ان اللبن بياخد من نكهة الكوسا بس بضمن أن ما يفرط , و إذا حضرتك من أهل الشام فانتو أهل و اصحاب هل الطريقة الطيبة و انا اتعلمتها من واحدة شامية :)

    مية هلا أخي و ان شاء الله بترجع بخير و سلامة

  5. muna.g.7 16 September 2008

    واو انا موتي طبخات اللبن تسلم ايدك

  6. منى 16 September 2008

    مية هلا منونة :) و الطبخة هي بالتحديد راائعة , اتفضلي حبيبتي

  7. آرام 12 July 2009

    أخت منى ما بعرف كيف بدي أتشكرك .. لأول مرة بحياتي بعمل محشي .. وكان رائع وناجح تماماً من أول مرة .. يمكن هو عادي بس من فرحتي على حالي شفته أطيب محشي كوسا أكلته بحياتي :zzz
    ما فيه أي ملاحظة غير أن زاد كتير من الحشوة .. عملت نصف الكمية وقسمت كل المقادير على 2 .. بس عرفت بعدها أن السبب أني اخترت حبات كوسا صغيرة للغاية (الكيلو طلع 17 حبة) .. وسمعت أن حبات الكوسا كلما كانوا أصغر بيستهلكوا حشوة أقل ..
    على فكرة .. أخذ معي حفر الكوسا لوحده ساعتين إلا ربع بالضبط! يعني بسرعة السلحفاة بس باعتبارها أول مرة فما فيه مشكلة .. والسرعة بتزيد مع الوقت .. المهم أن الحفر طلع نظامي تماماً وما تمزقت ولا حبة ..
    هالمرة طبخته بالماء والصراحة ما تجرأت أطبخه باللبن .. بس المرة الجاية إن شاء الله بدي أجربها .. بس بدي أسألك أختي أنت متأكدة أنك بتضيفي اللبن وهو بارد؟ مو لازم نغليه قبل ما نضيفه فوق المحشي؟!!

  8. منى 12 July 2009

    هلا ارام :) يعني اتذكرت حالي اول مرة طبخت فيها , بيبقى الشي الي الواحد بيطبخه من تحت دياته اطيب الشي .. عوافي يا حق
    الكوسا حفره اسهل الشي من بين الخضار,و ساعتين الا شوي على كيلو كوسا وقت طويل , اكيد لان هي اول مرة , بس الانجاز هو ان و لا واحدة انشقت , انا اول مرة حفرت كوسا من كتر ما طلعوا معي الكوسايات تحفة غيرت فيها الاكلة من كوسا محشي لمتومة

    الحشوة متل ما قلت لان الكوسايات الصغار بياكلوا حشوة ااقل بس انا بحسهن طيبين كتير و تغير شكل عن المحشي الكبير

    اخي اللبن انا بضيفه على البارد , بس لان اللبن الي بجيبه لبن غنم مكفول و ممتاز . معك حق , اذا انغلى اللبن قبل بيكون اضمن و مو الكل متوفر عندهم لبن منيح , رح عدل هلا الوصفة لحتى تزبط بكل الأحوال ..

    هنا و الف عافية على المحشي , و ان شاء الله تجربه باللبن و يعجبك , عندي بالبيت في من الاولاد بيحبوا المرقة اكتر من المحشي نفسه .

  9. laraye 15 February 2010

    الله بسلم ابدبك منى
    جربتو وكان تمام
    بس كترت اللحمة
    ع كل حال طلع كتير طيب

  10. روان 8 January 2011

    كيفك يا اخت منى ؟؟ شو أخبارك ؟؟ انشالله انك بخير انتي وكل حبايبك ؟؟؟ يا ستي بس اسمحيلي اسألك .. لازم ننقع الرز قبل ما نستعمله بالحشوه ؟؟ لانه حسيتك ما بتنقعيه ؟ :upset :upset .هلا انا خبرتي كتيييييييير بسيطه لهيك عنجد ما بعرف !! الله يخليكي تحكيلي انا بشتري الكوسا محفور جاهز لاني ما بعرف احفر :cry :cry :cry …. بستنر ردك يا عسل بلكي قدرت اعمل هالمحشي لانه جوزي بموت عليه !!

  11. منى 9 January 2011

    هلا لاروش :)
    الف صحة و هنا حبيبتي على البك , مو مشكلة اللحمة المهم كله على بعضه كان يميي :zzz

  12. منى 9 January 2011

    هلا روان :)
    لا ما دام رح تجيبي الكوسا محفور معناها الاحسن انك تحضري الحشوة و تتركيها شي ساعة لحتى تنتقع حبة الرز ;)

    ان شاء الله بتجربيه و يعجب الباشا , خبريني شو بيصير معك 8)

  13. روان 9 January 2011

    تسلمي لردك اختي منى …انا سؤالي انه هل بننقع الرز لوحده قبل ما نخلطه مع الحشوه؟؟ لانه امي هيك بتعمل .. بتنقع الرز شي ساعه وبعدين بتخلطه للحمه والبهارات..شو رأيك هيك صح او لا؟؟ وبصير نستخدم لبن رايب ؟؟؟وكم لازم نترك اللبن يغلي قبل ما نحطه عالمحشي ؟؟ وتسلمي يا ست الستات ربنا لايحرمنا منك ومن لطفك وطيبتك يا احلى منى

  14. روان 11 January 2011

    اختي منى ..انب عرف انك مشغوله لهيك ما رديتي علي :sigh يا ستي انا طبخت المحشي ..بس كان ناقصه ملح واللبن فرط شوي :cry :cry :cry والله يا منى اني بطبق حرفي زي الوصفه ..مابعرف ليش هيك صار معي ..انا حاسه اني عمري ما رح اتعلم الطبخ ..حاسيته ابدا ما يطلع معي زاكي عنجد بدي اشكيلك همي يا اختي لاني بحسك كتير قريبه مني ,,انا ما بدي ازعجك بس انا كتير زعلانه عحالي :( :(

  15. منى 11 January 2011

    لا تزعلي و لا على بالك , كل واحدة بيصير معها احيانا فصول ناقصة غير شكل , مثلا الاسبوع الفايت حضرت فروج مشوي , قام طلع مالح متل الصبر و مو مستوي و قاسي كمان :roll

    بتصير قصص كتير بس منها الواحد فيها بتتعلم اكتر و كل خبرة سيئة بتمر عليك بتكوني اتعلمتي شي , سواء عن الازم او الي مو لازم تعمليه ;)

    الملح قصته بسيطة , بس اللبن ما دام فرط معناها غليتيه زيادة على النار

    اما الحشوة فانا قصدي انك تنقعيها مع البهارات و اللحمة بتصير طعمتها كتير طيبة و على زووءك

    مسحي دموعك و قولي لحالك اليوم اتعلمت اني لازم انتبه لحتى يكون ملح الطبخة مزبوط و المرة التانية لازم دير بالي على اللبن ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)