الكوسا بالزيت ( المثومة )


         وصفة : منى                 2007/08/02                 20 تعليقات
الكوسا بالزيت ( المثومة )

·          يحفر الكوسا لتحضير الكوسا محشي و يحفظ اللب لتحضير المثومة .

·          يفرم لب الكوسا فرما ناعما ثم يوضع على مصفاة و يرش بالملح ثم يترك جانباً لمدة ساعة كي يتم التخلص من ماءه .

·          يفرم البصل مكعبات صغيرة ثم يقلى بزيت الزيتون حتى يطرى .

·          يضاف لب الكوسا للبصل و يقلب لمدة 10 دقائق ثم يضاف الثوم و يقلب الكل لبضع دقائق أخرى ثم تهدى النار و يغطى القدر و يترك حتى يجف كل ماء الخضار مع التقليب من وقت لأخر .

·          يرش الملح حسب الرغبة في أخر دقيقة ثم تسكب المثومة في طبق التقديم و ترش بالفليلفة الحمراء و تقدم فاترة أو بارد مع الخبز العربي .

   




كيلو كوسا
ثلث كوب زيت زيتون
حبة بصل متوسطة الحجم
2 فص كبير ثوم
نصف ملعقة صغيرة ملح
فليلفة حمراء ناعمة





• يحفر الكوسا لتحضير الكوسا محشي و يحفظ اللب لتحضير المثومة .

• يفرم لب الكوسا فرما ناعما ثم يوضع على مصفاة و يرش بالملح ثم يترك جانباً لمدة ساعة كي يتم التخلص من ماءه .

• يفرم البصل مكعبات صغيرة ثم يقلى بزيت الزيتون حتى يطرى .

• يضاف لب الكوسا للبصل و يقلب لمدة 10 دقائق ثم يضاف الثوم و يقلب الكل لبضع دقائق أخرى ثم تهدى النار و يغطى القدر و يترك حتى يجف كل ماء الخضار مع التقليب من وقت لأخر .

• يرش الملح حسب الرغبة في أخر دقيقة ثم تسكب المثومة في طبق التقديم و ترش بالفليلفة الحمراء و تقدم فاترة أو بارد مع الخبز العربي .

  • وصفات تانية ممكن تعجبك


التعليقات

  1. ام نور 14 September 2007

    سلم دياتك منعملا كتير هيدي الاكلة حتى ما نكب اللب حرام وكمان منستعملو مع عجة الخضار او منقلي عادي مع بيض منحط بهار ونعنع يابس كتير بيطلع طيب

  2. منى 14 September 2007

    ان شاء الله عوافي و صحة :)

    انا بحبها كتير كتير و كتير احيان بسويها بالكوسا بدل اللب لما بتكون جاية على بالي ;)

    هلا ام نور :)

  3. Eman 14 January 2008

    يسلمو أختي منى على الوصفة ، من شوي عملتها وجهزتها مشان لما فيق ما أشتغل فيها، ولما طلعت ريحتها ما قدرت قاوم مادوقها، وبعد مادقت لقمتين ،ماقدرت قاوم ما أسكب صحن، وهيك لخلصت نص الطبخة :p.
    يعني يدوب تكفي زوجي بكرة.

    هي أول مرة إلي بجرب هالأكلة ،عملتها لأستغل لب الكوسا اللي عملته شيخ المحشي،وفعلا طلعت طيبة ولذيذة،بس شفت وصفة تانية للب اسمها متبل الكوسا،شو رأيك فيها؟ ومين برأيك أطيب؟

    بدي خليك تجربي قبلي مشان ما أتورط :grin ، ولأنو كلشي من إيدك بيطلع طيب.

    كمان عندي سؤال تاني،مين أطيب شيخ المحشي بلبن ولا بدون لبن على طريقتناالتقليدية؟

    المشكلة جديدة على الكار وبخاف يطلع معي تخبيص. :upset

  4. منى 14 January 2008

    هلا أمولة حبيبتي :)

    صحتين و هنا و عوافي يا رب , كأنك متلي :grin أنا بخبيها تخبياة لحتى ما شوفها ادامي و خلصها ..

    متبل الكوسا كمان طيب و أنا بتبله متل المتبل العادي , بسلق الكوسا وبهرسه بالشوكة بخليه ليصفى تمام و بعده بحط معه طحينة ة ليمون و شوية توم ,, شو خفيف و طيب..
    امي بتضيف عليه زيادة شوية لبن لحتى طلع لونه كاشف و كمان طيب ..

    بس الصراحة بحس المتومة أطيب ;)

    شيخ المحشي بالطريقتين طيب , أما إذا كان جوزك ما بيحب الاشياء الجديدة على الطبخات الي بيعرفها فنصيحة ما تجربيه إلا متل ما بيحبه و إلا بعدها ممكن يفكر ان الطبخة نفسها طلعت مو طيبة معك..

    هلأ محشي كوسا بلبن أنا بحبه مع اللبن أكتر بكتير من دونه , و شيخ المحشي بحبه بالطريقتين ;)

  5. نادين 16 April 2009

    ياعين اديش بحب هالاكله وللاسف الكوسا كتير كبير عنا وما بينعمل محشي لينحفر… بس من اسبوع جبت الكوسا وعملت عمليه جراحيه واقطع الكوسايه بالنص واحفر واحشي وعملت محشي كان لذيذ بس اخد وقت طويل بالطبخ
    بس اكتر شي جوزي انبسط على المثومه كار عقلو كانو عملت يبرق
    بس للاسف مادائما بيجي الكوسا طويل ورفيع لاعملو عمليه تجميل ويصير متل الكوسا بسوريا

  6. منى 16 April 2009

    و الله و الله انا هل الاكلة لو اكلت منها شو ما بشبع منها , الف صحة و هنا على قلبك و قلب جوزك , و ريتو عوافي يا حق

  7. na3oom 11 August 2009

    أكلة طيبة كتير إذا انوجدت على السفرة بترك المحشي وباكل منها

  8. منى 14 August 2009

    و انا متلك و الله , اذا انوجدت ما بعرف شو بيصير الي , لازم يرجع الصحن نظيف لحتى ارتاح :grin

  9. gsm 9 October 2009

    اهلين منونة
    انا من شوي عملت المتومة ماما دائما كنت تعملنا ياها وانا بآكلها بدال المحشي مو بإيدي بموت بأكلات الزيت بسبح فيها سباحة بس ما بقى اتذكر شو بينحطلها بس هلق عملتها وحطيتها على النار إن شاء الله تطلع طيبة بس انا ضفت من عندي معلقة صغيرة دبس فليفلة قولك مو بطلع طيب انا هل يومين شهيتي مفتوحة على أكلات الزيت شي فاصولية بزيت شي لبنة مكبوسة شي متومة ههههههه صايرة نباتية ما تواخذيني طولت عليك ويسلموا إيديك على هل الاكلات الطيبة

  10. منى 11 October 2009

    و الله انا لما بتنوجد المتومة ضميري ما بيرتاح الا لحتى يرجع الطبق نظيف :grin

    مممم ما بعرف على دبس الفليفلة , يا ترى كيف طلعت ؟

  11. gsm 11 October 2009

    يا ستي طلعت كتيير طيبة ولذيذة وطبعا متل ما حكيتي رجع الصحن نضيف زوجي قعد ياكل من المحشي وانا حاطة هل المتومة ونازلة فيها :grin بس عن جد كتيير حبيتها بتشبه تبعت ماما :p والله يا منونة الله يخليلنا ياكي ويخليلك ولادك دائما موجودة لما نحتاجك :)

  12. منى 16 October 2009

    ان شاء الله الف صحة و هنا يا رب , يمووووو هل الاكلة عندي غراام غرااام , ان شاء الله ما تكوني نسيتي تاكلي عني كم لقمة :zzz

  13. Jassy 3 October 2010

    السلام عليكم

    برمضان لأول مرة بعمل محشي كوسا لحالي، بس كان الموقع متوقف فما عرفت بالضبط شو اعمل بالبواقي أمت قليتون مع توم وفليفلة وكمون بس طلعت خبييييييييييصة ومو هالقد طيبة، ضلت يومين بالبراد .. وبعدين بليلة ما فيها ضو قمر ما كان عنا أكل عالسحور أمت التهمتها.

    امبارح عملت محشي وقلت بعمل اليوم عطريقة منى … وأنا عم بقلبها قعدت بعدين اقرأ الردود وقول لحالي : (معقول هيك البنات ما عم يقدروا يقاوموا الصحن وما بعرف شو ؟ شو هالشغلة العظيمة يعني كلها كوسا وشوية بصل ..)
    لكن من شوي لما سكبتها عالصحن هههههههه وما كنت جوعانة بنوب لأن وانا عم اطبخ قبلها آخد لقمة من هون ولقمة من هون .. لكن لما وصلت لهالصحن ….. وبعد أول لقمة حسيت الدنيا دارت حوالي وجعت كتير وفهمت كل وحدة ردت بهالرد هون ههههههه … ياي مو طبيعي شو طييييييييبة … خالص نص الصحن وإذا جوزي لسه تأخر بالاجتماع رح اعمل حالي ما كنت عاملة متومة أصلا هههههه.

    يسلمو منوووووش الحلّوش (الحلوة يعني) .. بتعقدي :zzz

    والسلام عليكم

  14. منى 3 October 2010

    يا عيني عليك , في اطيب من المتومة بهل الصيف , مع انه بسيطة و مكوناته سهلى بس الي اخترعها عبقري بلا شك , لا ايا زيادة او نقصان باتلوصفة رح تتغير :zzz

    عوافي و الف صحة على البك و الب البيبي , عم ياكل هل الصغنون على كل ضرس لون :grin

  15. Jassy 4 October 2010

    السلام عليكم ورحمة الله

    الله يسلمك منى خانم ويخليلنا ياكي عراسنا خيتو !

    بتعرفوا شو صار امبارح بعد ما كتبت الرد اجا جوزي .. واستلم صحن المتومة :grin ترك المحشي والمقالي والسمبوسك .. ولما بقيت لقمة طيبة وحدة قلي: ” بدك ؟ ” :grin

    السلام عليكم

  16. منى 4 October 2010

    :grin منيح حسبتي حسابك و سبقتيه

    صحتينو الف الف عافية على البك و البه يا حق ;)

  17. larooo 29 September 2011

    مساء الخير
    بدي اسأل اذا حدا بيعرف شي بيشبه هي الأكلة .. بس فيها دبس رمان .. انا بتذكر ماما كانت تعملها يطلع لونها غامق ..اظني كان فيها دبس رمان :grin

  18. منى 29 September 2011

    لا و الله ما بعرفها لاروش , اول مرة اسمع متومة مع دبس رمان , وصفة حلبية و الا شو ؟

  19. ام شهلا 26 March 2012

    اتوجه بجزيل الشكر الى طبخة المتومة اللي خلتني اتعرف على هالموقع الرائع وصاحبتو البرنسيس منى

  20. منى 27 March 2012

    :grin
    و انا كمان بشكرها لهل الوصفة الي عرفتني على اخت دمها عسل , متلك ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)