مربى المشمش


         وصفة : منى                 2008/07/09                 14 تعليقات
مربى المشمش

·          تقسم حبات المشمش لنصفيين باستخدام سكين و يتم نزع النوى , يمكن أن تكسر النوى و الاستفادة من حبات اللوز الموجودة داخلها .

·          يخلط السكر و المشمش في قدر و تقلب الفاكهة و السكر بلطف .
·          تترك الفاكهة حتى تخرج عصيرها , لمدة 4 ساعات و يمكن تركها طوال الليل .
·          يرفع القدر على نار متوسطة و يقلب بلطف حتى يبدأ بالغليان , بعدها يترك ليغلي خمس دقائق فقط .

·          يبعد القدر عن النار و يقلب كل ربع ساعة حتى يبرد و تختفي عن سطحه الرغوة , نصحتني إحدى السيدات الكبارية البركة أن لا أحاول نزع الرغوة و رميها لأنها تحتوي كل النكهة .
·          بعد ذلك يوضع المربى في طبق مسطح نوعا ما و يغطى بشاش أبيض نضيف و يترك في الشمس ليوم أو يومان حتى يصل للسماكة المطلوبة .

·          يعبأ المربى في مراطبين زجاجية ثم يحفظ في الفريزر حتى وقت الاستعمال .

 




كيلو مشمش شكر برة
نصف كيلو سكر





• تقسم حبات المشمش لنصفيين باستخدام سكين و يتم نزع النوى , يمكن أن تكسر النوى و الاستفادة من حبات اللوز الموجودة داخلها .

• يخلط السكر و المشمش في قدر و تقلب الفاكهة و السكر بلطف .
• تترك الفاكهة حتى تخرج عصيرها , لمدة 4 ساعات و يمكن تركها طوال الليل .
• يرفع القدر على نار متوسطة و يقلب بلطف حتى يبدأ بالغليان , بعدها يترك ليغلي خمس دقائق فقط .

• يبعد القدر عن النار و يقلب كل ربع ساعة حتى يبرد و تختفي عن سطحه الرغوة , نصحتني إحدى السيدات الكبارية البركة أن لا أحاول نزع الرغوة و رميها لأنها تحتوي كل النكهة .
• بعد ذلك يوضع المربى في طبق مسطح نوعا ما و يغطى بشاش أبيض نضيف و يترك في الشمس ليوم أو يومان حتى يصل للسماكة المطلوبة .

• يعبأ المربى في مراطبين زجاجية ثم يحفظ في الفريزر حتى وقت الاستعمال .

  • وصفات تانية ممكن تعجبك


التعليقات

  1. هيلين 9 July 2008

    يسلمو ايديكى حبيبتى اطيب مربى هوه المشمش لا يعلى عليه ابدا

    حبيبتى منى
    ممكن اطلب منك طريقة البرك المقلية بالجبنة لو ما فيها غلبة

  2. سمسمة 9 July 2008

    ان شاء الله بيعيشوا ايديكي منظره بيشهي القلب

  3. منى 9 July 2008

    هلا سمسمة :)
    هادا بس من زووءك , خلص و الله احلى مرطبان لعيونك أختي ;)

  4. غيث 9 July 2008

    الله يسلم هالديات يا حق والله انا هنا بالغربة ما بعمل كل هالمربيات وبتبعثها لي ماما من حلب لأني مافيك تشوفي الشكربره متل يلي بسوريا جد والله كتر الانواع هنا بالفواكه وبكل طعام بس ببلدنا والله الفواكه الطازةاللي بوقتها وطعمتها غير شكل اه من الغربة حضارة بس كلها حياة مصطنعة حتى النفاح الاميركي مثلا بحسه صناعي وليس طبيعي متل تفاحات كسب وغيرها الحمد لله على هالخيرات الطبيعية ببلدنابتعرفي منى اليوم عملت فطائر مشكلة على طريقتك طلعت كأنها جاهزة وأطيب والله .الله يبيض وجهك ويعطيك العافية على تعبك معنا وكمان كانت سريعة التحضير وطيبة ولذلك انا عاجزة عن الشكر ليك يا فنانتا و بالنهاية اتمنى لك سفر سعيد واجازة ممتعة انشاء الله وبالسلامة ان شاء الله رح نستفقد لك لا تطولي علينا

  5. منى 10 July 2008

    هلا هيلين :)

    من عيوني حبيبتي , بس هلا رح سافر بعد بكرة ان شاء الله بس ما ارجع ;) فيك اذا بتحبي تشوفي وصفة [URL=http://www.l2ma.com/content/view/88/2/]السمبوسك[/URL]لوقت ما نزل البرك :zzz

  6. منى 10 July 2008

    هلا غيوثة :)
    و الله متل ما قلتي , الفواكهة عنا غير , و هل الخيرات الي بين ايدينا ما حدا بيحس بقيمتها الا لما بيطلع لبرة :zzz

    هنا و عوافي يا رب على الفطاير , و انت لو ما كنت ست بيت شطورة ما كانت نجحت معك هل الوصفات كلها ;)

    و انا كمان رح استفقدلك , يلا ما بطول ان شاء الله :)

  7. Rino 12 July 2008

    هلا بالغالية منى
    تسلم إيديكي عيوني على وصفة المربى و على كل وصفة عم بتحطيها بصراحة كللو شي مرتب و متعوب عليه
    أنا بصراحة من أنصار المشمش الحموي يا سبحان الله كل واحد بيكون ألو وجهة نظرو وذوقو و ميله لنوع معين من المشمش
    اللي بيمز لون مربى المشمش الشكر برا هو لونو اللي متل الشمع و طعمو الحلو بس أنا بحب مزة الحموضة اللي بالحموي و كمان بحس طعمتو بتشبه نكهة قمر الدين مو بيؤولو للناس في ما يعشقون مذاهب و بيؤولو كمان لولا اختلاف الأذواق ما نفقت البضايع من الأسواق
    تسلم إيديكي كمان و كمان يا أحلى ست بيت و صبية حلبية

  8. منى 22 July 2008

    هلا رينو :)

    كلك زووؤ حبيبتي , متل ما قلتي كل واحد و اله شي بيفضله ;)

    انا المشمش الحموي بحضر فيه المربى المهروس , هيك بيكون عندي من الشكلين , و شو ما اشتهيت باكل :zzz

    الله يسلمك حبيبتي و ما انحرم من هل الطلة الحلوة

  9. قهوه مُره 7 February 2009

    السلام عليكم تسلم إيدك منى …شو يعني شكربره .هلأ أنا بالشام بعرف العجمي والكلابي والبلدي…أفيديني أفادك الله

  10. منى 10 February 2009

    هلا أختي قهوة :)
    اسفة حبيبتي للتاخر , كان النت معطل عندنا بسوريا من يوم الأحد :roll

    هلا الشكربرةهو غير العجمي , بس هادا الكلابي ما عرفته , رح قلك على مواصفاته و بركي ان شاء الله بتعرفيه , الشكر برة لونه اصفر متل الشمع و لما بتفتحي الحبة ما بيكون عشقان , يعني سهل انك تفرقي المشمشة عن النواة و النواة لما بتكسريها بتكون طعمتها حلوة :roll ان شاء الله تكون وضحت الفكرة و اي سؤال تاني انا بالخدمة ;)

  11. أم نشأت 14 December 2010

    انا جديدة بهالموقع الأكثر من رائع يلي تعرفت عليه من خلال منتدى لك مجهودك واضح كتير اختي منى والله يعطيكي الف عافية. على فكرة اسمي كمان منى من الأردن.
    بس سؤالي ممكن نترك الطبق يوم او يومين نهار وليل او بس بالشمس لتاني يوم نرجع نحطه تحت الشمس؟ شكرا كتير

  12. مريومة 18 June 2011

    كيفك مدام منى بس بدي اسالك هلاء مربى المشمش الو اكتر من شكل في مربى حب ومفلق وممروت ومعصور ازاممكن تقوليلي طريقة مربى المشمش المعصور وشلون بيطلع اشقر وازا سمعانة عن المشقر او بخور المربى تقوليلي شورايك

  13. ام عبدو 6 June 2014

    السلام عليكم كيفك منى شلون بصير مربى المشمش المهروس

    • منى 8 July 2014

      اهليين ام عبدو :)

      بيتحضر بهي الطريقة مشمش فرنسي أو حموي منشيل البذرة و منطحنه ع ماكينة الكبة أخشن مصفاية

      بعد الطحن منقيس عيار السكر , كل مقدار مشمش بده مقدار و نص سكر , منخلطهن مع بعض و منخليهن بالبراد لتاني يوم

      و الافضل تكون الطنجرة كبيرة ع المربى

      هلا تاني يوم منحطه ع النار و منغليه شي 5 او عشر دقايق و بالاخير عصرة صغيرة ليمون و منشيله فورا عن النار

      بس ما برد منعبيه بمطربانات

      و بس

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)