المامونية


         وصفة : منى                 2007/06/13                 41 تعليقات
المامونية

من موسوعة حلب المقارنة قال خير الدين الأسدي ” المامونية حلوى من سميد وسمن وسكر ونعتقد هي ليست نسبة للخليفة العباسي لان حياته مفصلة لدينا ، نعم ابدعها حلبي ويغلب ان يكون من سوق السقطيةواسم المبدع مأمون ونسبت اليه ..يقيني ان لافطور اذكى واطيب من صحن مامونية مع القشطة والشعيبية بجانبها صحن الجبن العزازي “

-المقادير:

2 كوب صغير سكر ( حسب الذوق )
4 كوب صغير ماء
2 ملعقة كبيرة سمنة بلدية او بقرية
كوب صغير سميد
ملعقة صغيرة ماء زهر

للتقديم :

قشطة طازجة أو جبنة
قرفة ناعمة للزينة
. -طريقة التحضير:

• يوضع الماء و السكر على النار و يترك المزيج حتى يغلي و يذوب السكر تماماً .

• في هذا الوقت توضع السمنة و السميد على نار هادئة و يقلب الكل حتى يشقر السميد من دون أن يتغير لونه , يضاف مزيج الماء و السكر و يغطى الوعاء و تترك على النار الهادئة بضع دقائق حتى تشتد قليلاً .

• تبعد المامونية عن النار و يضاف ماء الزهر و تترك مغطاة لمدة 10 دقائق , سيزداد سمك المامونية .

• أصبحت المامونية جاهزة , تسكب في طبق التقديم , توضع فوقها القشطة أو تقدم مع الجبنة و ترش القرفة و تقدم ساخنة مع الخبز العربي .

تنويعات :

يمكن تقديم المامونية مع الجبنة المحلاة , تستخدم الجبنة العكاوي المنقوعة بالماء حتى تفقد كل ملوحتها ثم تقطع إلى شرائح سميكة و بعد أن تنضج المامونية و يضاف لها ماء الزهر تضاف شرائح الجبنة و يغطى القدر و تترك حتى تذوب الجبنة ثم تسكب و يرش الوجه بالقرفة و تقدم مع الخبز العربي .

التعليقات

  1. linda 14 June 2007

    كانو رفقات اخي من حلب دائما يحكو عن هل الاكلة و مرة عزموه عليها
    بس انا ما بعرف طعمها
    ان شالله بجربها شي يوم
    انا كتير مبسوطة اني عم اتعلم منك شغلات جديدة وطيبة

    :zzz

  2. منى 14 June 2007

    هلا ليندا :)
    هي كتير طيبة و اكيد رح تعجبك باذن الله , هي طريقة ستي , و هي الله يخليلي ياها منفنفة و ما في أطيب من أكلها ;)
    و انا مبسوطة فيك كتير و بوجودك معي 8)
    نورتي

  3. balsam 20 August 2007

    :)
    تسلمين على هالحلا الطيب

  4. منى 21 August 2007

    الله يسلمك بلسم :)

    و الشكر ليك على تواجدك الطيب في الموقع ;)

  5. ام دانية 16 September 2008

    نيال عيلتك علي ماشاء الله انا كتير بحب هل الاكلة وخصوصا اذا على وشا قشطة بس للاسف ما بعرف اعملا نهائيا حماتي الله يجزيها الخير بتبعتلي من حلب الممونية وانا بغليها بس بالمي :grin بس ان شاء الله رح جرب اعملا ويارب تنجح :x

  6. muna.g.7 16 September 2008

    اول مرة اضوقها في حلب من سنتين كنا راجعين من لبنان علىاساس ليلة مرور ولما تذوقناها في بوفيه الفطور اخرنا سفرتنا ثلاثة ايام تجولنا في الاسواق الشعبيه غرامي وتمتعنا باطيب اكل

  7. منى 17 September 2008

    هلا أم دانية :) , أنا بحبها أكتر الشي مع الجبنة العكاوي , يممي ..
    و الله مو مستاهلة من حلب لألمانيا اي شغلتها ااقل من 5 دقايق ,. الله يخليلنا هل الأمهات و الحموات شو تعبوا معنا لحتى صار عندنا شوية من خبرتهم

  8. منى 17 September 2008

    هلا منونة :) نورت حلب بأحلى و أغلى ضيفة من السعودية , ان شاء الله تكون منعادة و تنبسطي بزيارة حلب و سوريا

  9. فطوم باك 18 September 2008

    يسلمووووو الايادى

    يعطيك العافية … :) :)

  10. منى 18 September 2008

    هلا فطوم :) نور الموقع فيك و بتواجدك و ربي يسلمك و يخليك

  11. الدمشقية 30 November 2008

    فعلاً طيبة كتيييييييييييير نحن بالشام منقول عنها حلاوة بسميد والكل بطير عقله عليها بالفعل خصوصاً مع الجبنة يممممممممممم :upset تسلم ايدك يا منمونة

  12. منى 30 November 2008

    عن دمشقية :)
    كنت فاكرة ان مو معروفة برة حلب لان أصحاب زوجي لما بيجوا من الشام بيحكوا معه بالموبايل ان هنن رح يوصوا : بيقولوا حضرولنا المامونية و الشعبيات :zzz

    الله يسلمك يا عسل , نورتي

  13. ام نور 5 July 2009

    ما بتسدقي يا منى اني صرت عاملة المانونية شي 15 مرة اداش بسيطة وسهلة واداش طيبة ما كنت متوقعتا هيك لا جربتا بس انا شو عملت بالاخير قبل ما اطفي النار بحط الجبنة وهي جبنة حلوة وبحرك بسرعة فبتدوب الجبنة وبسكبا وبزينا بالقرفة وطيبة سخنة لقيتا وكل الي اكلوها عندي اخدوا مني الطريقة سلم دياتك يا رب

  14. منى 5 July 2009

    هنا و الف الف عافية ام نور :) هي الطريقة بيعملوها عنا كمان لحتى تدوب الجبنة و تصير طرية و تدوب دوبان :zzz

    متل ما قلتي ما ممكن الواحد يتوقع هيك طعمة من هيك مكونات بسيطة , الف صحة و هنا على قلبك و قلب ضيوفك واحد واحد

  15. laraye 18 August 2009

    منى لو سمحتي شو بتقصدقي بالكوب الصغير يعني فنجان قهوه؟ بعدا استخدم هالكمية لشخصين؟؟ ما بريد تكون كتيرة …
    سؤال كمان القشطة هي الحليب المكثف الا كل واحد شي؟؟
    شكراواسفه ع كتر الاسئلة :)

  16. منى 20 August 2009

    هلا اختي :)
    الكوب الصغير هو كوب الشاي و اذا انتي حابة تجربي الوصفة اول مرة ممكن تستعملي فنجان القهوة للقياسات و بنفس النسب , يعني فنجان سميد , فنجانين او تلاتة سكر , اربعة مي و حمصي السميد بملعقة سمنة و الكمية هي رح تطلع صغيرة و مناسبة لشخصين ان شاء الله ;)

  17. محبةالمصطفى ملك 15 June 2010

    امممم المامونية أكلة مشهورة بعيلتنا و خصوصي يوم الجمعة :zzz
    بس أنا بعملها بغير مقادير و الطريقة جابوها خوالي من عند مهروسة من شي 10 سنين :eek
    كوب سميد..3كوب ماء..3كوب سكر و طبعا ماء زهر و سمنة
    بس ما بعرف شو الفرق بين الطريقتين بس أكيد التنتين طيبيييييييييييييييين :zzz

  18. منى 16 June 2010

    هلا ما كتير في فرق بالمقادير , يعني هل اكاسة السكر رح تخلي مامونيتك اسمك من الوصفة الي بحضرها , انا ما كتير بحبها سميكة , بس هادا زوءي الشخصي , و يمكن لان اتعودت عليها هيك :roll

    شكرا كتير للاضافة و متل ما قلتي , المامونية خاطرها لااازم و خصوصا يوم الجمعة :zzz

  19. ام احمد الغالي 25 July 2010

    بحبا كتير للمامونيه خانوم بس بحياتها ما ظبطت معي كتير بتطلع سميكه

    :?
    يسلم دياتك منى والله يجزيكي الخير على تعبك معنا
    ماقلتيلي في مسابقه برمضان السنه ولا نو؟؟؟
    بلكي بجهز طبقي من هلااء :zzz

  20. منى 25 July 2010

    هلا ام احمد :)
    ان شاء الله تجربيها هل المرة متل ما اتعلمتها من نانا و تزبط معك :)

    و الله ام أحمد هي المسابقات حلوة كتير , بس عم تاخد وقت , اذا الفكرة عابتكم رح نعملها , شو رايك ؟

  21. ريم ز 15 November 2010

    هلق انا بعرف اعمل مامونية بس بدي الشعيبيات الحلبية
    لانو المامونية بدها معها شعيبيات يوم الجمعة
    ولا اش رأيك ست منى

  22. منى 15 November 2010

    :roll

    بيصير يجي يوم و اعملها , ليش لا ;)

  23. ام شهلا 1 May 2012

    مرحبا منى دقت ساعة العمل ومحتاجة مساعدتك تعرفت اليوم باستقبال عبنات سوريات من مختف المحافظات وتشاطرت وعزمتن على فطور حلبي قلت لحالي بمشيا بمامونية وفول ماحسيت الا انو العزيمة كبرت والبنات كترو واليوم كان في بوفيه فاخر جدا وفيو اطباق كتير مميزة يعن يماحلوة نحط فطور شو ماكان للضيوف اللي شافة هالشوفة انا شفت الفطور اللي حاطتتيه ورح احاول اعمل متلو بس مااظن الحق اعملن كلن العزيمة بعد بكرا الصبح دليني عكم اكلة خفيفات وسريعات تقبشيني
    eek :upset 8) :roll :eek :upset

  24. منى 1 May 2012

    عزيمة الفطور اسهل من غيرها , فيكي تعملي عجينةواحدة و تعملي فيها فطاير منوعة , ممكن سلطة ..

    شو كمان , ممكن تقطعي خلاوة مكعبات و تخطيها بطبق مع مكعبات زبدة , صحن مربيات مشكلة كمان مع زبدة , سلطة بطاطا , عسل و قشطة , دبس و طحينة , هل الاشيا سهلة كتير و بترتيبة صغيرة بتطلع سفرة غير شكل

  25. نور من قبرص 11 January 2014

    والله انك معدلة يامدام منى وذواقة بالاكل.بتعرفي بستمتع وان عم بقرا تعليقاتكون ولمابيكون الموقف بضحك بضحك لحالي وكاني عم احكي معكون .الله يوفقك

    • منى 17 January 2014

      شكراً يا روح قلبي , منورتينا و الله :)

  26. نور من قبرص 11 January 2014

    على فكرة انا من عشاق المامونية الحلبية ودائما بحضرها ورح جرب طريقتك اكيد رح تكون بتشهي

    • منى 17 January 2014

      ان شا الله تكون ع زوءك

  27. نور من قبرص 11 January 2014

    مدام منى انا هون شوفيني اكل مع المامونية يعني الجبنة في الحلومي القبرصية فيني حليا واستخدما بس هي الجبنة دسمة من حليب الماعز,وفيني آكل المامونية مع القشطة العلب متل نستله

    • منى 17 January 2014

      نحنا مناكلها مع الجبنة المالحة , كتيررررر طيبة , و ممكن كمان مع الجبنة المحلاية حسب زوءك

      ما كتير طيبة مع القشطة المعلبة , و اذا مو متوفرة القشطة التازة خليك على الجبنة :)

  28. firyal 22 January 2014

    مدام منى مشكورة عن جد على هالوصفات صار عندي إدمان اسمه لقمة طيبة بس لما كنا صغار كانت ماما تعمل المامونية بالحليب رح جرب طريقتك وخبرك بالنتيجة.

    • منى 17 May 2014

      منورة يا فريال الموقع ، ما بتخييلي اديه انبسطت بردك ، ان شا الله ادمان بتطيبي منه
      رح استنى رأيك بعد التجربة
      ع فكرة في نوع تاني بينعمل بالحليب و بيتقطع مكعبات و بيتغطى بالقشطة كتير طيب

  29. لارا مينا 4 October 2014

    تسلم الأيادي يارب وكل عام وأنتم بخير وكل الغالين ….
    مش مجربتها من قبل مع إن الوصفة موجودة من زمان بالموقع ،
    وهي من الوصفات القليلة اللي بلقمة طيبة عندي رعب منها ولحد الحين ماستجريت أعملها ،
    يمكن لأنها أكثر أكلة شعبية ولها سمعتها بحلب …
    حاسة إني مارح أزبطها مثل صاحبات البلد أنفسهم خصوصاً درجة التحميص والحلاوة والسمك المطلوب …
    مع إن المكونات وطريقة العمل بسيطة جداً
    وياليت إني أذوقها شخصياً من أهل حلب عشان أتشجع

    • منى 12 June 2015

      جربيها لارا ما بتندي لانها بسيطة والله

      ياريت ادوقك ياها ع اصلها ، الله كريم

    • منى 12 June 2015

      جربيها لارا ما بتندي لانها بسيطة والله

      ياريت ادوقك ياها ع اصلها ، الله كريم

  30. ruba adham 7 November 2014

    يسلموا دياتك صاحباتي شاميات كانوا يحكوا عنها كثير بس لما قراتها عرفت شو هي عنا بفلسطين وخصوصا بالقدس بنقول لها حلاوة سميد بنعملها بالشتاء وبنحط عليها مثل ما قلتي جبنه بيضاء محلية وشي ما بعرف اذا عندكم بتقولوا له نفسه حب قريش هي شجر بيشبة الصنوير بس حباته ارفع واطول وحباته لونها اسود المهم ربنا يرضى عنك وصفاتك كلها حلوة ومنظمة

  31. na3oom 6 December 2014

    في أطيب من المامونية على الفطور … بس صرت زيد عليها طريقة ماما لمحبين القرفة وهي انو حط عود قرفة مع الماي اللي عم تغلي مع السكر بتخلي منكهة القرغة من جوا وبرة …

    كتير حبيت الطاسة النحاس اللي فيها المامونية عطيتها للأكلة عبق تارخي..

    طبعا متلها متل كتير أكات مجربتهم تم إضافة الأكلة إلى صفحتي في pinterest.com

  32. mayada 21 April 2015

    يسلمو هاﻻيدين عالوصفات الطيبة وأنا لي الشرف كون معك وآخد الوصفات الطيبة

    • منى 23 May 2015

      الشرف الي ميادة، نورتي الموقع

  33. ميرنا 28 October 2017

    شكراا كتير المامونية وصفة طيبة كتير وخصوصا من ايادي حلبية اصيلة بس اذا عندك وصفة المامونية بالحليب حابة جربها سمعت عنها

    • منى 29 October 2017

      مسا الخيرات ميرنا :)
      شكر الك نورتي
      صراجة ما بعرف مامونية الحلبب ولا سمعانة فيها

تقييم الوصفة
عاديةقد أحضرهاجيدةممتازةأكثر من رائعة (5 votes, average: 4.00 out of 5)