برازق


         وصفة : منى                 2015/02/10                 8 تعليقات
برازق

يمكن ما في شي بيعبر عن حلويات الشام متل البرازق ، و انا بزمناتي كتير جربت وصفات ، كانو يطلعوا معي بسكوت طيب بس مو برازق .. لحتى جربت وصفة شيف محمد سحسول الي قدمها هل الشهر لجروب نكهة عربية .. الوصفة بسيطة و ما الها ايا سر غير الخفق المنيح و اتباع الخطوات بدقة لحتى تعطيك نتيجة فخمة متل الي بتحبيها و اكتر .

الوصفة نفس وصفة الشيف بتصرف صغير مني ، و الكمية كبيرة حوالي 140 حبة بالحجم الظاهر بالصورة ، بقى فيك تعدليها لحتى تكون الكمية مناسبة لعيلتك

بالصحة و الهنا

-المقادير:

1 كغ طحين ابيض
نصف كيلو سمن عربي " غنم أو بقر " يمكن استخدام السمن النباتي
300 غ سكر
200 غ مل ماء
ملعقتين حليب بودرة
نصف ملعقة صغيرة محلب

مقادير السمسم :

2 كوب سمسم محمص مقشور
4 ملعقة كبيرة مربى مشمش مهروس
4 ملعقة كبيرة سكر
2 ملعقة كبيرة ماء
-طريقة التحضير :

1- يقلب الطحين و الحليب المجفف و المحلب ، توضع جانباً . يقلب السكر و الماء و يترك جانباً .

2 - تخفق السمنة حتى تبيض ، يضاف الطحين بالتدريج مع الخفق بعد كل اضافة ، يضاف السكر المذوب في الماء و يخفق الكل حتى يصبح العجين طري مثل الكريما .

3 - نضع العجين بالبراد لمدة نصفة ساعة تقريبا ً قبل البدء بتشكيل البرازق

4 - نقلب السمسم و السكر ومربى المشمش ونضيف لهم الماء ونخلطهيم جيدا ً

5 -تقطع العجينة إلى كرات صغيرة ، تغمس كل كرة في مزيج السمسم و تضغط للحصول على شكل مسطح ، و يمكن أن تغمس بالفستق المبشور على الوجه ، تصف في صواني غير لاصقة .

تخبز البرازق على حرارة متوسطة ، عندما تحمر ارضية البرازق تخرج من الفرن ستكون طرية في البداية و عندما تبرد ستصبح مقرمشة .

ملاحظة :

الفرن الذي يعمل بالمراوح هو الانسب لخبز الرازق لكن يمكن خبزها على اي فرن آخر كهربائي او غاز
  • وصفات تانية ممكن تعجبك


التعليقات

  1. رانو 11 February 2015

    يسلمووو هالايدين ..من زمان عمندور على وصفة برازق مزبوطة

    • منى 11 February 2015

      ان شا الله تطلع ع زوءك رانو ، و رح استنى رايك

  2. Nosheen Zaza 11 February 2015

    يسلموا ايديك على هالوصفة. ما توقعت يكون في مربى مشمش بالمكونات!

    • منى 11 February 2015

      الله يسلمك يا رب :)
      و لا انا ، بس هيك الوصفة و سالت الشف محمد اذا ممكن نستبدلها بالجلوكوز او ايا شي ، قال لا

  3. Ahmad farah 19 February 2016

    هل يمكن اضافة ماء الزهر على السمسم

    • منى 2 March 2016

      الوصفة ماخودة من معلم حلويات بهي الطريقة

  4. Rafah 28 June 2016

    مابدا خميرة براق ؟

تقييم الوصفة
عاديةقد أحضرهاجيدةممتازةأكثر من رائعة (2 votes, average: 5.00 out of 5)