فتة الحمص بسمنة


         وصفة : بشرى                 2010/01/19                 19 تعليقات
فتة الحمص بسمنة



كوبين لبن
ثلاث أرباع كوب حمص مطحون
نصف كوب حمص مسلوق ومجهز
2-3 ملعقة كبيرة طحينة
ملعقة صغيرة ملح
نصف ملعقة صغيرة كمون ناعم
4 فصوص ثوم صغار
عصير ليمونةفليفلة حمراء + كمون ناعم للتزيين
صنوبر + لوز مسلوق ومقشر
ملعقتين طعام كبار سمنة ويفضل أن تكون عربية لطعمة أذكى وأشهى
رغيفين خبز متوسط إما يابس أو طري أو مقلي حسب الذوق



• يسلق الحمص الحب في حال عدم سلقه ويجهز .

• عند البدء بتحضير الفتة يوضع الحمص الحب مع فصين ثوم مدقوقين مع كوب من الماء على نار هادئة والهدف من هذه العملية تسخين الحمص لا أكثرولا أقل .

• نبدأ بتحضير الخليط الأساسي , نضع كوبين اللبن مع ثلاث أرباع كوب الحمص مع الطحينة مع عصير الليمون والكمون والملح مع فصين ثوم مدقوقين في وعاء ونخلطهم بمضرب سلك حتى يصبح المزيج متجانس وسلس .

• في حال حسيتي إنو الخليط لزج وسميك يضاف له بعض من ماء سلق الحمص , بمقدار كوب شاي . وبالأخير كله حسب الذوق .

• يسخن الخليط السابق في المايكرويف لمدة دقيقتين .

• يضاف للخليط نصف كمية الحمص المسلوق ويحرك بلطف لكي تتوزع حبات الحمص على كامل الخليط .

• يحضر صحن التقديم بوضع في قعره الخبز المحضر حسب الرغبة مع التأكد من ترك قليلاً من الخبز للوجه ثم يسكب الخليط فوقه مع ترك مقدار قليل منه ويوضع باقي الخبز على الوجه مع ما تبقى من الخليط والحمص المسلوق ويزين بالكمون والفليفلة الحمراء الناعمة .

• تذوب السمنة على النار ويحمص اللوز حتى يشقر ويرفع جانباً ثم يحمص الصنوبر حتى يشقر أيضاً ويرفع جانباً .. يمكن إضافة أو إنقاص كمية السمنة حسب الرغبة .

• تنثر حبات اللوز والصنوبر فوق الفتة مع السمنة , أصبحت جاهزة للتقديم .

• تقدم ساخنة مع تشكيلة من المخللات , فليفلة خضراء , بندورة , بصل أخضر , نعناع أو حسب الرغبة , و صحتين وهنا .






  • وصفات تانية ممكن تعجبك


التعليقات

  1. منى 19 January 2010

    يا سلام سلم على هل الصحن , مع المخلالت شي بيشهي ..

    ممم , يعني انا عم اطلع على الصور و معدتي عم تفرك , جوعان , تبقى خبيلي شي صحن اذا مجهزة زيادة بشورة

    سلم هل الديات يا حق :zzz

  2. منى 19 January 2010

    نسيت قول ان ما دام مع الخلطة حمص مطحون بيكون اسم هل الفتة , فتة ببدوة , ليش ما بعرف :grin

  3. بشرى 19 January 2010

    الله يسلمك منوشة ويعطيكي ألف عافية وشكراً كتير لإنو ضفتي الوصفة .. وشكراً عالثقة .. :)

    أكيد حصتك محفوظة ولو ما في زيادة :zzz

    بس ما فهمت ليش بيسموها فتة ببدوة ولا سمعت فيه من قبل :grin

  4. ام نور 19 January 2010

    سلم دياتك بشورة من زمان عم استنى هيك وصفة بس سبحان الله شكل هالوصفة الا كتير تطبيقات مختلفة وكيف ما انعملت طيبة يا ريت تنزلولنا انواع فتة جديدة متل فتة الدجاج واللحمة 

  5. Iman 19 January 2010

    يسلموا هالايدين بشرى. عن جد شي بيشهي على هالصبح. شكلا احتراف. نفس وصفه العيله عنا. نحنا الوالد الله يخليلنا اياه هوه متخصص فيها. نفس طريقتك بالظبط. يعطيكي العافيه مره تانيه و الف صحه وهنا على قلوبكم.

  6. mayada 19 January 2010

    مرحبا عزيزتي كيفك يسلمو كتير عل هل فتة اللذيذة بل فعل كتير شي بشهي وخاصا مع المخلل ولبصل الاخضر يم يم يم الله يعطيكي مليون عافية يا ست الستات ولله نيالو زوجك عليكي الله يخليكي بدي وصفة العش البلبل يعني العجينة لو تكرمتي علي ولكي الف شكر الانو صارلي زمان عما استنا منك هل وصفة سسسسلام

  7. Mays 20 January 2010

    يا عيني ع الفتة ما أطيبها بكل أنواعها.
    سلم إيديكي يا بشرى الصورة بتاخد العقل و أكيد الطعمة حتكون هيك
    هلق أنا طريقتي بتختلف بتفصول صغيرة و هي إني بحط مكونات الصوص كلها بخلاط العصير و بحط معهن كوب من الحمص الملوق مع شوي من مية سلق الحمص .
    أكيد النتيجو حتكون نفسها بس يمكن هيك أسهل. ;)
    مظبوط…. :zzz

  8. umm_ahmed6 20 January 2010

    سلمون يارب على هالاكلات الحلوين من جد انا كتير فرحانة بهالموقع لأنه اكلات بلدنا :zzz

  9. om albara 20 January 2010

    يسلمو بشورى علوصفه الحلوة والاكثر شعبيه عنا ونتي بتعرفي .. 8) بس انا لاحظت انو الخبز لما بينقلا بيصير اطيب بكتير بهالاكله بلزات مع اني مو من انصار الدهون ومرى تانيه يسلموووووووو شي بيشهي :roll

  10. ميساء 20 January 2010

    عزيزتي الأخت بشرى يسلمون يارب فعلا هي أطيب طريقة للفتة بسمنة يعني شغل معلمين تمام وبالنسبة لتسمية البدوة كلام ميمو مظبوط لأن بكل محلات الفول والحمص بالشام معروف أنو البدوة هي عبارة عن خلطة الحمص مع الحمض والطحينةوالتوم ولما بدنا نشتري أغراض الفتة ممكن نطلب البدوة جاهزة بكيس نايلون اذامضطرة و ماعندك وقت تعمليها بالبيت وشكرا مرة تانية عالوصفة اليممممممممممي :zzz

  11. منى 21 January 2010

    بشورة أظن لان فيها حمص و طحينة , لحتى يفرقوها عن تسئية الزيت الي ما فيها الا مرق سلق الحمص و الفقسة .

    ما بعرف شو السبب على التحديد, بس انا ماكدة ان هيك اسمها :zzz

  12. karmen 21 January 2010

    يسلموا ايديكي شكلها بشهي

  13. gsm 21 January 2010

    يميييييييييي شي بشهي انا عندي الفتة من الأكلات المفضلة عندي ودائما بعملها بالحمص بس من يومين خطرلي اغير واعملها بالدجاج وإتبعت نفس الطريقة بس ضفت الدجاج المسلوق للفتة وكمان بدل ما أستعمل مرة الحمص المسلوق للتحكم بقوام الصلصة حطيط مرقة الدجاج وكمان طلعت يمييييي بس كمان يا ريت لو حدا فيكم بيعرف طريقة فتة المكدوس لأنو دقتها بمطعم وكتيير حبيتها

  14. منى 21 January 2010

    هلا gsm :)

    تكرم عيونك اختي , بس مو هلا للصيف اذا ربنا راد و يسر لان هلا مو وقت البانجان :zzz

  15. farah 22 January 2010

    والله ذكرتينا بهالفتة زمان ما أكلتها بدها جمعة العيلة :zzz
    انشاء الله قريبا بدي اعملها ومشان فتة المكدوس انا كتير شاطرة فيها من بعد اذن اختي منى بكتبها واذا حبت بتنزلك ياها ;)
    قريبا ان شاء الله

  16. مزهرة 24 February 2010

    يسلموا ايديكي اخت منى بس عندي سوال الحمص المطحون بعد السلق ولا مطحون جاف؟ :?

  17. منى 24 February 2010

    بعد السلق ;)
    ان شاء الله تجربيها و تطلع طيبة

  18. 7ayah 10 June 2010

    عنجد عنجد ماني أدرانة عبرلكن عن فرحي لأني لقيت هالموقع
    لأنو أنا متزوجة جديد و مو كتير شاطرة بالطبخ
    مع إنو زوجي بقلي إنو عندي نـَفـَس طيب بالأكل (الله يجبر بخاطرو)
    بس المشكلة إنو ما عندي خبرة لسة :upset 8)

  19. منى 11 June 2010

    ان شاء الله فتر بس و بعدها بتاخد ايدك و بتصير احسن واحدة :)

    الله يبارك بجوزك و فيك و يباركلك ببعض و تشوفوا من بعض كل الخير :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)