كبة صاجية


         وصفة : منى                 2009/05/21                 32 تعليقات
كبة صاجية

تحضير الحشوة :

·          تفرم الشحمة مع البصل على ماكينة فرم اللحمة الشفرات المتوسطة ثم تدعك مع الفليلفة الحمراء الناعمة و نصف البهار المشكل و توضع جانباً .

·          تقلى اللحمة على نار متوسطة حتى تنضج و يجف مرقها .

·          تبعد اللحمة عن النار ثم تتبل بباقي البهار و تضاف الشحمة و تقلب الحشوة .

·          تترك الحشوة حتى تبرد مع التقليب كل 5 دقائق و الهدف أن تمتزج اللحمة بالشحمة بشكل تام .

·          تضاف المكسرات , أصبحت الحشوة جاهزة .  

تحضير عجينة الكبة :  

·          ينقع البرغل و البصل و القليل من الملح بالماء البارد مدة 10 إلى 15 دقيقة ثم يصفى جيداً  .

·          يفرم البرغل مع البصلة على ماكينة فرم اللحمة ثلاث مرات  .

·          تبلل اليدان بالماء البارد ثم تدعك الكبة باليد بشكل جيد و في حال توافر صينية فخارية تكون النتيجة أفضل .

·          تضاف اللحمة الهبرة و البهار و رشة القرفة و تدعك مع البرغل لمدة عشر دقائق على الأقل حتى نحصل على عجينة متماسكة و طرية .

·          تذاق الكبة و يضاف القليل من الملح إذا دعت الحاجة و تعدل البهارات حسب الرغبة . 

تحضير الكبة الصاجية :

·          يحضر صحنان بحجم واحد  , حجم الصحن حسب الرغبة و بالوصفة الأصلية تعد الكبة بحجم أكبر بكثير مقارنة بحجم الكبة الظاهرة بالصورة  .

·          تقطع الكبة لكرات بحجم مناسب لحجم الصحن ثم يقلب الصحن و يغطى بورقة نايلون مبللة بالقليل من الماء البارد .

·          ترق الكرة قليلاً باليد ثم يضغط عليها بصحن أخر للحصول على دائرة مستوية و رقيقة . يرق قرص أخر بنفس الطريقة .

·          توضع ملعقتان أو ثلاثة ملاعق من الحشوة المجهزة على أول قرص و يراعى عدم اقترابها من الحواف .

·          يوضع القرص الأخر بانتباه فوق الحشوة ثم يغطى بورق نايلون أخر و تسد أطرافه بشكل جيد .

·          يرفع القرص على راحة اليد المبلولة بالقليل من الماء البارد و يدار و يكبس قليلاً و بلطف حتى يأخذ الشكل المطلوب .

·          يوضع القرص المجهز على صينية واسعة مغطاة بورق نايلون , تكرر العملية مع بقية الكبة حتى تنتهي كل الكمية .

·          تذوب السمنة على نار هادئة في صاج أو طواية غير لاصقة و تترك حتى تحمى . تقلى الأقراص قرص واحد أو قرصيين كل مرة حسب حجم الأقراص و حجب حجم الصاج و تترك حتى ينضج أول وجه .

·          تقلب الكبة على الطرف الأخر و تترك حتى تنضج و تذوب الشحمة و تتشربها الكبة .

·          تقدم الكبة فوراً مع السلطة الحامضة أو سلطة ست كليلة أو اللبن العيران .   






الحشوة :

100 غ شحمة ( أو 50غ شحمة و 50 غ دهنة )
حبة كبيرة بصل
ثلاث أرباع كيلو لحمة غنم مفرومة وسط
نصف ملعقة صغيرة فليلفة حمراء ناعمة
نصف ملعقة صغيرة بهار مشكل
رشة قرفة
صنوبر أو لوز مقطع
جوز مفروم


عجينة الكبة :

نصف كيلو هبرة غنم أو عجل ( هبرة خاصة بالكبة مطحونة لتصبح كالمرهم )
نصف كيلو برغل أسمر
حبة بصل
نصف ملعقة بهار مشكل
ملح حسب الرغبة
رشة قرفة

سمنة لقلي الأقراص





تحضير الحشوة :

• تفرم الشحمة مع البصل على ماكينة فرم اللحمة الشفرات المتوسطة ثم تدعك مع الفليلفة الحمراء الناعمة و نصف البهار المشكل و توضع جانباً .

• تقلى اللحمة على نار متوسطة حتى تنضج و يجف مرقها .

• تبعد اللحمة عن النار ثم تتبل بباقي البهار و تضاف الشحمة و تقلب الحشوة .

• تترك الحشوة حتى تبرد مع التقليب كل 5 دقائق و الهدف أن تمتزج اللحمة بالشحمة بشكل تام .

• تضاف المكسرات , أصبحت الحشوة جاهزة .


تحضير عجينة الكبة :

• ينقع البرغل و البصل و القليل من الملح بالماء البارد مدة 10 إلى 15 دقيقة ثم يصفى جيداً .

• يفرم البرغل مع البصلة على ماكينة فرم اللحمة ثلاث مرات .

• تبلل اليدان بالماء البارد ثم تدعك الكبة باليد بشكل جيد و في حال توافر صينية فخارية تكون النتيجة أفضل .

• تضاف اللحمة الهبرة و البهار و رشة القرفة و تدعك مع البرغل لمدة عشر دقائق على الأقل حتى نحصل على عجينة متماسكة و طرية .

• تذاق الكبة و يضاف القليل من الملح إذا دعت الحاجة و تعدل البهارات حسب الرغبة .


تحضير الكبة الصاجية :


• يحضر صحنان بحجم واحد , حجم الصحن حسب الرغبة و بالوصفة الأصلية تعد الكبة بحجم أكبر بكثير مقارنة بحجم الكبة الظاهرة بالصورة .

• تقطع الكبة لكرات بحجم مناسب لحجم الصحن ثم يقلب الصحن و يغطى بورقة نايلون مبللة بالقليل من الماء البارد .




• ترق الكرة قليلاً باليد ثم يضغط عليها بصحن أخر للحصول على دائرة مستوية و رقيقة . يرق قرص أخر بنفس الطريقة .







• توضع ملعقتان أو ثلاثة ملاعق من الحشوة المجهزة على أول قرص و يراعى عدم اقترابها من الحواف .


• يوضع القرص الأخر بانتباه فوق الحشوة ثم يغطى بورق نايلون أخر و تسد أطرافه بشكل جيد .




• يرفع القرص على راحة اليد المبلولة بالقليل من الماء البارد و يدار و يكبس قليلاً و بلطف حتى يأخذ الشكل المطلوب .

• يوضع القرص المجهز على صينية واسعة مغطاة بورق نايلون , تكرر العملية مع بقية الكبة حتى تنتهي كل الكمية .

• تذوب السمنة على نار هادئة في صاج أو طواية غير لاصقة و تترك حتى تحمى . تقلى الأقراص قرص واحد أو قرصيين كل مرة حسب حجم الأقراص و حجب حجم الصاج و تترك حتى ينضج أول وجه .

• تقلب الكبة على الطرف الأخر و تترك حتى تنضج و تذوب الشحمة و تتشربها الكبة .

• تقدم الكبة فوراً مع السلطة الحامضة أو سلطة ست كليلة أو اللبن العيران .
  • وصفات تانية ممكن تعجبك


التعليقات

  1. ام دانية 21 May 2009

    والله حرام ياست منى ايه فرط قلبي من منظر الكبة :cry مممممممممممممممم ايه ما عم صدق ايمتى انزل على حلب لحتى اكل الكبة وخصوصا بالشحمة اكيد غير شكل :grin يسلم هل الديات

  2. رنا 21 May 2009

    ياعينو ياعينوووووووو :p
    شي بيشهي ونفس طريقتنا
    وياستي حكيك مزبوط عن الهبرة انه مو موجودة برا حلب ولما شافوها اهل الشام قال شو هاللحمة ليش لونها زهري :eek
    حتى هون اذا بدنا نعمل كبة او مرتديلا صرنا نحطها عالخلاط ومع هالتلجات بتصير متل هبرة حلب المدقوقة
    الف شكر الك ولاية على توضيح هالاكلة الصعبة ;)

  3. ميساء 21 May 2009

    هيههههههههههه أخيرا وصلت الكبة الصاجية من حلب وعلى أصولها من تحت ديات صبايا حلب الحلوات الله يخليلي ياكي يا ميمو ويسلم ايديكي أنت و آية ويعطيكون العافية وتنالواالخير من رب العالمين أنا متأكدة يا منى أنو أنت ما بتنسي ولا طلب من طلبات الأخوات في الموقع يس كمان نحنا لازم نقدرمسؤولياتك الأخرى ووقتك الضيق ما بين واجباتك نحو بيتك وأسرتك و مجهودك العظيم الذي تقدمينه من خلال الموقع ومرة تانية ألف شكر وامتنان يا غالية :zzz

  4. لين 21 May 2009

    تسلمي يا مزوءة على ردودك الحلوة و الله يجمعني برفيقة متلك كلها مفهومية يا عيني على هل كبة عظمة على عظمة بس شوي صعبة=رح جربا بس بتزبط بدون شحم

  5. لموسي 21 May 2009

    يسلم هل ايدين انت واللي ساعدك دخيل عينك يامنى شيكي على ايميلك بعت لك كم استفسار وردي علي بليز

  6. منى 21 May 2009

    هلا ام دانية :)
    سلامة قلبك يا عسل ان شاء الله توصلي بالسلامة و تاكلي اطيب كبة حلبية من تحت ديات ست الحبايب ;)

  7. freesoul 22 May 2009

    ااخ يا منى شقد شهيتيني عل الكبة من زمان ما اكلناها وما بعرف اعملها ابدا . ما علمتني امي اعمل كبة قبل ما اتزوج. الله يسامحك يا امي .كنت مشغولة بالدراسة وبعدها اتزوجت وسافرت واشتغلت فما فضيت للكبة ابدا.يللا بلكي بتشجع وبعملها بس بخاف ما تزبط معي :cry

  8. Iman 22 May 2009

    بسم الله ما شاء الله. يخزي العين عنك و عن اختك. الله يعطيكم الصحه و العافيه يا رب. شو هالكبه يللي بتشهي. والله ما قدرت امر بدون ما علق. بتعرفي صارلي فتره عم بدخل على بلوجات و مواقع طبخ و شفت هالكبه بس مش عارفه وين و عاملينها على حجم اصغر و ضلت ببالي اعملها بس هاي شكلا غير اسمالله احلى والله من الصوره كاني دقت طعمتها يامنى. الاسبوع اللي جايي لازم اعملا باذن الله. ريتون يسلموا هالايدين يلي طبخوا و اللي صوروا.

    امونه

  9. سلاف 23 May 2009

    ربي يسلم هالايدين ويحميكي انتي واخواتك يا منى00 عيله كلها شيفات ماهرات ماشاء الله حولكن :)
    منظر الكبه شيئ بشهي00
    قريت كل الوصفات الجديده وشفت السفره اللي عاملتيها ماشاء الله لاقوة الا بالله فنانه يامنى ماكتبت تعليق بكل بوصفه لاني عم اتأخر لفوت صايره هالفتره 00 ومابدي تلاقني ناطه بكل الوصفات00 بقى باختصار كل شيئ جديد بجنن وان شاء الله ربي يعطيكي الصحه والقوه ويخليكي لكل اللي بحبوكي ومن غير ماشافوكي واولهن انا
    وناطره وصفة الشوكي يابلحمه ياغراتان اللي بسفترك شكلها نغممممممم 00

  10. تورتاية بالكريز 23 May 2009

    تسلم ايدك يارب انت والغالية ايه ماشاء الله عليها وعليكي ;) شي بيشهي وبيفتح النفس بصراحة يامنمون بفتح موقعك بحس بجوع والله حقيقي اتهيالي كل البنات اللي بيدخلوا بيصير معاهم نفس الشيء :zzz
    كمان اول مرة اعرف ان الصاجية غير المشوية كنت الخبط بينهم والصور حكاية بتهيالي لو نمت بحلم فيهم مش قلتلك الموضوع بقى عاوز زيارة الله يديم عليكم النعمة حبيبة قلبي شغل رائع وباذن الله ساجربها قريبا ان شااااااء الله شكلها يشجع جدا جدا بسم الله ماشاء الله

  11. غيث 23 May 2009

    ليليليليش اخيرا نزلت هالوصفة ابوس روحك يا منى على هالاكلة الله يسلم دياتك وديات اللي عملوها ويجزيكم الخيرونحن مقدرين تعبك وقلة وقتك بيت واولاد وووو الله يلبسك العافيةونحن كمان طلباتنا كتيرة ودمنا تقيل لذلك نشكرك كتير وعلى اقل من مهلك والله مقدرين تعبك معناايه والله انا وصفة واحدة وظليت شي 4 شهور عم اتهيألأنزلها وكل يوم بقول بكرة بقى انت الله يعينك عدا عن الاسئلة والتعليقات اللي بتردي عليهم اول باول الله يجزيك الخير ويبل قلبك بولادك

  12. منى 24 May 2009

    هلا رنونة :)
    انا هل الطريقة اتعلمتها من عمتي حجة رغيدة و من حماتي الله يخليلنا ياها بصحتها و عافيتها, من هون شوي و من هون شوي و بتطلع غير شكل :zzz
    لا شكر و لا شي , ان شاء الله تجربيها و تطلع متل تبعة ماماتك ;)

  13. منى 24 May 2009

    هلا ميوسة :)
    الله يعافيكي و يعافي قلبك و بدنك و ان شاء الله تجربيها و تكون النطرة مستاهلة ;)
    الف شكر الك لكل هل الرد الحلو و الكلام الغالي , ربي يديم المحبة و المعروف دوما ;)

  14. منى 24 May 2009

    هلا لين :)
    ان شاء الله ربي بيدلك هعلى رفيقة تكون عون الك للدنيا و الاخرة بكل شي يا حق ;)
    كلك زووء , ان شاء الله تجربيه و تكون متل ما بتحبي ;)

  15. منى 24 May 2009

    هلا لموسة :)
    الله يسلمك و يحفظك و يخليك و تكرم عيونك الايميل بعتته الك ;)

  16. منى 24 May 2009

    هلا ام جود :)
    و لا يهمك , انا ممكن ساعدك و ايا معلومة او استفسار انا تحت امرك و بخدمتك لحتى تفاجاي ماماتك بكبة من شغل ايدك ;)

  17. منى 24 May 2009

    هلا أمونة :)
    ان شاء الله تجربيها و تكون على زووءك و متل ما بتحبي , بس لا تروحي يمين و لا يسار , لقمة طيبة و بس :grin
    لا تنسي تخبريني شو بيصير معك ;)

  18. منى 24 May 2009

    هلا سلوفة :)
    هادا بس من زووءك و ربي يبارك فيك و بكل عيلتك الحلوة
    كتير انبسطت ان الوصفات عجبوك , و أتمنى تجربيهم و يكونوا متل ما بتحبي و أطيب :zzz

  19. منى 24 May 2009

    هلا ام ياسمين :)
    له حبيبتي , خسى الجوع و الله , ان شاء الله بتشرفينا و بتنورينا و نعمل الك اطيب سفرة سورية على كيف كيفك :zzz
    ان شاء الله تجربيها و تكون متل ما بدك و أطيب و لا تنسي اما تعزميني أو تعزميني :grin

  20. منى 24 May 2009

    هلا غيوثة :)
    لك صلوا على محمد و زين زين مكحول العين و الهادنا صلوا عليه , لللليش :grin , انا الي ابوس روحك على هل الزلغوطة الحلوة , وصلت رنتها لعندي :zzz
    الف شكر الك للدعوة الغالية , ربي يبل قلبك باولادك و تشوفيهم متل ما بتحبي و أحسن و يملوا العين و القلب

  21. Iman 24 May 2009

    منى اليوم الاحد اجازه عملت الكبه الصاجيه. وااااو ما شاء الله على هالوصفه بتجنن. قعدت اعملها وزوجي قعد على الكاونتر في المطبخ ليشوف كيف بتنعمل. بصراحه انجنينا نحنا التنين عليها و على طعمتها. سلم ايديكي و ايدين اختك كمان مره. انا اضفت للعجينه شويه حبق و مردقوش و نعنع و رشه صغيييره محلب. يعني اسمالله بينعمل عليها افخم عزومه. حبيت اقللك علشان يللي ما جربها يجربا. وصفه فخمه. شكرا

  22. منى 25 May 2009

    هلا أمونة :)
    يممي و الله من وصفك اشتهيت دوقها , الف صحة و الف هنا على قبلك وقلب زوجك .
    اكيد البهارات الي اضفتيها عطت طعم , و هي بهارات لذيذة و استعملها بس للكبة النية , اكيد كمان مع هل الكبةو رح تعطي طعم طيب كتير
    الف شكر الك لتجربتك الوصفة و كمان الف شكر الك للأضافة و الفكرة اللذيذة :zzz

  23. semo 25 May 2009

    يالله شو مشتهية الكبة بكل انواعا بس المشكلة ماعندي ماكينة لحمة

    منظر بيشهي واكيد الطعمة اطيب واطيب

    الله يعطيكي الف عافية
    لازم لما اجي عسوريا زورك ودوء من اكلاتك الطيبين

    شايفة ما اقل زوئي :grin

    بعزم حالي لحالي :p

  24. haya 26 May 2009

    منى يا منى شو هذا حرام والله حرام شو هالاغراءات هذه اللي بتقدميلنا اياها عن جد شي بجنن بدي اجربها ان شاءالله وتغيير شكل عن الكبة المقلية
    طيب هلأ يا منى بدي اسألك بالنسبة للكبة المقلية بقدر اعملها من قبل بيوم وحطها بالثلاجة بحيث اني اقليها ثاني يوم لأني ما بدي احطها بالفريزر فشو رأيك يا ريت تفيديني وبكون شاكرة الك

  25. haya 26 May 2009

    مرحبا منى معلش انا نسيت أسألك وسامحيني على كثر الاسئلة بس بالنسبة للكبة الصاجية كم تقريبا كمية السمنة اللي راح نستعملها للقلي يعني مثل كمية الزيت اللي بنقلي فيه الكبة المقلية ولا خفيف والسؤال الثاني بقدر استعمل جهاز التوستر الكهربائي (الجريل) وادهنه بشوية سمنة بدل الصاجة او الطواية

  26. منى 26 May 2009

    هلا هيا :)
    ان شاء الله تجربيها و تكون طيبة و متل ما بتحبي أو ألذ
    الكبة المقلية اكيد فيك تعمليها قبل بيوم و تحطيها بالبراد لتاني يوم , بس بشرط تغطيها لحتى ما تنشف
    الكبة الصاجية بتنقلى بسمنة قليلة , يعني ملعقة أو ملعقتين , لان هيا رح تنز من الشحمة الي بقلبها .

    ممممم التوستر أتوقع انه بيصير , بس مو مجربة لاقول الك على المضمون :)
    يلا ان شاء الله تجربيها و انا بانتظار رايك و كلامك بعد التجربة

  27. منى 26 May 2009

    هلا سيمو :)
    بالعكس , دا انت تامر يا جميل و انا بنفسي كتير أعمل عزومة كبيرة لكل الاخوات في الموقع و تكون العزيمة في بيتي لحتى نتعرف على بعض كلنا و مناكل كبة و يلنجي و يبرق و يمكن فريكة :zzz

  28. haya 3 June 2009

    مرحبا منى كيف الصحة منى انا بعثت لك تعليق عند الكبة المقلية وسألتك عن البرغل يا ريت تفيديني شكرا الك :)

  29. ريحانة التميمي 28 January 2014

    السﻻم عليكم ست منى هل هي بالنهاية تطلع مثل أقراص الهمبرجر لاني كذا اشوفه مافيه ارتفاع بالنصف وهل هي تفرق عن المشويه بالمقادير سامحيني على اسئلتي

    • منى 31 January 2014

      و عليكم السلام و رحمة الله و بركاته ريحانة :)
      ممم , هلا هي متل المشوية بس على ارق , ااقصد بالشكل , اما بالنسبة للمقادير فكمان مختلفة كتير بالحشوة و بطريقة الطبخ و غير طعمة تمام

      اسفة للتاخير بالرد , سموحة

  30. ريحانة التميمي 1 February 2014

    الله يعطيك العافيه يارب تسلمي ماقصرت ﻻالحق علينا مفروض نرحمك من كثرة السؤال مايحتاج أسفه رجاء

    • منى 18 May 2014

      بالعكس ريحانة بتنوري و بتشرفي و انا بنبسط لما الواحد يكون مهتم :)

تقييم الوصفة
عاديةقد أحضرهاجيدةممتازةأكثر من رائعة (2 votes, average: 3.50 out of 5)