مخلل القتة


         وصفة : منى                 2008/08/19                 8 تعليقات

آخر تصويت


آخر تعليق

مخلل القتة

هي الوصفة الي بحضر فيها كل مخللاتي , مخلل الخيار , مخلل القتة , مخلل القرنبيط , مخلل الجزر , مخلل الملفوف , كلهن كلهن نفس العيار و بغير نوعية الخضرة كل مرة , دوماً بيطلع مقرمش و هش و حامض , ما في أطيب من هيك مخلل .

بالهنا و العافية

-المقادير:

2 كيلو قتة
5 حبة ثوم مقشر ( أو أكثر)
6 - 8 حبة فليلفة حرّة
حفنة من حبوب الحمص الجافة

مزيج التخليل :

كوب خل
نصف كوب ملح صخري خشن
ليتر و نصف ماء
ملعقة كبيرة سكر
نصف ملعقة كبيرة فليفلة حمراء ناعمة
ربع ملعقة صغيرة كزبرة مطحونة
- طريقة التحضير :

1 - تغسل حبات القتي من دون أن تقطع أطرافها .

2 - تغسل حبات الحمص و توضع في قاع مرطبان بلوري كبير ثم تصف حبات القتي في المرطبان بالتناوب مع حبات الثوم و الفلفل الحرّ .

3 - يحرك مزيج التخليل حتى يذوب الملح ثم يصب فوق القتي بحيث يغمرها و يغطى الوجه بكيس صغير نايلون لمنع ظهور أي حبة من القتي .

4 - يترك المخلل لمدة ثلاث أو أربع أيام في مكان دافئ حتى ينضج , يختلف الوقت حسب برودة الجو , قد يأخذ فترة أطول في الأيام المعتدلة أو الباردة . ثم يحفظ في البراد بعد فتح المرطبان , أو يضاف عليه القليل من روح الخل لحفظه في الخارج لوقت طويل .

ملاحظة مهمة :

في حال رغبت بحفظ المخلل لفترة طويلة يراعى غلي الماء و تبريده قبل الاستعمال , و يجب اضافة ملعقة كبيرة روح الخل لمزيج التخليل , يراعى اغلاق المرطبان بشكل جيد و تغطية الوج بورق نايلون لمنع تشكل طبقة العفن البيضاء .

التعليقات

  1. abeer 29 November 2008

    مرحبا منى ممكن اسال شو فايدة الحمص هون :zzz :eek :?

  2. منى 29 November 2008

    لحتى يبقى المخلل مقرمش حتى لو شو ما بقي :zzz

  3. Noora 13 October 2010

    إذا سمحتي مدام منى ممكن طريقة المخلل باستخدام روح الخل ولك جزيل الشكر

  4. منى 14 October 2010

    نفس الطريقة الي فوق بس تستبدلي الخل الي بالوصفة بروح الخل و شوية ملح ليمون :)

  5. Noora 16 October 2010

    تسلم ايديكي مدام منى على طريقة المخلل جربت طريقتك وطلع جنااان.أنا من أشد المعجبات فيكي وبموقعك والحقيقة بتمنى أني كون متلك ست بيت بكل معنى الكلمة.إذا سمحتي بدي اسألك عن الزيتون المكسر والمكلس يا ريت تنزلي طريقته وعن سلطة الزيتون يلي عم نشتريها جاهزة كيف نعملها بالبيت وعندي اقتراح حابة قلك ياه ياريت تخصصي قسم لأطباق الأطفال الصغار والرضع لأني أم جديدة ودائمآ محتارة شو بدي طعمي بنتي بعمر ست اشهر ولك كل الشكر

  6. منى 25 October 2010

    هلا نورا :)
    الف الف صحة و هنا على البك و هل الرد الحلو و الكلام الي فيه من زووءك اختي

    هلا الزويتون المكسر بعمله , بس المكلس لسا ما جربته بالبيت , بس كتير حابة جربه

    يا ترى ايا سلطة بتقصدي ؟
    ان شاء الله هل الاقتراح بيصير قريب , لان في اكتر من شغلة ناوين نجددها بالموقع ;)

    نورتينا اختي , مية هلا فيك

  7. jwan 7 July 2012

    يا ستي جد أنا مقصرة بحقك خيرات الله ضميري كتير عم يعذبني لأني كتير جربت وصفاتك المبدعة والمميزة ومعظمها ظبطت معي والحمد لله بدون ما اتشكر حضرتك وكل مرة بقول لحالي بس أدخل على النت لازم حط كومنت واتشكر المخلوقة بلتهي حقك علي المهم بلا طول سيرة من يوم مااتزوجت وأنا بشتري المخلل جاهز ومابيعجبي هاد المالح وهاد الي روح الخل فيه أكتر من المخلالات نفسن …. الخ بس من شي اسبوع جربت مرطبان صغير قتة جد طلع ولا أروع من هيك أنا نفسي ماصدقت انو طلع معي هيك من أول مرة بحياتي بجرب فيها حتى زوجي قلي برافو عليك والله يخليلنا لقمة طيبة لأنو من وقت مادخل على حياتنا صار أكلنا أكيب بكتير وصار الأكل عنا فيه متعة أكتر بقى اليوم ساويت مخلل القتة وكمان خيار وقبل شوي خلصت وقلت لحالي خلص لازم هلق ادخل واتشكرك على كل وصفاتك و الله يعطيك ألف عافية على هالموقع ويجعلو بميزان حسناتك ياحق والله لا يحرمنا منك :zzz

    • منى 29 April 2014

      هلا جوان :)
      شرفتي و نورتي و ممنونة ثقتك في يا جميلة , ألف هنا و الف صحة ع قلبك و قلب أبو الشباب بكل لقمة و بكل مخللاية
      شكرا ع هل الكلام الحلو و الله يديم المودة دوما

تقييم الوصفة
عاديةقد أحضرهاجيدةممتازةأكثر من رائعة (6 votes, average: 4.67 out of 5)