مكدوس الشوكي بالفليفلة


         وصفة : منى                 2014/05/29                 4 تعليقات
مكدوس الشوكي بالفليفلة

كنت حضرت مكدوس الشوكي بطريقة بسيطة و سريعة و كتيرر طيبة , اليوم رح حضره بطريقة تانية , شي بيشبه مكودس الباتنجان , بس على شوكي . هلأ عبكتب الوصفة و ريحة المطبخ كله صايرة من هل المكدوس الطيبة , عبكتب و عبمصمص شفايفي , مع اني رح خلص نص المرطبان , بس ما بقدر اقاومه , شي بياخد العقل ..

بالصحة و الهنا

-المقادير:

4 حبة كبيرة فليفلة حمراء , مفرومة ناعماً
20 حبة شوكي
رشة ملح ليمون
3 – 4 فص ثوم
كوب جوز , مفروم
زيت زيتون حسب الحاجة
2 ملعقة كبيرة ملح صخري
1- تفرم حبات الفليفلة بشكل ناعم جداً , ترش بالملح و توضع على مصفاة و توضع في البراد لبضع ساعات للتخلص من مائها , في حال توفر مكان و وقت يفضل أن تفرد الفليفلة في صينية كبيرة و تنشر على الشمس لمدة يوم كامل ,و في حال عدم الامكانية يراعى تجفيف الفليفلة بشكل جيد في فوطة مطبخ نظيفة .
2 - يغلى ماء في قدر على نار متوسطة , يضاف الشوكي و الملح و ملح الليمون و يسلق لبضع دقائق حتى يطرى نوعاً ما , لا يسلق بشكل زائد كي تحافظ الحبة على شكلها .
3 - يوضع الشوكي في مصفاة في البراد و يترك حتى يجف من الماء تماماً , يجفف بفوطة مطبخ نظيفة للتأكد .
4 - تحضر الحشوة : تقلب الفليفلة و الثوم و الجوز , تحشى حبة الشوكي بالمزيج و توضع في مرطبان بلوري بشكل لطيف ي تبقى الحشوة على الحبة , تكرر العملية مع كل الحبات .
5 - يغمر الشوكي بزيت الزيتون و يغلق المرطبان بشكل جيد , يترك لمدة أربع إلى ستة أيام أو حتى يحمض . 6 - يقدم الشوكي على الفطور أو العشا مع الخبز العربي .

فكرة : - يمكن استبدال الفليفلة بدبس الفلفلة لاختصار خطوة تجفيف الفليفلة .

التعليقات

  1. lujain 30 May 2014

    يسلموا ايديكِ .. فكرة رائعة .. بس يا ترى لو استخدمت الشوكي المجمّد لازم أسلقه شوي ؟؟ ولّا أحطه متل ما هو ؟؟

    • منى 30 May 2014

      صباح الخير لجين :)
      انا مو مجربته بالشوكي المفرز , هلا انت كيف مفرزتيه ؟

  2. farah 30 May 2014

    تسلم ايدك منى دايما مبدعة وصفة تستحق التجربة

    • منى 30 May 2014

      شكرا فروحة , جربيها ما بتندمي يا جميلة :)

تقييم الوصفة
عاديةقد أحضرهاجيدةممتازةأكثر من رائعة (8 votes, average: 4.00 out of 5)