أصابع الفروج


         وصفة : منى                 2007/12/08                 33 تعليقات
أصابع الفروج

·          نسلق الفروج ثم نقوم بنزع العظم و تفتيته إلى قطع ناعمة قليلاَ ,  نسلق الجزر و البازلاء .

·          نحضر وعاء كبير نضع الفروج فوقه المايونيز والجزر و البازلاء و الجبنة بنوعيها و الفطر والملح و البهار ونخلطهم مع بعضهم البعض , يجب أن تكون الحشوة مغطاة بالكامل بالمايونيز .

·          نحضر الرقائق ونقسم العجينة على شكل مستطيل نضع الحشوة و نلفها وعندما نصل إلى الحرف نضع القليل من الجبنة و نقوم بلصق الطرفين .

·          نغمس الأصابع بالبيض ثم بالكعك المضاف له القليل من السميد الناعم و ترتب على طبق واسع  ثم نقوم بتبريدها بوضعها بالفريز و كل مابردت بتكون أطيب .

·          نحمى الزيت و نقليها وصحة وهنا و تقدم مع  كريم الثوم ييممم…  

 




دجاجة متوسطة الحجم
4 – 5 ملعقة كبيرة مايونيز
كوب كبير فطر أو أكثر حسب الرغبة
كوب بازلاء
كوب جزر
كوب كبير من جبنة البشر
ثلاث قطع جبنة
رشة بهار مشكلة ملح عجينة رقائق أى نوع بتحبى سبرينغ رول أو رقائق الشمس أى نوع موجود لديك
قطع جبنة للصق العجينة


للتغميس :

بيض
كعك
ربع كوب سميد متوسط الحجم





• نسلق الفروج ثم نقوم بنزع العظم و تفتيته إلى قطع ناعمة قليلاَ , نسلق الجزر و البازلاء .

• نحضر وعاء كبير نضع الفروج فوقه المايونيز والجزر و البازلاء و الجبنة بنوعيها و الفطر والملح و البهار ونخلطهم مع بعضهم البعض , يجب أن تكون الحشوة مغطاة بالكامل بالمايونيز .

• نحضر الرقائق ونقسم العجينة على شكل مستطيل نضع الحشوة و نلفها وعندما نصل إلى الحرف نضع القليل من الجبنة و نقوم بلصق الطرفين .

• نغمس الأصابع بالبيض ثم بالكعك المضاف له القليل من السميد الناعم و ترتب على طبق واسع ثم نقوم بتبريدها بوضعها بالفريز و كل مابردت بتكون أطيب .

• نحمى الزيت و نقليها وصحة وهنا و تقدم مع كريم الثوم ييممم...
  • وصفات تانية ممكن تعجبك


التعليقات

  1. منى 8 December 2007

    ما شاء الله تبارك الله :)

    وصفة بتجنن ندا ..

    بعمل شي بيشبهها , بس باين على هل الطريقة أطيب ..

    و خصوصا السميد للتغميس ..

    معناها رح تطلع الأصابع كتير مقرمشين , يمممممممممي

    تسلم دياتك ندا و ما انحرم من هل الوصفات الحلوة ;)

  2. nidaa84 8 December 2007

    الله يسلمك منى وانشالله تعجبك فعلا وقت بتحطى السميد بتبقى كتير مقرمشة يعنى لوقليتيها وتركتها خمس ست ساعات بتبقى مقرمشه كانه الان قمتى بقليها امانة بس جربتيها قولى لى والله يبارك فيك الحمدلله العزيمة كانت روعة اشتهيتك معنا
    صحيح بقيت يومين مالى قدرة اتحرك من محلى بس الحمدلله انتهت على خير والف شكر

  3. منى 8 December 2007

    الحمد لله رب العالمين :)
    انبسطت ان اتيسرت عزيمتك , ولي على ألبي :sigh ايد لوحدها صعب

    رح جربها اذا الله راد بس ما أجيب فروج , لأن بطريقتي فيها فليفلة حمراء و خضراء لهيك بنحرم منها بالشتي لان الفليلفة ما بيكون لها طعم فما بجيبها الا بوقتها :roll

    تسلم دياتك ندوشة :)

  4. Eman 8 December 2007

    يسلمو إيديك أخت نداء على الفكرة الحلوة ،إنشاء الله رح اعملها بعزيمتي.
    بس عندي سؤال :ممكن أعملها وفرزها لوقت العزيمة؟

    شكرا حبيبتي :)

  5. nidaa84 9 December 2007

    الله يسلمك يارب يااخت ايمان بالنسبة لهل الاكلة من الافضل تعمليها وتفرزيها لانه كل ماتجمدة وبردة وقت بتقليها بتطلع اطيب لذلك ايمت مابدك عمليها وحطيها بالفريزة ووقت بدك تقليها طالعيها قبل نصف ساعة لا اكثر واقليها وصحة وهنا

  6. Rino 9 December 2007

    تسلم الأيادي و الأفكارالحلوة أنا جربت شي بيشبهها بس حطيت بدل المايونيز باشاميل بس أنا كمان عجبتني فكرة السميد إن شاء الله عالتجريب
    ألف شكر

  7. نهال صبري 9 December 2007

    تسلم ايدك نداء..

  8. nidaa84 9 December 2007

    هلا والله بنهال يالله جربيها وانشالله بتعجبك
    منى الاخت نهال من صديقاتى يلى داقت من وصفاتك الشهية

  9. منى 10 December 2007

    مية أهلا و سهلا فيك نهال :)

    نور الموقع بأخت جديدة و عزيزة ..

    هلأ ندا عن جد أنت و ام نور صار بيطلعكم جائزة :grin

  10. ام نور 10 December 2007

    تسلمي يا رب انا ما بدي الا سلامتك ويضل هالموقع منور بوصفاتك الحلوة :) بس بدي شجع الاخت نهال تنزل شي وصفة من وصفات المطبخ المصري لان كتير اكلنا عندا اكلات ماشالله غير شكل ;)

  11. nidaa84 10 December 2007

    والله فعلا مابدنا غير يضل هل موقع منور بوصفاتك الشهيه
    صحيح بدى اقلك انت كاته بتغليق انه بتحطى فليفلة حمراء وخضراء بخطرلى اذا اضفناهم بتطلع الاكلة اطيب وفيها الوان اكثر انشالله المرة القادمة بدى اجرب احطها بقلبها الفليفلة الف شكر على افكارك الحلوة
    وانا بضم صوتى لصوت ام نور بدنا وصفات الاخت نهال كمان شى بشهى

  12. منى 10 December 2007

    هلا ام نور :)

    الله يسلمك حبيبتي كلك زووء

    يا ريت اخت نهال لو تعلمينا كم وصفة من المطبخ المصري ..

    أنا من شي اسبوع تقريباً حضرت الكشري لاول مرة و كان كتير طيب ;)

  13. منى 10 December 2007

    هلا ندوشة :)

    الله يسلمك يا قمر , بالعل بتطلع بتجنن , شوفي بعد ما بسلق الفروج و بنضفه بقلي بصلة ناعمة بشوية زيت و بعدها بضيف الجزر و الفليلفة الحمرا و الخضرا و بكون كلهم مقطعتهم عيدان بعدها بضيف الفروج و الفطر و بحط شي نصف فنجان صغير مي مع مكعب ماجي , مع اني ما بحب استعمل المكعبات الجاهزة ابدا , بس هل الوصفة بتطلع هيك أطيب .
    بعدها بخليها لحتى تنشف المي , بس من دون ما تطرى الخضرا كتير , بحبها تبقى شوي مقرمشة .
    بضيف بعدها البازلا المسلوقة و شوية درة و بس ما بردت بخلطها بالمايونيز و لجبنة ,, يم يمممي
    و حتى هل الحشوة من كتر مو طيبة صرت حضرها من دون مايونيز و احشي فيها الكريب أو الكانيلوني ;)

    لو سمحت ندا , هلا انت بتعملي كريم التوم على ايدك و الا بتشتريه ؟

  14. ام نور 10 December 2007

    الف شكر يا ندوش عهالفكرة الحلوة جربت وفعلا كتير طيبة وبتشهي ذكرتني بنوع من الوصفات بيعملو اهل المغرب العربي اسما بريك brick
    كتير بتعجبني بيستعملو فيا نفس الرقائق بس بحشوات متنوعة بس الحلو بوصفة نداء انو فياست البيت تتفنن بالحشوة متل ما بتحب وبتضل تطلع طيبة خصوصي لما تنئلا وتطلع مقرمشة

  15. nidaa84 11 December 2007

    هلا والله بام نور الحمدلله طمنتينى انه صارت معك وحبيتوها صحة وهنا ياستى
    على فكرة انا كنت اعملها برقائق البريك قلتلك اى نوع بتطلع بتعقد صحة وهنا

  16. نهال صبري 12 December 2007

    السلام عليكم أخت منى
    عايزة أضيف وصفات ، لكن لا أعرف كيف ؟؟ :sigh

  17. منى 13 December 2007

    و عليكم أفضل السلام و أتم التسليم أخت نهال :)

    أختي فيك تكتبي الوصفة بأي رد ليك و أنا رح أضيفيها إذا الله راد ;)

  18. tasneem 19 December 2007

    :grin وصفة رائعة نداء أنا مجربتها على طريقتك بس يلي انتي بتعمليها غير
    يسلمو دياتك

  19. violet 4 July 2010

    هلأ بالنسبة للعجينة بتصير نفس عجينة الأوزي
    عيد ميلاد بنتي بعد 15 يوم وناوية أعملها عيد ميلاد مميز لأنو بنت حماي عيد ميلاد ابنها بعد أسبوع فمن شان مايكون شي بيشبه بعضو
    عبفكر أعمل من هالأكلة كصنف بس اذا بتقدرو منى ساعديني شو في أفكار حلوة وأكلات خرج هيك مناسبه ويكون رخيص نوعا ما
    هو رح يكون بوقت العشا
    فكرت بأصابع الدجاج ويالنجي بيطلع معي كتير طيب وسمبوسك وطبعا تبولة وقالب كاتو جاهز يمكن أوفر وأضمن :? وأوزي وشو رأيك برولات الدجاج بس مالي مجربتن بس عبقول انو بيشبهو أصابع الدجاج
    وعبفكر أعمل صندويش فيلادلفيا وأقطعهم يعني كل واحد بيطلعلو قطعة ولا شو رأيك
    وكبة نية
    البيتزا بكل مناسبة بعملها يمكن ماأعمل منها هالمرة
    هالقائمة طبعا مسودة بس مالي عرفانة شو أعمل نوع حلويات لازم أعمل ولو نوع عالأليلة
    يلا عبستنى الرد هاد أول عيد ميلاد لبنتي ومعبوطة شوي من شان هيك عبنقي أكلات ممكن تحضيرن قبل بفترة من شان مايكون الشغل علي بيوم واحد
    طولت كتير حاج

  20. منى 4 July 2010

    افكارك كتير منيحة , بس نصيحة ابدا لا تجربي شي جديد لعزيمة , شو ما كنتي بتثقي بصاحبة الوصفة , ممكن ما تكون على زووءك

    ممكن تروحي للبوفيهات الي اعملها و تشوفي شوية افكار

    في فطيرة الشاورما بتطلع خيلة و الكل بدون استثناء بتعجبه

    اذا بتطلع البيتزا منيحة معك عيديها لان كتير مناسبة للمناسبة و كطبق بيحبه الكل

    اذا في قالب بينجح معك عمليه بقالب الكيك الي شكله مستطيل و بعدها زينيه بكريما زهري و رشي عليه سميري , طبعا مع حشوة مرتبه , بيطلع معك كاتو على شكل رقم واحد , مناسب كتير و تكلفته بسيطة و بيكون حديث الكل ;)

    اذا عجبتك الفكرة ممكن اعطيكي تفاصيل اكتر عن الوصفة

  21. violet 5 July 2010

    هلأ حلوة كتير فكرة كاتو برقم واحد بس المشكلة انو ماعندي قالب مستطيل ولا بعرف حدا من العيلة عندو هيك قالب وبعرف جوزي مارح يشتريلي
    اليوم خطرلي أعمل بتيفور على ايدي
    مرة دقت منو عند رفيقتي جد كان كتير لذيذ وشكلو شهي
    رح روح هلأ عالبوفيهات تبعاتك وشوف

  22. منى 5 July 2010

    يلا

  23. violet 5 July 2010

    بس معلش باخد التفاصيل المهم فيه لون زهري

  24. منى 5 July 2010

    حضري قالب كيك و اقسميه بالنص و حضري كريم باتيسير و هي موجودة بالموقع او كريم موسلين , موجودة كمان في وصفة الكريم باتيسير , قسمس القالب لنصين او تلات اقسام و احشيه بالكريما و بعدها جيبي كريما دانيا خفقيها مع تلات ارباع كوب حليب بارد كتير و بس ما جهزت ضيفي نقطة او تنتين من ملون غذائي احمر بتلاقيها صارت زهرية , مديها على القالب و زينيها كيف ما بتحبي , خطيرررة

  25. violet 5 July 2010

    ماموجود هون بالموقع ؟؟؟
    يعني الكريم باتيسير هو اللي بدي احشي فيه الكاتو
    يسلمو ايديكي

  26. violet 5 July 2010

    مالقيت وصفة الكريم ممكن الرابط

  27. منى 6 July 2010

    هون [URL=http://www.l2ma.com/content/view/606/2/]الوصفة[/URL] :)

  28. violet 6 July 2010

    بس يمكن ماجاوبتين
    هلأ للعجينة مو بتصير عجينة الأوزي ؟؟؟

  29. violet 6 July 2010

    بدي أعزبك معي كتير العما شو نقاقة
    هلأ شوفي بالنسبة للجبنة كيف فهمتن
    جبنة بشر = جبنة قشقوان موزاريلا
    جبنة = الجبنة البيضا العادية اللي بناكلها بحلب فهمتي علي أكيد بس هي بدها بشر كمان كيف بدنا نحطا مابتعطي طعمة غريبة
    وقطع الجبنة = جبنة كريما متل لافاش كيري بالكاسة أو كرفت أوبوك ..الخ
    بالنسبة للفروج طبعا أنا مابجيب فروجة كاملة بحياتي ماعملتا بقلو لزوجي مثلا بدي كيلو صدورة مشفاي أو كيلو فخدات غير هيك مستحيل
    فكيف من شان المقادير ان شالله تكوني فهمتي علي
    وآخر شي هي البازيلا اللي بالفريزا كمان بدها سلق ولا بينفع نحطها على حالا
    تذكرت شغلة كمان لما بدنا نلف هالأصابيع مابدو نسكر تما من فوق ومن تحت يعني متل اليبرقه ؟؟؟
    يسلمو كتير عزبتك معي

  30. violet 11 July 2010

    :zzz
    الظاهر فعلا هلكتك :x

  31. violet 15 July 2010

    ياستي أخيرا جربتا وعملتا متل مافهمت بس زوجي كتييييييييييييييير عجبته وحبا كتير ماتوقعت تعجبه لهاالدرجة لأنو عقولة اختي مابيعجبه العجب
    يسلمو كتير ورح أعمل منها بعيد ميلاد بنتي ان شاء الله

  32. منى 18 July 2010

    هلا فيك اختي :)

    انا كنت مسافرة لهيك اتاخرت بالرد , لا هلكتيني و لا شي :zzz

    بالاول صحتين و هنا على البك و الحمد لله انها عجبتكم و شكرا كتير لندوشة صاحبة الوصفة

    الجبنة بهل الوصفة جبنة مونزاريلا او ممكن قشقوان و الجبنة التانية هي الافاش كيري او غيرها و نفسها منستعملها للتلزيق , يعني ما في جبنتان البيضا العادية هون

    العجينة المستعملة هون غير عجينة الاوزي , منستعمل الرقائق العادية كل رقاقة لحالها , اما الاوزي فبتكون عدة رقائق فوق بعض و متل البقلاوة

    المقادير تقريبا 4 أو 5 كوب من صدر الدجاج المشفى و المسلوق

    البازلا اذا مسلقة ما بقى بدها سلق , حسب كيف انتي شايلة البازلا

    الرقائق منلفها متل اليبرقة تمام و بعدها نلزقها بالجبنة و بس

    مرة تانية هنا و عوافي و حة ;)

  33. ام شهلا 28 March 2012

    هي الاكلة في واحد زعلان منا كتير اسمو ريجيمي لانو حكمت عليه بالاعدام اصلا الموقع كلو متامر على الريجيم
    وليي ماعم احسن اتخيل كيف عم اكلها صحي بدا شغل بس اللقمة الطيبة بتستاااهل تعب

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)